Mak Man Kee Noodle Shop

星期天和老公選擇了想食清淡一點的麥文記。之前下午來的時候發現大排長龍，所以我們試星期天晚上六點來，就即刻有位了！我們首先點了一碗雲吞麵和水餃麵，裏面的蝦非常彈牙！之後因為比較細碗，所以我們各自再點了南乳豬手湯麵和牛腩湯河。老公說下次來一定要記住點牛腩因為實在非常入味。當我們七點離開的時候就發現外面大約有十個人在排隊。裏面的客有外國人和遊客。…Read More

好味指數😋😋😋😋回頭指數 ⭐️⭐️⭐️⭐️開心指數🤗🤗🤗同朋友食飯，大家好多時都諗到國際美食，或者打卡靚餐廳，基本上好少會諗到去要人肉排隊，食完要即走嘅地方食嘢。3個朋友約食飯，大家諗緊想食咩，完全估唔到一個20出頭嘅朋友竟然話想食雲吞麵，跟住佢決定食呢間，我其實唔係冇食過，不過完全諗唔到上一次食係幾時，冇去係因為我個人唔太鍾意要快D 食完就走人，唔想食得咁有壓力～🍴上湯雲吞麵（$45）麵唔大碗，雲吞放響底，上面係麵。麵的確非常彈牙，完全冇鹼水味，雲吞大大粒，入面有一隻大蝦，蝦肉爽口，個雲吞皮好滑，湯底鮮甜，好味！🍴鮮蝦水餃（$50）因為我想試，所以叫咗一碗凈水餃 share，水餃湯底同雲吞麵一樣，水餃皮都係好滑，餡料比例唔錯，幾好食！其實食完個胃有D 空虛，如果只食一碗麵就會更空虛～ 另外，的確係要人肉排隊，我哋3個人，其中一個朋友遲到，我哋已經等到差唔多先排隊，輪到我哋時，朋友都未到，當然佢俾嘅就照入座，店內環境係擠迫，店家俾咗卡位我哋，我同另一朋友打對面坐，冇耐已經聽到有店員對話，大概係兩個人坐咗4人檯咁，佢哋冇打擾我哋，不過就係我之前所講，坐得唔太舒服，食完好走嘅感覺唔太係我想要嘅進食體驗，不過間唔中快閃食都冇話唔得嘅，佢嘅雲吞麵真係好食嘅～…Read More

同朋友去佐敦行街，行到去白加士街，成街都係餐廳。但係今日想食得簡單啲，就去咗麥文記食雲吞麵。另一個原因當然係門口有米芝蓮推介。- 雲吞麵 ($40)最傳統既雲吞麵，一定要食。隻隻雲吞都有大大粒蝦，爽口彈牙，同平時食既，真係有分別。(麵係上面，雲吞放底，影相先至撈起)湯底都好好飲，味道香濃，配雲吞麵一流。- 南乳豬手麵 ($58)南乳味好重，豬手有4大舊，軟淋淋，又夠入味。一定要食撈麵，先可以食曬南乳汁既味，超正。- 菜芯 + 蠔油 ($26 + $1)蠔油分上，要加$1，不過值得加，鮮味十足。菜芯唔老，配蠔油，好好食。最後可以睇下張單，估下啲縮寫代表乜野。…Read More

[ Mak Man Kee Noodle 麥文記麵家 | 佐敦 ]60 years and counting. This old-school wonton noodle shop keeps its roots with their pure shrimp wonton that used tiger shrimp. The owner is the only chef and cooks every single dish from his little corner. I got here at 11:55am and was lucky to get a seat as 12 is when the queue start forming. I ordered their wonton noodles with chinese broccoli (gai lan) and flowering chives. Both took longer than expected (10 minutes) but at least freshness is guaranteed. —— —— 上湯雲吞麵 Tiger Prawn wonton noodles in soup $45 The wonton noodles are springy without much taste themselves so it tastes best after a long soak in the broth. Broth is insanely rich and flavorful whilst still clear and doesn’t make you thirsty afterwards. Wontons themselves were definitely the best. Silky smooth wrappers with generous filling including very plump pieces of tiger prawns in each. This noodle bowl came with 4 pieces and ordering plain wontons comes with 8 pieces for $50. Portion of noodles is surprisingly filling given the small bowl but may not be enough for people with big appetites. —— —— 芥蘭 $26 + 蠔油 $1 The gai lan is very fresh with a thick crunchy stem and very smooth, tender leaves. They cover this in a simple sauce of soy and oil to maintain the glossy appearance. Did not like that the oyster sauce is an add-on as it should be included in the already high price. Portion is good for one. 韭菜花 $26These chive flowers were also very fresh. Crunchy but softer and way sweeter than regular chives. I prefer this over the gai lan as it’s easier to eat and tastes better. —— —— 推介 🙆🏻‍♀️💬 Overall, great local HK food that attracts many tourists and locals alike. But there is fast turnover so queue does move fast. The only downside is the price which is quite high for such simple, local dishes.Overall, 🗓 Revisit? ✅ ⭕️/ ❎ …Read More

星期日 起身想食雲吞面跟住12點幾就過佐敦麥文記到我地揸車過去。。附近幾條街都冇晒街泊。。最後去左個要入lift既停車場。泊底後就行番過隔離街。。原途都有幾間餐廳。。其中一間澳牛都仲好多人排隊。前少少有麥un記。跟住就麥文記。去到前面都有6，7個人排緊。。不過都好快到我地2個。入到去要同人搭枱。。因為都真係幾滿。我地2個人點左2碗雲吞面同一碟豬手撈面雲吞好好味。。好彈牙。食落好香口。面質地都唔錯。。唔會淋patpat。豬手撈面。。豬 都好食 。。但我覺得雲吞出色d好耐都冇飲過支裝可樂。。。支裝感覺就係好飲d總括黎講都好食。。但份量就少d..如果唔係叫多碟豬手撈。。我地2個一人一碗雲吞面一定係唔夠飽。2人食共 $174…Read More

出色既世一雲吞麵經過佐敦必食-麥文記1. 雲吞麵 $54看似簡單的一碗麵，但要做到麵質唔會有鹼水味，而且麵質有香濃既蛋味同彈牙既口感就唔係間間做到，至於蝦🦐既用料十足，蝦肉非常爽口新鮮，雲吞皮薄身，所以麥文記真係數一數二好食既雲吞麵！ 街坊個個都必食！麵既份量雖然少但雲吞麵有4粒😍😍😍雖然已經係由創辦人第二代接棒，但仍能保留著香港傳統既味道之餘仍能夠一直保持食物既水準質素，果然名不虛傳！ 推薦大家😋😋…Read More

早排食澳牛見到呢間雲吞麵排哂隊，好奇心驅使之下，今日特登嚟試試佢真身。係門口都排左8分鐘先入到去，坐低叫左一碗細蓉，一碟菜心加支可樂。啲雲吞大大粒，鮮蝦肉都彈牙，豬肉味道都調配得幾好，啲麵食落明顯同連鎖店唔同，好好食。菜心蠔油要加$1，老實講個人係唔係太食得出蠔油同出邊嘅分別係邊到。不過菜心都靚仔，一啲都唔老，煮既時間岩岩好。總結來講，我覺得中意食雲吞麵既，呢間絕對值得一試，下次嚟會想試埋個豬手麵。…Read More

被電視的賣相吸引後，來一試。行到附近發現一條長龍，原以為太多人及排太久的話要轉場，結果行前少少，發現原來有2條排隊的。幸運地是較短的龍才是，有機會試食了。門外等候期間可以睇睇餐牌，多國語言，但字太細。在門外的姐姐作分流及告知座位後，店家每桌餐牌都係上牆的。叫了2款試，一款是雲吞麵，另一款是炸醬麵。炸醬麵的湯是另上的，可以撈麵/湯麵食2款不同的。雲吞麵有4粒雲吞，全是蝦肉，好味食完後沒有口乾的感覺，之後可以繼續來幫襯及試其他款。…Read More

星期三晚上7點半上完堂，又係自己一個，就隨便搵下野食算，最後黎到e到，叫左碗上湯雲吞麵， 承惠36元冇加一。吾洗等位，雲吞麵好快送上，就甘睇都吾大碗，係比飯碗大小小，但細過湯碗。 雲吞係鮮蝦雲吞，有4粒，係碗底，皮好薄，蝦都彈牙。 生麵都冇鹼水味，好彈牙， 調味料就擺咗喺枱側邊，我就中意點醋食。我係細食人黎，而且本身吾係好餓，所以我夠飽，但我覺得其他人就未必夠，應該要加多碗或者加碟菜。 由入去到食完出嚟，都只係十五分鐘ge事。btw,喱間都算多人，隔離仲有間雲吞麵我見到得一個人🙈…Read More

佐敦麥文記麵家，屹立在澳牛旁邊，只此一家，店面雖小，卻蘊含長達60多年歷史，遠比連鎖化的麥X好食，米芝蓮都推介。南乳豬手撈麵($54) (8.5/10) 豬手炆得相當軟淋，入口充滿骨膠原嘅膠質，同時不失彈性。南乳汁，比一般麵店做得香濃，豬手完全入味。汁滲入撈麵，啖啖香口。吃到膩，就飲一啖清湯，正。招牌雲吞麵($36) (8/10) 鮮蝦雲吞用料佳，蝦肉新鮮爽口，麵質清爽，湯頭有大地魚同蝦香，總體不錯。韮菜花 ($24+1)(7.5/10)加蠔油要加$1，但一定要加。因為麥文記自家製蠔油，鮮甜味重，鹹味少，別處吃不到，蘸起來令韮菜花更鮮甜可口。不過，菜花冇以前食咁靚，用多咗中段，用少了菜花頭，冇咁爽口清甜。…Read More

剛在附近吃完點東西，感覺沒有太飽的樣子，就在附迎找一下有沒有其他好吃的，結果看到附近有間比較有名的雲吞麵店，剛好來到附近，就決定來試一試！剛過了飯點時間，但發現這間店還是需要排隊的，真的很熱門！上湯雲吞麵（３６元）這裡的雲吞麵是傳統的做法，將雲吞放在麵的底下，比較小的一碗！一開始我便直搗黃龍，直接找一下雲吞是怎樣的，然後發現這裡的雲吞真的很特別，皮超薄的，能輕鬆的看到裡面整個蝦仁，而且蝦仁比平常的都要大，吃起來非常鮮甜彈牙，蝦仁還包裹著小小的豬肉，增加了不少的肉香，但主要的都是蝦仁的香味！麵方面，吃起來非常彈牙，而且沒有鹼水味，這個好評！湯底方面，就應該是大地魚湯，淡淡的清香，又有點蝦的味道，非常鮮甜，我最後都把湯喝光了，難怪加湯要加錢了，因為真的好喝！…Read More

首先，外賣是湯麵分開的。不怕麵浸到發脹。蝦，爽口彈牙。有蝦味。很新鮮的感覺。湯，好飲。真的有上湯的味道。麵，爽口彈牙。但不知是麵餅還是人手揉的。雲吞數量也不少，好像是有4粒以上。三十幾蚊，推薦一試。…Read More

路經佐敦，醒起之前同事有介紹過佐敦麥文記，當然要去一試⋯入到去，店舖係懷舊麵店嘅裝修，以白色為主，十分簡潔。嚟到呢度當然要試下佢嘅招牌 - 雲吞麵，其實佢嘅份量唔算多，但湯底清甜，濃濃大地魚味，亦唔油膩；而麵身，真係非常彈牙爽口，沒有一點鹼水味，簡直係Perfect👍🏻講返主角 - 雲吞，呢度嘅雲吞係全蝦雲吞，而且用料新鮮，食出蝦嘅鮮味。雖然以呢個份量，價錢唔算平，但一份傳統嘅味道，豈能以價錢嚟衡量呢😊推薦推薦！…Read More

中午1200去到，隔離澳牛排晒長龍，而麥文記唔洗等位直入。叫完野食等左5分鐘就有得食喇。👍上湯雲吞麵：麵爽無鹼水味，湯底鮮甜雲吞：原隻鮮蝦夠彈牙、雲吞皮薄南乳豬手撈麵：豬手有咬口，南乳夠入味鮮嫩油菜（芥蘭）：翠綠新鮮，少油好食！會回頭…Read More

經常看到媒體報道麥字排頭的雲吞麵是香港特式。未封關以前，路過佐敦麥文記門口總是有長長人龍排隊光顧，所以從未幫襯過。今天下午5点多經過白加士街，原來這里有麥文記和麥奀記二家麥字麵店，二家也沒人排隊，看看兩家舖面，麥文記食客比較多，門囗玻璃也貼上連續三年的米芝蓮榮譽，便進去吃碗雲吞麵。下單後，三分鐘雲吞麵上桌，散發出很香的韮黃氣味。看上去湯色金黃，但顏色有點深，幼麵很挺身放在雲吞上，綴上幾條韮黃。先喝口湯，口腔充滿了蝦子大地魚味道，很鮮濃。一碗4粒全蝦雲吞加入大地魚粉，蝦爽，好像沒有一点肉的。麵很Q彈，有嚼勁，沒有梘水味，可見師傅淥麵的手藝高超。感覺這碗麵，湯第一，麵次之，然後才是雲吞。下次再來便要嘗試另外的麥奀了。…Read More