Ramen Bari-Uma (Closed)

係銅鑼灣附近食lunch既人 (包括我自己在內), 一定有聽過呢間黎自日本廣島的過江龍「霸嗎拉麵」! 不過平時既午市真係太多人排隊, 黎遠都見到長長既人龍, 所以一直都未有機會試到。難得今日放工約左朋友shopping, 行到肚餓之後去覓食, 竟然無人排隊, 直接入得, 正🤩 同大部分拉麵店一樣, 麵質、湯底油度可以自由選擇, 我地一行三人叫左3個拉麵同埋2碟小食。因為餐廳本來已有檸檬水🍋💧提供, 所以無另外再叫餐飲。店裡燈光偏黃, 木系既佈置裝修加埋廚房窗口既紅色旗幟好有日本風格。餐廳善用高樓底既好處, 將天花改成斜面, 再鋪上長竹, 令成個設計更特別之餘, 又唔會令成個空間產生壓迫感。枱面上面有調味料 (一味粉, 蒜粉同餃子汁), 醬油碟, 筷子, 紙巾等用具, 因為長枱既設計係三人共用兩Set工具, 所以每個客人都一定接觸到, 比起其他拉麵店要兩人共用一套工具, 呢度已經好得多。等緊上菜既期間, 見到最面頭既白色小碟係用保鮮紙包住, 仲有字寫住叫大家拎下面既碟用, 令人感覺比較衛生同貼心。特盛炙燒豚肉拉麵 ($118)炙燒豚肉味玉拉麵 ($88)特盛既意思即係多D叉燒, 而味玉即係溏心蛋🥚。上面兩款拉麵味道相差唔大, 主要係配料不同, 所以一齊寫。當你食第一啖炙燒豚肉既時候, 你就會明白點解佢會成為招牌菜! 雖然佢超級厚身超大塊, 但肉質軟嫩😋。炙燒過的豚肉有微微的烤肉香, 仲非常香口! 唔係平時食果D好薄身既叉燒。而就係因為佢咁大舊, 而且油脂分佈平均同埋肥瘦適中, 咬落去唔會肥膩。至於味玉方面, 一開頭見到原隻上都有少少擔心隻蛋會唔會因為放係熱湯入面太耐而熟哂, 點知篤開之後好驚喜! 蛋黃漿湧住出黎, 流心效果非常好! 湯底飲得出係用心製作, 非常濃厚同埋具有鹹香, 飲左一啖就停唔到。拉麵既麵條比一般既麵粗少少, 幾掛汁。雞叉燒味玉雞白湯拉麵 ($88)叉燒拉麵就食得多, 雞叉燒真係第一次試🙊。一碗拉麵有兩大件厚而扎實的雞件,外形扁身呈圓型, 咬落去好嫩滑。湯底充滿住濃厚既雞味 (可能加左少少雞油?!), 同豚肉拉麵一樣, 麵身好掛汁, 同埋雞湯一齊食, 雖然質感無豬骨湯咁厚身 (相對清少少), 但仍然濃郁。唐揚炸雞 5件 ($35)上枱時, 每件炸雞都熱到出煙, 應該係岩岩炸起! 每件炸雞都好大舊, 外皮炸到香脆熱辣, 正! 食之前落左少少檸檬汁, 酸酸地, 解膩一流。咬落去炸雞度就會發現雞肉雖然炸左, 但係仍然非常嫩滑, 有肉汁! 好好食!羽根燒餃子5件 (使用app優惠 +$15)因為發現左原來下載左個app, 登記左之後就會有一張優惠卷可以即時使用。$15就可以食到原價$35的餃子, 好抵食! 呢個餃子做法好正宗, 餃子底部向天, 5隻餃子由一層薄薄的脆皮連接住, 唔同其他拉麵店咁樣, 一隻隻獨立分開。唔太肯定係唔係即叫即煎, 因為上枱時的餃子唔算超級熱, 所以外皮只係略脆。入面既肉咬落去有肉汁, 沾埋酸酸甜甜的餃子汁, 唔錯。…Read More

炙燒豚肉濃厚豚骨湯拉麵 💲83雞叉燒味玉雞白湯拉麵 💲88羽根餃子💲12（午市優惠）唐揚炸雞 💲12（午市優惠）✅ 味玉做到溏心效果🥚✅ 炸雞大大舊而且肉質唔錯🍗❔ 兩個湯底都好濃厚🍜 雞湯仲帶有微微牛油味🤭 但寫左少油都仲係好多油🙀🙀❌ 叉燒好多肥肉😾❌ 餃子可以煎耐dd 唔夠脆 而且入面全部都係韭菜🤡👅Taste：3.25/5💰CP值：3/5🙋🏻‍♀️Service：3.25/5👁‍🗨Stylishness：3/5…Read More

放假突然好想食拉麵，甘岩今日岀銅鑼灣，就一於決定同男朋友去食個拉麵。本身都冇諗住食邊間好，但依間拉麵店開正銅鑼灣地鐵站岀面，而且”紅當當”既店面十分 eyes catching， 我地決定試試佢！我地一共叫左兩碗拉麵。 1. 辛辣炙燒豚肉味玉拉麵個辣味吾會太重而掩蓋左個骨湯味，肉比較淋身，整體不錯。我地係蛋控，每人都加左隻流心蛋。啲蛋都大大隻，中間咬落去都做到流心效果，不錯的！2. 雞叉燒味玉雞白湯拉麵雞湯味吾係好重，有啲似豬骨湯甘。雞叉燒太肥，仲諗住嗌雞冇普通叉燒甘肥，點知都係一樣，少少瘦肉連埋一大舊肥肉。女士們同我一樣吾中意食肥肉既話就要考慮下叫其他。…Read More

霸嗎拉麵近我返學地方，所以經常去光顧。我大多數七時左右進入，一直不需排隊等候。今晚放學後十時進去，也是長驅直入，無須等候。以前都是吃獨沽一味：辛辣炙燒豚肉味玉拉麵，那碗麵賣點是那成吋厚的肥豬肉，我相反地，最不喜歡那塊厚肉，太厚太多了，啖啖肉，而且烹調不入味，很「鞋」，但湯底十分濃郁。今晚，由於十時了，不想再吃啖啖厚肉，改叫了雞叉燒味玉雞白湯拉麵。麵到了，一口嚐湯，不錯，很有雞味，再試雞叉燒，比起豚肉，感到滑嫰一些；玉子仍是溫泉蛋，半生半熟，夕陽般的紅，十分吸引，感到滿足。不過，吃過之後，連忙喝了五大杯水，仍不足解渴，可想其味精之多！…Read More

呢排秋意味濃，即刻諗到食一碗熱騰騰的拉麵暖身，霸嗎拉麵的餐牌圖文並茂，拉麵店通常是豚骨湯底，不過該店有豚骨湯和雞白湯選擇，雞白湯未試過，所以點了雞叉燒味玉雞白湯拉麵餐點紙資料清晰，麵的質感，走配料，甚至少油都有得選擇，當然要點少油上檯時湯面果然鋪滿香蔥同木耳先飲一啖雞白湯，好清帶點雞肉香雞叉燒共兩片，原來是醉雞卷的道理，雞肉捲成圓條，然後切，雞肉咬一口沒有散開，而且味道十足，平時食開叉燒，今次食雞叉燒又好特別麵質選擇適中，有口感帶點煙靭味玉是每次吃拉麵必點的配料，咬一口糖心蛋的蛋黃汁自己流出，真是很美味辛口燒餃子，日本餃子就是連帶著一層香脆的薄皮，餃子是菜肉餡料，辛口主要是餃子面的辣油，如果再多一點就更惹味，一客五隻最後點了一枝山梨県的桃汁清酒，酒精含量只有3%口感較淡身，帶點清清的桃香，它註明是用京都伏見水釀造而成的，值得一試…Read More

星期五晚7點拎係銅鑼灣，諗唔到食咩下就揀左之前排隊排到傻既霸嗎，之前做宣傳無限追加味玉同麵條，即刻由早排到晚當然我無排哈今晚唔使排隊直入，同門面一樣，入面日式裝修，和風拉麵店，靚既，同其他霸嗎分店一樣，加埋半開放式廚房，可以見到師傅整係正啲既不過就大部分既座位都望唔到座位相對真係幾迫，有啲大舊既男人都坐得好辛苦，唔至於唔舒服不過你知唔會坐好耐枱上面有晒應有既調味，一味粉、黑椒、蒜粒、餃子汁，仲有凍水，典型拉麵店既擺設餐牌主打當然係拉麵，不過都有好多小食，因為有集團式既味道所以選擇多啲，又鍾意點配都得最重點推介既就係醬油濃骨湯，另外亦可以選擇雞白湯，仲有得揀麵既軟硬度同配料最好建議係出面睇左圖，入黎畫就得，唔係就要係淺窄地方拎住超大個餐牌先黎辛辣炙燒豚肉味玉拉麵，食日本拉麵，第一樣梗係試下佢個湯，入口口感濃厚豚骨(豬骨?)味同醬油味平衡得唔錯，由於叫左辛辣飲唔到肉湯既甜味，如果你叫唔辣可以再品嚐下，整體而言個湯幾唔錯麵係正常度，軟硬算適中，麵身偏幼而無乜蛋味既，無話好定唔好既，麵既選擇都好個人，不過麵質同風味唔算突出，都好味既之後就到佢強推既炙燒豚肉，佢話係用上等豚肉低溫浸煮超過十小時再用火炙燒，心機落足，慢煮厚叉燒黎講十個小時係正常，食落肉質相當唔錯，唔會老唔會有筋或者難咬但相對就都幾淡下，只得肉味，無醬汁或其他風味，有少少浪費左咁大擔心機再試下佢既味玉，糖心效果良好，蛋漿好正如果任添個陣黎應該可以食十隻但蛋白就唔多得，叫得味玉，隻蛋自己本身已用醬汁浸十幾個鐘，但隻蛋只有上色，毫無醬汁味依個位係失望既另一碗就試埋佢既雞白湯，叫左雞叉燒味玉雞白湯拉麵🍜 湯底較豚骨湯清，口感薄啲，加埋葱花好香好味既試完清雞白湯可以加啲一味粉同蒜粒，等一等 等啲蒜粒浸一浸冧，碗雞白湯即刻香、味都提升，更挾拉麵一齊食由於佢個麵幼啲同少蛋味，相對比較挾雞白湯既質地碗入面既雞叉燒望落似普通雞肉，一食發覺幾有風味，味道較炙燒豚肉好，如果你鍾意蒜味，加一粒浸冧左既蒜粒一齊食，連葱同少少浸左既一味粉，好香好正將成碗拉麵質素提升左食日本拉麵成日都話要飲晒啲湯，飲完你就會得到。。。。。。。。。一杯一心總括黎講，我唔鍾意佢集團式、炙燒豚肉普通、味玉失望，但湯同麵都幾唔錯，雞白湯仲有驚喜，拉麵計又唔貴，又方便，仲想點都算係幾唔錯既選擇！#前後係間舖只係大約半個鐘#佢閒日仲有啲小食啤酒餐可以一試#同心儀異性去食包你可以同佢肩貼肩…Read More

因為想食拉麵 之前又同屋企人食完霸嗎拉麵 個次食豚肉覺得佢地燒得好好食就再去食啦屋企人上次食雞肉拉麵話好食 我又胃痛費時食太肥膩就揀左雞肉雞叉燒雞白湯拉麵 ($83)【麵適中 少油 走蔥】拉麵一上枱 兩塊圓型嘅雞肉上面有d 炸蒜粒 個外型已經好吸引我我拿起筷子夾一雞肉食一淡 雞肉唔係太林唔係太硬 但食落肉質偏乾 無好juicy嘅感覺然後食到差不多中間嘅位有d 雞軟骨同碎骨頭 唔知係我個碗係咁定係佢係咁 另一塊有無呢個問題雞肉比起豚肉感覺好普通 無咩特別但湯好濃 好香 拉麵掛起濃濃嘅雞湯 好好味 但飲得多都會覺得有d 鹹雞叉燒味玉雞白湯拉麵 ($88)【麵軟身 少油】對方覺得雞肉好食 但係感覺上不太似食拉麵嘅感覺:)味玉蛋白有湯嘅味 流心 正常拉麵舖嘅蛋款式野菜 (+$20)就係白烚芽菜同木耳但份量都充足 不過不失吧…Read More

我們二人一共點了辛辣炙燒豚肉味玉拉麵、雞叉燒味玉雞白湯拉麵、羽根餃子、唐場炸雞和水蜜桃果汁清酒。清酒酒味不會很濃烈，也不會嗆口，水蜜桃味香甜。辛辣炙燒豚肉味玉拉麵配料有荀、葱、半熟蛋和豚肉。先說湯底和麵條吧。湯底十分濃郁，帶一點辛辣。麵條的軟硬是可以選擇的。而麵條比較幼身，軟硬適中，掛湯能力十分強，每條麵條都能沾黏到濃郁的湯，十分好吃。而豚肉則太過肥膩了。肥肉跟瘦肉的比例是7:3，幾乎每一口都是吃肥膏落肚。而半熟蛋是流心的但蛋香一般，也不夠入味。荀也算爽甜，不算有渣。雞叉燒味玉雞白湯拉麵湯底比較清淡一些，很香很濃厚的雞湯味，葱很多，增添了一份葱香。至於雞叉燒比剛才的豚肉好太多了，肥瘦剛好，很軟腍，而且上面有炸蒜，味道層次更豐富，有股很香的蒜味。一旁的木耳絲也爽口，一樣有流心的半熟蛋，如果蛋的醬油味更入味就好了。炸雞十分大件，剛炸出爐，十分燙口。不算很油膩，擠點檸檬汁可以去除點油膩感。炸雞外面很香脆，不會很厚炸粉，裡面的雞肉很嫩很有肉汁。羽根燒餃子也不錯，餃子餡料是豬肉，味道鮮美多肉汁，也是剛煎起的，很好吃。這間的拉麵湯底十分濃郁是由廣島直送的，不經稀釋。麵條也好吃，不過麵的份量不算多，女生是夠吃的，但男生就不太夠。…Read More