E-pai, teppan-yakitori

今次喺觀塘APM試咗間居酒屋，原來係上次介紹過【尖沙咀 一遊】嘅姊妹店👀 除咗店舖裝潢充滿日式風情之外，食物同樣高質素‼️【特選四人前料理】💰1480【豚肉沙律】薄切豚肉，配埋沙律菜同芝麻醬，打響頭炮、夠晒開胃🤤⭐️【刺身四品】搬盤精美💕 油甘魚滑得嚟有油香，赤蝦鮮甜彈牙，三文魚肥美唔膩，磯煮鮑魚就夠晒入味👍🏻【海之幸 海膽卷】海膽香濃又唔腥，真係幸福感爆棚🥹【牛舌鹽燒】厚薄適中，咬落爽口，唯獨鹽稍為落得有少少重手🤏🏻🤏🏻【免治雞肉串】燒得香口又唔柴，仲有少少肉汁，如果可以配埋蛋黃醬相信會更加惹味😋⭐️【鯛魚野菜石鍋湯】湯底鮮甜呈奶白色，每啖都係用鯛魚煮出嚟嘅精華，完全唔腥👍🏻 加上用咗石鍋，熱辣辣咁放上枱，啖啖都暖到入心❤️⭐️【鐵板A4和牛薄燒】想趁熱食，所以影完相就即刻放入口😂 真係入口即溶👍🏻 油脂分佈靚到唔捨得吞😂😂⭐️【鐵板蟹肉炒飯】粒粒分明又有蟹香，炒得夠鑊氣，完美‼️⭐️【關西燒二品】💰98食完套餐唔夠喉😂 額外再點咗份關西燒，餡料係豚肉拼芝士👍🏻 影完相之後，店員手勢勁純熟咁幫手切做九宮格👍🏻 品道正宗，大量澱粉質落肚就真係夠晒飽😂…查看更多

呢間居酒屋已經開左好多年，環境舒服，有少少日本風味，燈光柔和，好適合同朋友或者伴侶過嚟慢慢食。豚肉沙律開胃得嚟又唔會太heavy，豚肉煎得啱啱好，唔油膩，配埋清爽嘅沙律菜，口感非常平衡。刺身有油甘魚、赤蝦、三文魚同磯煮鮑魚，全部都好新鮮，尤其係油甘魚，入口即溶，鮮味十足，而赤蝦仲帶有少少甜味，真係一流！海膽卷海膽夠鮮，唔會帶腥味，配埋少少醋飯，每一啖都係濃郁海洋味，非常滿足。串燒牛舌鹽燒係必試，外層燒到微焦，但入口非常嫩滑，加咗少少鹽調味，完全突顯出牛舌嘅原味。而免治雞肉串燒亦都有驚喜，雞肉香嫩多汁，配埋自家製醬汁，滋味無窮！鯛魚野菜石鍋湯湯底鮮甜，鯛魚同蔬菜嘅鮮味完全融入湯入面，飲完一碗真係覺得好滿足。鐵板A4和牛薄燒就更加係全場焦點，和牛脂肪分佈均勻，入口即溶，真係食過返唔到轉頭。最後嘅鐵板蟹肉炒飯亦冇令人失望，炒飯粒粒分明，蟹肉鮮味十足，完美收尾！飲品方面，善之水特別純米，呢款清酒酒體清爽，入口柔順，帶有淡淡嘅米香味，輕微甜味非常平衡。配搭刺身同鐵板燒都非常合拍，唔會搶味，反而提升咗食物嘅鮮味，真係完美嘅配搭！…查看更多

一杯 E-PAI 特盛四人前料理 + 豚平燒 + 一娘清酒今次同朋友去咗觀塘APM嘅一杯 E-PAI，試咗佢哋嘅特盛四人前料理套餐，👍🏻仲加咗招牌嘅豚平燒同一娘純米吟釀清酒，真係食得好滿足，啲菜式都好有水準🌟食一杯 緊係要飲番杯🙌🏻。🍶一娘 純米吟釀清酒口感優雅，酒香柔順易飲，無論係配搭刺身、壽司或輕食，都能提升整體味覺享受🍥🥗豚肉沙律 呢個沙律好清新爽脆，配埋豚肉片，🐷豚肉煎得好香，唔乾有肉汁。醬汁帶少少酸，令整體味道好平衡，食落好開胃。🍣刺身四品（油甘魚、赤蝦、三文魚、磯煮鮑魚） 油甘魚切得厚身，入口滑溜又帶啲油香；🦐赤蝦大隻又彈牙，甜味好突出；三文魚肥美，油脂豐富；磯煮鮑魚煮得剛好，肉質彈牙又帶鮮味，唔會韌，好有口感。海の幸 海膽卷🍱海膽卷嘅海膽好creamy，鮮甜無腥味，🥢配埋壽司飯同香脆紫菜。🐮牛舌鹽燒 燒得好香，外層微微焦脆，入面嫩滑有彈性，牛味濃郁，簡單滴啲檸檬汁就好正。🍢免治雞肉 雞肉串多汁，好有咬口。🐟鯛魚野菜石鍋湯 這道湯品以熱騰騰的石鍋呈上，🍲湯底勁香濃唔腥，啲蔬菜同🍄‍🟫菇吸收咗魚湯嘅鮮味，飲落暖笠笠，好正😋🐮鐵板A4和牛薄燒 A4和牛真係入口即溶🤤，油脂分佈好均勻好香，肉味好濃郁，包住蔥勁好味真係高質。🦀鐵板蟹肉炒飯 炒飯粒粒分明，蛋香同啖啖蟹肉嘅鮮甜好夾，唔油膩，勁大碟，好足料🍚豚平燒🥓豚平燒係一杯嘅招牌❤️，蛋包住豚肉同蔬菜，煎到金黃微脆，淋上大阪燒醬汁同蛋黃醬，香氣十足。豚肉嫩滑，🍳蛋香濃郁，熱辣辣上枱，用小鏟分食好方便，食落好滿足。🥭牛奶凍配鮮芒果醬 甜品係牛奶凍配鮮芒果醬，🍮牛奶凍滑溜又細膩，甜度剛好唔會膩，芒果醬香甜帶果香，清新解膩，係完美嘅飯後甜品。🤭食物新鮮又有水準，份量足夠，服務又好，環境舒服，啱晒同朋友或者家人嚟聚餐。下次想試多啲佢哋嘅鐵板燒同其他特色菜，推薦大家去試下！⭐️⭐️⭐️⭐️⭐️…查看更多