Loyal Dining

星期一約朋友吃晚餐，因為比較近放工所以揀左平時有嚟食過晏ge來佬餐館。之前食過覺得中午set lunch幾好食，點心套餐同蒸黑松露腸粉都係唔錯ge選擇，雖然$100幾有一個lunch d貴不過心血來潮都會想嚟食下不過中午叫人服務認真痛苦，每次叫人都要叫成世，好心請多幾個part time返lunch time啦...知道搵食艱難，但係我地都要準時返寫字樓ga.....講返今次，夜晚當然無咁多人，訂左位唔使等即刻有位，而且service絕對好過中午繁忙時段！4個人坐左2樓卡位，中午通常坐6個人所以我地同坐得好舒服。不過一路食一路有小蚊子飛下飛下...真係唔方唔開胃講番食物，其實又唔係話唔好，但係以佢ge消費可以再好D囉。成餐飯最好食ge陽光焗豬扒飯，真係幾陽光下，見到都開心　可惜男仔嚟講食物太細份，女仔就啱啱好啦。食落口唔會太油膩，隻蛋都煎得好靚靚～干炒牛河，朋友話：無乜特別。唔係唔好食，不過真．無乜特別LOL BTW佢都係食唔飽。我同另一位朋友叫左海南雞飯，個油飯幾好食，雞亦有雞味（認真mode）女仔份量啱啱好，不過總覺得午餐ge海南雞好食D，係我錯覺嗎？整體嚟講，我地其實食唔飽，之後覺得唔抵食所以去左第二間醫肚講真來佬餐館個裝修唔錯，但又唔係值得俾錢入去食咁豪（不過門口隻垃圾蟲超得意）要食懐舊過大半條街食太Ｘ館仲好，人地差唔多價錢侍應哥哥又超nice，食海南雞對面the loop間星馬餐廳仲好食...下次等我想中午食佢d點心同腸粉先嚟啦，晚飯就免啦…Read More

看到標題，不要以為我不滿意來佬的質素。來佬標榜舊式香港西餐，和太平館的定位差不多，但價錢略貴，行銷也更進取，不少做法頗能吸引眼球。是日和同事午餐，為省事叫了套餐醬爆蝦球，配香苗白飯和陽光焗豬扒飯。醬爆蝦球蝦的size略小，但爽口彈牙，配菜的紅椒、黃椒清甜爽口，確實不錯。陽光焗豬扒飯飯炒得乾身，厚切的豬扒份量十足，肉質不錯，夠鬆化，可惜略嫌太瘦，缺乏上乘豬扒的油脂甘香，有點失色。來佬餐廳這個「垃圾蟲」裝置是無數香港人的集體回憶，放在這裡代表了舊時代的香港，十分適合，相信對一眾海外食客也有不錯的吸引力，用餐當日不少自由行的食客都有拍照留念。 …Read More

今次，慶祝一位朋友生日，為了遷就中環上班的她，身為飯局攪手的我，特意選擇位於中環威靈頓街的 <來佬餐館>！ 我幫襯了好幾次，試過早餐及下午茶，覺得質素不錯，只是貴了一點！ 加上懷舊的裝潢，相信可帶給朋友們一份驚喜及新鮮感！當日，我在早上訂了一張 5 人枱；我們被安排最入的一張 6 人枱，自成一角！好讓我們暢所欲言！ 亦可以看到 97 之前，英國統治香港的絕版珍貴相片！又是我第一次幫襯的那張枱，我與這張枱真有緣呀！ 不過，今次枱上這張來佬話卡，又轉了新語句！其實，一看餐牌，飯麵類由 $88 ~ $148，認真不平！由於我們 2 男 3 女，一位男性朋友建議點 4 樣食物！陽光焗豬扒飯 $88表面加了太陽蛋，賣相吸引！ 食慾即時提升了不少！ 我記得我是最後一個分豬扒飯，當時，焗飯仍出煙，夠熱！( 又可能我們進食速度快！) 茄汁酸味適中！ 至於，豬扒已經切好，容易分！ 但是，腍得來太人工化，肯定加了鬆肉粉！ 我沒有食蛋，留給想食蛋的朋友！ 金菇瑤柱炆伊麵 $68配料包括：金菇、冬菇絲、芽菜、韮王，至於瑤柱似乎隱藏了哪裡？ 炒得乾身，顏色均勻！有鑊氣！味道調教得不錯！白汁粟米焗石斑飯 $102白汁略帶芝士味，粟米份量不多！石斑幾厚身，而且夠入味，已經收貨！ 來佬汁雞翼 $88這裡的招牌菜，怎能不試？！ 全碟只有 6 隻！平均每隻 $14 有多！都咪話唔貴！ 多了一隻！忘記哪誰食了！雞翼每隻又大又肥美！ 吸收了來佬汁的精華！好味極了！ 以前食過的瑞士汁味道偏甜一點，而來佬汁則偏咸一點，還略帶一點甜味；不是想像中咸！令人回味！ 沙律只是一般雜果沙律加了紅腰豆而已！最後，當然由兩位男士清碟啦！我們似乎食減肥餐多過食生日飯！大家不妨留意一下，有位男侍應好像谷德昭！他幾風趣呀！加一服務費，埋單 $381 ( 4 人分 )，平均每人 $95接著，我們便向蘭桂芳的 <五代同糖> 進發！…Read More