時新漢堡飽 (Closed)

懷舊港式漢堡包聽同事講紅磡呢間港式漢堡包幾好味，咁啱前日同朋友仔去黃埔買衫，夜晚我哋就去咗食。果然餐廳都幾懷舊，Logo，餐牌好舊時港式feel。我哋叫咗2雙層漢堡包、滷水雞髀、洋蔥圈、生果沙律同吉列魚餅。雙層漢堡包好多特製沙律醬，個醬酸酸甜甜，幾野味，另外兩層漢堡都好正，漢堡好厚，剪完都保留肉汁，$30來講，兩層漢堡嘅質量好好！滷水雞髀都幾大隻，肉質都嫩，滷水就唔會太咸，都ok。炸洋蔥圈呢個好食，炸得好，一啲都唔油膩。吉列魚餅似墨魚餅，呢個冇炸得好脆，所以保留到魚嘅味道，食落去有魚肉粒有趙口。生果沙律生果沙律入邊有好多蘋果同埋少少梨，加埋秘製嘅沙律醬，吾錯。嘢食平，份量都可以，性價比好高👍🏻

好耐好耐之前食過一次，之前更結業左一段時間，係上年重開返，不過一直未黎再試下，終於過來紅磡呢邊可以食返好值得保留既港式漢堡包。環境係黃埔新天地重開左一段時間，都未黎幫襯過新店，設計西式好多，同舊店風格完全唔一樣，不過都有保留到港式風味。餐牌好有港式味道，有股舊香港既風格，設計得幾靚，仲有好多食物揀，唔止漢堡包，連小食，甚至係粉麵飯意粉都有。秘製生果沙律 $12幾抵食，用上蘋果粒及梨粒，簡單開胃。炸雞脾 $27有得揀要黑椒汁/炸/滷水，今日想食炸脾，都幾大隻，用生炸方式，皮薄而脆，而雞肉保持到嫩滑冇雪藏味，以快餐店黎講都做得唔錯。雞全翼 $27由樣有得揀要黑椒汁/炸/滷水，呢款就要左黑椒汁，其實佢外層同樣都係生炸左，都做得好香口，睇你中意食脾/全翼，兩款一樣好食。炸薯條 $22茶記既間條紋粗薯，正常茶餐廳質素冇乜特別。雙層漢堡包 $35有得三揀二，芝士/蛋/火腿，配左芝士、蛋，而醬汁有得揀秘製沙律醬/黑椒汁/咖哩汁/茄汁/走汁，當然配左招牌秘製沙律醬。港式漢堡包，用嘉頓麵包做面同底，包身唔大個，牛肉漢堡扒都同包身差不多大，一咬落去，份量岩岩好，唔會太大又唔會食空氣，牛肉漢堡扒唔韌，都算鬆

六點幾去黃埔接個姊妹收工，行過見到，新店未食過就食下，新餐廳裝修到美國風格，而座位環境都比舊店好坐左，落Order就照舊快餐形式，食物保持到水準，價錢合理。今次兩個人叫左三樣野，平均每人$70。雙層漢堡包 $56個包好豐富，塊牛肉夠冧身，生熟程度岩岩好。芝士同個醬汁好香濃，而個醬唔會好酸又唔會好膩，有小小似千島醬加沙律醬既味道，同個包好夾，好味。薯條 $22薯條就係舊式香港茶餐廳個種，炸到脆口，而且咸味平均。魚柳扒餐 $53可以揀飯或者意粉，汁就可揀有黑椒汁、咖哩汁同茄汁，包一杯飲品同羅宋湯，幾抵食。魚柳扒炸得幾好，唔會一切開就皮肉分離，又唔會好硬。