Cafe Hunan (Olympian City 1)

「書湘門第」開在我的地頭「奧海城」多年，我竟然未曾幫襯過～～～名字聽起來如此溫文以雅，裝修也有一種中國古典的書卷味，我還以為是吃一些精𡟹的菜式；有次經過都想入去一試，但揭開本Menu，很多菜式都是「辣」的～～～原來這兒食的是以「辣味豐富」見稱的「湘菜」(湖南菜)～～～我從未食過但令我好奇的是⋯⋯每每經過（當然是中午或晚上的食飯時間），是座無虛席、門口亦放不少客人透過網上外賣平台 點的外賣⋯⋯⋯究竟吸引力何在？！所以今天決定要解開我的疑團打開Menu, 圖片看到的大都是顏色鮮豔的紅辣椒🌶️⋯⋯而辣的菜式名字傍邊都有「辣椒的標示」，一隻辣椒代表最少辣🌶、三隻辣椒代表最辣🌶🌶🌶對於平日只食開「譚仔5小辣」的我，都有點猶豫「自己可以食到幾多隻辣椒」揭了Menu 好幾遍，我們大膽試下這味二隻辣椒🌶️🌶的「孜板然牛肉」雖然是兩隻辣椒🌶🌶，其實亦無想像中辣(大約是譚仔小辣的辣度)，配上很香的孜然乾碎，非常「野味」除了牛肉，內裡還有紅洋蔥及蒜心，雖然好像只是配料，但味道都很甜很好味！！「書湘炒飯」這個飯很有驚喜，點這菜色純粹因為食要「送下飯」，想不到只有「梅菜」及「雞蛋」的炒飯，出來的效果會如此好味，必食！！「清炒萵荀絲」點這菜式絕對是要「中和」一下其他的濃味菜式。萵荀本身清甜爽口，清炒是最好的烹調方式～～～「鳯尾腰花」這款菜式被他的名字誤導了，我還以為是炒「雞腎」，原來是切到好像「鳯尾」的「豬腰」，的確很考刀功，調味其實不錯，但最可惜「豬腰」處理得不太好，很大股「尿罨味」，希望㕑師要加留意改善。二人食了四款菜式，埋單HK$399，價錢尚算合理。總結：- 環境企理舒服。- 服務生都有基本禮貌，有問必答。(沒有遇到之前有Blogger 所說的無禮對待)- 食物大多數是「辣味」及「重口味」(喜歡清淡或小朋友未必適合)，食物味道不錯，雖然因為辣而多渴飲品，但感覺味精不重；但內臓(豬腰)食材處理有待改善。…Read More

入到奧海城，啲食店同一般商場嘅連鎖店差不多，不過行到奧海城一期呢間店就吸引左我同太太嘅眼晴，充滿書卷味嘅｢書湘門第｣。湘菜我地都好少試，以辣嘢為主，有啲似四川菜，有水煮魚個啲食。咁我地都唔係好食得太辣嘅關係，就叫左鐵板孜然牛肉同糯米蒸排骨食。上菜啦，一黎就有咋咋聲嘅孜然牛肉，香味撲鼻，用左洋蔥同辣椒爆香嘅牛可以送幾碗飯，牛肉有鐵板香味同相當之嫩口，好好味！之後就黎一個糯米蒸排骨，用糯米飯包住排骨黎蒸，賣相都幾特別，食落其實同平時食鳳爪排骨飯差不多。下次要搵多啲朋友試埋其他特色菜！…Read More

同屋企人過開呢邊，其實想去奧海2期，但泊車條龍太嚇人，所以決定去奧海1期泊車實有位。但係發覺泊低咗架車，出到1期，冇好嘢食。但係算啦，是但搵間好似多人既試下。等咗15分鐘都未入到去坐。但見好多吉位。問經理，佢話有人訂咗。但我哋眼見就好耐都冇人入。再同經理傾傾佢就放咗我哋入去坐（其實之後都唔算多人，所以覺得冇需要要人響出面等咁耐）Anyways，好快就 已經決定好點咩好。經典扣肉 $108 (1個辣椒） 首先上檯覺得好正！睇落又唔多肥羔。但係實在太咸。平時呢味係我至愛，正常我可以清咗成碟。但我真的受不了。另外扣肉下面鋪滿咗豬肉粒，但比較“鞋”口。又咸。撈唔到飯。。。椒鹽雞軟骨 $88 (1個辣椒）呢個其實幾野味。雖然寫就寫有一粒辣椒，但本人覺得一點都唔辣。只係乾咗少少。都ok。水煮魚片$268 (3個辣椒） 呢個就比較失望。響其他地方食過好正既水煮魚，夠麻夠辣，魚質又滑，仲要冇骨可以好放心咁啖啖肉食。但係！呢度- 魚質唔可以話佢唔滑，但又未到好滑。有骨（仲要好多細骨）。麻辣味唔夠。槃裏面有薯粉，有青瓜。薯粉分量正常。但啲青瓜好大舊。可以切多幾刀會好啲。鐵板孜然牛肉 $108 (2個辣椒）  個牛肉都算正常。分量以呢個價錢算唔錯。味道唔錯。粉絲蒸娃娃菜 $78粉絲娃娃菜。大家估個重點係粉絲定菜？答案：粉絲。我點個時想食返多啲菜，不過呢碟上檯發覺好多粉絲。不過佢啲粉絲好好味！唔知係米用雞湯定咩湯煨過。好入味。應該係韓國粉絲。比較肥同彈牙。媽咪超中意！砵仔飯 $12另外呢度冇普通正常飯。全部都係砵仔飯。食辣野，識飲緊係飲加多寳啦（王老吉啲朋友）！不過我食完呢間之後，好像食返平時食開好正既川菜館。好似未夠滿足咁。。。…Read More