Kam Kee Cafe (Kornhill Plaza North)

朋友是常客，喜歡來這冰室用餐。 自助落單，方便快捷。或叫店員落單也可。食品選項很多呢 今次點了以下數款。 鐵板西冷牛扒 : 選配薯菜和黑椒汁，朋友喜愛五成熟，選了以碟子盛上。 主角當然是厚身的牛扒，沒有過多肥脂，亦不韌。 烹調得剛好，五成熟，外香內嫩。 咖哩雞扒撈即食麵 : 選單中可選擇是否多汁和麵的軟硬度。 我們較喜愛多汁和爽口的麵。 食物送來時，麵和咖哩雞扒分開碟上也不錯。我們把它們撈在一起，果然麵可掛上香口的咖哩汁，麵身還十分爽口 雞扒味道真不錯，雞皮還脆口，定是即點即做才會這樣 惹味乾炒牛河 : 我點了這一個午市套餐｡ 聽說乾炒牛河是此冰室其中一款招牌食品，那沒理由不試啊！果然擺在面前時，已聞到香香的牛肉味。放入口，更嚐到鍋氣味道，牛肉不韌，河粉炒得均勻，果真不錯。 金粒西多配雪糕 : 煉奶在另一小碟奉上。吃一口冰凍的雪糕，再吃一口沾了煉奶，熱呼呼的金粒西多真是滋味無窮。 凍檸檬菜蜜(圖左)、雪山菠蘿冰 (圖右) : 我喝的凍檸檬菜蜜，新鮮檸檬片不少，冰涼的檸檬菜蜜令人清爽不少。朋友的雪山菠蘿冰，又有雪糕，又有菠蘿，朋友十分喜愛呢。上菜速度快，顧客不用多等｡ 店員服務態度也很好，顧客離座後，見店員迅速清理枱面，打掃乾淨，再接待新來的客人。 每個顧客入內前必須先探熱，亦有搓手液以供使用，店內環境衛生潔淨，防疫工夫不怠慢。 …Read More

今晚路過太古附近, 見呢間茶記幾多人食, 就入左去一試. 原來呢間金記都有幾耐歷史, 前身係大排檔黎.佢地都有幾多野食, 我地叫左一個鐵板餐, 幾個小菜, 份量都幾足, 價錢都合理, 係一間幾平民既餐廳鐵板西冷牛扒, 幾大份, 厚身有牛味, 味道不俗滑蛋蝦仁, 蛋炒得幾滑, 蝦仁都算大隻但偏淡, 略為失色 糖醋芝麻骨, 炸得幾脆口, 酸甜適中風沙黃金豆腐, 外脆內嫩, 不愧為其中一款招牌菜另外跟餐半價試埋個蛋白杏仁茶同紅豆冰, 大滿足!呢間茶記既性價比都幾高, 一定會再返黎食過.…Read More

康怡廣場開了一間金記冰室，我地又多了一個飯堂嘅選擇。今晚屋企無人煮飯，唯有落街食金記。晚飯時間超多人排隊，睇黎大家都唔想煮飯。等了十幾分鐘，終於坐低了。細佬二話不說就要食鐵板西冷，爸媽就要正正經經食小菜白飯，所以就叫鐵板西冷牛扒，涼瓜炆魚柳，風沙炸豆腐，金銀蛋肉碎浸時蔬。西冷牛扒好大塊，差不多有整塊鐵板咁大，切落去好冧，啱啱七成熟，食落好有牛味，一d都唔老，正，比大x樂果d好得多。涼瓜魚柳份量好大，涼瓜好爽脆，唔會好苦，略帶甘甜。班腩炸得好脆，炸粉好薄，魚肉好滑。金磚風沙炸豆腐好滑，唔係一般嘅滑，係非常滑，炸粉非常非常嘅薄，外脆內軟，非常好味。金銀蛋肉碎浸時蔬好清，個湯好甜，即使唔係炒都一樣咁好味。原來想叫杯咸檸七，結果原來係無，咁唯有叫杯凍檸賓頂住先。…Read More

開左咁多間分店既金記終於係鰂魚涌開分店喇！已經一放lunch就衝過去，但都已經有條人龍係門口。雖然入座等好耐，但上菜效率都幾快，叫完5分鐘内就上菜。鐵板西冷牛扒同一般餐廳一樣，有得揀黑椒、蒜茸同燒汁，配飯、意粉同薯菜。份量我覺得都幾大份，牛扒都幾厚身，而且又唔會好大部分都係骨黎。食落又幾好食，keep都d肉汁，唔會overcooked，茶餐廳價錢但質素幾高。懷舊紅豆冰叫套餐仲可以半價享用飲品，紅豆冰椰子味道較重，飲落好香滑。炸雞脾外面炸到金黃色超靚，實物比相靚好多。睇外表就知道係炸得好好，表皮又薄又脆，一咬落去係爆汁，d肉超嫩滑，好正。食完都明白點解金記囉出名既，茶餐廳價錢，但質素又比茶餐廳高。不過如果lunch hour得一個鐘既朋友應該要考慮食第二間。…Read More