四川陳阿姨風味 (Closed)

⭐️今次要介紹呢間係長沙灣新開嘅四川風味野食 有辣媽燙(麻辣燙),四川涼拌等 即叫即整大概等十分鐘左右🌶涼拌牛栢葉 $38牛栢葉切得大小平均 完全唔會韌 份量亦都好多辣味好香 試左小辣剛剛好🌶阿姨撈起 （涼拌）$24有得揀涼皮 米線或者水晶粉，仲有新推出嘅紫薯粉 我揀咗涼皮$24真係好抵食 仲可以額外加配料 我加咗豆腐乾（$6），蝦球（$10）雞腎（$10） 豆腐乾厚切 而且份量唔少，蝦球口感爽脆 雞腎比較薄切 味道較濃鍾意呢間涼皮嘅口感夠彈牙，比其他舖頭優勝嘅地方係撈完之後唔算油，而且性價比都好高👍之前係同區試過一間 餸嘅份量少得可憐 🌶去開呢頭嘅朋友可以去試下！…Read More

🌶親民街坊四川菜🌶推介指數 ❤️❤️❤️❤️🤍難得有丁點自由時間去好耐無去過深水埗某廣場尋寶，可惜店舖已經面目全非… 已經無哂舊玩具啦🥲開心食嘢、唔開心都要食嘢嘅～行去搭車途中見到有四川菜新開張，行過路過唔好錯過😍Menu 有辣媽燙、阿姨撈起(涼拌)同娘拌滋味3大類。距離屋企有段車程，為咗方便拎就決左1個撈起同1個小食～測試下本人做外賣仔嘅專業，影相對比下先😂😂😂🐥娘拌滋味 - 口水雞 HKD42✨涼拌小食價錢HKD18起，數一數都有17款菜色。口水雞面層鋪滿芝麻、辣椒籽、辣椒汁等等。食落雞皮Q彈、少脂肪且肉嫩，再醮上辣汁更惹味😋🥡阿姨撈起(涼拌)HKD24✨粉底可選擇粉皮、米線或者水晶粉，辣度有大中小辣，配料有芽菜、芹菜、甘荀絲同芫茜。✨餸有14款選擇，點選蓮藕片、木耳、萵筍絲、豆腐乾、牛柏葉、蝦球、雞腎同豬腩片，唔小心加餸加咗HKD64😂😂 #小朋友先要揀✨打開見到已經好豐富，整體食材新鮮，配上辣汁份外惹味！中辣麻中帶辣，嗜辣人士會鍾意😈.··🏠 四川陳阿姨風味 (深水埗)📍深水埗青山道142號順發居地下C號舖…Read More

雖然長沙灣有地鐵站，但由於冇乜嘢行，民居為主，物價仍然keep到街坊價，喺街度行入去一間，$60唔使已經搞掂兩人份午餐呢間四川小店，主打外賣，但都有兩個位堂食大胃最鍾意嗌粉皮食，諗住佢一定係掃街一兜仔嗰種份量，點知係一大盒，目測係掃街嘅兩倍，但價錢差唔多粉皮大條又彈牙，醬料又刺激又夠足加蝦球，又真係好多粒大大舊蝦仁海帶浸得夠彈性，唔會好硬土豆絲係胃弟至愛，食落又真係涼浸浸，但又好爽口廿蚊都唔使已經一大盒，當係一餐都不為過…Read More