Guts Restaurant

坐落於屯門青善街28號康景花園的「吉氏」，初次到訪，的確不太好找。它如同隱世的秘境，稍微隱蔽，但絕對值得探訪。餐廳的裝修簡約，卻散發出古老歐式的魅力，讓人不自覺地被吸引。店主的熱情好客，讓人感覺十分舒適。是日餐湯配麵包這碗忌廉蘑菇湯的色澤深邃，其細緻的口感加上淡淡的忌廉香，每一口都充滿了濃厚的蘑菇風味，與香酥的麵包相得益彰，為接下來的美食鋪路。青口配白酒忌廉汁新鮮的青口煮得恰到好處，肉質鮮嫩、酥滑。白酒忌廉汁中的酒香微妙且迷人，與青口結合時，如詩如畫的美味。而那白酒忌廉汁點綴在麵包上，更是令人回味。西班牙燒乳豬配薯蓉及燴皺紋椰菜乳豬外皮烤得金黄酥脆，而肉質鮮嫩且多汁。與之搭配的薯蓉滑膩，一起入口則是完美的口感對比。再加上燴皺紋椰菜的酸甜滋味， 夾雜着煙肉碎， 鹹香惹味，使整體更具層次感，令人食指大動。巴伐洛娃蛋白餅它甜而不膩，蛋白餅外層微微脆口，內裡則是綿軟如雲，與百香果的酸味完美地中和，讓人一試難忘，為整餐劃上完美的句號。Sangira white清爽中帶有一絲果香的Sangira white，不僅能舒緩口腔的油膩感，其微微的氣泡感也讓人心情愉悅。輕喝一口，宛如置身於西班牙的夏夜。雖然「吉氏」的位置略微隱蔽，但這次的餐飲體驗確實值得。不僅食物美味，環境與店主的熱情也讓人留下深刻的印象。期待下一次的探訪，再次品味那隱藏在城市中的美食。…Read More

屯門最近新開左間西餐廳，餐廳係由中上環廚師主理，以夫妻檔形式經營。第一次去食，聽老闆娘介紹嗌咗以下食物，質素唔錯。是日餐湯配麵包 $35當日餐湯係粟米湯🌽，老闆用新鮮粟米打成湯，栗米味非常香甜濃郁，濃稠度剛好，每啖都好似食緊香甜嘅粟米咁🤤。老闆娘話有時餐湯會係蕃茄湯🍅、南瓜湯🎃，等下次嚟再試吓先～ 麵包係老闆每日新鮮製造🥖，外層脆口，內層鬆軟，搽上幼滑既牛油🧈，好好食！青口配白酒忌廉汁 $148青口新鮮嫩滑配埋creamy既白酒忌廉汁🥣，👦🏻👧🏻一口接一口咁好快清哂😋 老闆娘建議我哋可以將麵包沾上白酒忌廉汁食，果然味道真係超級夾😍！西班牙燒乳豬 $218乳豬皮燒得非常香脆🐷，肉質嫩滑。伴碟既薯蓉質地打得creamy🥔，食落香滑重忌廉香味。巴伐洛娃蛋白餅 $78呢個甜品係出面未見過，上層係忌廉，下層係蛋白餅同雪糕，配上百香果醬。蛋白餅脆身加埋百香果醬，中和咗甜度。再加埋上面既生果🍓🫐🥝一齊食，口感好豐富👏🏻。📍 吉氏 (屯門)屯門青善街28號康景花園地下1號舖…Read More

呢日去完fitness centre運動，朋友話車我喺屯門附近食dinner, 順便試下就近有間佢推薦嘅甜品，最後我地揀左間餐廳隔離就已經有得泊車，勁方便，食物質素仲意外地驚喜😍所以都想推介下D 鍾意飲酒，或者有揸車，或帶小狗的朋友來chill 下~~重點係，佢地有蠔食，仲超鮮甜♥️♥️♥️♥️餐廳由廚師同埋老闆娘夫妻檔主理（吉氏夫婦）誠意真心推介🍽️Stater 有🦪法國Taylie Oyster 🦪$48 per one, 我同朋友一人一大隻，非常鮮美，十分難忘，再配埋老闆娘推介嘅Sileni 白酒🍾簡直係絕配，令蠔嘅鮮味再度提升，在口裡的層次好豐富，呢個組合係必須要試，鍾意食蠔嘅我，真係覺得好有驚喜很滿足，因為蠔嘅質素很高，食過好多酒店或蠔吧，都未必有呢個質素。老闆娘介紹嘅白酒，更加係要推介，因為易入口之餘，酒嘅香氣，層次同變化，令我覺得食物層次一再提升，呢一晚，本來打算來屯門試甜品，結果試左咁很有驚喜的西餐廳，唔洗出九龍或過海食都有咁高質素，我轉個頭都推介左俾住屯門嘅朋友😆餐前湯同麵都要一提，其實一咬落口，已經知道同一般西餐嘅麵包有些分別，一般嗰D 係比較乾+硬身，焗完就都會有d硬，後來同老闆娘傾開偈，先知道原來麵包係佢地自家製，難怪食落去外脆內軟，同埋比較健康的感覺，配埋南瓜湯，簡直開了我的胃，好鍾意南瓜湯嗰種濃稠的感覺，想再飲多一碗😆我地仲試咗青口配白酒忌廉汁（$148),呢間真係我食過數一數二好食嘅青口，夠鮮美，廚師調校嘅白汁超smooth, 食到青口嘅鮮味之外，配埋個白汁剛剛好，個擺盤好靚，但我已經忍唔住一隻以一隻擺落口，再配埋呢支Sileni 白酒，再次衝擊味蕾😍Main course 我地試咗西班牙燒乳豬配薯蓉及燴椰菜（$218)同埋蒜片橄欖油意粉（$168). 乳豬皮好薄脆，肉質很軟綿，入口食到乳豬嘅脆，但肉又不會乾和鞋，真係廚師又一傑作♥️♥️♥️我好滿意side dish 薯蓉同埋燴椰菜，份量同味道調校得恰到好處，一般餐廳配鹹酸菜我未必想食，但廚師自己調教呢個醬汁燴椰菜，勁舒服，配埋乳豬一齊食好解膩😍實在太有質素, 簡單一個橄欖油蒜片意粉，都煮得出神入化，意粉夠香口，軟硬適中👍👍👍完全睇得出廚師嘅功架。最後到甜品，我哋最後冇去到甜品店食，因為呢間餐廳太有心思，同朋友試埋PAVLOVA(巴伐洛娃蛋白餅$78),為呢個dinner 劃上完美句號♥️ 蛋白餅外型勁吸引，層次分明，配以cream, 雪糕，以及熱情果汁，多種新鮮生果配埋一齊食，口感真係好豐富，有種意猶未盡的感覺。下次要過來試下威靈頓牛😍開左支Sileni($368), 可以嘆足全晚，坐到打烊都未想離開，廚師（餐廳老闆）都有出嚟同我哋傾吓偈，舖面嘅裝横好有特色同風情，加晒分，鍾意飲酒嘅朋友可以約同三五知己坐低傾下偈，食下好野♥️夠晒chill~~咁有質素嘅餐廳真係啱晒我呢啲鍾意食好西嘅人♥️…Read More