剛剛喺Popcorn睇完戲，就同朋友到商場裏覓食。所以就來到麻布茶坊試吓佢嘅晚餐。麻布茶坊既甜品好出名，尤其是雪糕。之前都食過好幾次，但係佢嘅主食就真係未試過。所以今日就同朋友晚餐來呢度一試。環境裝修都唔錯，感覺好舒適，餐廳夠闊落。我們二人被安排坐四人枱。我哋都懶得諗，所以便選了晚市套餐。這裏有不少套餐選擇，有豪華定食或自選晚餐。價錢亦都很優惠，食日本野就最好唔使諗，因為會有齊前菜，湯品，沙律，通通都有。一個主食配搭一個甜品大約$120左右，份量絕對夠飽。鐵板燒牛舌定食是薄燒牛舌，牛舌有嚼勁，牛味濃郁，不用點醬汁，已經吃到燒烤香氣，非常爽彈。牛舌份量都唔少，下面更有滋味洋蔥片，蘸上惹味的牛肉汁，更加香口，送飯一流。旁邊更有一個小食，腌製的紅蘿蔔和黃豆，酸酸甜甜，幾好吃。熊本霜降西冷牛扒都幾大塊，足足有300克。我們點了七成熟，熟度剛剛好，表面有些少焦香。牛味濃郁，更帶有牛肉香甜，絕對有驚喜。旁邊更有些少筋和脂肪，更添牛油香氣。杏子金時雪糕非常軟滑，而且有很香的雲呢拿味。下面會有暖粒粒的番薯蓉，很香甜。杏子很甜配上雪糕又多了一點咬口。抹茶聖代有香濃的抹茶香味，分別有原味軟雪糕和抺茶雪糕球，混合一起吃更添奶香味。原來麻布茶坊已經40週年，所以推出左牛肉火鍋半價優惠，仲抵食，下次一定來試下！…Read More
