Sapporo Ramen En (Pacifica Mall)

餐廳環境好大，好多座位，lunch hour陸陸續續多人入座。menu好多lunch set可以揀，而且價錢唔貴，食物多樣化，好多款唔同配搭。叫左自選三寶套餐($78)，包拉麵、小食、飲品，再叫左滑蛋自家製吉列豬扒飯($62)，包薯仔沙律、茶碗蒸、味噌湯。雜錦拉麵(+$5)，食物好快煮好，湯底唔會過濃。麵量非常多，拉麵軟硬適中，唔會過軟。雜錦配料有一大塊叉燒、一大件豬軟骨 、蟹棒、大量甜粟米、海帶、流心蛋，超級豐富。叉燒入味，而豬軟骨見到d軟骨煮到變透明，膠狀咁。一個正常女仔既食量一定食唔哂。自選小食揀左自家製手包餃子，一共有4隻。外皮煎完略脆，而內餡有豬肉、椰菜等。自選小食既選擇亦有好多，有肉有冷盤有刺身等。吉列豬扒飯set擺盤有心思，而且同樣豐富。重點係價錢唔貴，食物有水準。薯仔沙律好出色，薯仔有微粒狀，有口感，而且加入左紅蘿蔔，唔會得薯仔咁單調，亦都好似食既cream咁，薯仔味濃郁。滑蛋加入菇、洋蔥一齊煮，而且夠甜夠滑，好岩配飯食。吉列豬扒炸粉唔厚，豬扒屬厚身，唔韌，而且大大塊。茶豌蒸加入菇、鳴門卷、蟹棒等，蒸完之後，海鮮味慢慢滲出，而且甜甜地，蒸蛋冇過火，d蛋仲keep到係滑既，好岩飯後甜品食。整體，豐富既lunch set，價錢親民，食物質素有保證，而且坐得舒服。就算dinner食，都唔貴亦多選擇。…Read More

行行吓商場，見到有間拉麵，出面望入去，覺得啲裝修幾特別，所以走咗入去試下。最抵食係松、梅、竹、菊嘅set可以自己配搭，都係$198。重點兩個人都夠食！姐係話兩個小食，、一個拉麵，再加一個飯都係$198！松個部分，我地簡左個雜錦拉麵($88)。大家可以自行選擇拉麵嘅軟硬度、湯嘅濃淡度，而我就冇特別選擇。個拉麵食落淡淡地，清清地，唔會太咸。拉麵嘅軟硬度適中。之後係梅個part, 我地叫左串燒雞肉丸（$35）。呢個串燒雞肉丸嘅口感好特別，咬落喺一粒粒咁嘅，好似有雞軟骨係內面咁樣。係竹個part, 我地又叫左醋海蜇（$48）。比想像中大份好多呀！除咗有海蜇之外，仲有海帶同埋青瓜絲，所以好抵食，而且酸酸地，當前菜食就岩晒啦！最後！最後！我地係菊個part到叫左個溫泉蛋牛舌飯（$65）。大大塊牛舌，食落軟硬程度適中，加埋個溫泉蛋同啲汁一齊送飯，真係好食！…Read More

好一段時間冇食拉麵，行經見到拉麵店，突然拉麵癮起，於是就入黎食返碗先雖然佢個名係拉麵店，入到黎睇先知原來除左拉麵，都有飯麵同好多款類型嘅小食可以選擇除左散叫，二/三/四人套餐之外，仲有自選套餐可以揀，喺 松、梅、竹、菊類別揀一款，咁就可以食得經濟D我同朋友揀左 自選套餐(松+梅+竹+菊)($188)，包括左 雜錦拉麵($82)、串燒燒翼($35)、自家製吉列豬扒($48)、叉燒炒飯(大)($60)，另外仲散叫左 日式芝士春卷(5枚)($32)、海鮮大阪燒($48)每枱都放低壺熱茶自己斟，個杯都幾靚調味料：辣油、蒜蓉、七味粉，可以根據自己口味再調味一下自家製吉列豬扒：食落唔油膩，尚算炸得香口，跟埋醬汁點黎食海鮮大阪燒：勁多木魚喺上面，勁正食落唔錯，佢唔會得粉團狀咁，不過大阪燒醬稍為多左少少，鹹左DD日式芝士春卷(5枚)：炸得夠香脆，淡淡芝士味，作為小食唔錯串燒燒翼：雞翼佢會整開左黎燒，食落好方便，而且燒得好香，加幾滴檸檬汁黎食更加正叉燒炒飯(大)：份量超大碗飯粒炒得均勻唔會痴住，調味唔錯，叉燒粒數量都唔少架雜錦拉麵：顧名思義，樣樣有D，即有叉燒、豬軟骨、溏心蛋、蟹柳、粟米、紫菜、芽菜、蔥花。今次揀左醬油底，先飲一啖個湯底，味道濃郁之餘唔油膩，食拉麵時配埋D湯的確唔錯。叉燒肥瘦適中，豬軟骨夠入味又嫩滑大合照因為佢有唔同套餐組合咁叫，2個人加埋食左飯麵各一，同埋4樣小食，連埋加一$295，所以都幾抵食…Read More

位於超市旁的拉麵，店面裝潢帶濃濃的日本色味，一個個紅色的燈籠十分搶眼。餐牌圖文並茂，而且選擇也挺多的，除了麵食及小食，更有刺身、手卷及丼飯類供應，更可自選套餐，以優惠價錢加配小食。最後點了一客$145套餐—松(雜錦拉麵)、梅(燒多春魚)、竹(雜錦串燒)。雜錦拉麵這碗麵集合了不同款的拉麵配菜，而麵條煮得偏軟身，醬油湯底濃厚，有選擇困難症的選最適合不過。燒多春魚以往都是吃燒秋刀魚的，燒多春魚的魚籽較結實，不易跌出，挺香口的。雜錦串燒一碟內的4串，分別是雞肉丸、雞軟骨、雞翼及冬菇；師傅燒得不錯，肉質不會太乾而且調味也剛好。…Read More

今日同阿囡啱啱去探完人哋bb，就喺商場入面逛，本身想事搵間西餐食意粉， 但咁啱經過就畀夾公仔機同埋叮噹吸引咗入嚟食拉麵。入面唔只有拉麵，仲有好多飯類可選， 我地三人叫咗兩個套餐，一個松.梅.竹,$145蚊,一個松.梅98蚊， 夾埋就兩個拉麵， 三個小食。老公叫了地獄拉麵，色水唔係好靚，但d湯夠辣，我們另外再加了極辛勁辣粉。我同bb share 個雜錦拉麵， 麵豉湯底，唔太咸，拉麵彈牙。小食有燒牛舌，雞翼及炸豆腐。炸豆腐外酥內軟，加上醬汁，及木魚，好味道燒牛舌夾爽脆惹味燒雞翼本身簡單易做，皮脆肉嫩，但又係小朋友最愛，所以必點。簡單一餐，選擇又多…Read More

今晚口癢癢想食拉麵，原來呢間拉麵係荔枝角都有分店，所以就入左去食了門面別具特色，而且有個叮噹，幾有趣內部座位數目不少，而且環境乾淨、舒服有多少日式拉麵、飯、小食等等，款式很多，所以都花多眼亂望望下，發現原來有套餐叫，都幾抵呀可選拉麵、小食等，比散叫抵好多最後我們二人點了兩份餐，一份92蚊自選餐，包一碗拉麵加小食。另一份點了138蚊的自選餐，包一碗拉麵加兩款小食小食又可以share來食，所以很豐盛雞肉串。燒汁很香濃，滲入了雞肉當中，十分滋味雞肉串啖啖肉魷魚鬚十分彈牙爽口作為小食十分吸引，而且味道清新更能帶出魷魚的鮮味食日本拉麵又點少得食餃子呢餃子皮薄餡多，沾上了豉油吃，味道不錯餃子跟拉麵真是絕配麵的份量不少，叉燒薄薄的，但有很多塊叉燒肉味香濃叉燒拉麵的食材主角以叉燒為主，有少少筍片、紫菜。湯底香濃，拉麵滑而且麵身帶點點粗，更為有口感呢款拉麵食材款式較多，有叉燒、溏心蛋、蟹棒、紫菜、筍、粟米。每款食物都有點點，這樣就不用煩惱了咩都試到套餐的確幾抵份量又足夠，下次可以再試下其他食物款式…Read More

店內環境像是置身在居酒屋，下班後去到感覺好輕鬆。而且枱與枱之間闊落，令人坐得非常舒適。這裏食物選擇很多，有拉麵、有晚市定食、有串燒、有炸物、有餃子、有手卷，有刺身、有茶碗蒸、有鐵板燒等等，應有盡有。今次叫了一個拉麵「松、梅、竹」套餐。因為拉麵款式好多，每樣都想試下底下，就叫了雜錦拉麵，樣樣有就最好。雜錦拉麵有豚軟骨、叉燒、螃蟹條、半熟蛋及粟米昆布等配料，配上豚骨湯底。拉麵爽滑彈牙，有口感，越食越想食；豚軟骨又淋又入味；叉燒大片足料；螃蟹條，鮮甜；半熟蛋有少許流心，正；配上濃郁足料的豚骨湯底，令人想encore再encore。燒牛舌，燒得剛好，又厚又juicy。自家製手包餃子，煎得外脆內軟，配上醋汁及加上辣椒油，美味。另外叫了一個三文魚刺身定食，定食包括三文魚刺身、白飯、麵豉湯、沙律菜、茶碗蒸及一枝枝裝可樂。三文魚刺身新鮮，切得尚算厚身。也算是拉麵外不錯的選擇。…Read More

今天和同事到荔枝角工作，做完順便食晚餐。在商場隨便逛逛，見到一間掛滿紅燈籠的餐廳，吸引眼球。在外面看，會以為餐廳細小，不過走入去了，會發現座位不少，目測有20多張餐桌吧。餐牌圖片豐富，有很多種選擇，而且套餐可自行組合。我們最後選了松梅竹菊的自選套餐，再加一碗拉麵。我叫了個雜錦拉麵，材料有溏心蛋，蟹柳，叉燒，海帶，粟米，豬軟骨等等 。麵的質感軟滑，湯底濃郁入味。我最喜歡吃溏心蛋，蟹柳和海帶。同事點了豬軟骨拉麵，豬軟骨有四件，厚身多肉。我試了一件，入口軟腍，滿滿的骨膠原。迷你叉燒飯的材料豐富，有洋蔥粒，青椒粒，甘筍絲，雞蛋絲等，飯炒得乾身，很香口，我們很快便吃光了。炒魷魚鬚，份量略少，不過彈牙有鮮味，調味恰當。吉列蝦炸至金黃，以蔬菜當伴碟。吉列蝦咬起來很鬆脆，蝦肉新鮮有彈性，加上沙律醬，酸甜開胃。另外，餐廳環境不錯，和風式設計，如有：木製餐牌，特別的燈飾。座位寬敞，讓人可以舒服地享受晚餐 。…Read More

呢期個個都去咗d2 place影個d霓虹燈， 我當然都有去影喇！不過個頭其實真係唔知食咩好，淨係得個層有食肆。所以住旁近朋友就介紹我哋去咗後邊個商場食日本野。原來都真係過條馬路就到，好方便。因爲係5：30呢d時間，餐廳都唔算好多人。 黎得呢到緊係要食拉麵啦！ 我就叫咗個地獄拉麵，男朋友自己出雜錦拉麵。 好搞笑嘅係，佢有一個勁辣粉可以自己同店員request嘅，不過唔知係我落得少定點，又唔係真係覺得好辣。拉麵最緊要嘅就係個麵！佢哋個麵好彈牙，而且幼條幼條的，唔會覺得好難食！個人覺得呢個地獄湯底鹹咗少少，辣味略嫌不足，所以自己加左d勁辣粉。 舊叉燒嘅肉脂分佈好平均，而我最喜歡既係個溏心蛋，真心好好食！男朋友叫嘅係雜錦拉麵，話明雜錦拉麵就緊係咩都有啦！好豐富架！ 我偷偷哋試咗啖湯，個豬骨湯好香甜！呢4隻煎餃好正！外脆內軟，調味都岩岩好！唔會太咸。太耐冇食過炸雞軟骨啦！愛上佢係因為係沙嗲王食第一次！呢度嘅雞軟骨比喺沙嗲王食嘅大粒好多！但出面層粉就冇咁厚。 數量唔算好多，但兩個人食啱啱好！ 旁邊嘅沙律菜仲好新鮮添！佢嘅炸物真係冇得頂！呢個豬扒都好正豬扒最正嘅就係炸完唔會吸曬佢啲肉汁水分， 咬落去仲有個軟滑，加埋外層好脆嘅感覺，一個字： 佢特登陪咗個梅汁，酸酸甜甜，好夾個豬扒！ 真係飯都食多兩碗呀…Read More

同朋友叫咗一個松梅竹菊套餐share凍豆腐分量十足， 簡單好味呢個餃子喺個餐單度寫住推介嘅煎到脆卜卜， 入面仲加咗玉豆，好有口感好鍾意食呢一個南瓜薯餅，好正，外脆內軟，甜甜地，夠厚實，份量足雜錦拉麵， 有蟹條，豬軟骨，叉燒各一件，仲有海帶同栗米。湯清甜！好耐冇食過呢一款嘅拉麵， 令我諗番起味千拉麵， 記得細細個時，第一次食嘅拉麵都係呢一隻三文魚扒， 呢個係次選嚟 本身係想叫牛肉漢堡扒 可惜佢哋話冇……… 三文魚扒有啲overcooked整體嚟講都幾好，埋單200幾蚊，分量都十足，我同另外一個女仔都食得非常飽…Read More