Cafe Lagoon

有海鮮，不過普普通通，冇乜特別大致上都ok，味道平均價錢方面都可以餐飲無限添飲有茶和咖啡外面有BBQ咁啱想食BBQ住喺附近可以游完水就去食自助餐侍應服務態度ok…Read More

自助餐大家吃得多，但明火燒烤；炭火烤鴨、羊架、豬扒、雞翼、海蝦等，就並不多見；惟有在開放的空間才能享受這種樂趣，而這裡便是其中的選擇。首先介紹一下價錢吧！晚餐供應時間，星期一至日 18:30-21:30 。價錢：星期一至五: 成人$598 / 小童$358 / 長者$458 星期六、日、公衆假期及其前夕: 成人$658 / 小童$398 / 長者$498 *另收加一服務費。*供應期: 即日至2019年10月13日 以上優惠不適用於部份指定日子。網上預訂優惠：最少兩天前透過網上預訂系統訂座及繳付全數，即可享高達7折*優惠。兌換方法：列印優惠券並於用餐前向餐廳店員出示列印本*只適用於每台最多 12 位客人一般自助餐的內容也一點不缺，前菜有多種不同類型，包括：五味子鴨舌、五味子豬耳、五味子和牛頰肉、醉雞、蒜泥白肉、陳醋醃白蘿蔔、蜜漬紅棗煙火腿、風乾牛肉、沙樂美腸、意大利火腿、菠蘿火腿、帕爾瑪火腿、紅菜頭三文魚、挪威煙三文魚、荷蘭煙鮫魚、自助沙律區及雜錦芝士拼盤(Emmental, Gruyere, Gouda, Brie, Goat cheese)，才剛開始；當然要留前鬥後。紅菜頭三文魚較少見，配鮮爽的三文魚，估唔到又幾好食喎。冰鎮海鮮有也有八款之多，包括：冰鎮海鮮有紐西蘭青口、青口、翡翠螺、海蝦、雪花蟹腳、波士頓龍蝦、貴妃蟹、白酒煮維納斯紅蜆(配料: 咯嗲汁、泰式辣汁、檸檬角)，這是重點項目之一，平均也鮮嫩美味，尤其是波士頓龍蝦、非常多膏，肉質爽彈，必吃！刺身有八爪魚、帶子、三文魚、吞拿魚、鱆紅魚，可淨食；要有米氣落肚便轉壽司，用的還是日本米，水準自然看高一線！帶子鮮甜又啖啖肉，至啱我心水。炭火燒烤可選雞翼、豬頸肉、越南大頭蝦、雜錦沙嗲、琵琶鴨、羊架；香蕉都得㗎。友人等呀等，終於等來了一隻燒鴨肶，色澤金黃、皮脆肉嫩、油潤香濃，辛苦等待完全是值得的！燒雞翼，我鍾.........意食，未吃巳漂來陣陣香氣，忍得住至奇，一於加入大隊，乖乖等侍。看著雞翼漸變金黃，脂香撲鼻；一隻當然唔夠喉，實行要「起雙飛」至得啦！越南大頭蝦及燒羊架也是必吃之一，蘸點清新的薄菏醬，多吃兩件羊架也沒有難度。以為燒烤區只有區區款式？其實香煎鵝肝配意大利黑醋及紅莓、天婦羅(蝦, 軟殼蟹, 蕃薯, 南瓜)、蒜茸粉絲蒸扇貝、章魚小丸子都等緊你㗎。吃到嘴軟時便覺口渴，除汽水、熱啡茶、凍檸茶檸水外，還有啤酒及黑啤，且可無限量添飲，太爽了；食燒烤、飲啤酒是常識吧？熱葷的陣容也不能小窺，計有：焗比目魚三文魚卷、黑椒牛仔骨、香煎味噌鰽魚、香煎鴨胸配紅椰菜、番茄芝士藍青口、炸魚粒配香橙文厘汁、炸蝦春捲、泰式蝦餅、香脆歐鰈魚柳配芒果他他汁、白酒煮維納斯紅蜆、挪威煙三文魚、清酒煮藍青口、香草烤雜菜、茄汁海鮮意粉、清酒煮藍青口、波士頓龍蝦米多、蒸點心有三款(蒸蝦餃、蒸燒賣及糯米雞)、清蒸比目魚、海鮮瑤柱炒飯、海味燴椰菜、清蒸原條歐蝶魚、紅燒豆腐.....。印象最深的應是清蒸原條歐蝶魚，肉質嫩滑，記得留意推出的時間呀。另這個番茄芝士藍青口也值得推介，廚師將煲內已煮好的藍青口倒入大大個硬芝士盤內撈勻，添上芝士香，味道更突出，留意呀！喜歡吃雞內臟的朋友，這個粉麵檔就合晒合尺了，有五味子鴨湯麵及雞湯麵，配菜有怡保芽菜、唐生菜、雞紅、雞肝、鴨腸，吃了大大的一碗，內臓好吃不在話下，怡保芽菜的清甜爽口，更叫人一試難忘，不知可否叫一碗浄芽菜呢？又是轉戰甜品的時候了，琳琅滿目的選擇有提拉米蘇、藍莓芝士、士多啤梨忌廉蛋糕、60%特濃朱古力餅、栗子忌廉餅、焗黃梅撻、青檸批、雜錦迷你泡芙、歌劇院蛋糕、焗柑撻、紅豆綠茶瑞士卷、迷你杯子蛋糕、熱情果芝士餅、布朗尼、果撻、馬卡龍、綠茶意式奶凍杯、綠茶奇亞籽布甸、焦糖布甸杯、木糠布甸杯、朱古力慕絲杯、白酒啫喱、燕窩奶撻、黑白朱古力噴泉、棉花糖、手指餅、迷你泡芙，取了滿滿的兩大碟和友人共享；細細粒容易食，食呀食；也記不起吃了多少轉，只覺相當之飽！今晚的雪糕有Mövenpick及Dreyer's，而且有我最喜歡的雲呢拿口味，如果可以加點威士忌就更正了！本想吃點水果解一解膩，最後都有心無力，只有望的份兒。聆渢咖啡廳地址: 屯門香港青山公路1號香港黃金海岸酒店低層地下電話: 24528448…Read More

自從知道信和會員的優惠，生日月份買一送一，我與老公每年生日必會到這裡食自助餐，再加上信用卡優惠一家四口只是$900，實在是抵食！而且這裡食物選擇多，冷盤包括壽司、刺身、翡翠螺、長腳蟹、蝦、青口等，也有各式沙律，戶外有燒烤食物供選擇，甜品吧放滿了各地特式甜品，令我樣樣也想試。平時食自助餐我對熟食不感興趣，但來到這裡，我看見每樣食品也有衝動想試，而且味道也不錯，所以每年來2次這裡也不會厭。這裡的服務很好，職員有禮，換碟速度快，而且笑容友善。…Read More

因為信和會員生日有買一送一優惠,雖然食過好多次但想近近地就照去一開始當然食海鮮松葉蟹唔錯有鮮味肉彈牙,蝦同翡翠螺都係一般無驚喜酒店送焗嚮螺,賣相靚但食唔出螺肉同甜味有小小蟹肉,都係一般 魚肚羹沙爆魚肚好多大大舊,有粒鵪鶉蛋好奇怪,有粒手指公大嘅鮑魚仔老實講食完都感覺唔到有味,有罐頭蟹肉好難食自己拆好食好多琵琶鴨皮脆肉梅肉冇味,羊扒肉林冇騷味,鐵板虎蝦煎到過左火肉好似食擦子膠蝦味淡燒牛肉唔好彩有根,即炸軟殼蟹天羅婦好好食又脆又唔油膩冇腥味,南瓜太厚唔夠林又唔夠甜,多春魚好腥露荀炒蝦仁唔知咩撻好難食泰式海鮮濕炒河-河粉先用豉油乾炒炒到痴埋晒,再灼熟海鮮同什菜再淋蠔油獻汁,嘩真係難食到呢燕窩蟹粥-當然燕窩係睇到食唔到,蟹係水蟹冇肉食但粥底好香蟹味又鮮甜雪糕迷你版真好甜品時間太多不能盡錄,咁大碟我只食淨朱古力類其他清晒,焦糖燉蛋好好味邪脆蛋香滑細細分熱食果類甜品全部都好食酸酸甜甜好開胃,反而芝士蛋糕同米糠布丁都麻麻地黃金食左好多似,酒店堅持做咩主題都好,戶外食品一成不變,其實整得好食無所謂但又冇改進,可惜屯門只得一間酒店…Read More

今晚食左一餐豐富的自助晚餐。本來以為主題係日，韓，台美食自助晚餐無咩野食，但見到食評講既野，又好似有好多野食咁，今晚終於試到了。由於遲訂位，所以差不多全場滿座，要坐室外座位。天氣有點凍，心諗，坐室外一定好慘啦，點知，又唔係想像中差喎，反而坐室外，可以感受到燒烤氣氛和歌手唱歌，隔離仲有個暖爐㖭，所以唔覺得好凍6:30開始有得食了，真係有很多野食。食長腳蟹先，又有扇貝和凍蝦。有壽司，肥美三文魚和超大巨形帶子，好鮮美呀自己食喎到咁多，因為實在有太多野食了，我要留肚吃其他美食呢。哇，好大隻虎蝦呀，熟食喺燒烤場度攞的，我食左很多隻呀。燒烤場帶很多美食，包括有燒豬，燒魷魚，菜，燒雞奕，燒牛扒，羊扒，海鮮湯 (好足料，材料有大蝦，魷魚，貝殼類海鮮)，窩夫，燕窩雞粥，燒波羅，天婦羅等等，有啲唔記得左了汽水和熱飲任飲，另外本身付每人可以免費order 一杯飲品㖭。熟食種類也很多，數唔晒，我也沒有食太多熟食，因為我主要食燒傷場既野食都已經夠豐富了。室內美食也很多，有韓式炸雞，薯角，豬頸肉，凍螺肉，長腳蟹，扇貝，菜沙律，朱古力噴泉，朱古力，火腿，仲有好多。湯好飲有2款，中湯和忌廉湯甜品種類也很多，幾十款，食唔晒咁多隻㖭雪糕有很多呀，H和M牌子的雪糕，H也有雪條㖭。生果種類都多，有西瓜，蜜瓜，哈蜜瓜，火龍果，燈，士多啤梨，波羅等等。我食到咁上下，已經很飽了，食密很滿足地離開。好彩今次有信和之友優惠，買一送一，今晚正價係$578和要另外加一服務費。今晚全場滿座，歌手有一男一女，主要唱英文兩為主，只聽到一首國語歌，佢地唱得幾好聽，令現場氣氛很好。其實這間酒店既職員都幾快手，職員也很多，以同類酒店來說，這間酒店人手都幾多，單單以燒烤場人數， 都起碼有10個人了，看得出這間酒店很用心，又有歌手唱歌。如果住屯門會比較方便啲，因為這間酒店位置都幾入，住九龍來食的話，可能會覺得遠。如果揸車的話，可以免費泊車，埋單時職員會問你了，真係太好了，又可慳返泊車錢。仲有很多美食, 未能登出…Read More

話說當日, 天文台正懸掛 3 號風球, 橫風橫雨, 天氣惡劣到極點, 但一早已跟餐廳有booking 所以我和太座也冒著風雨照去可也~ 其實本人的親戚在較早之前也曾老顧此店 , 知道其質數有保証 , 且看颱風夜能否保持一向水準 ... Let's go!原來是次自助餐的主題為「海鮮嘉年華自助晚餐」, 我覺得以海鮮作主題是非常切合黃金海岸的 , 因為它的附近是有一個泳灘 ~ 大廚顯示他的廚藝 , 呈獻多道別具風味的海鮮時令美食!走進餐廳時已發覺環境很大 , 擺放食物的地方亦很多 , 可分為冷盤、熱盤、燒烤、甜品、飲品幾大區域 ~燒烤也是 Cafe Lagoon 的重頭戲 , 自己也經常會在廚房煮食 , 知道對著爐頭有幾熱幾辛苦 , 但是這幾位廚師卻每晚要對著明爐炭火燒烤給全場食客 , 他們也是自助餐上的無名英雄 ~ 上圖-右下角: 慢火炭烤 " 參巴醬魔鬼魚 " , 齋聽個名都覺得巴閉 , 睇見口水流 , 滿載東南亞風味 , 必試 ! 超讚!即燒乳豬 , 你見過未 ? 廚師大顯功架 ... 腰馬合一 ! 大佬呀 , 要燒咁多乳豬 , 少啲腰力、手力、定力都唔得呀 ~我 Dog Gor 禁不住要以這班盡心盡力的廚師作為拍攝背景 ~每兩位成人顧客惠顧會奉送珍味海鮮盤!珍味海鮮盤: 薈聚了龍蝦、藍青口、雪花蟹腳、鮑魚仔等豐腴海鮮 , 鮮味滿載 ~夠豪爽 --- 啤酒汽水任飲 ! 務必要令客人飲飽食醉 , 盡慶而歸 !跟本食物多到數之不盡, 吃極也吃不完!! 飽得頂上心口了... 但還有一系列以海洋為主題 , 創製得栩栩如生的甜品要吃~ 當然也少不了大牌子的雪糕!鴨仔果凍, 超級 Kawaii~ 真的不忍心咬下去.... 影就影了很多相片但其實不論鹹或甜都是吃極也吃不完 , 胃只有一個 , 無辦法再塞進去吧, 雖不想認但還須要認... 我的胃被 KO 了 ~…Read More