Okonomiyaki Dohtonbori Restaurant (Tsuen Wan Plaza) (Closed)

本身想自己本大板燒好耐，之前經過次次都排哂隊，今次咁岩經過竟然見無咩人於是就入左去食喇。佢有二人餐，不過我同個朋友都係志在想食大板燒於是無叫餐，叫左一個雜錦廣島燒同芝士四重奏文字燒。其實燒完我地都分別唔係好到佢地既唔同..因為..落左同樣既醬呀嘛😂有哂說明書教點整，初初都驚唔成形、但原來都幾易整，同朋友一人整一個，都好順利！好好玩添賣相睇落都唔錯呀，食落都幾好味！食完我地都覺得唔叫餐係岩架！食左兩個燒無論個肚定開心既程度都非常滿足！極力推薦想試整大板燒的你快點黎試啦！又唔駛自己預備材料又唔駛洗..一人百幾蚊有得玩有得食的晚餐，抵到爛呀！…Read More

聽朋友講尖沙咀有間大阪燒開店以黎都好多人，起碼排個幾鐘。咁岩今日去荃灣既時候見到當然要試下啦！我地既籌號係72，但叫號只係叫緊12，果下呆左，哈哈。之後兜左個圈，行左大概20分鐘後返黎，已經叫緊70號喇。我諗應該大家見到個號碼都嚇親唔想係度等，所以都出左去行，結果無人係度，d號碼一直咁過。 用餐時間90分鐘，所以我地一坐埋位就即刻叫野食喇，要爭分奪秒嘛。 我地叫左個雜錦廣島燒，因爲第一次玩，所以完全無頭緒。上網查左一輪之後發覺原來個menu有教學，仲有QR codelink去youtube比你睇視頻教學添。d人話廣島燒已經係複雜d，但係個教學都好清晰，所以跟住做其實唔難。我覺得第一次整算係咁啦，都成形既。旁邊仲有d紫菜、鏗魚碎、醬汁同沙律醬比你調味。自己整既點都會覺得好食啦，哈哈。豬五花 - 本身豬五花已經附有一個醬汁，可能因爲係薄切，所以個醬入晒味。因爲仲附送左2舊牛油，加埋d牛油香 - 正！鐵板泡菜魷魚 - 成碟放落去炒，晒磁聲好有獲氣，感覺自己真係好似好專業咁(笑)。炒完之後記住落佢比你果個醬，酸酸地，又意外地同個泡菜魷魚幾夾。 成件事其實好有趣好好玩，不過服務態度就未如理想。因爲黎左個廣島燒之後，個泡菜魷魚同豬五花隔左成個鐘先黎，明明係完全唔洗煮既食物，仲要我地催左幾次先肯黎，我想講用餐時間得90分鐘，你d野遲左一個鐘先黎，我地仲要自己整，咁點食呢？如果單純講玩+價錢都值得黎既。 …Read More

新開黎試下，星期六等咗30分鐘左右就有位，見佢地人手唔算充裕，都估要等。喺門口有隻招牌公仔可以影下相先點完菜大約20分鐘先上菜，一客蒸菜（好食，新鮮），一客雜錦廣島燒，煮落有少少困難但好玩，味道不錯，唔識整可以叫工作人員幫手，佢地會教你整，枱傍邊都有張卡教人點整可以慢慢睇住黎整。 整嗰陣啲工作人員會喺側邊提示 好細心後加咗個燒飯團好好食，唔怕肥可以叫芝士飯團。經理態度好好，有甩漏但佢會親自入廚房跟唔會hea你，會再幫襯，想試埋人字燒。要預返～2個鐘等位+煮+食，趕時間就唔好諗。…Read More