Cafe Match Box

銅鑼灣 Fashion Walk 是一個匯聚國際美饌的潮流熱點。今天就來到一間之前看其他人介紹過的茶餐廳。在小巷轉過彎，喜喜冰室彷彿帶大家來到70、80年代舊香港有戶外座位，可以帶寵物來用餐。不過最吸睛的應該是那張乒乓波桌，還有幼稚園腳踏車。空間頗大，小朋友想踩幾圈也沒有不可。另外這裡也有提供免費的明信片可以取走。進到餐廳內又是另一番景象，每個角落都放了懷舊物品，勾起大家的回憶。中間的座位亦很有特色，是一架仿真的紅色小巴。不論是紅色的皮凳或是車窗的設計都很用心，是不錯的打卡位置喔！在食物方面，看到扒餐就有點心動，因為是鐵板上桌的那種。霸王西冷 ($148) 配餐湯 + 飯/意粉 + 咖啡或茶。但我後知後覺才發現餐湯沒給我 ... 然後也有點餐漏落單的狀況。不過撇開服務問題，配蒜蓉汁的西冷肉質很軟嫩，牛味香濃加上惹味醬汁很滋味。配的意粉不是白灼，有調味和炒過，吃落亦很彈牙。餐飲我選了 奶茶，香滑且有茶香，甜度剛好也不澀。朋友單點了 黑牛 ($38) 是香港茶餐廳特色飲品之一，朱古力雪糕加上可樂。焗肉醬意粉 ($78) 肉醬看起來有點太少，味道普普通通。不過單說意粉的話是頗美味的。香煎法蘭西多士 ($42) 因為是香煎，完全不是油炸那種要注意。所以吃落就是淋了蛋的香軟多士再加糖漿來吃，這價錢滿貴。雞批浮台 ($48) - 將雞批放在菠菜蓉湯中，亦是喜喜冰室的自創菜式。幼滑的湯帶淡淡的菠菜味，配上餡料十足的雞扒都幾夾。…Read More

話說學校前排有份功課，係要拍一條推廣香港既片，我地好快就決定左做美食主題，寓學習於娛樂係人生一大樂事👻係網上面見到呢間冰室既格局同設計幾得意，就揀左佢做其中一個拍攝場地🎬果然室外有張乒乓球檯🏓️室內又有紅色小巴座位，見小巴有位我地二話不說就坐左上去😎呢度既野食有啲都真係第一次見，夠曬有新意👏🏻野食上檯之際，當然係要相機食先，店員見到比建議我地點影，以冰室黎講服務態度都算係咁👁‍🗨 脆皮菠蘿油（7/10）💲18呢個菠蘿油烘到金黃色，都靚靚仔仔架🤭表皮尚算酥脆，但稍微易散碎，配埋大舊牛油，脂肪爆標🐷👁‍🗨 黑白多士（6.5/10）💲26黑芝麻醬配煉奶既多士，應該係比較少見啦掛😳食落都有香濃芝麻味，而且又唔會太甜，味道同創意7分😍不過睇相都應該知，個多士唔多掂頂盡6分，偏腍同韌身，同我期望中既烘多士脆底有出入👉🏻👈🏻👁‍🗨 雞批浮台（6.5/10）💲33青豆蓉湯配雞批，又係另一大膽挑戰👀食落出奇地唔會突兀，青豆蓉湯既青豆味都真係幾重，不過要預左雞批濕濕地，外皮唔會好腍，但就必定唔會好香脆，個人始終都係鍾意傳統雞批嗰種食法多啲😂👁‍🗨 出爐蛋撻（6.5/10）💲9其實個人鍾意酥皮蛋撻多一點，但係呢度係得曲奇皮🤔個皮唔算太厚，食落唔夠鬆脆，牛油味唔夠重，蛋撻餡就不過不失，整體無咩太大特別🤡👁‍🗨 紅豆刨冰（6.5/10）💲32刨出黎既冰細碎綿密，呈三角尖狀插左係杯紅豆冰上面😯飲落係超重既三花淡奶，仲有唔少既紅豆粒粒，不過無論點撈，奶豆依舊太過分明🙈🔛 整體評分（6.5/10）…Read More

尋日(19-11-2017 Sun)同老公去灣仔捐完衫再行一陣後,就走o黎食上次食唔到o既雞批浮台,我o地2:00pm o黎到,由於擔心好快賣晒,o係門口我o地已經問個侍應有冇雞批浮台?佢返入去,我o地都去搵位,佢行返出o黎答我o地有.真好,好快有位喇,我o地坐低後,唔等2:30pm下午茶餐,就即叫個雞批浮台,$33.00.之後研究重要咩o野, 下午茶餐原來有帶子批咁奇特,而老公發現有樣好得意o既o野,就係燴菠蘿火腿克戟,$58.00,而由於個位太熱,我o地就決定叫杯凍o野飲,就叫$29.00o既黑牛,咁就加單.雞批浮台終於到o黎,我之前睇o左EL呢篇食評https://www.openrice.com/zh/hongkong/review/%E9%9B%9E%E6%89%B9%E6%B5%AE%E5%8F%B0%E5%A4%9A%E9%BA%BD%E8%A9%AD%E7%95%B0%E7%9A%84%E8%A8%AD%E8%A8%88-e2871922,話個綠色o既湯係酸酸辣辣,我同我老公講,佢話唔係喎.今次終於食到,而佢o既menu都寫明係綠豆蓉湯,我先試吓啖湯,完全冇酸辣味,綠豆味唔係好濃,咁重好,因太濃可能唔好飲;而雞批外面仍脆,味道都對版.食完後,我o地等好耐,好耐,後加o既兩樣o野都未到,等成22分鐘, 燴菠蘿火腿克戟至到,而好簡單o既黑牛竟然重未到,我就即同侍應講,咁佢就跟跟,冇耐,黑牛都到o黎.燴菠蘿火腿克戟面上o既蛋跣o左落去,見到有片芝士,擰轉背就見到菠蘿同兩塊克戟,好期待鹹食克戟係會點,我o地開動喇,汁o既味道係煮牛肉o個種番茄汁,呢隻汁o既蛋係第一次食,出奇地夾到;菠蘿更加夾到,而最估唔到索o左呢啲汁o既克戟都幾好食,不過我o地食o左9成後,老公問我呢個叫咩名?我答燴菠蘿火腿克戟,答完至發覺唔見有火腿.於是我o地同侍應講,佢睇睇話俾返塊火腿我o地.等o左一陣,佢就補返塊火腿o黎,我o地就將佢夾返入克戟食,即時變得好鹹,我覺得可以唔要火腿.黑牛就唔講啦,朱古力雪糕加可樂.服務:今次服務態度大致好過上次.環境:今次個位又熱又迫,麻麻地.價錢:同上次一樣,有加一,所以總數係$132.00.上次食評: https://www.openrice.com/zh/hongkong/review/%E9%A3%9F%E5%8F%A4%E8%88%8A%E6%83%85%E6%87%B7-e2901049…Read More

銅鑼灣「百德新街」一帶，商場「皇室堡」附近的地方，有很多不同類型食肆。尤其是「Fashion Walk」旁邊的「Food Walk」，就有幾間為人熟悉的食肆，例如在食店選舉中成名，以鵝肝漢堡而廣為人知的手工漢堡包店「Burgxxroom」，和咖啡蛋糕店「Lxxy M」。還有在「百德新街」旁邊的小巷，我知道有一間以香港懷舊風味的茶餐廳，叫做「喜喜冰室」。來銅鑼灣找「喜喜冰室」的人，來到「百德新街」，都未必可以一下子發現到「喜喜冰室」的位置。就像我一樣，我都是在「百德新街」四處搜尋，才在路邊發現「喜喜冰室」在巷口劃上的指示圖，然後才找到我要的「喜喜冰室」。我說「喜喜冰室」走懷舊復古路線，絕對不是信口雌黃胡說的，「喜喜冰室」開宗明義地，在店門標示了「懷舊茶餐」的字眼，提示食客他們，「喜喜冰室」屬於走復古懷舊路線的茶餐廳。再進入「喜喜冰室」的樓面內部，「喜喜冰室」的懷舊色彩就越來越濃厚了。我一看見「喜喜冰室」店內，掛着一面寫着「高朋滿座」四大字的祝賀玻璃鏡，我以前的回憶立即被勾起了。小時候我在舖頭或其他食肆，都曾經見識過店舖開張營業時，好友有時會選擇送贈，刻有祝賀字眼的鏡子，讓店主懸掛在店內牆上，讓客人知道之餘，又有助店舖催谷人氣。再看見「喜喜冰室」另外一邊，掛着一塊像學校黑板的掛圖作裝飾。「疑似黑板」無非都是，為了增加店內懷舊色彩而設計的裝飾品，可惜「疑似黑板」我之前，已經在寳林「羅X記」已經見過一次，對我來說已經失去了新意。由於「喜喜冰室」跟「Burgxxoom」一樣，開設在「Food Walk」，所以「喜喜冰室」店舖的規格都很像「Burgxxoom」，店內面積很大很闊落。「喜喜冰室」唯一不同的是，「Burgxxoom」店舖燈光偏光暗淡，「喜喜冰室」相對比較光猛。我在幫襯「喜喜冰室」之前，曾經在網上進行資料搜索，發現他們有幾道招牌菜，分別有「黑白多士」和「雞批浮台」。基於現在我對雞肉料理的需求和喜好，結果我在兩者之中，選擇了「雞批浮台」。其實我也很想嚐試「黑白多士」，奈何當時以為「喜喜冰室」的餐飲價錢不算便宜，問侍應他們又說沒有跟餐優惠。我一時間以為，吃盡兩者價錢會很昂貴，結果我被迫忍痛暫時捨棄「黑白多士」。於是我冒着食貴餐的風險，向侍應點了一客「雞批浮台」，加一杯「菠蘿刨冰」飲品。我一直以為點了兩款同樣有名的食品飲品，價錢可能會很「乸脷」。但直到我點餐之後，我才恍然大悟，發現「喜喜冰室」原來都有下午茶。原本「雞批浮台」加上「菠蘿刨冰」，價錢足足要六十五元，但是變成下午茶後，「菠蘿刨冰」立刻變成半價，整餐價錢立刻變成五十四元，平了十一大元有多。其實便宜了十一塊錢，對有些人來講，未必是很大的數目，但是對於我來說，省掉這十一元已經等於我，賺了很大的着數了。以「喜喜冰室」身處於銅鑼灣，這個人多車多又熱鬧嘈雜的鬧市內，食到五十四元一碟創意食品「雞批浮台」和一杯「菠蘿刨冰」，這價錢不是最便宜，但我吃到已經試食史上的重要發現。「喜喜冰室」不單樓面裝修充滿港式懷舊風格，就連區區一個夾點餐紙的「帳單夾」，竟然是一個很大的木製晾衣夾。「喜喜冰室」單是一個「晾衣夾」造型的「帳單夾」，已經很有香港本土的集體回憶情懷。另一方面，在我點餐後大約數分鐘，「菠蘿刨冰」已經率先被侍應端出來，跟着「雞批浮台」亦緊接從廚房出來。等了大約十餘分鐘，我就吃到「喜喜冰室」的招牌食品「雞批浮台」，和飲品「菠蘿浮冰」了。首先講一講「喜喜冰室」的招牌食品「雞批浮台」，所謂「雞批浮台」，是指一個已被焗好的雞批，被放在一碟綠油油一片的湯汁之中。雞批浮沉在一片「汪洋大海」之中，這情景就是菜名所指的「浮台」一個。雞批都算得上是，我喜愛食的烘焙麵包食品之一，雞批是我由小吃到大的美食，不是最近我病過後才戀上的食物。但是雞批的質地容易吸收口水，以前我吃了幾啖雞批，就要立刻補喝幾口水，否則隨時會口乾。但是「雞批浮台」的雞批，在「喜喜冰室」的刻意安排下，浸了和吸引了很多綠色湯汁。浸了湯汁的雞批，變得沒預期般乾身和吸收口水，雞批口感多了一種濕潤感覺，但是雞批本身的餅皮仍然香脆。雞肉餡質地被攪拌得很碎，有點像免治的雞肉碎餡料。被切碎攪碎好，再醃好味的免治雞肉，令「喜喜冰室」的雞批，浸着綠色湯汁，比以前更容易咀嚼和吞嚥消化，以前我吃雞批遇到的問題已經幾乎消失無蹤。「雞批浮台」除了雞批新鮮之外，浸着雞批的綠湯，綠湯本身設計與味道更是出乎我的意料。我最初以為綠湯的味道，可能是綠豆湯，或者是菠菜湯的鮮甜菜味。結果綠湯的味道讓我有點錯愕，原來綠湯味道竟然是酸酸辣辣。我現在還不曉得，究竟「喜喜冰室」廚房是如何去製造「雞批浮台」的綠色酸辣湯底，綠色酸辣湯底除了辣椒外，還加入了什麼材料，令「雞批浮台」綠湯味道，變得這麽酸辣之餘，又十分開胃呢？又需要知道內情的人告訴我了。至於「菠蘿浮冰」，它的冰塊設計也有點令我覺得有點訝異。「菠蘿浮冰」的冰竟然不是一般常見的粒狀，冰碎得來又不是碎濕濕，散落浮在「菠蘿冰」裡面，反而是碎冰積聚成為一座小山，浮沉在菠蘿冰表面。我要花時間，用鐵製餐匙把浮冰不斷鑿碎，讓浮冰碎慢慢融入「菠蘿浮冰」裡面，我才能真正喝到「菠蘿浮冰」的味道。但是，攪碎後的「菠蘿浮冰」味道出奇地有點清淡，沒有預期甜膩感覺。在強烈對比之下，「菠蘿浮冰」裡面的菠蘿，味道反而顯得比浮冰更加酸甜，不知道是「喜喜冰室」「菠蘿浮冰」味道不似預期，還是我之前吃過「雞批浮台」，濃烈酸辣味湯底令我吃不到「菠蘿浮冰」的酸甜味？用餐後我結賬埋單離開，我發現自己很喜愛「喜喜冰室」的「雞批浮台」，和它酸辣味道的湯底。「雞批浮台」的確扭轉了，我對雞批一直以來的固有想法。不過「雞批浮台」下午茶搭配的飲品，我可能要再想一想飲什麼才對。…Read More

以香港懷舊風格做主打的餐廳好多，《喜喜冰室》打造的環境是最細緻。餐廳的每個角落，好似小巴卡座、牆上的明星海報、地面的馬賽克瓷磚，甚至是餐廳的餐具、餐牌的設計都透出六、七十年代的懷舊風，令食客可以跟店主走一轉「舊香港」。除了「食環境」，冰室的食物都「食得過」。先上枱的是冰室最出名的雞批浮台，雞批浸在青豆湯，青豆湯的清甜滲入撻皮，亦令雞批食起來不會太乾。青豆湯濃淡適中，平日怕食青豆的我都一啖接一啖飲完全部湯，名物果然名不虛傳!黃金的法蘭西多士不止吸睛，還相當有內涵。厚切多士夠鬆軟，有蛋香，不會膩口。义燒湯意粉最無驚喜，似一般茶記常餐的質素。不過我認為意粉終於是配醬汁最好食呀!總括來看，《喜喜冰室》不論在環境和食物所花的心思都值得讓人一試!…Read More

這間餐廳並不是開在臨街一面，而是開在建築物的背街一面，有點難搵，裡面卻是別有洞天。首先見到的是室外用餐區，除了有遮、餐桌椅外，還有大乒乓枱和兒童車供大小客人玩耍。店內裝飾用喜慶的紅色為主色調，與店名＂喜喜＂兩字相呼應。店員訓練有素，等客人 Order 後會迅速準確無誤地重複一次內容再開單。＂懷舊＂是這間餐廳的主要定位，連 Menu 都用舊時的學生簿設計。第一次幫襯，憑相點餐。＂雞批浮台＂，新鮮烘熱的＂雞批＂浸在綠豆蓉湯汁中，顏色黃綠相間中間一點紅（番茄汁），味道微鹹中帶微甜，食落覺得有點西餐 Feel 😍。＂黑白多士＂，烘得香脆的多士上面均勻地抹咗一層＂黑芝麻醬＂，再薄薄地淋咗一層＂煉乳＂，顏色黑白分明，口感少少甜，多多香😍。初次用餐留下愉快的感受，我會再來的😜。…Read More

喜愛懷舊復古/60,70年代既朋友 絕對要黎喜喜冰室一趟!紅色小巴卡位懷舊收銀處成間冰室由上至下都經過悉心設計, 無論係紅色小巴既座位, 有生鏽痕跡既四字鏡匾, 定係印有6,70年代紅星既海報, 加上水磨石地同馬賽克懷舊牆磚... 我覺得.. 真係好似坐上左時光機去探訪我出世之前既年代.... 應該係屬於我父母/祖父母既年代 : ]盛載餐具既器皿當然都充滿60,70年代既風味啦~除左牆上既晚市推介同是日精選外, 呢度供應一系列融合懷舊加上玩味既新配搭食物款式!!呢度既signature dish 雞批浮台 $33其實即係雞批浸係青豆湯度 聽落同睇落都覺得好唔夾但係食落竟然無違和感.. 雞批好厲害 浸左好耐都無變淋到餅皮依然非常鬆脆 好好味呀~!!!青豆湯味道唔會太濃 而且仲令到雞批無咁膩! 終於明白整呢個配搭既原因~另一個主打食物-- 黑白多士 $24 !!!黎之前其實以為係朱古力味多士黎... HAHA原來係黑芝麻醬加煉奶~~~ 如果淨係得芝麻醬既話 我會覺得成份多士有d齋... 但係加左煉奶 成個味道都豐富了~其實食到呢度 已經有少少飽... 上面兩樣野都幾飽肚...但係跟住仲有更飽肚既野食....黎自"是日精選"既霸皇西冷 $148呢個份量好大~! 大大份西冷扒下面仲有唔少薯菜鐵板上 夠晒熱辣辣 .. 肉質還可以~ 個黑椒汁唔會過濃味~西冷扒仲會附送兩碗餐湯同埋一個餐包(今日因為賣晒所以轉左菠蘿包比我地) 菠蘿包好好味~~~ 包包軟熟 皮又鬆化 : )我叫既飲品係茶走~~ 其實係我第一次識得叫茶走 XDD因為我好鐘意飲Toast Box既奶茶 朋友話其實等於係茶走所以今次就試下茶餐廳既茶走 不過茶味比煉奶味濃我都係鐘意Toast Box既奶茶多D =D雖然係好飽 但係熱情既員工好意請我地食既甜品 點都要食埋佢 : )係芒果味啫喱加菠蘿粒~ 呢個真係帶出左我既童年回憶<3因為細細個最鐘意係屋企整啫喱^v^食到咁飽 都只係每人一百鬆D... 仲唔使加一絕對有下次~~~ ^^!!p.s.見到餐廳出面有康樂棋, 乒乓波枱等 都有其他食客係度玩下次無咁趕時間我都要係度玩下XDD…Read More