San Nam Yuen (One Capital Place)

約左阿爸阿媽食住雞煲，打住邊爐，睇住大電視欣賞奧運會閉幕禮，一大享受，今屆香港成績真係非常好。灣仔站C出口，過馬路行去3分鐘左右，到海德中心2樓「新南苑私房菜」，服務員態度不錯，閒時同阿女玩下，傾計，家的感覺。雞煲任食有辣度可選， 先食一個小辣， 再叫一個唔辣比小公主。件件都係滑雞件， 啖啖肉， 香噴噴。配搭脆卜卜油炸鬼。食返罐冰凍可樂，解熱氣，爽。飲品櫃都係任飲架。。韓式飲品，馬蹄爽，台灣鳳梨烏龍茶等等。。。火鍋湯底就揀左比較特式的 花甲蟹窩。。有個南瓜冰蠟筆小生浸溫泉咁， 好有心思。有3款海鮮/至尊/牛魔王， 食肉獸家庭就揀左牛魔王餐， 有美國黑毛和牛肉眼， 安格斯牛小排， 美國肥牛。。仲有紐西蘭羊肉卷，美國肥牛心片。。。我地仲追加左台灣鴨血（好滑），包心丸（流心彈牙），墨汁墨魚丸（超級非常咁彈牙，帶點軟糯添）。。。食完已經勁飽最後每位一小瓶3.6北海道牛乳奶凍， 阿女食埋我個杯。。。仲有獨立房間，每人頭加20元咋， 增加私人空間感。非常滿足的一晚。…查看更多

响疫情期間都好少出去打邊爐食雞煲，呢排見疫情有回温，心郁郁去左食呢間任食雞煲火鍋放題大食特食🤤任食既套餐有得揀牛魔王餐、海鮮餐同乜都有既至尊餐🌟雞煲任食，火鍋又有得揀湯底，仲要時限係180分鐘🤪一次過滿足幾個願望🤤真係會食到飽到反艇🤣雞煲雖然唔大份，但食完可以再添😎侍應會過嚟計住時幫我哋炒好個雞煲，服務好好😘雞煲既雞件用左三黃雞，夠雞味又嫩滑，仲要有油炸鬼、洋葱、干辣椒等配料，椒麻惹味🌶到打邊爐就換湯底比我地，以雞煲放題黎講，有咁多湯底揀真係第一次😍見到人地個蟹鍋花甲湯底望落好正，有個用南瓜蓉做既公仔，十分cute🤪不過我地唔想食咁多海鮮就叫左個花膠雞湯做湯底，花膠同雞件都幾多，感覺滋潤濃郁🦞海鮮餐（$308/1位）顧名思義即是海鮮大雜燴，先會送上一個一次性既本地手切牛頸脊同活海鮮拼盤🦐🦀牛頸脊好夠牛味，切既厚薄又啱啱好，好高質呀🤩而海鮮拼盤擺得好靚，啱哂打卡呃like😜有青口、蠔、帶子、蝦同脆鯇，全部都新鮮彈牙又大件👍🏻仲有得任食肥牛、龍躉、鮮蝦同脆鯇等正野，基本火鍋料又包哂，仲要質素中上😀最後仲會送每人一個凍冰冰既牛乳布甸，香滑又唔漏，埋單先3百幾蚊一個人，算係無咩可以挑剔既放題👍🏻…查看更多

今次與3位同學一起食火鍋，去了灣仔新南苑私房菜火鍋鷄煲，餐廳主打雞煲，於旺角及灣仔均設有分店。據聞火鍋湯底沒有加味精，選用新鮮食材，招牌雞煲每日新鮮即製，用黃油雞再混入四川麻辣醬，連同20多種香料同配料秘製而成。中午有小菜提供，至於晚市餐廳供應了2小時任食雞煲火鍋放題有牛王餐、至尊餐和海鮮餐，餐單仲有40多款配料任食任揀，灣仔店面面積不算很大，電梯一出有部汽水櫃放了十多種飲品有涼茶、汽水、果汁等任飲，入口處旁放了火鍋醬料。我們訂了位，好快安排我們入座，每張枱之間都坐得寬躺。裝潢風格以學校為題有電腦室、美術室、體育室等，房間闊落有電視機，牆壁畫上塗鴉藝術作品。朋友選擇了牛王餐HKD278(抵食）雞煲先上枱，爆炒再焗3次後開蓋香氣四溢，夾一塊雞胸肉一口咬下去肉質嫩滑，皮脆骨軟、醬汁香辣濃厚味道鮮美惹味，超級正極之好味道。火鍋湯底揀選新鮮蟹窩花甲湯底湯底上枱滿有驚喜見到鍋中放了個自家製南瓜蓉Minions公仔好可愛，我們不停影相，加入南瓜湯加熱後Minions漸漸地溶化消失了，南瓜湯更濃。牛王餐有美國肥牛、安格斯牛小排和牛肉眼完全滿足晒我朋友愛食牛肉。頂級高質素肉質鮮美，油花分布均勻，我們四個人食了幾轉。牛肉已經滿足到我們需要，不要浪費食物因此只叫了少許配料。最後甜品自家製牛乳布甸，濃郁牛奶味，質地滑溜。…查看更多

逛完銅鑼灣，晚上走到灣仔吃火鍋和雞煲。先上前菜冷盤，豆角和雲耳，加上蒜蓉粒和辣油，微辣，十分開胃。吃雞煲前，我們先到飲品櫃拿飲品。飲品選擇多，有基本的可樂、韓國罐裝飲品，還有五花茶。我先拿一罐蘆薈汁解熱，然後只喝五花茶。朋友說五花茶比涼茶舖的好喝，最後我們喝了兩大瓶。雞煲上桌，蓋上後待滾，然後兩三分鐘就炒一炒再蓋上，以防變焦。切開幾件雞肉，看見熟透才關爐。份量很多，而且可以再添。可選辣度，選了BB辣，雞肉嫩滑。有自助調味料區，拿了些蒜蓉和葱，為雞肉添上香蒜味。吃過雞煲後，店員把雞煲拿走，換上一個火鍋。選了香茜海底椰花膠窩，下火消暑解膩。花膠嫩滑，海底椰帶嚼勁，湯底清甜。凍蟹，即食，看到鄰桌吃得津津有味，可惜我敏感，暫時不能吃，只好交給朋友吃了。店員送上隨餐的配料，生猛海鮮拼盤。有蝦、鮑魚、  蜆、蠔、蟶子和魚片，全部都很新鮮，而且洗得很乾淨，沒有沙。本地手切牛頸脊，牛味自然濃郁，油脂分佈適中，而且份量很多，兩人吃很足夠。菜類多而新鮮，放得如一束花般，很快便被我們吃光了。小籠包和鯪魚球共上。想不到小籠包放在這個清湯底是如此適合，咬下多汁。鯪魚球更令人驚喜，魚肉新鮮，爽口彈牙，品質上佳。奶凍，小小的一個甜品作結尾，但一點也不馬虎。奶凍嫩滑，濃郁的奶香，不會過甜。吃到這裏已經很飽，沒有再點額外的火鍋配料，十分滿足。…查看更多

最近秋高氣爽，又想吃雞煲，又想吃火鍋。灣仔的這間餐廳就可以完成我 #Lucas小食家 這兩個願望，主菜亮點一個接一個，十分有驚喜。 第一個亮點，不是雞煲，而係 >>任食海膽<<（另加$88吃到飽） 海膽色澤金黃，每一塊海膽其實是由兩條海膽，新鮮度十足，吃多兩板就回本了！ 吃完海膽，熱乎乎的雞煲就到了，味道可以選擇微辣，雞件入味。 不過這一餐雞煲的角色只是當前菜暖暖胃。 主打的火鍋來了！ 我選了當店有名氣的 海鮮拼盤包含多款海鮮﹕有 活 鮑 魚、龍蝦、兩款魚柳花、蟶子、大蝦、大蜆等等。 火鍋湯底也絕不馬虎，有蟹、一隻十分可愛的南瓜溶公仔（搞到我唔捨得加湯溶左佢），及其他配料。南瓜味的湯底配合海鮮，光吃鮮味也讓人回味無窮。 下一個亮點是手切牛頸脊肉，口感爽口彈牙。除了牛肉，還有數款手打丸。 食完以上咁多，如果未飽，仲可以無料追加其他配料，例如菜、魚片、烏冬等等。去食火煱，當然要吃得飽飽的，不過記得要留肚吃甜品牛奶布甸。 …查看更多

私房菜一向給人的感覺都是價錢較便宜及質素尚盛，而近年發現多了私房菜的足跡，今天來到位於灣仔的新南苑私房菜，主打半放題雞煲及海鮮火鍋店內裝潢充滿色彩，燈泡都由紅酒木箱及酒樽組裝而成，牆壁上也有特別圖畫。店內有多間房間，大概可放置十二人，而每間房之間都由「鐵閘」做阻隔，估計方便打通房間。新南苑晚市可選食小菜及海鮮火鍋，我們一行六人當然要食海鮮火鍋放題，因為雞煲可以無限添加，非常扺食。先自助醬料站取汁醬，然後一邊食避風塘炒蟹一邊等食雞煲避風塘炒蟹選用的是麵包蟹，所以非常非常多膏，炒得得夠火喉，十分惹味。雞煲需煮七分鐘，大概每兩分鐘便要攪拌一下，慎防黏底。雞煲內有芫茜及乾葱所以爆得好香，每次揭蓋都有一般香味攻出，愈聞愈肚餓。七分鐘過後終於一嚐，雞件嫩滑而且非常入味，我們雖選了不辣但味道已經夠濃。追加了兩次雞煲之後，可以轉做火鍋邊爐了我們選了新鮮蟹窩花甲湯底，當店員遞上湯底時我們的反應都很驚喜，因為鍋內放有一隻冰小熊(南瓜溶)，隨著湯底滾起，小熊也慢慢消失。接著可以先把鍋內的花甲都食光再才有位放入其他火鍋食材。6-8款海鮮組成的生猛海鮮併盤，今天有馬刀貝、珍珠蚌、鮑魚、 海蝦 、鯇魚肉、龍躉片，份量按人頭計算。款款新鮮爽口，而當中小弟最欣賞是珍珠蚌及馬刀貝，食得大家都讚好另外牛頸脊及手工丸也值得一讚厚切牛頸脊牛味濃郁，很多肉汁。手工丸分別是鯪魚丸、墨丸、蝦丸。三款均用料新鮮，口感彈牙以上的都是指定海鮮，若需追加的話就要額外收費單點。如不想加錢其實都還有火鍋配料是任食的，例如有水魷、沙律醬丸、韭菜餃、烏冬都是賣飛佛…查看更多

打邊爐通常都一大班人，想傾計又嘈得濟，唔係俾自己嘈親就係隔離枱影響，不過友人推介左灣仔既新南苑，即刻就唔同講法啦。之前係旺角都食過，佢既海鮮拼盤新鮮又抵食，又有多款湯底選擇，留下好印象。今次灣仔店新開張，又可以去試下啦。新店係租貴又繁忙既地區，灣仔同金鐘甲級商廈之間，但價錢同樣係$278(竟然係冇加價?!) 一去到店就被壁畫吸引。好得意既畫風，唔知點解俾人一種鬼太郎既感覺。全店都以壁畫為牆既裝飾，連房間入面都有。講起房，呢度有不同大細既VIP房選擇，夠人就可以預先book，唔會有額外收費。最大既係14人房，所以話多人去打邊爐都唔一定嘈。有趣既椅子，可放袋！睇過店既大小角落先入座。一早已有小食恭候，仲有一車既調味料可選，最得意既係呢個豉油壺。小食係甜酸木瓜同腰果 木瓜爽口，清新開胃！腰果唔係花生！！烘脆香口，食住慢慢揀湯底。未黎火鍋之前先享用雞煲(三人或以上送的)。一開始係平平無奇既一個煲(好似廢話)，過左三分鐘，店員過黎炒炒佢，一開蓋，好香好香！大蔥既味道濃烈，加上濃郁既醬料同肉間流出既雞汁，香氣四溢，仲好大煲！店員重覆等下炒下左三次之後加入油炸鬼，食得！雞肉仍然鮮嫩，醬汁唔會太鹹，嗅覺既刺激多於味蕾，不過仍然係豐富既享受。因為怕辣要左唔辣，但之後聞到隔離枱辣既更有麻香，應該都係唔錯既選擇。等既其間店員仲送左芝士燒蠔之後上左個可愛湯底，你睇下隻熊！店員話係用紅蘿蔔，南瓜，薯仔，高湯燉煮，再加入魚膠粉，絕對係精華版既湯粒。仲有新鮮既白蘿蔔，蕃茄，粟米，花蛤同蟹，只要加入湯，一滾就可以開始，唔會怕一開頭湯底唔夠味！先黎海鮮拼盤：扇貝，蟶子，蠔，鮑魚，蝦，龍躉魚片，鯇魚片等。店員仲建議我地可以免費幫我地燒。燒左既鮑魚特別好食，夠軟又入味！甲貝類沾上泰式醬汁會更好。蝦略乾，鍾意泰國夜市味道既就有口福。蝦淥完都保持好大隻，而且肉質彈牙。一龍躉片同鯇魚片可再叫，前者係一般任食火鍋中少見，其鮮，爽，彈，滑實無可比異，後者卻更見餐廳級數，不單比坊間既肥美，更比龍躉片充滿脂香，入口即將其香味入侵每個各落，兩者相比，我更愛後者。手打丸類都好有心思，最愛芝士牛丸，特別而且香口，可以再叫！魚皮餃皮比一般既薄，薄到雲呑咁，仲要爆多饀料，你睇下佢爆曬出黎！牛頸油脂分佈平均，肉味香濃，鮮紅證明新鮮切出黎，唔會雪到死曬。可以唔洗淥到全熟，七成熟會更嫩而油脂又剛好能融化出其獨有香味。魷魚，豚肉，牛栢業縮小了！記得唔好淥咁耐！魚皮我覺得係自家製，一淥就見真章！好長無斷開，唔似出面碎減減，又黏黏靭靭，有咬口。Goodgood!響鈴卷都係我喜愛既。淥一淥就可以拎起。聽到隔離枱話三秒定律，我就覺得一下都夠！最後落埋蔬菜籃既菜，吸盡肉味，湯底既精華，但唔好以為咁就完！呢杯滑滑既蛋白燉鮮奶先為今晚畫上完美句號。I Love 自家涼茶！！！！…查看更多