8 char (Wang Yip South Street)

🛍莎莉終於出現啦！熊妹有幾耐冇見過好朋友莎莉呀？咁耐冇見莎莉，梗係同佢去遠啲地方玩吓啦！元朗夠遠啦掛！同佢飲個茶🍵食個點心🍘，然後再去附近嘅千色匯行吓傾吓偈抖下🗣，絕對係同好朋友一齊的賞心樂事！📌先去咗朗屏行吓，知道有間叫《8號茶居》的點心專門店，價錢幾便宜，一於試吓！📌店舖都幾大，有四人梳化坐卡位🛋，有二人同四人坐嘅木凳位🪑，餐廳感覺好光線，以木係同埋藍色色調為主，感覺好柔和。📌食物都好多款選擇，大路的點心、蒸飯都有齊，有啲款式一蒸兩籠，啱晒二人份量，最特別係有個流心西多士，呢個一定要必試喇。雪山叉燒包， $25熊妹鍾意食叉燒包，因為鍾意食濃味嘅醬汁。雪山叉燒包好大一個，比傳統叉燒包就多一層口感，墨西哥外皮甜甜地好鬆脆，餡料都幾多，甜甜地嘅叉燒醬汁，有粒粒叉燒冇肥肉位。蟹籽燒賣皇， $19燒賣皇后熊妹食點心點會唔點燒賣呀？一籠燒賣有兩大粒，真係超大粒，啖啖肉冇肥豬肉渣，點豉油辣椒油一定一流。鮮蝦菜苗餃， $20比起蝦餃嚟講熊妹更加鍾意食菜苗餃，因為有蝦之餘，仲有一啲菜，好似感覺上清新啲，健康啲。菜苗餃真係超大一隻，好似粉果咁大，入面蝦肉🦐好彈牙，調味好足夠，帶出蝦肉嘅鮮味又能蓋過菜苗嘅草青味🌱，水晶皮超薄，驚夾大力啲都會夾爛，真係皮薄餡靚。老干媽蒸鳳爪， $27莎莉想食鳳爪，《8號茶居》用咗老干媽醬汁調味，味道非常濃郁，鳳爪大大隻，蒸得好淋，醬汁好入味，入口即溶，仲可以咄返骨出嚟，呢個就係食鳳爪嘅滋味。鴛鴦鮮蝦米網腸， $36鴛鴦蝦米網腸幾特別，顏色非常鮮艷，係鮮燈同鮮綠色，表皮腸粉夠薄又嫩滑，內裏網腸好脆口，仲有粒粒蝦米粒，點豉油辣椒油又係味道一流，一碟八件，份量都幾多下。瀑布流心西多士， $31到熊妹最期待嘅點心啦！熊妹不嬲都好好奶黃流心的，鍾意奶黃的奶香同甜味。唔好睇外表平平無奇，嘩！一切開，瀑布嘅奶黃流心真係湧晒出嚟，流心效果做得非常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。到熊常之好，奶黃嘅味道重奶香🥛又唔會好甜，流心嘅質地滲入晒麵包入邊🍞，食落去真係好滋味！呢個咁高卡路里嘅邪惡食物，熊妹都忍唔住食咗大半件。擂沙煎堆仔， $27食咗咁多鹹嘢，食多個甜品煎堆仔真係圓滿結束啦！一疊有三粒，外皮炸得好乾身粒粒芝麻好香，咬落去，外皮夠厚身又軟糯，入邊有黑芝麻醬，同軟糯嘅外皮一齊食，份量剛剛好，映襯返外皮白芝麻粒嘅芝麻香味，呢個煎堆仔都做得幾出色。📌兩個人七款點心，想食嘅全部都試勻晒，真係頂住個大肚腩離開。價錢親民，連茶介每位$6，埋單都唔使$200，環境又闊落，自成一角，最開心可以大聲講大聲笑，就係同好朋友飲茶食點心的樂趣。…Read More

其實呢一間點心鋪已經黎過好多次 好多時夜晚想飲茶都會搭一個站黎到呢到 因為餐廳地點真係好方便 朗屏西鐵站一落黎行兩分鐘就去到 我咁常去係因為我覺得呢一間點心鋪做得最好就係佢餐具同埋枱凳都唔會油淋淋 呢一樣真係好重要可以令到食客食得好安心👍🏻♡雪山叉燒包 $25外皮好脆又夠熱 鬆脆得黎有d甜甜地 叉燒餡都算多 呢個我覺得係必點之選♡蟹籽燒賣皇 $19呢個燒賣係用白色燒賣皮 燒賣比一般坊間既較為大粒 咬落去蝦肉都幾爽口♡山竹牛肉球 $27山竹+牛肉+馬蹄呢個組合真係點樣都咁夾 咬落去有肉感得黎馬蹄又比到個爽口既感覺 加埋喼汁小小酸酸地就更開胃♡老干媽蒸鳳爪 $27真係估唔到咁傳統既蒸鳳爪都可以做到d特別 佢既有一貫蒸鳳爪既醬香味 仲有一股係老干媽獨有既辛香味 原本以為落左老干媽會比較辣 但食落去就唔係好覺好辣♡五柳炸雲吞 $28炸雲吞可以講係我飲茶既最愛 由細細個每次去酒樓飲茶都必點 到大個去飲茶都會叫 呢到個炸雲吞炸得夠脆 亦唔會太油 配埋酸酸甜甜既五柳汁 食完真係超開胃 又可以食多幾個點心♡鴛鴦鮮蝦米網腸 $36呢一個網米腸橙橙綠綠 睇落已經好好賣相 我自己認為呢個可以話係炸兩既升級版 炸既米網係超級鬆脆包住隻蝦 外軟內脆再內軟 就算點唔點豉油都都一樣咁好食♡養顏紅棗糕 $26原本諗緊叫薑汁糕定紅棗糕好 心大心細 最後揀左紅棗糕 因為佢比薑汁糕多一舊 總共有4舊兩個人分就岩岩好 紅棗味都好出 但又唔會太甜 口感黏黏糯糯傳統中式糕點既感覺♡茶位🫖茶 $9/位我地揀左菊花茶 其他茶就只需$6/位另外仲有d優惠套餐都好抵食 仲有燉湯飲 都幾正架💕而且仲有印花卡儲 儲夠可以減錢…Read More

基本上 我地大約1~2星期 就會黎幫襯一次除左貪佢夠就腳，仲因為夠平靚正，有時想飲下湯 佢都有~雪茄春卷 $15/條第一次試呢款, 估唔到咁creative 真係成支雪茄咁上枱 !!!  XDD份量比一般春卷大 ! 春卷皮內, 竟然係白汁海鮮餡 !幾好食~ 覺得有d fusion感覺 ~鴛鴦鮮蝦米網腸 $36每隔一排 就會想食呢款~ 即叫即炸, 皮夠薄包住雙色既香脆米紙, 中心係大大粒蝦仁, 口感豐富 : )想講呢個價錢 真係良心價 ... 整到咁精美咁香脆 仲有成8舊 先$36...雪山叉燒包 $25次次黎都必食 ! 熱辣辣上枱, 外皮一層帶有淡淡奶香包體鬆軟 ~ 整體又唔太油, 真係好好食蟹籽燒賣皇 $19, 鮮蝦菜苗餃 $20兩款都係勁大粒, 入面又有爽口彈牙既蝦肉 ~ 不錯豉椒排骨蒸飯 $45蒸飯又係每次都會叫 ~ 大約有5-6款飯款今日想食 豉椒排骨, 其實佢款款蒸飯 D餸好足料, 飯又軟熟份量係 兩個人分都覺得有D多 : D茶錢 $6/位, 無加一, 今時今日黎講 真心抵 !仲要佢D服務其實唔差, 好主動加茶同收碟所以 呢度繼續會係我倆既飯堂 : )p.s. 今次無叫到, 佢地嘅紅棗糕其實都好好食! 同埋佢地嘅 燉湯都足料架 !仲有好多人會黎食佢地嘅 瀑布西多士 ~ 我都食過一次 係幾好食但實在太邪惡 ! 只可以偶爾叫黎開心下 : D環境都光猛整潔, 最重要都係近西鐵站 !!…Read More

今日主人👩🏼🐯淨係比$200budget叫我諗食咩🤦🏻‍♂️雖然有好多選擇但係呢樣又話唔食果樣又話唔食👍🏻真係麻鬼煩🤐🤐OK好彩我醒目🤔🤔星期日食飯唔想同人逼最好就係去飲茶🍵選擇嘅種類都幾多👩🏼🐯冇詐型🙇🏻‍♂️🙇🏻‍♂️🙇🏻‍♂️但係就冇試佢啲炸物同埋蒸飯今次就少少哋叫左6樣點心黑松露野菌粉果🌟🌟🌟🌟（黑松露味道濃郁，仲有瑤柱添，但個皮稍為淋左啲）8號蝦餃皇🌟🌟🌟🌟（個皮煙韌，鮮蝦彈牙）蟹籽燒賣皇🌟🌟🌟（肉嘅比例比較多）雪山叉燒包🌟🌟🌟🌟（雖然唔係白色面，但係外脆內軟）咖喱蒸土魷🌟🌟🌟（咖喱汁濃郁）鴛鴦鮮蝦網米腸🌟🌟🌟（香脆，但係稍為油左少少，唔係好食得出橙色同綠色嘅分別）回頭率：80%今晚唔使跪玻璃🥰🥰🥰…Read More

元朗性價比高嘅點心專門店，我會揀 "8號茶居"，呢度點心係即叫即蒸，保證新鮮熱辣上枱，點餐後大約15分鐘內就有得食。 新派飲茶食點心餐廳，店內潔淨明亮，一於歎番杯茶，食番一盅兩件。點心選擇種類都多，除點心、有竹筒蒸飯，仲有酸菜魚飯、汽鍋燉湯同糕點。8號蝦餃皇   $19大大隻蝦餃，外皮唔會太厚，餡料飽滿，蝦肉好多，爽口彈牙，鮮甜美味。蟹籽燒賣皇    $18燒賣同樣鮮味，脆脆蟹籽，彈牙爽口墨魚滑，底部係豬肉，肉質嫩滑，經典點心，必食！老干媽蒸鳯爪    $26鳳爪整得好入味，調配醬料恰當，香辣突出，食起嚟軟軟淋淋，膠質感重，醬料入味，好吃。雪山叉燒包   $24即叫即整既雪山叉燒包，大大個好飽滿，面層香脆鬆化，叉燒餡料夠juicy，上枱夠熱。蒜蓉粉絲蒸排骨   $29粒粒蒜蓉鋪係排骨面，而粉絲就吸入晒排骨既肉汁，排骨濃香鮮嫩，好惹味。    懷舊糯米雞    $29依款又係經典港式點心，荷葉既香氣包住特選糯米，嫩滑雞肉、栗子口感綿密、蛋黃鹹香、花生等，多種餡料，扎實口感，提升層次感，重量級嘅滿足。山竹牛肉球    $26山竹牛肉係飲茶時最受歡迎嘅點心，牛肉入口嫩而無渣，肉味濃郁，帶陳皮果香，咀嚼時就更爽脆。…Read More

朗屏站F出口行5分鐘就到，地點非常易搵平日下晝過嚟唔使等位👏🏻環境都非常企理方便點心價錢整體都幾合理，又唔算太貴- 雪山叉燒包 $24 + 鮮蝦菜苗餃 $19兩籠點心都係大大件吃到飽嘅朋友😂餡料好多，菜苗餃皮薄餡靚、蝦彈牙爽口。而叉燒包好鬆脆，一啲都唔油👍🏻大推～- 老干媽蒸鳳爪 $26對於辣度食十小嘅我，呢碟老干媽都幾辣。鳳爪底雖然無花生托住，但有一舊索晒精華嘅豆卜好惹味🤤- 鴛鴦鮮蝦網米腸 $35未食過網米腸，口感幾得意，外皮滑內餡脆，好睇好食- 姬松茸宣骨燉湯 $45飲返碗湯解解油🤪暖下胃咁，燉湯中規中矩，都相當入味，翅骨少啲會更好見主打好似係竹筒飯，但每款點心都大大碟、食得太飽無試到，下次有機會都會再食﹗…Read More

相比傳統茶樓，個人更喜歡呢種專門食點心嘅小店/茶居，除左無分早午晚都可以飲茶外，仲有唔少款式新穎又特別嘅選擇。所以今日就嚟到呢間喺朗屏西鐵站附近嘅茶居試一試😋除咗堂食多人幫襯，眼見附近都唔少街坊嚟買外賣，生意幾唔錯咁～-1️⃣8號蝦餃皇 $192️⃣鵪鶉蛋燒賣 $273️⃣雪山叉燒包 $244️⃣五柳炸雲吞 $265️⃣木魚燒汁茄子 $256️⃣海苔鮮蝦腐皮卷 $287️⃣鴛鴦鮮蝦網米腸 $358️⃣瀑布流沙西多士 $30-蝦餃大大粒超多餡，入口爽口彈牙唔厚皮😋鮮蝦腐皮卷又係包左好多餡條條都脹卜卜，啖啖蝦肉好滿足😍腸粉外軟內脆，滑滑腸粉皮包住中間脆脆加上蝦肉口感特別～綠色版本感覺清新，橙色版本就煙煙韌韌。炸雲吞勁脆！大舊又多餡加埋甜酸醬一流。呢間嘅蝦類點心水準不錯喔🤩茄子大大舊抵食！魚肉彈牙，加埋燒汁同木魚碎係perfect match😚燒賣口感偏實，食得出豬肉同蝦肉，非常足料👍🏻叉燒包唔太甜，酥皮相比同類呢間奶味較重。西多感覺似脆口版奶黃包，炸到脹卜卜軟硬適中唔會太油膩，切開流出大量奶黃好邪惡呀😖-總結：飽到不能再飽連茶錢都係二百蚊左右，點心大大件又足料仲要唔收加一，誠意滿分💯CP值極高❣️…Read More

放假最岩同屋企人去飲茶, 今日去左茶居食, 比一般酒樓款式特別d, 而且有卡位坐, 坐得幾舒服!海苔鮮蝦腐皮卷 $28每條入面都有海苔同蝦仁, 海苔咸咸地, 幾特別!鴛鴦鱗蝦網米腸 $35呢款係一般酒樓唔會食到, 所以叫黎食下!腸粉包住脆網, 脆脆地, 口感幾正!蝦餃皇 $192大粒蝦餃, 皮比較厚身, 但都好有咬口!雪山叉燒包  $24睇個樣白雪雪好似平平無奇, 但係最上面既雪山好鬆化,包都好軟熟, 再加埋叉燒, 好食, 值得提介!香煎黑椒牛肉包 $21咬開會有好重既黑椒味, 呢個包入面無咩汁, 個人覺得比較一般..南瓜籽馬拉糕 $20馬拉糕係傳統用黃糖做個種, 所以好香, 加左南瓜籽有咬口感d, 而且感覺健康d! 鮑汁豬手 $36大約有6-7件豬手, 豬手炆得幾淋, 底下無蘿蔔個d墊住, 感覺幾抵食!因為剛剛去到無咩人, 無諗到食到一半就已經坐滿人!…Read More

近呢幾年已經愈黎愈少去D大型連鎖茶樓飲茶，反而中意幫襯呢D點心小店，因為覺得質素好又足料啲，服務又殷勤👍🏻今日男友放假但我晏畫要返公司，兩條友就係屋企附近食個brunch再分道揚鑣～黎到岩岩過左十一點無左早晨孖寶，不過我地本身都想飲湯，所以叫左個湯飯套餐加三款點心😊⭐牛肉煎蛋竹筒飯，百合蓮子鮮淮山燉螺頭湯，白灼菜心，跟餐甜品桂花糕 (評分: 4/5) 💰8️⃣3️⃣➕💰8️⃣- 燉湯好足料👏味道偏清淡，感覺好養生😂湯水對我地呢啲外食一族真係好重要🙈- 牛肉煎蛋飯嘅牛肉口感似山竹牛肉球，幾彈牙juicy👍我自己好怕食中式蒸飯啲飯太淋變成一pat野，呢度蒸到粒粒分明👏👏- 跟餐甜品桂花糕爆多杞子😂 口感岩岩好軟硬適中，微微清甜😋❤️雪山叉燒包 (評分: 5/5) 💰2️⃣4️⃣上檯時微暖，外層酥脆🤤裡面叉燒鹹甜味適中，唔會太肥，出色！😋⭐鮮蝦菜苗餃 (評分: 4.5/5) 💰1️⃣9️⃣又係勁足料😍蝦肉爽口彈牙，菜苗唔會有生既草青味得黎又唔會熟到淋晒變黃👍唯獨是塊餃皮黏左少少令到夾果陣容易因為痴得太埋而散開😅❤️咖哩蒸土魷 (評分: 5/5) 💰2️⃣8️⃣蒸得岩岩好，魷魚唔會韌，咖哩味都幾香但唔會過鹹，唔錯😉食左咁多樣野整體都好滿意😙出街食飯最緊要足料好食，點心就更加要新鮮熱辣，呢度都完全做到晒！👏仲要無味精食完唔口渴，大讚！❤️…Read More

2021年5月12日(三)專程同家姐來飲夜茶，叫多左要打包朗屏站F出口行去8號茶居2分鐘就到，都算方便。6:50pm去到，店內一位客人都冇，差啲想掉頭走，怕中伏好在七點之後都有三枱客我哋兩位叫咗九樣嘢8號蝦餃皇、鮮蝦菜苗餃、蜜汁叉燒包、雪山叉燒餐包、瀑布流沙西多士、原隻鮮蝦腸粉、鴛鴦鮮蝦網米腸、一飯一湯套餐：豉汁黃鱔竹筒飯及鮮淮山蓮子百合燉螺頭汽鍋燉湯瀑布流沙西多士瀑布咁多流沙，做得唔錯，其實即係中式流沙包入邊嘅餡料本人對原隻鮮蝦腸粉最有要求，腸粉皮做得唔靚，又厚又癡，見唔到一隻完整嘅蝦，啲蝦碎濕濕，鮮唔鮮就食唔出我估計佢原隻嘅意思係一碟腸粉入邊用一隻鮮蝦鴛鴦鮮蝦網米腸雖然所有食物都是即叫即做，此網米腸最遲上枱，但係都唔熱嘅，即食都唔脆，少少硬，食唔出有鮮蝦喺入邊，感覺有少少蝦膠啦其他食物都是正常出品，所有食物都是OK的，不會難食，如果住附近，或者去開果頭，想普普通通食吓點心都唔錯嘅，只係沒有特別吸引之處…Read More

第一次來這裡，見開左開新式點心店，於是來吃個早茶。客人十分多，疫情下仍坐滿。有隔板分開每一張枱。點了招牌貨雪山叉燒包，蟹籽燒賣皇，牛柏葉，炸雲吞同香煎蘿蔔糕所以食物都熱辣辣咁上枱，而且吃完一碟緊接又上一碟，店員細心，而且食物味道相當不錯最推薦雪山叉燒包。想試試既有竹筒飯。值得下次再來品嚐。個人感覺評分：食物味道 - 8/10食物賣相 - 7.5/10餐廳環境 - 7.5/10店員服務 - 8/10性價比 - 7/10…Read More