蓮香樓 (Changed Hand) New Restaurant

今日同屋企人食飯 慶祝一位親戚既生日老一輩最愛就係到茶樓慶生 今次就搵黎蓮香依間老式茶樓 食返個啲老式既菜式我地一家一早已經訂枱 而且預訂了幾款小菜 就係霸王鴨 釀鯪魚 同埋 西米布甸霸王鴨非常既淋 入面包住既其實都係八寶材料 用湯匙一挖就爛 完全唔洗用力 而且早就已經去哂骨 依啲古老既菜式真係唔係度度都有啦 工序之多之複雜 真係要黎依啲地方先食到霸王鴨的醬汁好濃 令到隻鴨都好入味第二碟就係釀鯪魚 老豆話我太公果時成日整依味餸比佢食喎 已經好耐無食過 而我就更加聽都未聽過啦鯪魚先起肉 變成鯪魚膠 再放返入去條鯪魚入面炸 又係一碟好複雜既餸菜 但味道上就無咩話好特別 因為真係比較普通既炸鯪魚球囉第三碟係魚腸蛋 但由於我唔食魚腸啦 所以無食到 但睇落啲蛋好滑 而且好特別既一碟餸士甜品係特色既西米布甸 我就真係未見過依種中式既焗西米布甸啦 入面仲有蓮蓉tim 味道較甜 但一粒粒日西米都仲係度 非常特別。

本來諗住去食法國私房菜，人家包左場，就轉左過黎蓮香，貪佢都係可以自攜紅酒免收開瓶費 book左位7:30pm，都要等到7:50pm先可以入座，一晚可以做到2-3輪枱，真犀利!!book枱時已經order左霸王鴨(煮到連骨都可以吞埋)、炆班翅(我個fd以為我叫魚翅食=.=")、冬瓜盅(無味精、好好飲) & 布甸(低層有花生糊味，正)，坐定定8pm叫餸時，焗魚腸 同 聖子都售罄了，真係太好生意，激死 各位，如果下次想食d乜野，都要預早order定啊!!我地一行十人，估唔到有一半人未曾來過蓮香飲茶食飯，真的嗎，"和bu生先"??

上星期打波後跟波友再去蓮香吃晚飯，為免吃不到心頭好菜式，在致電訂檯時已預留了霸王鴨、冬瓜盅及荷葉飯，於預訂時閒抵達後等了幾分鐘便可入座，我們這天一行六人，侍應安排我們坐一張八人檯，坐位頗鬆動還有位置放球拍及球袋。 先開了一壺普洱茶再點其餘菜式，由於我巳預訂了三味菜，所以其餘留侍A姐發辦，最後我們吃了以下幾道菜:1. 霸王鴨 (限量版必須預留)- 味道依然保持水準，材料豐富，今日的鸭較上次大了一碼，入口有濃烈的陳皮香味和淡淡的蓮子味，鸭殼連骨頭都煑到軟淋淋，一啖一件非常容易入口又唔怕哽骨。2. 冬瓜盅 (限量版必須預留)- 這個是因應人數預訂了一個較小的冬瓜盅，材料有鮮蝦、金革火腿、瘦肉、蓮子、夜香花、冬菇等材料，份量足夠每人最少兩碗湯，蓮子已去芯所以湯水不會有苦澀味，湯水清甜實在是消暑佳品，瓜身斥包着錫箔紙，看瓜肉的狀態看來是傅统原盅燉的造法，比較入味，不像一般酒家的慳功夫的放水燈冬瓜盅，先煲好湯再倒入雕了花的冬瓜盅上枱。3. 荷葉飯 - 很大的一包荷葉飯，份量足夠六人享用，没有 KC 所述那麽濕身，飯身乾又不油膩，飯内有很多只大蝦、蛋花和冬菇絲，飯粒帶淡淡的荷香味，比白飯更