.📍光榮冰室📍 #饅頭去荃灣 #饅頭的港味道跟 @calorieswithmic 搵食💒學教主話齋，減肥都要俾自己休息下，更何況搵姨媽嘅路途可能會會增肥， 既然係咁就唔好畀咁大壓力自己，放心咁食好西啦😂，只要心態好，份量控制得當，一切都會變好的。------------------------------開心浩園餐 ($50)蔥油雞扒飯加三隻太陽蛋(俗稱三眼仔🤓)，好大碟，完全冇偷工減料。蔥油雞扒比3大隻太陽蛋遮住，滿滿嘅蛋白質。太陽蛋煎得好靚🍳，做到半生熟流心嘅效果😍；蛋黃顏色比一般蛋深色，食落去爆漿咁濟，成個口都係濃郁嘅蛋香😋；個人建議一隻就咁食兩隻用嚟撈飯。雞扒差唔多有我成塊面咁大，而且都Ok厚肉，冇好大陣雪藏味，外皮煎得香脆👍🏻，又唔會覺得好熱氣；肉質方面，邊邊位有過乾過硬嘅情況，但食到中間都算有汁嘅，啖啖肉嘅感覺真好🍖🤤，整體不過不失，但咁大塊我都好滿足。雞扒上面淋上嘅蔥油份量唔算多， 所以香得嚟唔會太鹹同太油，足夠用嚟撈飯，再加埋蛋同衰多嘅甜豉油，令成碟飯更香味道更豐富💯，真係好吸引，令我忍唔住一啖接住一啖。但比較可惜嘅係飯就偏淋，不過未去到好濕潤，係可以接受嘅👌🏻，因為本身會撈豉油同蛋漿，如果可以做到粒粒分明嘅話口感就更好。飯同餸份量都好多，好抵食性價比高🙈。其實一個女仔食就應該要嗌少飯，不過我本身胃口大，加上今日day off，有時間慢慢食，所以就咁KO咗一個餐🤘🏻。跟餐嘅奶茶茶底好濃☕，澀味充足，奶味就差啲，所以唔夠香滑，但已經比一般嘅茶記出色好多。------------------------------整體評分：7.8/10小編回頭率：7.5/10又黃又抵食💛，質素中上，店員服務態度都好好，上菜嗰陣特登遞支豉油比我，唔怪之得咁多人排隊。果然跟教主搵食係冇錯嘅，今餐我好享受，阿門😌🙏🏻。…Read More
開心浩園餐，
