我要烤魚串燒烤魚專門店

今日辣癮起，加上天氣涼咗啲，放工忍唔住搵埋同事食烤魚同埋串燒🐠落咗旺角諗住方便大家食完搭車返屋企，嚟到「我要烤魚串燒烤魚專門店」，估唔到誤打誤撞食到咁出色嘅烤魚👍🏻重慶麻辣烤清江魚 ⭐️⭐️⭐️⭐️⭐️烤魚會越食越辣，所以我只係嗌咗BB辣，問咗店員話清江魚會少骨啲，果然冇錯，成條魚基本上冇乜細骨，啖啖肉而且肉質滑溜，我覺得味道同國內好相似，索晒啲辣汁真係好惹味👍🏻烤魚附上幾款免費嘅配菜，有蓮藕、魔芋、芽菜、萵筍、土豆片等等，今次係第1次食烤魚有魔芋，原來同辣湯味道好夾，好好食😋陀地燒生蠔 ⭐️⭐️⭐️⭐️⭐️燒生蠔只係$12隻，勁抵食❣️生蠔燒得唔錯，仲keep到入面嘅水份，醬汁落得剛剛好，所以食落唔會剩係得死鹹嘅味道👍🏻蒜蓉菜脯元貝 ⭐️⭐️⭐️⭐️元貝燒得剛剛好唔會實晒，加埋蒜蓉味道濃郁，如果可以好似中式蒸扇貝咁，落啲粉絲墊底，一定會更加加分🤡陀地燒茄子 ⭐️⭐️⭐️⭐️⭐️原本無諗住嗌燒茄子，但係見到隔籬枱嗌又忍唔住了🍆燒茄子一如既往咁好食，簡單一人一啖就清晒，鍾意食茄子嘅一定唔可以錯過！串燒 (牛舌、羊肉串、西班牙叉燒、土豆片） ⭐️⭐️⭐️⭐️⭐️嗌咗少少串燒試吓，最有驚喜嘅係西班牙叉燒，從來冇喺燒烤店見過，嚟到嘅時候叉燒好有光澤😍其次就係牛舌，唔算厚切但係好腍好好咬，最後我哋仲encore咗一串🤣️桂花蜜四川冰粉 ⭐️⭐️⭐️⭐️食完啲濃味嘢再嚟碗清清地嘅甜品，冰粉上邊放咗花生、乾提子粒同埋山楂碎，所以味道酸酸地同埋幾開胃，加埋桂花蜜又甜甜地，味道好好😋…Read More

烤魚加串燒呢幾年真係越開越多，兩樣嘢食都勁惹味，個人對呢類食物真係忍唔到口，鍾意食川菜嘅朋友可以一次過滿足晒😍 串燒同燒烤堂嘅副線「陀地燒」聯乘，價錢親民貼地，留意大部份串燒都要兩串起～▪️重慶麻辣烤魚$298可以揀清江魚或者鱸魚，兩款同價，我就揀咗鱸魚，因為想食啖啖肉😋條魚炸過再烤，加咗好多芫荽同埋芹菜，又香又辣，聞到個湯底已經知好食。辣度只係揀咗BB辣，已經有出面小辣嘅味道，而且個湯底會越食越辣，所以要慎選‼️食完條魚仲可以揀配料打埋邊爐，超正👍🏻▪️孜然燒雞翼$16/串同米線舖食嗰啲味道差唔多，夠香，食串燒必點雞翼🤣▪️燒五花腩$14/串肥瘦適中，上面加咗芝麻同辣椒粉，有啲似七味粉嘅感覺，微辣▪️滷水豬大腸$14/串唔好睇佢個樣咁黑，雖然佢炸過，但係其實係滷水色，味道夠入味，外層仲幾脆▪️孜然蒜蓉豆皮串$12/串見到豆皮串就即刻要叫，入面包住蒜蓉醬汁，食完好想再食，如果入面有蔥花仲正▪️陀地燒茄子$32 我超鍾意佢哋個燒茄子！蒜蓉夠多，唔辣，茄子厚肉，一絲絲扯黎食，入味😚▪️陀地燒生蠔$12/隻生蠔價錢抵食，上面鋪滿蒜蓉同蔥，同內地食嘅口味差唔多▪️蒜蓉菜脯元貝$28/隻菜脯就唔係好食到，蒜蓉都係好多，正正常常▪️甜蜜燒菠蘿$10/串▪️炸魚皮$20▪️桂花蜜四川冰粉$16 怕辣可以嗌個冰粉，有解辣嘅作用，入面有山楂粒、提子乾同花生碎▪️百香果水果茶$28咁大杯水果茶都係$28 ，幾抵叫，熱情果果味較重，偏甜▪️巨峰可爾必思梳打$28同樣好大杯，提子味偏重，酸酸甜甜…Read More

朋友很喜歡食烤魚，但又不想專程北上去食，於是我們就上網查一下。見到旺角這間「我要烤魚」，是集烤魚、火鍋、串燒於一身，非常適合我們。餐廳與一般烤魚店不同，室內以中式裝潢為主，整體環境清雅舒適，有獨立位置，坐得非常舒服。一場來到，當然要食勻烤魚、火鍋加串燒啦。⋩ 1. 重慶麻辣烤魚 & 六配菜組合烤魚必定要點「重慶麻辣烤魚·配鱸魚」。餐廳選用鮮嫩多汁的大鱸魚作為食材，經過燒香後魚肉保持了原汁原味，又帶有一絲麻辣香氣。鱸魚肉入口即化，Q彈有勁，啖啖肉沒有醉骨。而麻辣醬汁的調配亦十分恰當，不會過於辣而嗆喉，也不會過於溫和而失去麻辣香味。烤魚質素絕對比北上的餐廳更高。優惠期間，點了烤魚還送上「六配菜組合」。組合中包括了土豆片、日本黑魔芋、功夫萵荀片、蓮藕片、娃娃菜和芽菜等，各式蔬菜的搭配為烤魚增添了多種味道。蔬菜組合非常匹配麻辣烤魚的香味，特別是薯仔片和萵荀片，充分吸收了麻辣香，愈食愈上癮。⋩ 2. 手切封門牛柳和午餐肉 (火鍋配料)烤魚還可以再加上火鍋配料。我們另外點了手切封門牛柳和午餐肉。手切封門牛肉質嫩滑，牛味濃郁。午餐肉亦都非常厚切大塊。⋩ 3. 陀地燒生蠔、串燒 除了烤魚和火鍋，我要烤魚亦可以點串燒。陀地生蠔肉質飽滿，表面微微焦香，非常抵食。此外，餐廳的串燒也是一大亮點，有燒雞軟骨、新疆羊肉串、燒五花腩等選擇。每一款都相當出色，絕對不是配角。價錢亦是非常實惠，老實說，過來純食串燒亦是一個好主意。⋩ 4. 百香果水果茶、巨峰可爾必思梳打食那麼多重口味的食物，要飲返杯清甜飲品中和一下。百香果水果茶酸甜適中，清新舒服；巨峰可爾必思梳打則夠冰涼爽口。無論是烤魚、火鍋、串燒，我全都要！…Read More

🐟抵食超大條烤魚😱必食串燒生蠔🔥陀地燒 X 我要烤魚串燒烤魚專門店 (旺角)難得同朋友一聚，當然要食至愛晚烤魚啦❗️哩間餐廳性價比超高，價錢仲好吸引😝 份量仲要好大😍啱曬大食既朋友！我地7點嚟到餐廳，已經有唔少人客，建議大家預先訂座，如果遲啲嚟都要排隊等位啊😆值得一讚，餐廳員工好有禮貌，仲會不定時幫我地加湯，上菜速度又快，冷氣夠曬大，啱曬香港人鍾意歎冷氣🤗✨蕃茄湯烤清江魚🍅🐟 $298我地叫咗蕃茄湯烤魚，蕃茄湯勁濃郁，超香濃既蕃茄湯底，仲有大量鮮蕃茄，食食吓好想配埋飯🤣清江魚份量勁大條，3-4人食都可以，肉質好嫩滑，又少骨，仲好厚肉，魚味好鮮甜，整條魚金黃香脆，配上蕃茄湯底簡直一流❗️仲送埋6種配菜：薯仔、魔芋、娃娃菜、粟米、豆腐干、芫荽❗️性價比極高😍✨手切封門牛柳🐮 $48一碟都有約十片，份量好足，牛雪花分佈好平均，牛味仲好香濃，食落好嫩，品質好高👍🏻😝✨手打墨魚滑🦑 $32手打墨魚滑好爽口彈滑，墨魚味好香濃，打邊爐必食🤭✨功夫萵筍片🥗 $20打邊爐必點既萵筍片，擺盤造型好像一朵花，好用心，每片都切得好薄好長，刀工一流，食落爽口又清甜🥰✨四川寬粉🍜 $20烤魚又點少得食四川寬粉 ，寬粉更能吸住蕃茄湯底及烤魚既鮮味，煙煙韌韌好有咬口😋✨鹽燒牛舌串👅 $28/1哩度既串燒必食，牛舌好彈牙爽口，簡簡單單用鹽來調味，充分食到牛既鮮味，烤串火喉一流，非常香口惹味🔥✨翠玉瓜串🥬 $10/1翠玉瓜用椒鹽、黑椒調味，烤得好香好惹味😋✨陀地燒生蠔🦪 $12/1 必點招牌燒生蠔，調味一流，滿滿嘅辣椒蒜蓉及香蔥，非常入味，一咬落去爆汁，好鮮好惹味😍✨百香果水果茶🍹 $28飲品造型好靚，酸酸甜甜嘅百香果，配上除橙、蘋果等水果，茶味好清新，充滿夏日氣息，必點👍🏻❗️✨巨峰可爾必思🍸 $28巨峰提子配上可爾必思，酸酸甜甜好開胃，一解油膩感，唔會太甜仲好清新😍食物✨✨✨✨✨環境✨✨✨✨✨衛生✨✨✨✨✨價錢✨✨✨✨✨🏠 陀地燒 X 我要烤魚串燒烤魚專門店 (旺角)旺角通菜街1A-1L號威達商業大廈Deli2 1樓1A號舖…Read More

📍 陀地燒X 我要烤魚串燒烤魚專門店作為一個成日食烤魚嘅常客，今次嚟到旺角一間開咗冇耐嘅烤魚專門店，烤魚嘅種類選擇多，價錢亦都好實惠；仲供應串燒，一次過滿足曬我兩個願望✌️🐟重慶麻辣烤清江魚 $298好大既一條魚！！！清江魚有事先炸過，食既時候魚皮同魚既邊邊位都係脆口😍另外有額外調味過，有加到唔少既孜然粉同芝麻粒粒，相當香口，啱曬重口味人士～配料有大量芫茜、花生、蓮藕、洋蔥、蒟蒻、芽菜、娃娃菜等等；魚嘅肉質好厚實，算係滑口嘅，同時吸收曬啲湯汁，好入味！配菜更加索汁，雖然辣，但有種越食越過癮嘅感覺🐂鹽燒牛舌串 $28食落相當爽口，加埋黑椒味道啱啱好～本身望個樣好似有啲乾，但食落完全唔會！口感煙韌得利又彈牙～🐥孜然燒雞翼 $16/串雞翼大大隻，燒到皮香肉嫩，雞皮脆身，而且好入味，加咗啲孜然粉所以味道更佳～果然燒烤一定要食雞翼🦪陀地燒生蠔 $12/隻生蠔嘅size適中，可以一啖食曬，落左好多蒜蓉，更加突出到蠔既鮮美！🦑泰式墨魚鬚 $16/串呢個真係必食！！！墨魚鬚本身已經好爽口，好入味；但配埋泰式香料會更佳，味道偏酸，帶點微辣，好開胃！🍆陀地燒茄子 $32必食系列！係茄子上面鋪滿蒜蓉，燒完之後超級香😎茄子軟腍，一絲絲咁拉出黎食好過癮，茄子都好入味🍍甜蜜燒菠蘿 $10/串菠蘿算甜，咬落爆汁，幾juicy😍菠蘿既size 啱啱好，一粒一啖～每粒都甜，幾解油膩感🥥椰青 $38/個係解渴既好選擇！食左咁多油膩野，飲完就可以食多幾round😏🍊百香果水果茶 $28/杯超級大杯！ 水果亦都好甜～解辣十足😗⭐️好味指數：8.3/10📍 陀地燒 X 我要烤魚串燒烤魚專門店 (旺角)旺角通菜街1A-1L號威達商業大廈Deli2 1樓1A號舖#旺角 #沱地燒 #我要烤魚 #串燒 #烤魚 #重慶麻辣烤清江魚 #鹽燒牛舌串 #孜然燒雞翼 #泰式墨魚鬚 #陀地燒茄子 #甜蜜燒菠蘿 #椰青 #百香果水果茶 …Read More

好耐無食過烤魚啦😆趁Happy Friday去食吓烤魚🥰今次呢間仲要係烤魚加埋串燒，菜式多而且地點方便😙烤魚同串燒同樣高質有驚喜😋🌶萬州香辣烤清江魚BB辣 ($298)烤魚嘅湯底有好多選擇，有重慶麻辣、萬州香辣、酸辣金湯酸菜、蕃茄烤魚😋因為唔係太食得辣，但係又想少少辣惹味啲🤪店員就推介萬州香辣，話相對冇咁辣😝魚我哋就揀咗清江魚，口感嫩滑，油香十足🤤烤魚會附送六款配料，包括蓮藕、萵筍、芽菜、娃娃菜、薯仔、黑魔芋😋淨叫烤魚已經好豐富好夠食😌🥩手切美國牛小排($68半份)牛小排都幾厚切😍半份都唔少😙大理石紋嘅油花分布平均，肉香鮮美🤤🛎響鈴($20)邊爐必備嘅食材😙平時食響鈴呢啲吸湯嘅食物真係好正😋不過今次吸哂辣湯都真係幾辣🥵好彩叫咗兩大杯野飲🤣🤣🐣手工雞皮串($12串)🐥椒鹽雞軟骨($12串)🐷滷水豬大腸($14串)🦪陀地燒生蠔($12隻)🍍甜蜜燒菠蘿($10串)串燒大部分都要叫兩串起，幾啱一大班朋友一齊食，幾高質又抵食😗見到有其他枱都係淨食串燒同飲生啤🍺餐廳仲做緊買一送一生啤優惠🍻Happy Friday來講真係一個幾唔錯嘅選擇🥳🥳🍹百香果水果茶($28)🍋咸檸七($24)…Read More

之前食過銅鑼灣嘅「我要烤魚」覺得好好味，原來旺角都開咗間～ 佢哋除咗烤魚出色，仲有好多串燒、燒烤選擇！一樣咁出色！🍺一樣有Sapporo生啤買一送一優惠🤩$48兩杯勁抵飲！😱即係一杯$24咋！ 打住邊爐暢飲真係好爽！🐟萬州香辣青江魚 $298▫️烤魚有重慶麻辣/萬州香辣/酸辣金湯酸菜魚/蕃茄味 4種選擇，怕辣可以試蕃茄味。魚類可以選擇鱸魚或青江魚。▫️魚肉好嫩滑又夠大條，魚皮烤到金黃色脆脆地好惹味。▫️免費送6款配菜：土豆片、蓮藕、萵筍片、黑魔芋、娃娃菜、芽菜。🐮手切美國牛小排 $118⭐️⭐️⭐️超靚牛小排，價錢咁平，但係份量亦都唔少😯 油花夠靚，入口軟嫩，牛味亦濃。🔥串燒/燒烤：🦪陀地燒生蠔 $12/隻 🦐燒虎蝦 $28/隻🍆陀地燒茄子 $32/條🦑泰式墨魚串 $16/串🐷泰式豬頸肉 $14/串🐮鹽燒牛舌芯 $28/串🐓手工雞皮串 $12/串▫️呢度嘅串燒燒得好出色，火候啱啱好！價錢好平🤩非常抵食！要留意大部份都係兩串起。⭐️必食原條燒茄子、燒生蠔、牛舌心！🌶️滕椒魚皮 $38▫️必叫餐前小食！呢個魚皮好爽脆，而且個味道調校得非常好，微辣夠惹味～我哋encore叫咗兩碟🤤🍲火鍋配料：▫️必叫玫瑰露鵝腸$48，器皿好可愛係一隻鴨仔，打卡必備～ 玫瑰露酒味道好重非常之香。▫️另外叫咗白柏葉麵$38、豆腐$20、粟米$20，配料全部都好平，而且份量都唔少。質素亦都高！▫️一定要叫四川寬粉$20，烤魚嘅湯底最正就係加呢一個面🤤煙煙韌韌好好味！🍻Sapporo生啤 550ml $48 買一送一‼️🍹多款超抵飲特色飲品，菠蘿青檸梳打$28💵4個人食👩🏻‍🤝‍👨🏼👩🏼‍🤝‍👩🏻 人均$300…Read More

📌 我要烤魚串燒烤魚專門店 - 旺角通菜街1A-1L號威達商業大廈Deli2 1樓1A號舖🗓(26/7) 星期五 ⏰ 晚上6點左右 💈特式：Weekend收工梗係要出街食好野啦，旺角就好多專門食烤魚嘅餐廳，上openrice一睇，呢間烤魚專門店開左無耐，但評價竟然可以咁快做到88好評對0個負評，好奇心驅使下就去左試下。🥩🍔🌭🌮🥗🥯🥘🍲🍝🍣🥟🍤🍱食物：餐廳同個名一樣，主打烤魚同串燒，而家等我同大家講下🐟味道先。🍅🐟蕃茄烤魚 $2️⃣9️⃣8️⃣ - 魚可以揀鱸魚或清江魚，我就比較驚d魚多骨，所以就揀左鱸魚，貪佢啖啖魚肉，又有魚香。烹調口味就有麻辣/香辣/酸辣/蕃茄4款選擇，因為朋友唔想食辣，所以就揀左蕃茄，蕃茄湯底非常濃郁，仲送埋6款配菜，包括蓮藕/薯仔/萵筍/魔芋/芽菜/娃娃菜。一上枱見到條鱸魚都幾大條，魚皮烤到脆卜卜，魚肉仲好新鮮，而且骨粗肉厚又夠香，最重要一個好處就係少骨，食得特別方便。🐟藤椒魚皮 $3️⃣8️⃣ - 魚皮係其中一樣我最鐘意嘅小食，佢地呢個我都好推薦，因為真係勁爽口，味道又香麻惹味。🐮👅鹽燒牛舌芯 $2️⃣8️⃣ - 牛舌芯唔算太厚，但食落肉質嫩滑又juicy。🐥鮮雞腎 $1️⃣4️⃣ - 鮮雞腎燒得好香，新鮮同好爽口，必點。🦪陀地燒生蠔 $1️⃣2️⃣ - 生蠔size都算ok，火喉控制等唔錯，隻蠔唔會燒得太乾，仲有汁水，加埋蒜蓉認真惹味。🍍甜蜜燒菠蘿 $1️⃣0️⃣ - 燒菠蘿都係食串燒必點之一，菠蘿外皮d蜜糖燒到脆卜卜，入面仲勁juicy同甜，相當解膩。🍧桂花蜜四川冰粉 $1️⃣6️⃣ - 食完烤魚d比較濃味嘅食物，食返杯清清地嘅消暑冰粉做甜品就最合適不過。☕️🍵🥤🧋🍺🍷🥃🍹🧉🍾🍶🥛飲品 : 飲品選擇都多，我地就叫左2個椰青，椰青又大個又清甜，配濃味食物一流，值得一提係佢地日本Spporo生啤做緊買一送一，都幾抵飲。🍽環境：餐廳裝修睇得出花左心思，坐位就有好多梳化卡位，位與位之間同枱面空間都好闊落，地方亦都乾淨企理，光猛整潔，最緊要係冷氣好夠，唔會食到出晒汗。🤵🏻🤵🏻‍♀️🤵🏻‍♂️服務：職員服務好好，好有禮貌 ，會主動幫食烤魚嘅客人睇火同調校火力之類。💰💸價錢：叫左一條烤魚，一個魚皮小食，多串串燒，連埋甜品同飲品，埋單連埋加一都唔洗$6️⃣0️⃣0️⃣，價錢算正常偏抵。🐲💬總結：我覺得呢間嘅烤魚同串燒都做得唔錯，而且而家仲做緊日本生啤買一送一，都真係好抵食，大家有機會可以一試。推薦指數：❤️❤️❤️❤️🤍…Read More