Liu Liang San Taiwanese Canteen

雖然而家陸續有不同國家「開關」，但疫情始終令人擔心，小弟唔敢貿貿然系呢個時候旅行。近年小弟迷上台灣菜，所以不斷搵網絡上高手的社交媒體，同埋不同的關注組、討論區等等，看看香港有咩推介。當然，唔會奢望完全食到同台灣的同樣味道，只要有接近的感覺，而且味道一流就好。香港區區食台灣菜的地方唔少（當然系唔系「正宗」就見仁見智），而呢間「六両三」，絕對唔系店如其名，只有「六両三」的水準；一個字講曬：「」。呢間名店系尖沙咀都有分店，但系觀塘分店店舖面積較大，環境較寬闊開揚。小弟第一次幫襯，見到可以選擇的種類唔多，都系正路的「便當類」、麵類、台式小食、台式飲料等等。「正路野無特別姐」－對唔住，您真系有試過先再講。小弟試左個蔥油拌麵，套餐跟鹵甜不辣同埋薑母茶。甜不辣偏煙軔，但唔系硬到咬唔到個隻（算唔算所謂台式麻糬的咬口）；甜不辣上的醬汁酸酸甜甜，但唔會太過份，十分開胃。薑母茶完全系比起外面飲到薑味的更濃，完全系「小弟杯茶」；更細心的系，店舖怕客人攞到熱飲時會「辣」手，所以系杯外面加層厚紙皮；對小弟呢種十級怕熱的人黎講，絕對歡迎（但好似唔環保？）到左蔥油拌麵，完全可以「嘩」一聲。成碗麵未撈埋乾蔥同麻油之前，蔥同油的香味已經飄散出黎（無誇張），店員仲溫馨提示，要趁熱將麵同蔥油撈埋更好食。碗麵的滋味程度，真系值得身體十級虧的小弟再冒「油鹽糖份爆標」的風險去食－雖然唔系小弟較為喜好的粗麵，但每一寸幼麵都可以撈到麻油，而且乾蔥事先好似有炒到呈深啡色，將乾蔥的香氣逼出黎；麵、蔥食落去系油，但油而不膩，麵條食落仲有些少滑溜的感覺。當然，成碗麵最後食到乾乾淨淨，就系對舖頭最好表達「好味」的方式。簡簡單單的蔥油拌麵都可以整到甘好味，小弟已經期待下次再試其他更有名的款式。…查看更多

朋友介紹過這間，所以試試佢。於觀塘請袋鼠代步，當午餐送到時，全部都和暖的。阿宏蔥油拌麵 $51 袋鼠價一個中高紙碗，全碗都是蔥、已附上麵條的牆汁，開始變硬的麵。每條麵色澤均勻，充滿油光，大量黑晒色的蔥絲。味道上，只吃到濃濃的薑味和甜甜的醬油味，沒有蔥香，與我的期望不乎。如有下次，會食第二款主食！（見朋友們吃的滷雞腿便當更吸引）百頁豆腐 $28 袋鼠價好得意既口感，細滑綿綿的，有啲似魚腐的口感。拌著少少咸的燒汁(?)剛好的。…查看更多

今晚用外賣平台，叫咗呢間喺公司觀塘工廈既「六両三.台灣食堂」， 落單後大概二十五分鐘就將餐點送到，都算快。今次叫咗排骨便當 ($68) 同埋阿宏蔥油拌麵 ($48)，另加一隻鹵蛋 ($10)。排骨便當 ($68)，排骨份量都算多，有幾款伴菜同半隻鹵蛋， 賣相可以，味道稍為清淡， 調味方面可以多少少變化。阿宏蔥油拌麵 ($48) 賣相ok，d麵唔會黐埋一舊舊，good 但同樣味道稍為清淡希望下次再試，可以食到出色既味道啦…查看更多

一直以來很想去尖沙咀店，不過總是有長龍。難得觀塘開了分店，對我們來說也較為方便。雖然在工廈，但這裡的裝修很骨緻，完全不覺自己置身工業區。環境甚至看上去比尖沙咀店更大更舒適，而且間板也不馬虎，像和式屏風。台灣菜選擇不少，麵飯都有，配餸也可隨意搭配，每款價錢都不貴。我要了大家都推介的蔥油拌麵，賣相很像韓式炸醬麵。拌均了賣相就吸引多了。麵條彈牙，粗幼適中，可均勻地掛上醬汁，有色水得來又不會過鹹。吃台灣菜總是想試試牛肉麵，這裡的牛肉麵比想像中好，牛腩、牛根和牛𦟌都炆得非常軟腍，不會黏牙。 麵條則較像烏冬，個人更喜歡拌麵的麵質。因蔥油拌麵沒有餸，我們額外要了酥炸排骨，想不到有這麼多件，肉質不嚡口也不柴，輕炸得來不會太油膩，不錯不錯。小食有大小之分，小的百頁豆腐有兩件，是像魚豆腐的質感，不是我們平常吃火鍋的冰豆腐。飲品雖然不便宜，沒有餐飲優惠，但也頗大杯。冬瓜茶加了檸檬後不會太甜，頗為清新。珍珠奶茶的紅茶香味不錯，奶香重而沒茶澀味，很有在台灣夜市的風味。分甘同味，其實份量也不少，很輕易會點到整桌滿。 這裡絕對是有保證的台灣菜，一定會再訪！…查看更多

每次去觀塘，都會盡量避免在商場內搵食，因為附近的工廠大廈樓上實在有太多食店。今日隨意在OpenRice搜尋，搵到了一間台灣小店，名字很特別，叫「六両三」，一於走去試試。原來餐廳位於一棟不知道是重建、抑或是工廈翻新的商廈樓上，位置其實不算理想；如果不是刻意搜尋，即使經過大廈樓下也會很容易錯過這間餐廳。餐廳內部裝修雖然簡樸，但就很有日本庶民小店加台灣夜市小檔口兩者混合的風味；尤其是這一張開放式廚房吧枱，一方面展現了日本屋台拉麵風格（卻賣台灣牛肉麵）；同時又掛滿了泛著淡黃色燈光的仿紙燈籠 ⋯⋯ 以為去了日本或台灣當地小店！除了開放式台灣牛肉麵廚房，餐廳內的佈置同樣貫徹食堂風味：大木枱加木椅，充滿平民風味，但又很親切。最舒服的用餐區當然就是靠牆的兩張梳化及矮身餐枱！唔知道是否因為疫情關係，兩張梳化之間刻意用了一幅類似日式趟門的屏風分隔，意料之外地竟然很有特色！即使疫情過去，餐廳也應該保留這一幅屏風。難得老闆緊記師父宏哥的教導，「沒有味精的堅持」就是「六両三」強調的台灣牛肉麵湯底。至於這一個品嚐台灣牛肉麵的五部曲介紹指南就有點問題了；找遍整張餐枱枱面，原來根本沒有辦法完成第四步及第五步：沒有牛骨髓辣油及白醋。牛骨髓辣油要問店員，太麻煩；餐枱上的白醋也消失了，變成消毒搓手液！典型台灣小食堂餐牌，主打紅燒牛肉麵、滷肉飯及幾款台式乾拌麵，另有多款台式小食；但就欠缺清湯牛肉麵，只有牛大骨清湯。三寶牛肉麵（$88）即是台灣最流行的紅燒牛肉麵。每間台灣牛肉麵都有自家獨門秘方，但湯底一定離不開用上大量牛骨、牛肉、藥材、香料，經過幾十小時熬煮，將所有牛骨膠原及牛味熬出來。然後就加入獨家秘製的豆瓣醬、花椒、辣椒，將川味溶入，形成台灣特色的紅燒牛肉湯底。「六両三」的紅燒牛肉湯底表面泛起一層薄薄的紅油，香辣程度適中，只嫌稍為偏鹹，牛香未夠濃郁。採用粗身麵條，用台灣話來講未夠「Q彈」。 麵質偏軟、欠咬口。一般的三寶台灣牛肉麵有牛腱肉、牛筋及牛肚（金錢肚）；「六両三」的出品則棄牛肚而採用牛肋條肉。牛筋介乎腍滑及爽口之間，既唔會入口即化、但又唔會太硬身太爽口，炆煮時間控制得剛剛好。牛腱肉即是香港人叫的金錢𦟌，肉質鬆化，夾雜在腱肉之間的軟膜保留了少許膠原質感。牛肋條肉就是牛肋排，連著少少脂肪、少少筋膜，肉味濃、軟身兼有咬口。本來想揀炸雞腿（$35），但睇照片有點似台灣鹽酥雞，擔心太鹹，最終選了揀滷雞腿（$35）。味道與想像中分別不大，典型台式滷水鹹香；勝在雞髀夠大隻。唔想食滷肉飯、又唔想食台式便當，又已經揀了紅燒牛肉麵及滷水雞腿；沒有太多其他主食選擇的情況下，要了阿宏蔥油拌麵（$46）。拌麵所採用的麵條有別於紅燒牛肉湯麵的麵底，顏色較白、麵條較幼身；配搭鋪滿表面的一大團黑色食材及青綠色蔥花，賣相唔吸引。近看才知道那團黑色東西是蔥絲。蔥絲先略為炸香，然後再用秘製醬料及麻油略為浸煮。拌麵碟底已經預先到入一些醬油，先將麵條、醬油及蔥絲拌勻；與完全不吸引的賣相相反，麵條出乎意料地好味道，接近黑色的蔥絲同樣好味，既有油炸後而散發的蔥香、也有麻油香氣及醬油鹹香。今次食了三款不同風味台灣小吃，雖然並非特別好味，但就充滿台灣地道風味；下次一定會再回頭支持本地小店。今日是6月27日，餐廳仍然可以自由張䀡各款表達意見的宣傳單張；再過幾天，這個情況就可能不復見了！…查看更多

午飯時間嘅六両三人頭湧湧，不過唔洗等太耐就可以入座啦。我對六両三嘅印象就係全部嘢食第一啖都係普通，之後先會越食越好味😂特別係蔥油拌麵一開頭食覺得只有油味，後尾同埋蔥一齊食先發現原來個蔥先係重點！滷肉拌麵味道偏淡但滷肉都幾大粒口感豐富炸雞腿真係炸到有台式風味，外皮夠脆又有落椒鹽好香，但雞肉就比較乾柴而牛筋絲份量偏細，比起過軟嘅牛筋絲反而覺得個拌菜更爽口惹味，適合配麵一齊食。至於嘢飲啲冰好快就融哂唔太夠凍，夏天嚟飲有點唔夠爽！另外值得一讚係每枱都有提供消毒搓手液，仲有橡筋方便女仕們大快朵頤，非常之體貼同加分！…查看更多

可能因為疫情之下，個個都嗌外賣或者喺屋企食所以餐廳客人異常少人餐廳面積好大，有梳化位、bar枱位同6人枱位食物選擇算多朋友嗌咗個”川味紅燒牛肉麵”而我就嗌咗”阿宏蔥油拌麵”(見OR寫係熱門😋)另外飲品就叫咗”冬瓜檸檬茶”同埋”薑母茶”“牛肉麵”湯底雖然唔算濃郁，但牛展肉尚算腍身，而麵質嘅軟度係中等“阿宏蔥油拌麵”一定要將所有醬汁撈到好勻好勻，確保每一條麵條都有醬汁，咁就好惹味，就算唔係好肚餓都會不自覺食下食下就食哂，看似黑色好重口味咁，但其實食完唔會有種好口渴嘅感覺“薑母茶”薑味可接受(每個人可以接受嘅薑味程度不同)，同埋好大杯!!…查看更多

之前喺尖沙咀慕名食過六両三，結果係要排隊，仲要入到去逼逼地，唔算坐得舒服點知觀塘開咗間分店，大間好多，任你揀位坐，十足飯堂咁，free估唔到咁細心，有橡根提供畀胃民紮起頭髮前菜呀、水呀、碗呀之類可以去自助區自理滷肉飯睇落好juicy，好快大胃就扒晒成碗飯牛腱配青瓜，果然頂瓜瓜，捲住食仲正大胃好鍾意台灣嘅百頁豆腐，煙煙韌韌難捨難離一直好疑惑咁好食嘅甜不辣究竟係咩嚟，睇英文翻譯，大胃估係來自日本嘅天婦羅今次胃民識揀喇，蔥油拌麵好惹味，一啲都唔齋唔怪大胃水都唔使飲一杯，原來冇落到「師傅」…查看更多

有時星期六約人去觀塘，都會順便試下新餐廳，呢度雖然唔係開左好耐，但人客唔少一出電梯，左邊就見到啦！環境好日本風有自助茶水位客人點菜只需喺餐牌上用maker畫就得啦！所有食物不添加味精，好適合注重健康嘅客人！我同朋友一人叫左一碗麵台灣既蔥油伴麵甘出名，就試吓啦！黑色既蔥油比較甜，唔算好油麵質硬度適中，有點咬口，但又未至於好彈牙。麵條上均勻地混了醬汁嘅顏色，好好食😋整體不錯👍🏻另外仲叫左滷肉拌麵滷肉切到非常之細粒，差唔多每粒都連皮脂肪帶肉，就好似東坡肉咁！好正滷肉焾到唔使用牙咬都可以食到！雖然比上一碗麵油，但係味道就非常好👍🏻唔落味精都整得好好食！一場黎到當然要叫啲牛肉食下啦牛腱上放了生青瓜絲硬度適中，薄切，好入味。要趁熱食！小食方面，叫左皮蛋豆腐係冷盤，個醬汁甜甜地同杰身，味道不錯👍🏻放喺面上面嘅木魚片好大塊因為最近天氣凍，想飲杯熱辣辣嘅薑母茶呢度嘅薑母茶非常濃郁，再加點熱水都仲ok，非常抵飲！喺呢度食飯感覺好好，地方又夠大。有啲座位附近有插蘇，可义電、亦有梳化。食物質數不錯，不用加一。性價比非常高！…查看更多