Okonomiyaki Dohtonbori Restaurant (Langham Place)

向來都幾鍾意食大阪燒/廣島燒，聽聞呢間有得自己親手製作，終於約咗朋友去試店員提我哋最低消費(加一後)每人$100，睇返餐牌上嘅定價其實唔難湊數。落完單望一望枱上嘅教學咭，開始懷疑我哋跟唔跟到啲步驟...睇唔明圖片可以掃一掃QR code睇教學短片，我哋已經驗證咗，最好將啲步驟由頭睇一次先開始整，否則邊睇邊做係會跟唔切嘅道頓崛蒜香炒飯$68 - 餐牌上飯嘅選擇寥寥可數，當日想食飯就揀咗佢。見到堆食材嗰時有啲不知所措，因為教學咭係冇提及過炒飯嘅。最後我哋用僅有嘅知識將所有野煮熟再撈埋，大概係: 先落牛油起鑊，然後落蒜頭、再落飯同其他配料，一路keep住炒；豬肉片分開煎，見少少痴底就攞旁邊枝油逐少逐少加落去食材熟得七七八八就將所有野撈埋...總之唔好燶+熟曬就唔會難食得去邊，因為秘訣已經喺預先配好嘅食材同醬料度薄切豬肉片嘅肉、脂肪同豬皮比例啱啱好，煎過嘅豬肉片逼出油脂，落喺飯上面，加埋本身起鑊嘅牛油，令炒飯充滿油香，燒汁、蒜蓉同胡椒發揮佢哋原有嘅香味，估唔到咁簡單嘅配搭都做到呢種味道雜錦廣島燒$118 – 跟住教學就會做到(至少望落)似樣嘅製成品配搭嘅豬肉比剛剛炒飯嗰啲瘦。海鮮主要有蝦、八爪魚鬚同八爪魚腳，口感彈牙，但已經食唔出本身有冇鮮味，因為醬料太濃郁。椰菜起咗重要嘅角色，除咗解膩之外，仲增加水份，保持整份廣島燒嘅濕潤感。日式炒麵有少少似油麵，實淨有咬口，同煎餅嘅軟糯好夾。仲有脆脆嘅炸魷魚片，酸酸嘅紅薑，幼幼嘅蔥花作點綴。而不敗嘅秘訣都係醬料！海苔同鰹魚碎落埋可能有少少咸，不過確實香好多熱柚子蜜$20 – 足料整體嚟講，自己落手整呢個概念幾新鮮，食物味道都幾好，不過記得預留多啲用餐時間，同埋要預咗食完餐飯個身會有油煙味…Read More

已想到此一嚐很久很久了！碰巧昨晚經過，人龍也特別短，所以便決定等一會😍等了15-20分鐘吧！進店後，有90分鐘的用餐時間及人均消費是$100。店內有獨立抽風設備。鮮橙燒酎梳打$32自己動手搾橙汁倒入燒酎梳打內。有趣，沒有很重的橙汁及酒味。和風蕃茄沙律$52🧐雜錦廣島燒$118加入了炒麵及海鮮跟著說明，自己動手炒。有得玩有得吃，十分有趣。（忘了影說明圖分享一下～）愛料理的我，很享受這頓晚餐。會再來喔～😍…Read More

前幾晚去了整廣島燒，玩得又食得，頗有趣呢！🤗先來桃味骨膠原燒酌鮮橙梳打水特飲，原來橙汁是要自己動手榨的！💪🏻擰了一大輪才有這些橙汁倒落骨膠原特飲。😆叫了個升級版雜錦廣島燒，材料也挺豐富，開工！廣島燒是一層一層的，首先是餅皮，加上酸姜和蔥花；再加椰菜絲和煙肉，海鮮在旁邊炒熟再放上去，然後再加一層餅漿，再反轉。麵也在旁邊先炒熟再放上去，然後煎隻蛋放上去，放上醬汁、紫菜碎和魚干就大功告成！自己落手落腳做的當然是特別美味！😋甜品軟芝士厚燒pancake也是自己整的 。這個比較簡單，只需要把全部麵糊倒在鐵板上，煎焗2分鐘後反轉煎焗兩分鐘，再反轉一次煎焗多2分鐘就完成，之後加上忌廉和水果就可以吃了！👏🏻就這樣過了愉快的一晚！😌…Read More

Langham place 感覺上多了很多食店道頓堀大阪燒進駐香港後 這分店應算最新下午茶時間人流不多可以輕鬆跟小朋友試試裝潢很日式 位置也很寬敞每張檯都有鐵板置中要小心所有鐵板都已恆溫190度入座時店員也細心提醒再用濕布舖上鐵板邊緣第一次燒不太知道燒的方法可以參考各種大阪燒的下材料次序個人覺得御好燒最方便只要所有材料攪拌好再下鐵板就可以了兒童版只要將材料放入麵糊攪拌後煎就可以 $42再附有雪糕黑椒牛肋肉御好燒 也是攪拌好煎就可以煎的時間分別是每面5分鐘建議可以分開一半燒 否則很快會放涼成品! 似模似樣的說其實功於炒麵醬汁及沙律醬 另有木魚粉及紫菜粉 味道一流挑戰廣島燒 比較複雜要分開燒好海鮮 再用炒麵醬炒麵 加蛋 再加入麵糊 要有層次地燒最後還是放棄了 儘管炒成一碟味道還是OK的如果不會燒也可請店員幫忙不過這經驗還是很好玩的大人小朋友也很enjoy Cooking mama的實現版…Read More