Ramen Jo

今日去咗圓方同小朋友行街，行到攰，小朋友話想食麵，所以就食呢間jo拉麵🍜本身小朋友話想食低溫叉燒拉麵，但未到6點已經話賣晒，咁就查詢侍應，有邊隻拉麵味道會比較淡味啱小朋友食？同埋一定唔可以有辣味！侍應們一致推介特製東京醬油拉麵🍜好啦，咁就落一碗俾小朋友。同時我們亦要求麵底要煮腍啲．．因為比小朋友食，太硬佢哋咬唔開。點知嚟到碗麵上面會有（辣筍）🫢向侍應反映，佢哋都好好，即刻承認出錯，立刻換過一碗俾我哋，最後，小朋友好俾面😏拉麵食唒，我再加多咗兩碗粟米俾小朋友，小朋友食得好開心☺️☺️至於大人嘅拉麵🍜雞白湯拉麵🍜食落去都係覺得豬骨味好重，冇乜雞味嘅，拉麵唔係好索到湯，可能食沾麵會好啲🤔拉麵中規中矩。反而個蔥花牛舌幾好食🤪👍👍切到薄身，炒到好香，咬落爽口，好惹味👍下次再嚟嘅話，想試吓佢嘅低溫叉燒拉麵😆…Read More

晏左去午餐，見到有位不如試下啦。叫左個特製東京醬油拉麵、雞白湯拉麵，及一客日式餃子🥟餃子先來，小小的五隻，煎得香脆香脆，餃子底有微焦，皮薄餡料多料，不錯。拉麵上枱，特製東京醬油拉麵好多料，有一塊滷豬肉、2片叉燒、半顆半熟流心蛋、一顆鵪鶉蛋、一大堆的荀乾、一堆菠菜及一塊紫菜，真是吃料子都吃了很久。滷豬肉滷得入味又林，叉燒就稍為太薄又太肥了，流心蛋同鵪鶉蛋都好夠味，荀乾難得沒有霉味，爽甜好吃，醬油湯底咸鮮味美，係稍為油左啲。雞白湯拉麵湯底都夠甜夠濃，雞片非常嫩滑無渣，又有雞味😋…Read More

- 💨打風時候，梗係要搵間喺地鐵站連住嘅商場入面嘅餐廳比大家😉 拉麵Jo係由2014-2019年獲得米之蓮嘅餐廳，除咗九龍之外，佢哋喺銅鑼灣、元朗都有分店～ 雖然鋪頭細細、服務麻麻，但係勝在多款式，拉麵、沾麵、丼飯都有☺️🍜雞白湯拉麵 💰95 配料好豐富，除咗兩片慢煮雞肉之外仲有三片叉燒🤩 另外仲有啲紫洋蔥粒同埋溏心蛋🧅🥚 雞肉超級嫩滑，比預期中好食；自己好怕食肥膏，呢度嘅叉燒又啱啱好唔會好肥；雞白湯打到有泡，味道濃郁，飲落係creamy嘅🤍唯一一個扣分位就係嗰半隻溏心蛋唔知點解俾佢切到不規則形狀(如圖😂)，不過就唔影響味道嘅~出面好多餐廳食雞白湯拉麵唔計加一都要過$100，呢度唔使$100就食到，性價比👌🏻(P.S. 歡迎follow埋我IG @foodstepsinhk 每日更新美食! thank you🙆🏻‍♀️)…Read More

有日去開圓方貴價商場，揀左呢區一間價錢合理嘅拉麵食tea叫左兩個拉麵雞白湯拉麵$95特質低溫叉燒拉麵 $128雞白湯好creamy，店家講湯底打至有泡，加埋洋蔥好有飲緊忌廉湯嘅感覺。肉就分辨有兩塊，一個雞胸肉，一個就叉燒。 薄薄兩至三塊，肉質嫩滑，唔錯。 另外亦有半隻糖心蛋呢個價錢都算合理。唔係低溫叉燒拉麵唔會咁多推介，我嘅麵同雞白湯唔同採用左細麵，佢答醬油豚骨湯底。 唯一優勝之處係有非常多低溫叉燒，肥瘦適中，但係個人鍾意雞胸肉多啲。而且湯底極為普通，冇咩驚喜。 不過兩種湯底都略鹹，食完之後要飲好多水。…Read More