Hoi On Cafe (Closed)

上個月終於排到堂食，仲好好彩食到當日最後一份叉燒，雖然食嘅唔係味道，而係情懷，但知道呢間1952年創業嘅冰室唔做，感覺又少左個歷史印記。食唔到西多士同香葱碎牛炒蛋多士有啲可惜呢！🍽薑蒽香油叉燒煎蛋撈麵 ($48包熱飲)叉燒燒到個邊焦香，無話好鬆化但都夠淋，公仔麵偏幼身唔煙韌，薑蔥茸幾香口。
🍽鍋仔公司麵 ($48)
其實就係大雜燴，有齊叉燒、鮮牛肉、餐肉、腸仔、煎蛋同五香肉丁，個湯靠五香肉丁吊味，係熟悉嘅味道。餐牌：…查看更多

講到懷舊冰室不得不黎海安裝潢門面依舊維持住舊時既味道，好難想像呢間冰室1952年已經係度😮黎到當然要點佢出名既「鍋仔公司麵」你可以想像到既茶餐廳公仔麵配料都係曬度！（五香肉丁、午餐肉、腸仔、雞蛋、鴨胸肉& 雞蛋）絕對既大滿足😋今日比較驚喜係個「沙嗲鮮牛肉公仔麵」🍜第一次見沙爹牛有咁多粒大花生係上面，初見到以為食落會好膩，可能因為個湯底已經係奶白色既原因，點知入口恰到好處，唔會杰噠噠，味又好夠濃😋食完正餐，當然就要食甜品喇😛冰室好貼心知道客人食完一大碗麵會食唔曬正常size既西多士，所以提供左一個惜食版既「小粒西」🧡 仲可以揀糖漿/煉奶☺️仲好多野未試，可以再黎😎…查看更多

係中環經過見到勁懷舊完全冇裝修過咁但又勁多人排隊,一於跟人排隊試一試佢~入到去雖然舊式但好乾淨架!!見佢有個鍋仔公司麵勁大碗又勁多料,好鬼吸引立即叫番個食下!!加$5仲可以要一枝枝裝維他奶!咁既配搭真係勁懷舊呀!!鍋仔公司麵應該唔係用出前一丁,但佢個湯底都好好味!!!講番有咩野料先: 半流心煎蛋, 午餐肉, 鮮牛肉,午香肉丁, 腸仔, 叉燒 (賣灑會轉鴨胸).當日叉燒真係賣灑,但佢12:00開賣我落單叫係1:30, 真係好誇張!!>>隻蛋唔係完全太陽蛋,半熟都OK 啦~~ >>午香肉丁會有少少甜味BOR,唔知係咪自己整架呢~其他料就正正常常啦~~但我對於個勁厚既 午餐肉冇煎過有D失望!!!佢個西多都好似好正,下次試下先!!!…查看更多

Was told that this cafe was opened more than 60 years - imagine grandparents go cafe-hopping👵🏻👴🏻Funny how they serve instant noodles in a claypot with sausages, fried eggs, luncheon meat and beef slices - almost like a Chinese-style all day breakfast. Their signature open-faced sandwich was topped with egg scrambled with corned beef and plenty of spring onions. Do come early if you wish to visit as some items on the menu sell out quickly.…查看更多

話說今日要去上環拎禮卷，順道去埋出哂名嘅海安咖啡室食lunch，咖啡室入面幾乎坐滿哂食客，咁唯有搭枱，我叫咗個鍋仔公司麵+凍咖啡，果鍋仔麵一上枱簡直係不得了，有煎蛋、午餐肉(勁厚身)、鮮牛肉、腸仔(仲要係某牌子嘅雞肉腸)、叉燒(勁厚身+半肥瘦)、椰菜(平時唔係咁鍾意食椰菜，都覺得d椰菜好好味😋），一個鍋仔公司麵咁就俾我KO咗😄😄😄…查看更多

晨早流流去左呢間懷舊咖啡室排隊食早餐☺️一睇佢個招牌咁舊式應該都好值得一試🤔可惜我遲左少少差唔多lunch hour勁多人排隊仲要人齊先可以入去坐！坐低後叫左個好似最架勢嘅鍋仔公司麵，因為好多款餸😅奶油脆豬好岩share食！奶茶就一定唔少得啦！舊式茶餐廳嘅茶膽係最好味嘅👍🏻不過環境真係好逼好多人，食完就要快d走🤦🏻‍♀️🤦🏻‍♀️🤦🏻‍♀️🤦🏻‍♀️食耐一陣都俾人望住咁，不過呢d先係風味黎😆…查看更多

每次去中環上環 都好鍾意試唔同既懷舊冰室 品嚐港式美食同時 欣賞下懷舊既裝修 別有一番風味香蔥碎牛炒蛋厚多士 $35炒蛋半熟好滑嫰 充滿蛋汁 香蔥味好香 🐮碎牛既存在感有啲低 唔太鹹香 🍞多士係烘過架好香脆 🍳好足料呀足料到多士中間係凹左入去 食到最後會有小小膩鍋仔公司麵 $48真係成個鍋咁上架喎 公司麵好多餸 鮮牛肉 餐肉 腸仔 雞蛋 五香肉丁 個日叉燒冇哂 變左鴨胸 🐷午餐肉夠厚 但係好似冇煎過唔香口 🍜麵煮得岩岩好唔會太淋 湯底就係靠五香肉丁既味 冇咩特別 就係平凡樸實既茶記滋味:(奶茶 有啲失望 偏淡多士比較特別 其他都比較普通 來感受一下懷舊風味就好…查看更多

大家有睇開我食評都知我係金鐘翻工，個到係美食沙漠 所以見今日比較空閒少少就同班同事去咗上環食好野！唔好睇個樣咁呀！懷舊咁樣先有味道坐無虛席，我地入去好在唔洗等位鍋仔公司麵 $45 多餸到痴咗線 仲要好食！有腸仔 鴨胸 蛋 五香肉丁 牛肉 餐肉 叉燒公仔麵麵質爽口彈牙 配埋d餸真係十分滿足性價比爆登！ 而家你出去食個餐蛋麵做早餐都三十幾啦 呢個真係讚到無野講菠蘿油 $15ok既 不過如果熱翻dd就完美啦維他奶 $5兒時回憶 呢個價 無野好講啦…查看更多

搜尋🔍中上環貼地茶記見網評不錯 故意在行山前來一嚐早餐門面感覺非常有歷史感 但卻覺得有點不乾淨裡面卻爆棚到幾乎找不到空位進來後發覺乾淨企理 而且非常有味道阿哥阿姐態度十分親切有人情味特別之處是 這間充滿老香港味道的茶餐廳餐牌的設計 不難看出是花了心思的實物圖片看起來非常誘人，字體懷舊得來亦清晰明瞭牆上還有這家茶餐廳的繪圖，大照片收銀處還有紀念品樣的環保袋能感覺出來他們保持傳統風味的同時，也樂於跟隨時代的步伐，迎合老中青還有外國人的口味單純看餐牌已經垂涎三尺不能眼闊肚窄吖🙈🙈個人感覺這個不是原鍋炮製的褒仔麵是普通煮了再到進去褒仔裡 沒有叉燒就用鴨胸代替整體味道不錯的 不過開始想像得太美好 實際味道不出彩這個非常好吃 非常好吃 非常好吃重要的事情要說三遍雞蛋雖然沒有餐牌上面的那麼水嫩不過炒香的雞蛋配上碎牛本來已經風味十足再加上蔥花的香濃簡直相得益彰底下的厚多士有烘底 香脆可口配搭上面軟身的雞蛋 也不會太多水把多士泡軟真的食過番尋味一直覺得不夠吃心想再加單，幸好停住了因為一出門落隔後就覺得飽到無譜了…查看更多

好不容易捱到了星期六, 不過每個週末的中午總是好像覓食困難似的.銅鑼灣, 灣仔區已去得有點泛濫.今次不如去遠少少走進上環. 本來想去信德的華星冰室, 但友人想試一些新食點, 遠遠望見海安的招牌, 好的, 就試這間.到了門口, 看見堂內每張檯都坐滿了人, 都要排隊等位. 看來光顧的大部份都是遊客.等了10分鐘左右, 終於有位, 當然茶餐廳搭檯是常識吧.坐位及整體的裝修的確是讓人有回到60年代的感覺. 可能這是吸引遊客的主要原因. 馬上點餐, 見到餐牌上推介的招牌鍋仔公司麵, 點了一個. 友人則點了一個叉燒蔥油麵.鍋仔公司麵用了一個大鍋上菜, 鍋內的配料的確豐富, 有腸仔, 太陽蛋, 五香肉丁, 椰菜等.配上公仔麵, 份量充足. 但腸仔是用水灼熟似的, 淡而沒甚味道, 整鍋湯就只充斥了五香肉丁味,  友人的叉燒蔥油麵則賣相及味道俱不俗, 叉燒加上蔥油香味, 增添食慾. 而且叉燒的份量不少, 食完都有飽肚感覺.正進食間, 見到隔鄰多檯食客都點了西多士. 雖然吃完麵後已有飽肚感覺, 但一碟碟的西多士不斷在眼前川流不息的出現, 一場到來, 又豈可不試?見到餐牌上原來有迷你的粒粒西多士供應, 即點了一客, 無須點一大塊, 食後也不會太飽, 店主這方面的確想得仔細.吃了西多士, 感覺它才是這一餐的正點, 外表鬆化, 內裡香軟, 夾雜著每一口的牛油香味及糖漿甜味, 豐富了這一餐的內容.另外見到這裡的菠蘿油及炒蛋多士等都有很多的捧場客, 結帳時已訂下了下一次的點菜目標了.…查看更多

海安對住信德中心，干諾道呢個位經常有五金工程類嘅車人出沒，有少少大塵嘅感覺，不過咁又增加咗茶餐廳嘅懷舊氣氛。十一點幾十二點去到，冇乜人，不過差唔多所有卡位都有人留座。坐落冇耐，就陸續有客到。生意應該唔錯。坐落點咗個招牌鍋仔公司麵同奶茶紅豆冰。後者先上，前者後至。此冰基本上係紅豆加凍奶茶。唔會太甜，奶茶亦算中上級數，加埋紅豆一齊飲，味道十分有層次。奶茶本身味重，等啲冰溶到咁上下個味就最正。鍋仔公司麵可算係香港comfort food嘅精神代表。簡單快捷又好食，速戰速決，要comfort都要講效率。公仔麵加麻油，麻香一上枱已經撲鼻而至，其中加上太陽蛋，煎餐肉，腸仔，生牛，五香肉丁，同小量菜。原本應有叉燒，不過早到未有，以鴨胸取代。每樣少少，加埋算配料十足。每樣其實都唔算特別出眾。老老實實，一個咁樣嘅麵自己嚮屋企都整到。而且呢類嘢食真係好難會難食或者特別好食。不過無論如何食起上嚟的確夠晒comfort。呢個都算係香港特色：平凡有效率，雖無驚喜，卻令人滿意。總結：有懷舊嘅本土氣氛。路過可以一試。下次我都會嚟再試下午茶先供應嘅西多類食品。…查看更多

來到有著 60 多年歷史［海安咖啡室］，給我的感覺是＂舊＂，＂很舊＂。這間是香港目前僅存的兩間最古老的茶餐廳之一。店內的裝飾簡之又簡，至今仍保留著舊時的長燈管、風扇、黑色有線的電話座機、墻上的剪紙貼花等等，好似將時間退到了半個多世紀之前。我置身於這間餐廳之中，不僅被濃厚的復古氣氛包圍住，還深切地感受到來自店員的濃濃的人情味，笑臉相迎😊，笑臉相送😊。餐廳出品的食物看似選材普通簡單，卻精心烹調，呈獻給食客的不僅僅是美味，更是一顆真誠的心❤。招牌［鍋仔公司麵］HK$45 ，足料又足量，叉燒、五香肉丁、雞蛋、腸仔、餐肉、鮮牛肉、菜、麵等，包羅萬象，應有盡有。招牌［香蔥碎牛炒蛋厚多士］HK$32 ，有烘底厚多士、蔥、蛋、牛肉、調味料等，味道非常似某個進口品牌的＂鹹撻＂，小小分別在於＂鹹撻＂重芝士味，這個＂厚多士＂重香蔥味。飲品［凍檸茶］HK$18 ，中規中矩。飲品［奶茶紅豆冰］HK$30，有奶茶味的紅豆冰，賣相似＂黑牛＂，味道超正！由此看來，店家在極力保留舊時食譜的同時，也應時創造一些新的食譜，滿足現代人的需求，使得餐廳客如雲來。餐廳的門外有兩條長長的路軌，同樣懷舊復古的，有著百多年歷史的＂叮叮＂電車正在這裡來來往往地駛過，與［海安咖啡室］相得益彰，互相映襯。尋覓懷舊之餐餐飲飲，箇中滋味奇妙無窮，我自樂在其中😄！…查看更多

早已聽聞上環有間懷舊的海安咖啡室，今日終於有機會一試! 咖啡室看似具多年歷史，但地方不算殘舊亦保留懷舊氣息，門面有很多舊版汽水作裝飾，亦有傳統麵包糕點售賣，例如椰撻，菠蘿包和忌廉蛋卷。今天是衝著鍋仔公司麵來的，故沒再細看餐牌已點餐!鍋仔麵原鍋上，上桌時已聞到陣陣出前一丁麻油香味，嗅覺首先興奮!! 開蓋見到有少量鮮牛肉，叉燒，餐肉，腸仔，肉丁和太陽蛋，一次過滿足哂六個願望!有點失望的是雖然配菜尚算豐富，但奈何麵的份量偏少，鍋很大麵卻很少，$43單點沒有套餐，汽水另加$5，吃罷亦覺有點不滿足。…查看更多

係上環返工其中一個最大好處 係附近好多好野食其中我最愛既係懷舊既港式茶餐廳, 有feel <3繼係上環市政大廈入面既瑞記後, 海安成為左第二間我最愛去既茶餐廳~ (當然唔少得大排檔勝香園! 舊式茶樓蓮香居!! 仲有邪惡三蛋飯既孖沙茶餐廳)上次黎食過佢既菠蘿油一試難忘~今次試新野~~~ 試呢樣!!鍋仔公司麵 $43 (味道:6.5/10, 份量:6.5/10)配料: 鮮牛肉(少量), 餐肉(1片), 腸仔(1條切開兩半), 雞蛋(煎蛋1隻), 五香肉丁(少量), 叉燒(OK多, 4-5舊, 瘦叉)用鍋仔上真係幾得意~ 不過對個味道唔會有影響架~overall所有食物味道都唔差 特別係煎蛋 熟度剛剛好仲有蛋汁又唔算太生五香肉丁雖少但成碗麵都充滿佢既油香瘦叉岩晒我但對同事黎講覺得太硬...其實有少少食緊港式部隊鍋既感覺XD將d平價食物倒埋一碗比你食XDD所以覺得唔係好值43蚊~ 仲要係唔包飲品試過就算喇食完唔夠飽既關係 叫多左個奶油脆豬 $16 (味道:8/10, 份量:6/10)熱辣辣新鮮上枱 係好味既不過對比起黎 都係勝香園檸蜜脆脆好味D XDDD仲平一倍!!!下次黎都係唔使諗 直接叫返A餐.... 有麵食又有菠蘿油包野飲夠飽又好味, 都平過今餐p.s.呢度d姐姐好得意 係咁sell佢地好好味既奶油脆豬XDD…查看更多

因為係中環食晏真心多人又有點兒貴所以我最近都鐘意去上環搵野食又發覺真係幾正幾平喎鍋仔公司麵😍好似枱枱都會點咁入面有餐肉蛋腸仔五香肉丁叉燒牛肉同埋福字牌公仔面😂😂😂$43唔包飲品仲叫左個奶油豬好味道👍🏻👍🏻算唔算貴就見人見智喇…查看更多