Grand Ding House

這間人氣火鍋店位於旺角的創興廣場，主打任食任食火鍋放題，午市則主打精緻點心及中式小菜，以港式及四川口味為主。店內環境寬敞舒適，裝修格調高雅，適合多人聚會。爵爺套餐 - $378/成人無限時頂級手切牛及海鮮晚市火鍋放題2位成人消費免1位小童壽星免費優惠，生日前後8天有效(需8位以上成人消費)錦繡前菜(一次性)金黃酥脆的蒜蓉風味炸蝦連殼也可食用；麻辣花生香脆不油膩。日本直送時令刺身(一次性) 爽滑的三文魚肥而不膩；牡丹蝦綿軟中帶彈性，爽脆而鮮味亦十足；北寄貝肥美爽脆甘甜；帶子軟嫩香甜；象拔蚌充滿海水味。主菜六選一(一次性)老壇酸菜魚的湯底以豬骨及魚骨熬成，加入指天椒及花椒等，特意用老壇酸菜，味道鮮甜且酸辣麻香；鱸魚片連少量魚皮，嫩滑同時保留魚肉的紋理；晶瑩剔透的寬粉滑溜煙韌，吸滿湯的精華。無限時火鍋放題每日嚴選真材實料新鮮熬製的八款湯底。金黃澄澈的花膠美人鍋以鮮雞熬成，又有一片片軟嫩彈牙的花膠，充滿著膠質，還有紅棗及杞子等，滋補養生。頂級手切牛拼盤安格斯頂級牛小排有著豐富大理石花紋，油花分布均勻，鮮嫩多汁。豪華海鮮拼盤大顆肥美廣島蠔，蠔身爽滑彈牙，甘甜隨之而來，餘韻悠長；鮮鮑魚有著明顯的鮑魚鮮味；還有雪白肉厚的扇貝、鮮甜無沙的沙白及新鮮海蝦。任吃牛肉方面，安格斯極佳級精修肥牛同樣有著細膩的肉理，紮實且牛味濃郁；安格斯牛板翼近似牛小排，含有許多筋絡，油花亦相當豐富，還有伊比利黑毛豬、紐西蘭羊肉片及鮮雞件等。任吃海鮮方面，除了可追加廣島蠔、海蝦及沙白，還有水魷、脆骨腩、脆肉脘及魚標。超過四十款火鍋配料，包括手打特色丸類，如黑松露豬肉丸有陣陣飄香；火鍋自助區亦有不少配料及蔬菜，亦有小吃提供。飲品方面，除了大量紙包及罐裝非酒精飲品外，還有自家製涼茶清熱解膩。Haagen-Dazs(1杯)四款口味選一，香滑的雲呢拿雪糕中，埋藏著濃郁的朱古力曲奇。…Read More

淥鼎記之前已經來過幾次，今次試吓佢個「小寶套餐」，平日星期一至四7:30pm前離座只需$228，套餐包前菜、主菜同超過40款嘅火鍋配料任食，真係抵食到喊🤣🤣🤣前菜係四小碟（一次性）有鹽酥雞、拍青瓜、白雲鳳爪、脆花生，全部都幾好味，鹽酥雞上枱時仲係熱辣辣的👍🏻主菜係六選一，有烤魚、雞煲、酸菜魚，作為酸菜魚我每次都一定點酸菜魚的😆 其實啲道菜單點都要$198，而且係大大碟又足料，依家火鍋放題包埋真係好抵食。魚係用上左鱸魚，白滑好肉鮮甜美味，湯底酸味同辣味都適中，配菜有寬粉、花生芽、蓮藕片、萵筍等等，非常豐富而且好好味，我哋兩個人全部食晒差點連湯都飲埋😆之後先開始火鍋放題，湯底可以六選一，今次㨂左海皇海鮮鍋，睇隻色初初以為係蕃茄底，飲落先發現原來真係海鮮湯底，裡邊有大量新鮮海蝦，湯底海鮮味濃郁而不肥膩，非常清甜👍🏻食材可以用QR code 落單，而出面自助區亦有大量火鍋配料同飲品，基本上要有嘅都有齊，非常全面，由於種類太多就唔逐一介紹了😆 （餃子雲吞幾好食記得要試👍🏻）可以落單嘅食物都唔少，而且質素都幾高，推薦嘅有以下幾款：安格斯極佳級精修肥牛 脂肪比例較高，入口牛脂味香濃，口感豐盈，而且大大塊，高汁👍🏻安格斯牛板腱牛板腱嘅特色係肉質中間含有肉筋，唔單止食到牛肉嘅鮮嫩口感，同時還可嘗到不錯嘅彈性，脂肪比例較低，但肉味超濃郁。安格斯牛板翼最愛啲款牛，肉質嫩度適中、無筋且油花均勻分布，富有自然肉香同鮮甜多汁，一整條大大塊放入口中滿足感爆登。伊比利亞黑毛豬越來越常見餐廳選用伊比利亞黑毛豬，堪稱「豬肉界和牛」，肉質顯現出大理石紋的特色，口感極具柔軟而且肉汁豐富，回味甘香。脆骨腩肉身爽脆彈牙，而且新鮮厚肉。手打墨魚丸/ 蝦丸爽彈口感極佳，味道都唔錯。總結：小寶套餐價錢夠晒貼地而食物係非常有水準，可以話係性價比之王。如果預算高少少，建議直上「爵爺」或「鳌拜」套餐，可以食埋高質海鮮、刺身，而最最最重要係「無限時」😈😈 不過記得預先book枱，因為就算weekday夜晚都係長期爆滿！…Read More

天氣驟冷，又到了火鍋的季節，想與家人或朋友共聚，在無拘無促下一邊吃火鍋一邊談天説地，無限時火鍋放題實屬不二之選！淥鼎記這家火鍋店，以鹿鼎記的故事為藍本，設計出多款以小説人物為主題的火鍋任食套餐，我們最後選擇了無限時放題的「爵爺套餐」。套餐包括每位贈送錦繡前菜、日本直送時令刺身、安格斯頂級牛小排、豪華海鮮拼盤、主菜六選一款、還有四十多款任點任食火鍋配料、自助飲品吧、及每人一杯 Haagen-Daz 雪糕。爵爺套餐 （$368）無限時由 17:30-23:00，成人價錢$368，星期五、六、日、假期前夕+$10， 特別日子及前夕+$20。錦繡前菜 - 一次性的前菜有四款，分別是白雲鳳爪、拍青瓜、腰果花生和炸雞。時令刺身 - 接著下來是當天的時令刺身，有牡丹蝦、三文魚腩、汁煮鮑魚和帶子。各款刺身都很新鮮，簡單佐以豉油和芥末已能帶出鮮味。主菜 - 未吃火鍋前，先吃主菜。主菜六款選一款，我們選了重慶雞煲，辣度可以自行選擇。麻辣的醬汁配合大量香菜，香氣撲鼻，每件雞件沾滿醬汁後，特別惹味。其他選擇包括：老壇酸菜魚、香辣烤魚、辣子雞、水煮牛肉、椰子雞。湯底 - 六款養生湯底選一款，選擇了澳門豬骨鍋，大大件的豬筒骨總共有四件，還有粟米、白蘿蔔。其他選擇包括：鴨血麻辣鍋、香茜皮蛋豆腐鍋、老壇酸菜鍋、海皇海鮮鍋、花膠美人鍋。安格斯牛小排 - 一片片安格斯牛小排整齊排列在冰山上，牛小排雪花均勻，放入鍋內淥數秒，香滑細嫩的口感令人吃過不停。豪華海鮮拼盤 - 拼盤內有多款貝類海鮮，有扇貝、桂花蚌、蜆，鮑魚，還有墨魚仔、海蝦、墨魚滑和蝦滑。各款海鮮都很新鮮和彈牙。雪糕 - 最後每人有一杯雪糕，十分滿足。StorefrontInteriorMenu…Read More

以前深圳遊嘅時候食過淥鼎記，記得佢嘅酸菜魚都唔錯。依家香港都有得食了，不過形式有少少分別，變左係火鍋放題。晚市有三個套餐選擇：小寶套餐、堂主套餐、爵爺套餐。堂主比小寶多咗三樣海鮮（蠔、蝦、蜆），其實冇必要加。但爵爺套餐就有明顯upgrade，包括一份主菜（6揀1）、時令刺身、安格斯頂級牛小排、豪華海鮮拼盤，同埋最最最重要嘅就係冇限時 ！！其實爵爺套餐都係多$100 左右，加多咁多野仲要係無限時，果段叫左啲個套餐！$368（假期+$10）錦繡前菜（一次性）👍🏻👍🏻👍🏻開餐之前先黎四小碟。花生好食，炸雞都okay，涼拌雲耳唔夠凍，仲有碟豬肚就一般般。因為要留番個肚所以都係食少少就算了😅老壇酸菜鱸魚 👍🏻👍🏻👍🏻👍🏻👍🏻主菜可以6揀1，作為酸菜魚控我哋當然揀酸菜魚啦。初初以為係食完之後就用返個煲嚟打邊爐，但原來佢係獨立一味菜，有啲驚喜，睇番menu原來單點都要$198，依家放題包埋就頓時覺得抵左🤣鱸魚白白滑滑好好肉，夠晒新鮮而且好有魚味，份量亦都足夠。至於酸菜就比較遜色，比起其他店嘅老壇酸菜魚，淥鼎記嘅酸菜只係得個酸味冇乜層次。個湯底酸酸辣辣唔錯，配菜仲有寬粉、萵筍、蓮藕片、花生芽。整體我都會推薦，因為個鱸魚啖啖肉真係好好味🤤日本直送時令刺身 👍🏻👍🏻👍🏻👍🏻👍🏻刺身有四款：三文魚、牡丹蝦、鮑魚、帶子。全部都係勁大隻同好新鮮，有質素並唔係平時日式放題任食嗰啲級數，屬於回本位（每人每樣一隻）鴨血麻辣鍋👍🏻👍🏻👍🏻湯底六揀一，我哋揀左鴨血麻辣鍋，貪佢舊心心牛油可以打卡😂 不過味道其實好普通，麻辣火鍋黎講唔合格，唔推薦。豪華海鮮拼盤 👍🏻👍🏻👍🏻👍🏻👍🏻海鮮好豐富，有蟶子、鮑魚、海蝦、扇貝、蜆、蝦滑同墨魚滑、墨魚仔（每人每樣一隻）。新鮮之餘賣相又吸引，又係回本位。安格斯頂級牛小排 👍🏻👍🏻👍🏻👍🏻👍🏻好有賣相，淨係睇個樣就知好食，啲雪花非常均勻（可能因為我哋早到，之後見其他食客係冇咁靚嘅）。份量都唔少，每人大概都有10塊，其實都好足夠。千祈唔好淥得太熟，大概淥10秒就食得，入口即溶而且牛味濃郁，絕對係上等貨。 然後仲有胸口油牛丸（每人一粒），唔知乜嘢係胸口油，但係粒牛丸好彈牙，而且有好濃郁牛味，係好食嘅。去到啲度，其實已經飽左6-7成，時間已經過咗1小時有多，但依家先開始火鍋放題😂😂😂用qr code落單，款式唔多，但整體質素都okay，尤其啲牛肉真係幾好食，唔係俾啲下價貨。推介嘅有以下幾款：安格斯極佳級精修肥牛安格斯封門柳伊比利黑毛豬廣島蠔潮汕蝦丸其實出面自助區仲有好多嘢食，一般火鍋嘅材料佢都有齊，不過空間有限真係食唔落😅。可以試吓佢啲水餃同雲吞，睇個樣係自家制，幾好食的。飲品方面都一樣有好多選擇，我哋怕甜所以只飲佢哋自家嘅茉莉綠茶，好有茶味夠凍非常解渴。最後以一杯Häagen-Dazs雪糕作結尾。全程食咗超過4小時（由5點半坐到9點半😳），冇人會趕你走，有足夠侍應而且服務都好周到。過去火鍋放題多數頂倒進都係兩小時，對於食得慢嘅我哋嚟講次次都會趕頭趕命。今次竟然有無限試嘅火鍋放題真係未見過，我哋慢慢食，食足4小時，慢慢品嚐食物嘅味道又係另一種享受。總括而言，$368可以無限時火鍋放題，又有酸菜魚食又有魚生又有海鮮拼盤，環境舒適服務又好，啲個價錢真係抵到爛，下次想打邊爐都一定黎啲間了😎食物：❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️❇️翻兜指數：❇️❇️❇️❇️❇️…Read More