富盈廚坊雞煲．海鮮專門店

從讀書時期開始，我和同學經常到這間富盈廚坊打邊爐和吃雞煲。因為這間餐廳的食物性價比非常高，唔使200蚊便可任食雞煲和打邊爐。另外飲品，雪糕和雪條都係任你食同飲。我建議一開始先食雞煲。雞煲既辣度可以由客人自己選擇，我覺得小辣同中辣已經好夠，太辣會影響雞既味道。食完雞煲，大家就可以轉打邊爐，肥牛記得一定要點，另外多數時候都會有凍豆漿提供，大家記得要試，我本人覺得幾好飲，因為我唔鍾意好甜既豆漿。另外提提大家，任食係有限時，記得把握時間食同飲，唔好掛住講 …Read More

香港冬天凍都唔凍下，無晒心情打邊爐難得心血來潮想食雞煲，又咁岩係旺角街頭，梗係食番食開既富盈廚坊啦！呢間既特點係除左係火煱任飲任食之外，最重要係連雞煲既雞都可以任加！今次真係雞全部都係雞啦！～部份配料需要加錢～食雞煲最重要係咩，梗係雞啦一開始叫個小辣，等左陣，雞煲就開始滾，先試個雞胸肉，小辣唔算太辣，但佢個特製醬非常狂野惹味，而且好入味，愈食愈想食！唔夠辣，加雞既時候可以叫個中辣都得飲品除左一般汽水之外，仲有鮮豆漿！唔知係唔係豆漿有解辣作用非常搶手，如果食宵夜時段隨時會比人拎晒貼心？（定雪櫃壞左唔整）有唔凍既野飲食完雞已經6分飽，之後加湯底打邊爐，火鍋配料質素麻麻地，無咩特別。打邊爐必食肥牛質素亦比較一般。食呢間最重要都係食佢個雞煲同無限任加雞！如果重點放錯左係打邊爐到會絕對失望！另外要有心理準備服務係絕對差的，雖然有講明係食2個鐘，佢亦都會早15分鐘提你加鐘，但係一夠鐘佢地會唔理你仲食緊，會立即收野同比說話你聽，態度好差埋單 每人約160 抵食…Read More

星期二既晚上黎到 雖然唔洗等位 但全場都好full 呢間雞煲既賣點係可以無限添雞 岩曬雞煲迷雞煲嗌咗BB辣 個煲有好多配菜同香料 食落去好夠味 辣同麻都有 不過麻就少啲 一開始嫌唔夠辣味 煮煮下就愈來愈辣 好入味 至於主角既雞 雞肉好嫩 而且會俾雞既各部位 大大舊 有雞脾嗰啲 唔似出面 有時會俾啲頭頭尾尾你食完當然就再添雞 添既雞可以同原本個雞煲既辣度唔同嫌唔夠辣既可以嗌再辣啲 嫌辣得滯就可以嗌返BB辣 釋隨尊便~不過添既雞質素就冇咁好 好多都係雞胸肉 食完雞煲就接住打邊爐 食物的選擇唔太多 不過可以加錢嗌其他 例如海鮮嗰啲 唔算話太貴 覺得冇野食既可以加錢試下整體黎講 雞煲嗰part都幾好味 邊爐就普通 會再幫襯 …Read More

叫左個中辣雞煲，食到中段先開始覺得辣，但唔麻既。雞肉可以無限 refill，肉質都好鮮嫩、非常驚喜。試過去元朗食過另一間既雞煲，雞肉好柴。另外火鍋配料都好新鮮，都幾多選擇。木耳呀，珊瑚蚌唔常見既都有提供。鮮腐竹好滑好好味！另外雪糕係阿波羅，仲有我最鍾意食既香芋味。終於唔駛食雀巢雪糕咁行。個人覺得阿波羅比較好食！環境方面，因為樓底較矮所以會覺得個場好嘈。比較難傾計。有個男侍應好好人招呼得好好，又唔似其他食評咁講到服務好差。…Read More

講開雞煲，不得不講呢個富盈雞煲，出晒名雞都有得添，所以今次同幾個朋友黎食！我地果日去係閒日黎，大約９點左右，去到竟然都要等位，等左大約二十分鍾，就有位。我地入左間野，已經聞到好大朕雞煲味，之後我地入房坐，叫左個小辣雞煲。呢度係任飲任食既，然後再叫左ｄ打邊爐必食既野。等左好耐個煲先滾，懷疑係個爐有問題，之後幾次加完水都煲左好耐先滾。首先試件雞，小辣黎講都算適中，唔係太辣，但又未至於冇味。好快手我地食完ｄ雞，當然就係享用呢到既招牌，添雞！不過唔知點解等左好耐先有人黎，而且等左好耐先有雞送到，仲要得一碟仔，等左咁耐即刻冇晒癮，所以都係打邊爐，叫左ｄ肥牛，丸，菜，呢ｄ野食都係一般般，冇咩特別，開頭聞到咁香既雞煲，滿心期待，但事實又另一回事。飲品都係任飲，又汽水，亦都有支裝既野飲，一ｄ叫凍檸蜜既野，都幾特別，但食多一陣發現ｄ雪櫃既野飲已經冇乜，有都係結晒冰，但又冇人fill，成到咁上下已經差唔多想走。雖然呢度食雞煲，有得添雞，但其實添得好少，我諗添一次連１／４既雞都冇，有點兒失望，不過價錢都係百零蚊，算過得去。…Read More

今日返工有同事last day，就約左一齊去食雞煲啦。跟住有同事就提議左去富盈廚坊雞煲，原因系它可以任添雞，想起都開心。跟住我地去到了，排左半個鐘到先入到去，真系好多人去食。初初我地就叫左個小辣既雞煲，同牛肉，生菜同丸果d。個雞煲好快就比我地食曬，不過我地嫌它唔夠辣，就叫左中辣，點知就辣到我地咩都食唔到，不過老闆好好人，他即刻就幫我地換過個煲，等我地食得舒適d。最後我地叫左10次添雞，因為真系太好食啦。打邊爐果d配料都黎得好快，也都好味。炸魚皮超正。…Read More