Ding's Kitchen

因為疫情反覆, 去年已訂位既私房菜, 要到農曆新年期間才可以試到。餐廳位置銅鑼灣閙市, V Point 曾經有唔少不同種類既餐廳, 但搭升降機上去時, 發現好多都做唔住已結業。飲食業早已處於生死邊緣, 但政府繼續無為而治。其實今次係慕名而來, 朋友安排好訂座, 非常感激, 就當係新春午餐團拜! 餐廳格調稍為遜色, 跟普通的中菜館相差不大。我地一早訂左套餐, 整體來說都算高水平, 但就沒有太大既驚喜; 反而侍應既服務態度唔錯, 例如我地發現枱布有少許污漬, 佢地已馬上安排替換; 雖然話呢d係應有既態度, 但絕對值得認同。…Read More

最近在飲食界要數到曝光率最高且最受歡迎的必定有鼎爺份兒~鼎爺嘅煮食節目晚晚有唔少人睇之餘, 連出書都賣斷市, 書展都有好多人爭住搵佢影相簽名!乘著呢股氣勢, 隨即已經開了鼎爺私房菜, 據點在銅鑼灣高級商業中心Vpoint, 聽聞裝修也花費千萬! 剛剛開業, pre-booking已經去到明年年初, 氣勢磅礡!餐牌:如此重要的飯局當然不能遲到, 開席前15分鐘已到達。鼎爺身穿大廚服出來與各人打招呼, 完全沒有架子。開席後先來一碟四格的前菜: 從左上角開始, 以順時針方面進食, 都是較傳統的開胃菜。鼎爺現身解說: 酸薑皮蛋是專為年輕一輩介紹, 因為很多連聽都未聽過!而基於美觀原因, 並沒有選用松花皮蛋。阿爺黃金蠔: 此道菜下了不少功夫, 既要處理蠔身,去蠔內臟, 亦要準備炸粉再沾上咸蛋黃, 在家中單單處理幾件也未免太大費周章。而且用上的炸油是牛油, 所以特別香~ 已去蠔內臟兼炸完略為縮水的蠔依然有手機一樣大, 啖啖蠔肉非常滋味!椰皇燉嫩雞: 未打開椰皇殼, 已經被陣陣椰皇香味攻陷! 本身是頗喜愛飲雞湯, 加上極濃椰青香味, 影完相要立即趁熱飲!雞湯一D都唔油膩, 問道負責人, 原來做法是先將雞煮至6﹑7成熟再用以燉湯, 而燉盅與雞大小相約, 「迫」住嚟燉令雞唔會散開, 迫出雞味而又能保留著雞肉的嫩滑!而椰子味極濃的原因 (被我估中了一半!) 是用上了新鮮的椰青水, 不是普通的熱水,也不是我猜測的樽裝現成椰青水。長知識!紫晶生炒骨: 鼎爺嘅煮食節目中有教過, 即場再煮比我地睇, 認真夠鑊氣! 完全無用任何味精, 甜味係來自麥芽糖打成醬汁,而且紅肉火龍果炒出嚟呈紫色又sharp又夠健康!其他菜式:阿爺乞兒雞新舊荷葉飯懷舊明目萬壽果糖水…Read More

2017.09.11搵到到一班摯親成圍，先有個人第300篇食評誕生😘鼎爺到場，有得同真人影相，好nice啊～是晚全天候有侍應在旁斟茶遞水上菜。每樣餸都有專人入內介紹特色、煮法。用餐服務水平很高。食材處理、刀功、配撘、醬料運用、烹調搵唔到錯處，冇過鹹/甜/酸，炸物冇過厚粉/硬唔脆，菜肴冇太腍/嚡/唔入味/過膩/唔夠熱之類。味道尋常中見不平凡，成餐飯食落覺得舒服、平衡，味道細膩。要响街搵到類近水平都有，但就食落重味啲甚至有味精，但今晚我的味精不耐症冇發作過，證明材料全天然，整體食物質素高。…Read More