Aidan Cafe (Kam Shan Building) (Closed)

朋友話好好好耐無食過韓國野 所以今晚決定整個「韓國夜」好彩今日早放 可以早到 等左一陣就可以入座😚😚😚韓國又點少得食炸雞呀呢度可以叫半份或者1份由於我地兩個仲想食更多野所以今次叫左半份 都有4件架！蜂蜜提子脆米炸雞（好貼心俾埋手套）雞上鋪滿脆米 連埋蜜糖加提子乾 甜甜地咁食又好鬼夾！咬落去 雞肉好滑又juicy炸粉一點都唔厚海鮮炒淮山麵好大份呀！海鮮好足料 有蝦、青口、魷魚等我建議將整盤先攪拌食用 因為可以令菜和蟹籽均勻 咁樣每食一啖都可以食埋其他配料面條好特別 好幼身 我自己第一次食呢一種面質由於汁太多 每一淡都可以食到好濃厚既汁韓式煎雜菜蝦餅入面有齊洋蔥、紅蘿蔔絲、椰菜、蝦我地自己將佢分成6份然後每一份都配上小小嘅泡菜令到每一件蝦餅更加香 今晚兩個人食唔到太多野 希望下次嚟到可以一大班人試到更多其他菜式同埋甜品🤤🤤少少建議如果想食到呢一間嘅~記得真係要早啲嚟啦~如果唔係真係要等位等好耐…Read More

成日都經過觀塘個間小火焰，今日經開大圍先知原來都開左分店！天氣凍凍地唔知點解都想成炸雞！呢日星期六晚去到 都幾多人 不過唔洗等Menu都有2人餐 （明洞、弦大餐）不過想試多D其他野 就簡咗散嗌當然有叫到炸雞～兩個人食就叫左芝味炸雞（半份），d 肉質勁嫩，有芝士粉同芝士醬～真係好「芝」味！之後仲叫左韓式蟹籽卷蛋（$98）有好多蟹籽 同有6舊 份量都好多 自己都忍唔住食左4舊！！仲有埋沙津菜tim 另外見到好多人都推介韓式煎雜菜蝦餅($88) 食落真係幾有韓式風味 配埋泡菜辣辣地 幾開胃 但食完煎味又唔會太油膩下次再經開大圍都會再試埋個甜品同雪花冰！…Read More

平時經過呢間韓國餐廳都見到有人等位，就知食物應該唔錯，今日終於黎試吓先。食物選擇都幾多，價錢也合理。香芒炸雞沙律 :炸雞配沙律好特別比較少有，其實兩者係好好既配搭，感覺清新啲冇咁熱氣，配合新鮮香芒仲好fresh ! 同店員講朋友怕辣所以幫我地將炸雞既甜辣醬另上，非常細心，但其實甜辣醬唔太辣仲覺得好惹味。韓式煎雜菜蝦餅: 似中式茶樓飲茶的煎薄罉，韓式既用上好多不同配料，蔥段、洋蔥、鮮蝦同泡菜。蝦餅煎到香脆可口，是必食推介。…Read More

餐廳都多人排，我見佢仲有App，常食有Discount 👍🏻🥗 吹脹水牛芝士牛肉野菌沙律 $126 個芝士波幾過癮，要篤爆佢；而因為吹脹左，所以會煙韌一啲。另外牛肉係用牛筋腱，啲腱都幾明顯，一啲都唔柴👍🏻🍜 魷魚水冷麵 $68 每次去韓國必食😋夏天食就一流，啲湯冰冰涼涼、酸酸地幾開胃，麵又煙韌🫓 韓式煎雜菜蝦餅 $78 本身以為會好似茶樓嗰啲薄餅，但一食上去就好清楚完全唔同；佢既餅底加埋菜就香啲，而且真係有好多大粒既蝦，而只要咩都加泡菜，真係點都好味。🍧草莓 3.6 牛乳雪花冰 $78最後係緊係女人既主菜！雪花冰啦，好難做到失望，雪糕係曲奇，上面又加啲脆脆，一次過配埋軟棉棉既雪花冰! 無得輸…Read More

大圍又有新餐廳，今次呢間開正係大街既韓國餐廳，呢日午飯時間門口大排長龍，望望餐牌全部幾十蚊個餐又有咁多選擇，一試無妨。.▪️豬五花炒粉絲$62六-七片豬五花腩片用韓式辣醬醃左之後炒粗粉絲，加上大量雜菜(翠玉瓜 椰菜 紅蘿蔔 洋蔥) 。配料夠大之餘粉絲入味又淋身，不錯不錯😍.▪️ 卡邦尼小杯年糕（Lunch+$10)小食加$10就有 睇落細細盆咁 食落去都有成10幾舊 卡邦尼奶味相對比較重👍🏻.▪️原味炸雞$158想食有骨炸雞 但Lunch Menu無得擇 原來叫一份炸雞都只係$158 裡面仲有好多雞上髀🙈 雞肉超好食😍😍炸粉夠薄得黎 雞味好濃 加埋兩個好好食既韓國炸雞特色醬汁😉.▪️ 韓式煎雜菜蝦餅$78呢個類似泡菜煎餅既蝦餅，蝦同泡菜係放晒係中間，之後成塊餅就係煎餅加羽衣甘蘭同紫洋蔥🧅個人就覺得可以再煎脆D會更好食 而家就淋淋地咁既口感。.Lunch Set會跟杯飲品就擇左「熱蜂蜜生薑茶」唔使加錢，大部分午餐都真係幾抵食，都係$70蚊左右，午餐又唔使加一，所以等位都等左成20分鐘😅性價比都算幾高👌🏻…Read More