Shouten Steamed Pork Dumpling Shanghainese Restaurant (Panda Place) (Closed)

星期六荃灣搵地方飲茶真係有啲困難，最後選擇了大窩口悅來坊，而且上海菜始終比中式飲茶容易搵位。雞絲粉皮個醬汁味道唔錯，只係粉皮有啲粗有啲厚。花雕醉雞都幾入味，啲雞都算滑。糖醋排骨同港式咕嚕肉一模一樣，個汁似酸甜汁多個糖醋，但味道都可以接受，最好個菜名改一改佢。紅油抄手個餃子差啲，辣汁都唔錯。上海排骨麵分量足夠，炸排骨都炸得唔錯。鮮肉小籠包薄多汁，熱到足夠。我最欣賞佢嘅上菜速度，點完菜差唔多5分鐘左右就已經陸續上，差啲仲以為來佐快餐店添。之後再叫高力豆沙，就等左差唔多10幾分鐘先至到，味道中上。泊車嘅朋友注意啦，如果用優惠券或者買佢嘅套票比錢，係唔可以用張單來做免費泊車，我都以為買優惠券有着數，最後都比多幾十蚊泊車錢！…Read More

呢輪天氣凍成日打邊爐或者食烤肉，今日行開荃灣悅來坊商場，想轉下口味，決定食上海菜。而尚點 小籠包.上海麵館，之前食過長沙灣分店，感覺唔錯，今次一於試下荃灣分店先。今日公司好多野做，我連晏晝都只係食左個包咋，所以而家鬼咁肚餓。望下個餐牌見2人餐都幾抵食，就ORDER佢啦。雞絲粉皮可算係上海菜中一個招牌涼拌，呢道菜以雞絲同青瓜配上香滑的花生醬同粉皮，簡單得黎好味又開胃。套餐仲有呢個大人細路都啱飲粟米豆腐羹，天氣咁凍，飲碗熱辣辣嘅湯羹就VERY GOOD啦。看似簡單嘅菜式其實越難煮得好食，好似呢個韭黃蝦仁炒蛋，蛋容易燶、韭黃就易老、蝦容易霉，所以廚師要專心掌握火侯，先可以炒到咁靚咁好食嘅韭黃蝦仁炒蛋如果小籠包一夾即爛啲湯就會漏晒出黎，味道就會大打折扣，但呢度嘅小籠包皮薄餡靚，雖然食嘅時候會比湯淥親，但最緊要係可以食到果份原汁原味吖嘛。年糕勝在夠煙韌又有咬口，配上津白，清清啖啖，唔駛叫飯。另外，散叫左一客糖醋魚塊，無論顏色、氣味都相當吸引，而且食落味道酸酸甜甜，非常醒胃。最後奉上套餐附送嘅桂花糕及椰汁糕，桂花糕清甜爽滑，加入杞子又有滋潤明目功效，好味又有益。最後不得不讚呢度嘅店員，全部都非常有禮，由門口接待、帶位、送餐等服務每個都充滿笑容，比客人一個開心舒服嘅環境食飯，所以話優質嘅食肆除左廚師煮得好食之外，用心嘅服務態度都好重要架。…Read More

今天有新同事加入，大家便一起到附近上海麵館吃Lunch~店內乾淨企理，有寬闊的落地玻璃窗，陽光微微透入，滿舒適的。雞絲粉皮，粉皮爽滑，加入雞絲及青瓜絲味道鹹香鮮美，淋上花生醬鹹中帶甜香， 美味可口。😋唐芹菜水餃麵，水餃美味可口，麵條粗幼適中，質感柔軟，加入高湯及蔥花，清香醇鮮。對中菜有點研究的同事說唐芹菜營養價值高，健康味美。😄上海擔擔麵，湯底加入特製辣醬，濃郁香口，加上甜香辣肉，小辣惹味，必吃之選 👍炸菜肉絲麵，嚐到肉香及蔥花生菜的鮮味，清新帶微辣，不太濃味，原汁原味。鮮肉小籠包，外皮柔韌偏薄，咬下時，温熱香口的湯汁四溢，內餡豬肉肉汁飽滿，鮮味十足! 👍招牌生煎包，外皮略厚，內餡豬肉鹹香肉鮮，底部香脆帶焦香，油而不膩。豆沙鍋餅，外層春卷皮香脆，內容香甜的紅豆蓉。可惜，我夾到角位，豆沙餡僅佔四分一，感覺只在吃鹹香的春卷皮…😥豆漿，暖和，微甜。款款食物鮮香味美，尤其上海麵類🍜更為出色，平時少吃中菜的我也覺不錯，偶爾可以再孖同事們吃~😊…Read More

星期五晚上，一家三口到<尚點>欣賞小籠滋味。餐廳寧靜寬敞，人多還可以坐廂房，適合大伙兒聚餐。$238二人套餐份量很多，前菜、點心及甜品都一應俱全，十分吸引。我們先點二人餐，再加額外甜點，準備大快朵頤。雞絲粉皮雞肉和青瓜切成很幼的一絲絲，很易入口，配上冰涼煙韌的粉皮、香甜的胡麻醬，十分滋味開胃! 鮮肉小籠包小籠包是上海菜中不可或缺，剛蒸起熱騰騰，湯汁傾瀉、燙口，散發濃郁的雞湯香，沾上少許醋，更是鮮味。只是外皮薄一點，味道更加吸引。薺菜豆腐羮碧綠色的薺菜豆腐羮，充滿田園氣息，雖然用料純樸，但入口風味不減。薺菜清香、豆腐滑嫰，結合成味道爽滑、香甜的湯頭，飲下時酷像甜豆花。雞扒擔擔麵擔擔麵可選擇辣度:不辣、少辣及大辣，十分貼心，我們點了少辣，粗身的擔擔麵吸收了湯底，惹味過癮。湯中有青瓜絲、銀芽、芝麻粒，令湯底更香郁，一口煙韌的粗麵，一口脆卜卜的雞排，著實口感豐富。若然雞排粉漿薄一點，味道更佳。椒鹽排骨排骨炸至金黃酥脆，再經蒜蓉、香蔥爆香，入口脆至無骨，乾爽而不油膩，啖啖肉的感覺真的不錯。火腿津白津白浸泡在雞汁濃湯中，透明軟身，吸收了雞湯的香甜及火腿的咸香，味道淡雅中帶細膩，是吃過惹味排骨後的緩衝。炸銀絲卷炸銀絲卷是我最愛的香口小食，外脆內軟，咬開時饅頭呈一絲絲，入口層次分明。把四邊都沾上煉奶，濃甜軟糯，是滋味無比的美點。酒釀丸子清澈的甜湯中，有彈牙、黏糯的丸子，入口是淡淡桂花的幽香，加上酒釀的天然甜味，淡甜清雅，令人美味停不了。高力豆沙高力豆沙圓碌碌、脹卜卜，表面灑上糖霜，令人垂涎! 內裡空氣感十足，填滿了紅豆蓉，入口即化的口感，令人難忘。…Read More