Ramen Bari-Uma

放工心血來潮想來碗拉麵記得之前經過尖沙咀見過呢間拉麵店人潮擁擠，今次黎到銅鑼灣竟然唔使等位，就衝左入去試啦！同男朋友兩個想share豚肉同雞叉燒，所以就叫左個「特盛炙燒豚肉拉麵」同「雞叉燒味玉雞白湯拉麵」。特盛炙燒豚肉係有四塊勁厚既豚肉，一黎到都大叫左一下！經過十小時慢煮再加明火炙燒，肉質非常軟稔又好入味！肥瘦好均勻，食完一整塊會覺得超滿足但又唔會好油膩。湯底都好值得讚，濃濃既豚骨味再加一點點黑椒味，非常惹味！拉麵方面可以自由選擇軟硬度，覺得普通就最岩岩好。雞叉燒拉麵都令人好驚喜！雞肉本身好稔身，仲要食得到好鮮甜同多汁。而湯底比豚肉果個清啲，雞味好重但唔會太鹹。我地再加個「羽根燒餃子」。五隻餃子連埋一齊，連埋塊薄薄既脆皮，好特別。餃子入面係菜肉，非常多汁。鐘意配合埋佢個餃子汁，再加啲蒜粉黑椒，味道好正。因為本身佢只有供應水，所以我地就叫左「信州蘋果梳打」同「三矢梳打」。蘋果梳打超好飲！充滿好新鮮既蘋果味，但一啲都唔甜唔假！而三矢梳打就好似普通波子汽水既味，正正常常。總體而言，豚肉同雞叉燒既拉麵都各有特式一定要試！但佢份量的確幾多，我地兩個人可能叫得太多都食到捧住個肚！…Read More

聽講好多人排隊, 所以我哋11點幾就嚟到霸嗎拉麵。太早, 結果係包場...未食過雞叉燒, 所以我哋2個都嗌*雞叉燒味玉雞白湯拉麵**雞叉燒味玉雞白湯拉麵*揀咗軟身麵同少油。除咗葱花同木耳, 拉麵仲灑上脆炸洋葱。湯底濃陏, 鹹味較重, 但唔太稠。叉燒份量比起同價位拉麵店多。雞叉燒原來係將雞扒連皮捲起醃製。叉燒略帶焦黃色, 食落有醬料甜味, 有啲似照燒雞, 但佢雞味更出。雞皮令肉質嫩滑, 唔乾。味玉流心, 蛋白都唔係全熟, 但內層仲係白色, 未夠入味。可能真係太早去?極幼麵掛湯比較好~而且麵有麵粉香, 配返鹹湯底恰到好處。蒜粉大粒脆口, 配麵一流~灑上抹茶粉, 賣相一流~唔係濃茶, 但都有抹茶香。但質地似棉花冰多啲。好坐…Read More

又到星期日同朋友去行街嘅時候啦～今次我哋去咗銅鑼灣瘋狂血拼朋友買咗好多衫好滿意 所以我哋夜晚就決定要再食餐好嘅! 最咩我哋鎖定左目標----係要食一碗美味的拉麵!!!!鎖定左目標我哋就第一時間去咗登龍街,大家都知登龍街有好多間拉麵舖進駐左揀右揀最尾我哋去間最多人排隊嘅嗰間霸嗎拉麵! ～佢個門口出面勁日本feel 佢有一種好神奇嘅魔力 令你好想入去咁樣! 好喇終於都入咗去啦一開門入到去其實已經人山人海, 好快就去坐低左啦再睇睇Menu, 佢主要係用雞量少選擇我呢就揀咗雞叉燒味玉雞白湯拉麵$88，我朋友呢就揀左炙燒豚肉味玉拉麵$88 再加支綠茶可樂$25  先講講我嘅雞叉燒先,佢個湯底我因為叫左少油所以比較清同平時一般拉麵嘅濃郁湯底好唔同我本人比較鐘意～講完湯底就到到麵質: 麵我就揀咗軟身嘅掛湯力都算ok ah~ 至於主角雞叉燒佢有兩大塊而且外面微微燒焦效果好惹味至於朋友既豚肉 佢就話豚肉半肥瘦適中再加上外邊微微燒過 感覺一流樣樣野都好完美唯一美中不足嘅係我既流心蛋變咗半熟蛋希望下次可以流啲啦 吖仲有最後既綠茶汽水本來勁驚可能會伏點知最後覺得味道都唔錯wor ! 喺口腔回一回既時候綠茶味就會慢慢滲出黎 ~感覺幾得意架…Read More

一碗狀態最佳的拉麵，從煮麵、擺盤到出菜約共1分25秒，接著的 5分鐘，便是客人享用的滋味時刻。而這5分鐘，亦是拉麵店之間的決戰時刻， 要俘虜一眾食客的芳心，美味的湯底跟彈牙的靚麵缺一不可。近年多間日本過江龍拉麵店進軍本港，大都做得出色好味，有的更是大排長龍，成為一時佳話。而最近筆者去了有銅鑼灣拉麵食街之稱的登龍街，試了一間來自日本廣島的連鎖麵店，主打濃厚豚骨湯拉麵，質素出奇的高班，打破了連鎖≠高質的傳統概念。這麵店為廣島規模最大的拉麵連鎖店，2003年創立至今，日本全 國共有37 間分店，於2015年首度登陸港島登龍街，隨後更於尖沙咀開設分店及進軍澳門，海外於新加坡、馬來西亞及印尼均設有分店。以Bari-Uma命名，解作「極之美味」的意思，證明了店家對自家出品的信心。這裡的豚骨湯據說有「最強濃厚豚骨 No. 1 湯底」之稱，秘製湯底以豬背骨及脛骨為基底，再加入了雞骨及多種 蔬菜熬煮超過10小時；而麵條也是自家打製的，每天新鮮即製22號拉麵；自家炙燒叉燒則採用一級豚肉，厚切之餘，香而不油，再配以美味的日式溏心蛋，處理及配搭均是一絲不苟，令人回味無窮。來到店前，單看門面已充滿著傳統的日本風格，店內的佈置亦帶有濃厚的日式味道，巧妙地利用了空間設計，雖然地方不算太大，也放有頗多的座位，但出奇地尚算寬敞，不會感覺太擁擠，比起很多日式拉麵店來得舒適。看看餐牌，這店的拉麵款式不算多，主要是濃厚豚骨湯、雞白湯和辛辣味湯底，而跟大部分拉麵店一樣，麵質軟硬度、配料添加等都可以自由選擇。另外還有餃子、炸雞、啤酒、日本飲品和甜品等供應，甚至連石鍋飯也都有得吃。今次我們試齊了兩款主打拉麵：特盛炙燒豚肉拉麵，店員將拉麵端上桌時，肉食系的筆者立即兩眼發亮，只因炙燒豚肉鋪滿了半邊碗，不像一般薄薄的拉麵叉燒，這店的豚肉塊塊厚切大件，足足有四件之多，份量足料。豚肉肥瘦相間，經過炙燒後的叉燒表面微焦呈焦糖色，入口鬆化即溶，肉質嫩滑多汁，帶有油脂的甘香，調味不太搶，突出了肉味的濃郁。而身為主角的豚骨湯底亦算濃厚，雖然未至於店家強調的最強濃厚豚骨No.1湯底，但的確有夠濃香豬骨味，湯色呈亮麗的淡啡色，口感較為濃稠，面層更泛有一層薄薄的油份，油香適當地增加了湯汁的香醇，不會過油但豐富了湯底的層次味道；而自家製的麵條質感滑身爽口，較一般的九州拉麵為粗，掛湯能力亦 不錯，拉麵中央放有少許日式豆瓣醬，醬香亦有助帶起了整碗湯麵的美味。雞叉燒味玉雞白湯拉麵，以雞骨熬製成白湯，湯色明顯較豚骨湯為清，顏色較淡，不過味道仍舊濃香鮮甜，而且亦不油膩，令人忍不了先喝多幾口。雞叉燒頗為特別，外邊少見，厚切之餘鬆軟嫩滑，輕輕燒過帶點香口，配搭上湯底更能突顯雞味。至於麵條同樣的掛湯，吃落味道較清淡爽口，搭上隨湯的炸蒜粒、青葱和木耳，爽脆惹味，跟豚骨湯拉麵各有千秋，但個人口味仍舊是偏好後者居多。溏心蛋可選擇切開與否，個人更喜歡原隻上，因蛋黃可以原汁原味的保留著。一咬開滑溜蛋白與流心蛋黃洶湧而出，濃郁甘香，令人回味。辣，其實不是一種味道，而是一種痛覺與觸感。平常吃的甜酸鹹苦，都是由味蕾去感應；但辣味其實是辣椒素刺激細胞，在大腦中形成了類似於灼燒的微量刺激感覺，所以辣不只是味覺感受，皮膚接觸到亦會有辣的感覺。而今次我們又點了兩款辛辣小食：辛口燒餃子，餃子網底煎得薄而香脆，餃子皮薄餡香，配上店家秘調的辛口辣汁及蔥花，香辣惹味而不太油，辣得到位，入口香酥而刺激。辣汁唐揚炸雞，外層作得微脆，炸粉很薄不會吃得滿口粉漿，肉質軟嫩多汁而不油膩，加上辛辣汁的香辣，更覺刺激惹味。近年香港深受日本拉麵文化的影響，市面充斥著不同特色的拉麵店，大部分都有著東洋的本土風味，今天吃的這家亦不例外，湯底濃香而不過鹹，自家炙燒豚肉叉燒大大塊原汁原味，出品不俗，而店員服務亦很親切貼心，雖然拉麵收費屬中上價格，但有些小食如餃子和唐揚炸雞也只是三十多元，算是合理，整體滿意度高，難怪每次經過都見到人流駱驛不絕，是間值得回頭再試的拉麵店。…Read More

話說大年初一搵食甚艱難啊，諗住醫飽肚去睇花車巡遊。心血來潮想食拉麵，就去登龍街碰下運氣，一於邊間開就食邊間。去到只有兩間正常營業，三田製麵已經試過啦，咁就「霸嗎拉麵」啦。 - 綠茶可樂（$25）原來咁好飲㗎！未試之前可能會覺得隻味會怪怪地，試咗就覺得好好飲好特別，綠茶有可樂味，可樂有綠茶味。 - 青梅蘇打酒（$18）同喺日本買嘅一樣，好飲啊！飲曬成罐慢慢會好似有啲醉咗咁，話曬都係有酒精，不過抖翻陣就無嘢啦。 - 雞叉燒味玉白湯拉麵（$88）「點解隻蛋唔咪切開兩邊嘅？」平時食拉麵嘅蛋都有切開，不過哩度就無切嘅，隻蛋算OK。試咗啖湯底，ummm，比較稀，唔似豚肉拉麵嘅湯底咁濃，飲落有啲似即食麵啲湯咁嘅。麵揀咗硬度適中，口感唔錯。塊雞叉燒好好味，仲幾厚身，入口慢慢融化，唔乾之餘又唔會太淋。個人鍾意有蔥花，成碗麵食落會香啲。 - 炙燒豚肉味玉拉麵（$88）湯底勁濃，比較稠，好似成碗都係豬骨嘅精華咁。豚肉好厚身，肥瘦適中，肉質較軟，同啲炸蒜碎一齊食，堅好味！雖然今日係年初一，但係「霸嗎」真係良心舖黎㗎，竟然唔洗加收喎～ 俾Like…Read More

終於一嚐Bari-Uma霸嗎拉麵雞叉燒味玉雞白湯拉麵 $88(麵適中硬度、少油、少蔥)加味荀 $10 竟然有一碗！一早做定功課 分別看過豚骨和雞湯的評價最近都吃得比較清淡所以選了雞白湯還是會擔心會不會不夠味道讓人失望答案是：絕對不會 😋😋😋雞湯香濃卻絕不油膩, 加上淡淡拉麵的鹼水味 我好喜歡 ❤喝幾口就加上蒜粒試試拉麵我喜歡偏軟的拉麵, 這裡的適中硬度還算爽身雞叉燒十分好吃, 肉質厚又嫩滑 (想叫多碟)完全覺得我選對了最適合自己的拉麵因為平常都不太好豚肉打次再來還是會選雞叉燒不過會選軟的拉麵❤另加了一碟羽根燒餃子 $35/5pcs餡料很好吃, 菜和肉比例剛好最後來個甜品 芝麻雪糕 $28芝麻雪糕不算香濃, 不配紅豆還可以紅豆甜味蓋過芝麻特別一提葡萄酸蘇打酒很好喝 😳淡淡酒味又不太甜 👍🏻…Read More

呢間拉麵係尖沙咀有一間分店，但原來係銅鑼灣都有，咁多次同佢擦身而過既我，終於有機會係一試。是晚店內有好多食客，係拉麵店林立的登龍街，仍然吸引到大批饕餮光顧，店內的裝潢以大量日文標語為主，雖然不懂日文，但仍看得出他們要做出最強的拉麵。柑太點了他們的豚肉味玉拉麵，我就點了雞骨湯拉麵炙燒豚肉味玉拉麵($88)，一上檯，濃香的豬骨湯香直撲而來，最搶眼就係叉燒，大大塊的叉燒，表面經過火炙，微焦而帶金黃，而厚切的分量，在入口時，可以完全感受到肉質的嫩滑，油脂比例洽到好處，令人想大大啖咬落去。湯底係濃濃的豬骨湯，湯底不算咸，而豬骨湯入口後不乾喉，唯獨表面太多油，感覺較油膩，麵身很索湯，入口彈牙爽滑，味玉雖然無切開，但咬開時，流心的蛋黃味道很濃。雞叉燒味玉雞白湯拉麵($88)呢個麵非常有驚喜，平常吃過的拉麵都是以豬骨為主，但這個卻是雞骨為主，出來的湯很清，入口時有很厚的雞骨味，十足老火湯一樣，而叉燒不是豚肉，反而是以雞上脾肉做的叉燒，入口很嫩滑而且分量十足，每一啖都在食嫩滑的燒雞肉般，令人難以停口，而因為這拉麵用雞湯為主，食到最後可以將湯全部喝下也不覺油膩。這個雞拉麵卻沒有像豚肉拉麵有特盛的多雞叉燒的選擇，實在有點遺憾。唐揚炸雞($35)，這個價錢有五件雞的確是超值，而雞肉即叫即炸，入口皮脆肉嫩多汁，沾上檸汁後，將表皮的油膩感化去，令人更醒胃地去吃，可以吃到最後也不滯。蜜瓜梳打($28)，這梳打入口時，真的很有新鮮蜜瓜的味道，就像將一張蜜瓜放入梳打水中一樣，味道清新，在吃過熱騰騰的拉麵後，用它來解熱的好選擇…Read More

前排經過尖沙咀, 友人已經話想食, 但岩岩食飽都係留下次啦. 點知見OPENRICE上埋榜, 唔食點得丫. 今次去開銅鑼灣即約友人食呢間廣島霸嗎拉麵.排隊20分鐘就入座都接受到啦, 有梳化位幾舒服, 枱上放齊黑椒, 辛辣粉, 餃子醬油等等調味料.先飲啖凍水再研究一下餐牌.拉麵分豚骨湯底和雞白湯底, 更有兒童餐細份量唔浪費, 仲有玩具附送好貼心.還有幾款口味的餃子及炸雞. 不喜拉麵的話更有飯類滿足你.我同友人當然揀拉麵, 而且每人叫一款, 可以交換試少少, 再點多個餃子睇睇大廚功力, 最後點可以少左雪糕作甜品.羽根燒餃子 $35, 煎得金黃色好靚, 粒粒餃子大細適中.餃子煎得好香脆, 另一面是皮薄餡多帶濕潤既餃子, 一次食到香口脆皮加軟潤餃子.沾少少醬油已經好好食.炙燒豚肉味玉拉麵 $88, 友人既拉麵湯底好濃郁豬骨味, 個湯唔算好油, 食完唔膩.最吸引我既係炙燒豚肉, 五花肉厚身, 經過炙燒後, 油脂溶化開, 又香又有油潤感.雞叉燒味玉雞白湯拉麵 $88雞白湯好清, 比豬骨湯清淡少少, 但雞味也濃郁, 個湯底比較鮮甜甘香.麵質是幼麵, 熱食拉麵我一般選硬身點, 因為唔怕湯底浸軟麵條.拉麵好有彈性, 爽口不膩帶點咬口.我同友人都好鍾意雞叉燒, 因為超厚身, 好少見甘厚啖啖肉既叉燒, 其實用厚身雞肉卷成的雞叉燒.雞肉好嫩滑柔軟而不失彈性. 好完美既雞肉. 外層微微煎過更添香味.味玉夠哂入味, 不過軟心不理想, 可以更滑更軟. 蛋黃甘香濃郁好好味.事日不夠飽, 黎個甜品先完滿. 每人叫左一款口味.嘩, 好精緻, 用日式淺木色餐具裝著雪糕, 好有日本感覺, 好靚好吸引.日本芝麻雪糕 $28, 芝麻味比較香而且特別濃郁, 但雪糕溶得好快, 中間位置有少少冰感.頗滑身, 芝麻控可以一試.日本抹茶雪糕 $28, 本人是抹茶控, 所有抹茶由我負責....食.抹茶味頗濃, 不會過甜, 微甘帶茶香. 雪糕上有好多茶葉碎. 伴紅豆食也不膩. 不過奶味都好重, 而且溶得快.拉麵經常食到豬骨湯底, 難得有雞白湯, 所以會先選擇雞白湯拉麵. 而且比起豬骨湯底更鮮甜.…Read More

平時係銅鑼灣返工真係唔知食咩好周圍都咁多人難得友人專乘黎搵我食lunch梗係要食餐好啦經過咁岩見到廣島霸嗎拉麵終於唔駛排隊啦梗係入去試下啦入到去雖然周圍都坐滿人但比起平時去到的拉麵店坐得相對比較寬敞環境唔會迫得抖唔到氣因為有太多日式裝修的拉麵店坐位都會很貼近大概這樣的裝潢就是因為想給客人舒適的環境吧除左有好多lunch hour黎食野的office lady仲有好多外國人見到menu有中英對照真係好貼心難怪咁多外國人食啦食拉麵當然要試下佢地最出名的拉麵啦所以友人就點左炙燒豚肉味玉拉麵而我個人就比較鐘意食雞見到佢難得有雞做主題的拉麵梗係要試下啦最重要的係lunch hour有平價加$12就多個小食真係好吸引所以就點左羽根餃子呢個就係炙燒豚肉味玉拉麵湯底好濃郁 不愧係濃厚豚骨湯豚肉亦都燒得剛剛好平時好怕會食個舊豚肉肥膏的我都真係對呢舊豚肉改觀原來豚肉燒到剛剛好的話豚肉的肥膏就會變得不再肥膩真係好適合鐘意食豚肉的女士呢個係我第一次見餃子係一餅上不過唔好比佢呢個咁模棱兩可的樣子誤導左其實佢實質上真係不錯餃子皮厚薄剛剛好最怕厚皮餃子架啦煎封餃子更將包在𥚃面肉的肉汁鎖住係餃子皮裡面一啖咬落去就biiii晒出黎而呢個雞叉燒味玉雞白湯拉麵係最令我impress的拉麵本來見到menu所謂雞叉燒的時候我真係想像唔到究竟拉麵上的肉會係雞定豬定純粹雞湯拉麵 但仍然係豬肉做的叉燒喜出望外地原來係雞肉黎架仲要雞肉好嫩好好食湯頭仍都做得不錯呢個拉麵真係令我「食」而忘返完全係鐘意食雞肉的人的至愛首選極度推薦我絕對會再為呢個雞叉燒而再黎食過返尋味…Read More

這間拉麵店很細心，可以選擇麵的硬度：硬/適中/軟，少油，少葱等！ 特盛炙燒豚肉拉麵：先談湯底，較濃味的一個湯底，有著炙燒的惹味。至於拉麵，出奇的入味！通常麵會煮得好稔，先會夠入味，相反，如果要保持麵的硬度，那麼麵一定不會入味或甚至會有鹹水味，但這間拿攝得好非常好！麵沒有鹹水味！非常入味而且麵能保持硬身。內有五塊大大塊豚肉，入口即溶，而且脂肪分佈平均，不會偏肥或偏瘦！燒過的豚肉更顯惹味！ 建議細食的人不用點特盛不然會好滞雞叉燒味玉雞白湯拉麵：這個明顯比豚肉的較淡味，清淡。麵一樣是值得一讚！入味之餘能保持硬度內有雞叉燒两塊，燒過的雞肉，肉質嫩滑，很好味！推介！另外，雞蛋，初初夾時覺得很軟，原來它是溏心蛋！蛋是腌製過的。但蛋沒有很重的蛋味。廣揚炸雞：五件，同樣肉質嫩滑！即使是原味，已入味非常。如果配合其他調味料一起用又是另一種風味！於是嘗試加入一味辣粉，少少辣味都配雞肉的，但個人較喜歡原味！最後，當然要來個甜品啦！綠茶雪糕綠茶控必試！先不談味道，賣相已值一百分！用木桶盛著雪糕，雪糕有著紅豆相伴，而且面上還有綠茶粉，很有心思的一個甜品！雪糕跟一般的不同，是軟軟的，有點似手製的雪糕，可稍微拉到出來！好特別！而且這個綠茶有著微微的奶味，完全沒有苦澀味…Read More

同CHICKEN好少一齊去食拉麵，就算有都係好耐之前既事喇～所以今日行街一於決定去食拉麵大滿足！！黎到登龍街，其實真係有好多選擇，最後我地揀左依間好評如潮既Bari-Uma 廣島霸嗎拉麵～ 一黎到已經被佢吸引住，門面極具日本特色文化，我都不禁要幫佢留念一張，猶如自己置身左係日本呀～ 內裡環境都充滿日本既風味，一入門就有熱情既招呼，開放式廚房，我地可以睇到每碗拉麵既製作過程，除左水吧位，更有雙人或多人坐位 每款拉麵/小食都圖文並茂，可以睇清楚有咩配料，而點菜就填番下面果張點菜紙，點菜紙有齊晒小食/飲品，拉麵可以揀硬/適中/軟，多油/少油都得，而我同CHICKEN分別嗌左雞肉同豚肉既拉麵～綠茶，同CHICKEN都一人點左一杯熱綠茶，因為拉麵湯底本身個味會較濃，加上佢地用真材實料，用肉去餚出個味道，所以要飲綠茶黎去油解味，然後繼續食，就會每次都食到佢既香濃味覺～燒汁唐揚炸雞，有別於韓國炸雞，外層炸皮好脆身，口感偏硬，雞塊香口惹味，燒汁岩岩好帶到個味出黎，每件都大大件好抵食沙拉野菜炸餃子，以沙律醬做配醬，餃子被炸成金黃色，食落非常香脆，餡料主要係韮菜，中間有酸甜既沙律醬做調味，愈食愈過癮炙燒豚肉味玉拉麵，湯底好鮮好濃，濃到一個地步係開始有少少咸，但個湯底配上拉麵就好夾，濃湯配上有口感但冇乜味既拉麵，簡直係絕配～拉麵冇咩味，但個口感唔錯，依碗揀左軟質既麵身，出到黎真係幾軟，唔錯流心蛋甜爆心，一咬落去蛋黃流晒出黎，好鮮甜，溝落個湯道又得，就咁食晒去亦得炙燒豚肉味好濃郁，入口即溶，口感軟身，有少少肥肉但好香口！雞叉燒味玉雞白湯拉麵 ，第一次食雞叉燒既拉麵，感覺好新鮮，湯底清得黎有濃厚既雞肉香味，飲落亦唔會太油，非常抵讚！麵質適中有彈性，黎到主角雞叉燒，肉質好嫩滑，雞既味香得黎夠滑～ 肥瘦均勻，肉質嫩滑，而且味道好香～讚！雞叉燒真係比左我好大既驚喜～如果大家唔想食咁濃味既拉麵，依個係你最明智既選擇！ 味玉就係我地食開既流心蛋，流心程度有90分，每咬一啖都會FEEL到蛋漿湧出黎，而且個口感亦好彈滑，好正呀！！日本抹茶雪糕，最後嗌左個抹茶雪糕作小結，以一個圓木筒上好有風味，另外配埋紅豆蓉，雪糕口感軟淋，而且抹茶味好甘甜，加上紅豆蓉簡直係至夾既組合，份量唔多，勝在小食多滋味…Read More

完全沒想到來到3月中天氣仍然是如此寒冷，我本人體質虛弱，經常被朋友笑我在香港著到彷彿在外國下雪般多衣服。由於長期手腳冰冷，所以特別喜歡吃熱騰騰的火鍋和拉麵。今次就到了位於銅鑼灣的Bari-Uma 廣島霸嗎拉麵。店舖的環境是意外地寬敞，竟然有舒適的梳化位，實在驚喜。款式也有不少選擇。雞叉燒味玉雞白湯拉麵 $ 88甚少拉麵店會有雞叉燒拉麵，這也是我第一次品嚐，雞湯的湯底，味道比較清淡，沒有豬骨湯的濃郁，起初會覺得淡，但再吃下去時又覺得剛剛好，不會過於濃味而口喝。雞叉燒先把雞肉調味再卷成卷狀，切出來就變成叉燒的外貌，雞肉口感嫩滑，沒想到是如此美味。我選了適中硬度的麵條，彈性普通，可惜掛湯力不是很足夠。而溏心蛋內呈半屬狀態，蛋香豐盈，口感滑溜。整體感覺清新不油膩。特盛炙燒豚肉拉麵 $118 +味玉 $10這個特盛拉麵真令人忍不住嘩然，我覺得比之前在其他拉麵店食過的份量更大。四大塊炙燒過的是最引人注目的，表面帶有焦香，瘦肉跟肥肉相間，瘦肉中帶點脂肪，口感軟稔。湯底味道濃郁，質感濃稠，因為朋友喜歡軟身的拉麵，所以特意選了。溏心蛋同樣蛋香豐盈，口感滑溜。粟米 $10另外還加了粟米，不過粟米放涼了，如果是熱騰騰的會更好。辛口燒餃子 $38餃子煎得香脆，內裏充滿著豬肉同蔬菜，蔬菜份量比平日所吃到的多，感覺清新，不過我們少看了餃子上的辣醬，辣得我們要狂喝水。用餐的期間左右兩旁都坐了日本的客人，那一刻我真有彷彿置身日本的感覺，如果有天你旅行癮發作不妨走到登龍街談一場一小時的廣島之戀。廣島之戀 張洪量 莫文蔚越過道德的邊境　我們走過愛的禁區享受幸褔的錯覺　誤解了快樂的意義是誰太勇敢　說喜歡離別只要今天不要明天眼睜睜看著愛從指縫中溜走　還說再見…Read More

這次與朋友來到號稱拉麵街的登龍街吃晚餐。8點正值晚餐時間，客人有很多所以需要等候。木桌子上整齊排列了調味料、點餐紙及筷子。先看有圖的餐牌才點餐，點了也安心。既然是湯拉麵，湯的水準一定要好，附上拉麵才好吃。我點了這個雞叉燒味玉雞白湯拉麵。這個雞白湯較清，鹹度適中，湯連拉麵一起吃會味道加分。而這個拉麵的雞叉燒十分軟滑，配拉麵是挺適合的。而值得一提是溫泉蛋。溫泉蛋一切開即流出蛋液，而蛋白十分的滑溜。朋友點了這個炙燒豚肉海苔味玉拉麵。這款拉麵的特色之處是3塊特大的海苔與豚肉。先說一說湯底，我嘗了嘗，湯底真的非常濃，有極重的醬油味，相比起這濃湯，我比較喜歡清的湯底。不知為何我就是喜歡把海苔浸湯，使海苔變的非常的軟xd順道希望湯也有點海苔味。至於豚肉，挺厚實的，味道也不錯。前一陣子都是吃韓式炸雞，這次品嚐日式炸雞，外皮有點脆，淋上燒汁的地方便有點軟，裡面的肉也算嫩滑。朋友點了沙拉風味的餃子，餃子炸至金黃並且香脆，內裡的餡是韮菜？因為個人都喜歡菜，所以對這餃子也尚算滿意。這裡的雪糕真的要推薦啊！首先外觀上用木桶盛著便感到很漂亮，紅豆一大顆的，配上綠茶雪糕是絕配的，而綠茶雪糕甜度適中，而且真的非常的CREAMY，能拉出一條粗線！非常好吃！…Read More

內子帶了家中毛孩出來梳洗，所以可以乘機試拉麵店。我倆原定選了兩碗拉麵加一個餃子，但因為店舖剛因煮湯問題延遲了上菜時間，所以便多送了一客枝豆給我們，真「好彩」。餃子較油，底部刻意連著煎粉脆邊，不為美味，只為新鮮感。餃子大隻，啖啖肉，很抵食。筆者揀的豚肉拉麵，整體來說較鹹，豚肉湯不夠香(或者不是我愛的味道)，麵質選了適中軟硬，算是合我心意的質地，豚肉整塊下湯，厚大、好趙口，肉質味道滿意。內子的雞叉燒拉麵，雞湯就相對較吸引，雞叉燒香口、嫩滑，比想像中好吃，有機會會再來點一個。…Read More

想食拉麵當然要黎時代廣場對面既拉麵街，最後有好多日本開過黎既海外日本拉麵店，而香港人最愛豚骨拉麵，所以今日要試試呢間一開鋪時排曬長龍既Bari Uma.為左避開人潮，特意夜晚6點黎食，幸運地店內只係6成滿，而侍應都好主動地帶位，又問我地需要暖水定凍水，好多時響日本食拉麵只有冰水供應，但香港今日既天氣寒冷，店家有暖水提供實屬貼心。看過餐牌，最後點了:<<特盛炙燒豚肉拉麵 $118>>真心正豚肉係五花腩肉一層瘦一層肥,咬落好鬆軟,豚肉好入味。選擇了普通硬度既拉麵，咬落彈牙，而追加既溏心蛋有香濃既蛋味，中間晶瑩，確實難得。湯底有好濃郁既豚骨味，質感杰身，不過食到最後會覺得有d肥膩。羽根燒餃子 $35餃子一客5件，被一層薄薄既脆片連在一起。沾一沾餃子汁，餃子底部香脆，最鐘意呢種日式餃子，餡料份量恰到好處，豬肉味道濃郁而不失菜既甜味，值得一試。辣汁唐揚炸雞 $38炸雞一客5件只是$38，好抵食。炸雞上佈有一層薄薄既辣汁，而雞件炸得金黃脆身，唔會有好油膩既感覺，未食已經知難食極有限。 最後果然無令我失望，香脆既炸雞包住肉質嫩滑既雞肉，辣汁惹味而不會太辣 （平時食開譚仔中辣），如果食拉麵覺得悶悶地不妨點一點炸雞過下口癮。朋友點的雞叉燒味玉雞白湯拉麵 $88飲左一啖湯，味道清純，比豚骨湯底清淡，好適合唔鐘意重口味既朋友。雞肉看似普通，但出奇地嫩滑而唔會太林，咬落有彈性，值得一讚…Read More