Chinese Sauerkraut Fish (Jardine's Bazaar)

無可否認，香港係好難搵到一間有大陸咁好食既酸菜魚。最近身邊個個朋友唔知咩事都話想食酸菜魚，既然係咁就搵間似樣既去滿足下慾望。廚十三係美國既太二酸菜魚其中一個老闆黎香港開既鋪頭，我地一於去試下。🥢老壇酸菜魚由於係酸菜魚主題，我地直接點左大份，食到夠為止。佢既酸菜係用天然發酵一年既芥菜，爽脆得黎唔會咸，鱸魚肉又多又大塊，個湯好飲又開胃。至於配料，我地點左寬粉、萵苣、藕片同金菇。🥢雨露均沾雨露均沾其實係紅糖糍粑，紅糖糍粑係福建省傳統既漢族小吃，將糯米粉加水搓成型，半煎半炸至金黃再淋上紅糖，香甜煙韌。🥢夫妻肺片以牛肉為主料，配以肺、心、舌等製作而成，味道一般，我覺得傷心酸辣炒嗰個仲好食啲😂…Read More

口痕又想食酸菜魚，今次趁晏晝食飯時間，就去銅鑼灣食個chill office lunch🥰 餐牌選擇都唔少，晏晝飯就有lunch set ~ 不過聽職員講午餐嘅酸菜魚會少啲，所以我哋都係照揀返小份酸菜魚食上枱有嚇咗一跳，真係好大兜呀！我哋仲要加咗寬粉 同其他分店嘅質素差唔多，都係咁好食，夠辣得來又有帶麻，好過癮 魚嘅份量明顯比較多，配埋煙un嘅寬粉係冇得彈今次算係我第一次食夫妻肺片，呢個仲要係麻辣版，啲牛肚夠爽，個醬汁又夠辣，兩者配合好好味呀～ 呢個我應該係由糯米糕再煎香左，配黃豆粉同埋甜醬汁～ 炸得啱啱好，外脆內黏，雖然有啲痴牙，但係配埋黃豆粉同埋醬汁好香，食到停唔到口店員推介我哋叫咗呢個特飲，味道唔算好甜呀…Read More

係香港都可以食到一流既酸菜魚，享受酸辣口感。餐廳環境闊落乾淨，座位之間有好大既走廊，而且2個人都可以坐到一大張卡位枱，大玻璃令餐廳光亮，而且好high class既feel。餸菜名亦都唔簡單，改得好搞笑但又名副其實。叫左酸菜魚小份($338)，上上簽($88)，隔壁小孩饞哭了($78)，老虎椒愛鬆花蛋($68)，雨露均沾($48)。酸菜魚大大盤送上黎，鱸魚肉好滑好大塊，酸菜爽脆，而且小辣既湯開胃，一開始唔覺辣，食食下就辣味開始出。自己可以加配料，叫左金針菇，寬粉。2款配料都可以吸哂d湯，寬粉厚厚地，帶d煙韌既口感。而且份量非常多，食極個底仲有好多配料。冷鍋串串係川菜好出名既小食，將食材串起，放入麻辣湯底，食落口冰冰涼涼咁，唔油膩。有蓮藕片，海帶，青荀，鵪鶉蛋，去骨雞爪，椰菜花等，灑上大量芝麻。第一啖食，唔辣，但之後，條脷及嘴唇就開始有麻痺既感覺，好過癮，愈食愈上癮。侍應幫手將豬油渣及椰菜炒均，因為鐘意食脆身d既椰菜，所以侍應好貼心問想食脆/軟身既椰菜。加入豬油炒香既椰菜色澤好光鮮，而且陣陣香油味。椰菜即場煮，所以熱辣辣好暖。鬆花蛋即係皮蛋，老虎椒切條，擺盤有心思。味道唔辣，皮蛋晶瑩，仲有d肉碎(?)伴住食，惹味。甜品改既名得意又盞鬼，糍粑炸過後外皮香脆，沾d紅糖及黃豆粉，甜而不膩。過一陣先再食，糍粑更加煙韌，外皮雖然冇一開始即刻食咁脆，但仲食到炸過既香味。無論即刻食/凍左先食，都一樣咁好味。叫左2杯飲品解辣，大量柚子唔會過甜。而提子梳打夠氣，解辣一流。整體，一坐低侍應就即刻拎壺水過黎，有禮貌服務好。而且唔駛去內地都可以食到滋味既酸菜魚及川菜，仲要坐得舒服，慢慢食。…Read More

國難當前，香港當災，口罩閒角升一哥，排長龍都搶唔到一盒，死梗啦，唯有打好個底，由自身防禦做起。適逢天氣凍到抽筋，食辣嘢就可以殺菌又暖身出面得返8度，飲杯茶暖暖身，任斟都得深圳食過類似嘅酸菜魚有唔好嘅體驗，自此冇再食過，今次食返，簡直為呢尾餸洗底。胃民怕有骨，佢就勝再冇骨，放心食用，仲可以加黑木耳、豆卜、寛粉同青笋片等配菜，正呀睇落辣得不可近人，其實好易入口，又有避風塘味道解辣還須食甜品，炸年糕灑上黃豆粉，配以黑糖漿，呀！！！個菜名好得意，原來係炸豬肉，好食好彈牙食完自覺內功增強，體內啲菌應該辣死晒，第日再接再厲搶口罩…Read More

我地係平日大約7:30到，入面都已經8成滿。老壇酸菜魚 小份 (二人份) $338加寛粉 $28加午餐肉 $32入到去根據人數叫左相應的大細，再加咗兩份配菜。個人覺得酸菜魚一定要叫煙煙韌韌的寛粉。不過因為佢好滑身，夾的時候要小心唔好彈到啲汁周圍都係。午餐肉因為索咗少少嘅酸菜魚的辣汁更加好食，有少少似五香肉丁。上上籤 $88上上籤入面有海帶、窩筍、蓮藕、鵪鶉蛋同雞腳。佢的汁係麻辣，食咗2舊已經感覺到個嘴痹痹地。好勁！鍾意食辣的朋友記得唔好錯過🤣我個人嚟講最鍾意食蓮藕，涼拌的關係好爽口。隔壁小孩饞哭了 $78呢個其實係落咗豬油渣去炒的椰菜。一開始就上咗個Gas爐同煲。焗左大概三分鐘，就有員工過嚟喺我哋前面炒菜，亦都因應我哋的喜好去炒番係菜係冧身啲定爽口啲。雖然係好邪惡，但係落咗豬油渣去炒又真係野味好多。雨露均沾 $48黎到酸菜魚店，另一樣必叫嘅就一定係呢個：紅糖糍粑！外面嗰層咬落好脆，入邊就煙煙韌韌咁，再配上紅糖漿，簡直係一流！另外，糍粑用嚟解辣都唔錯。本身食上上籤食到個口都痹晒，食咗一舊嘢即刻冇事。紅糖冰粉 $28最後用冰粉做甜品嚟收尾。滑嘟嘟的冰粉配上啫喱好夾，再加上紅糖提味，清清地又唔會太甜。荔枝風味梳打特飲 $28柚子特飲 $28…Read More

近期天氣開始轉凍，又心思思想食下辣野，星期日叫埋一樣鍾意食辣既媽咪一齊去間主打酸菜魚專門店 咁當然第一時間叫份酸菜魚先啦，要左份小份 (2人）($338)，再加左平時唔係周圍有既寬粉＋金菇＋青荀粉黎到我同阿媽o左嘴，會唔會大碟左少少呢！！我係其他地方都食過酸菜魚，但呢個size係佢既2倍，真係好誇張，絕對對得住個價（$338），4個人share都唔過份條魚已起骨，食落夠方便，而且夠薄身又嫩滑，叫左小辣對我地黎講都仲有小小辣上上簽（$88）係原汗原味好正宗既麻辣清炒窩絲（$78)食落好似薯仔絲，好爽口，應該幾考刀工我最推薦既甜品紅糖麻粑（$48）煙煙un un又唔會太中lum，雖然最後先上但太好味所以都係忍唔住食哂 大大杯酸梅汁 …Read More

呢間廚十三老壇酸菜魚聽聞係太二班底嚟香港開嘅, 太二之前上大陸試唔到, 所以嚟呢度試試佢。環境佈置都唔錯, 座位夠寬敞, 坐得都舒服。我哋一行四人, 見其他枱小份(2人享用)都好似好大碟咁, 於是我哋唔嗌土豪份(4人享用), 試試佢個大份(3人享用)。嗌大份可以嗌下其他涼菜同小吃仲好。刀拍前男友同大開心的黑木耳完全救咗我哋一命, 因為我哋6點幾上到去, 見到好full, 之後留左位8點先上得去食, 所以真係餓死我地喇!!!我哋四個都一齊食過銅鑼灣另一間酸菜魚, 所以會有比較。我哋就覺得呢度條魚真係好滑, 同埋佢係起晒骨嘅, 啱晒我呢啲平時怕食多骨魚嘅人。魚係好食, 但比較之下覺得唔夠惹味, 上次第二間食你會飲下啲湯, 但呢個略略油咗少少, 你未必想飲多幾啖。雨露均沾就有少少失望, 好粉🙊最後, 其實友人食過太二, 佢話太二好食好多, 呢度嘅味差少少…Read More

朋友嗜辣，常尋找些以辣為主打的餐廳潮聖，今次發現銅鑼灣有新餐廳主打酸辣菜色，決定一起去嚐嚐。老壇酸菜魚 (小份) (二人用) ($328)配菜可選三款，我們選擇了午餐肉，金針菇，寬粉，另外還添加了酸菜($22)。一開始上桌已經很驚喜，因為實在太大盤，而且飄出陣陣麻辣香氣，很吊胃口~ 麻辣和酸MeiMei的味道，真的令人不自覺一路吃～先嚐了口魚肉，滑溜得很，全無腥味，無骨又方便進食。加入大量酸菜感覺更惹味!!個人很喜歡爽爽的口感，而且酸得醒胃～至於寬粉比較滑滑的，煙煙韌韌，感覺很特別。雨露均沾 ($48)吃得肚子快飽滿前，還是要來點甜食。佈滿黃豆粉的糍粑甘甜煙韌，再沾上黑糖醬，甜甜的，實在好吃！！**********餐牌供參考:…Read More