Chi Lin Vegetarian

嚟志連靜院，除咗參觀呢個環境清幽嘅地方外，今次嘅目的係要試呢度嘅齋菜 - 龍門樓 - 志蓮素齋。下午嘅時間等位嘅人都唔少，等咗大約十五分鐘左右，終於可以入座。我哋兩個人，點咗4樣嘢，包括有《松露忌廉燴手幹麵》、《松露百合露筍餃》、《金菇菜苗餃》同《素菜包》。食齋菜少有會見到西餐，所以我覺得呢個《松露忌廉燴手幹麵》好特別，佢又唔似扁意粉嘅質感，我覺得有啲似更薄嘅刀削麵，口感少少帶煙韌，加上松露嘅獨特香氣，完全冇違和感，同食意大利粉嘅分別唔大。《松露百合露筍餃》、《金菇菜苗餃》同《素菜包》呢三個都係我最喜歡果種純素菜嘅點心，我一般唔太想食啲有肉類名嘅素菜。價錢方面，埋單300蚊左右，話貴又唔算貴，對我嚟覺係值得。…查看更多

👨🏻‍🍳龍門樓 - 志蓮素齋 (鑽石山)📍鑽石山鳳德道60號南蓮園池龍門樓 撇除宗教🙈呢到確是環境恬靜、洗滌心靈，讓心靜靜的一個好地方🧠 入面有間食素食齋的餐廳，吾算人多，不過都要等一等🙈同男朋友2人叫左個「五福臨門」，散叫左幾碟小菜🤤 🍽️「五福臨門」前菜 : 香麻醬燒豆纖明火靚湯 : 是日南瓜湯五寶素齋 : 猴頭菇、赤膠耳、蓮藕、金孢籽、豆卜、西蘭花👍🏻黃金海苔卷翠玉如意野米白飯 整體不過不失🙈黄金海苔卷幾好食的，腐皮入包住其他素菜，夠味之餘，口感好豐富🤤呢set無逐碟影低🙈 👍🏻🍽️翡翠百福袋推！！😝醬汁味道岩岩好，一啖放入口，腐皮再加爽口素菜，口感豐富到會心微笑🙈造型又的骰可愛🤣👍🏻西蘭花配菜夠熟 可以吃🙈 🍽️菠蘿咕嚕麥纖第一次食麥纖，好得意，硬硬脆脆，又腍腍地，菠蘿咕嚕酸酸甜甜，開胃小菜。 👍🏻🍽️金菇菜苗餃煙靭皮🤤不易穿，口感都系爽口，味道剛好，不淡不咸🫶🏻 🍽️香煎蘿蔔糕不過不失🙈不會只吃到粉的感覺，有蘿蔔🫶🏻 #志蓮素齋 …查看更多

生活在五光十色都市下，日日大魚大肉，正所謂YOU ARE WHAT U EAT係時候洗滌心靈今天和次子去了志蓮靜苑食素~望住玻璃外的瀑布 好清靜和風赤膠耳 - 日式胡麻醬拌赤膠耳，質地幾得意，但唔會再試~ 石菌炒飯粒粒分明，炒得幾好食，唔覺意食曬一碟。 金菇菜苗餃 - 不過不失~ 水晶皮包住金菇菜苗~ 足料~翡翠百福袋賣相吸引，食落有多款不同蔬菜，爽口唔油膩蘿蔔糕這個是FUSION! 因為她有別於坊間的蘿蔔糕，加入了紅蘿蔔，取其溫潤綿綿口感，食落甜甜地又帶本來認知蘿蔔糕的咸味~ 一個字~ 正…查看更多

位於鑽石山閙市中的一個寧靜景點，景色古色古香，欣賞景色之餘；場內仲有一間好出色的龍門樓。今日正好正月十五，品嚐一下齋菜，應節之餘仲可以清清腸胃。當日點咗一個名為「四季平安」的一品鍋，其實係猴頭菇丶麵根丶豆抱丶馬蹄丶竹蔗丶枝竹炆蘿蔔，效果極似羊腩煲，味道確實唔錯。另外點了金菇菜苗餃丶酥炸海苔卷丶香酥脆奶卷丶豉油王炒麵及甜品。點心精美，炸物絕不油膩，但甜品就略為偏淡。享咁舒適嘅環境下享用一餐齋菜，真係賞心樂事。…查看更多

今年的父親節（21/6）我們到志蓮素齋吃午餐。很久沒有到此用餐。 已忘記上一次來用餐的經驗了。餐廳用餐區在瀑布後面。 看到水流下來，感覺應該會較涼快。這裡有最低消費每人$120。 沒有加一服務收費。 也沒有茶芥費用。這是香煎蘿蔔糕（3件），$40。因為接待處有告示牌寫著不可拍照。 我便以為不能拍食物照片。 看到別人在拍照，便向店員查問清楚。 店員說可以拍自己範圍的東西。蘿蔔糕的味道頗濃郁。 材料也多。金菇菜苗餃，$40。菜苗口感軟滑。 餃子皮口感也不錯。松露百合露筍餃，$45。這餃子皮比較糊口。 松露的味道香。石菌砂窩粥，$75。這粥我們一致認為很好吃。 以腐竹和腰果熬煮。 我們還以為是蛋白。 因為煮得糊爛的腐竹有點像蛋白。 吃起來的口感也像。 粥有一定程度的稠厚度。石菌是第一次吃。 煮粥後口感依然爽滑。整個粥的味道濃郁。虎奶菌蒸飯，$72。虎奶菌也是第一次吃。 但與石菌比較，這虎奶菌比較遜色。 口感是有一點爽滑。石菌豆腐煲，$125。略炸過的豆腐口感嫩滑。 底下有娃娃菜。 醬汁的味道很好。招牌陳皮紅豆沙，$68。紅豆沙甜味不太多。 我們三人點了一碗來分享。最後送上志蓮淨苑內的燦爛小花。不知道是甚麼品種的花。看到照片這光度，可以想像當天有多陽光燦爛，哈哈！…查看更多

鬧市中的一片靜土 (不過好多遊客同大媽🙄)打理得好好的庭園中有個小瀑布瀑布後就是齋舖💁🏻‍♀️相比其他齋舖 這裡的齋菜都較為特別餐單上一半的食材我都唔識🤯都是較為少見尤其是菌類簡直係聞所未聞🤷🏻‍♀️五福拼盤 | $125 (細)拼盤價錢略貴 但一次過可以試到5款前菜紅菜頭沙津較為西式 普普通通醬燒菌好惹味 菌非常爽脆紫甘藍柚子醋粉皮非常出色 柚子醋味道好芳香 酸得來不會過搶BB青瓜既得意又爽口 有少許麻油吊味好食香麻海苔麵根 有點似平時食的滷牛𦟌的感覺菠蘿咕嚕麥纖 | $98必食招牌菜❗️素版咕嚕肉並不新鮮但這裡並沒有用到慣常的麵根扮肉而脆炸了麥纖 做到外脆內韌的口感 超好食！加上咕嚕肉必備的甜酸醬真係好惹味翡翠百福袋 | $75 (2件)小小的福袋 油揚做袋裡面有馬蹄、金菇、紅椒口感豐富爽脆 芡汁香濃好味豉油皇脆柳 | $98脆柳這個菜名真的有點誤導 以為係素魚其實是豉油皇炒麵但用菇代替麵但這個海藻菇又真係好爽口好好食金菇菜苗餃 | $38 午市有幾款點心 試了這個素餃餃皮薄餡料多 而且菜苗好爽口亦有淡香地衣牛肝菌白玉炒飯 | $88 (half)地衣藻是什麼呢？答案是我食完都唔知😂只知道味道偏淡 亦不覺牛肝菌的香飯倒是炒得不錯 夠乾身亦不覺油腰果桃膠露 | $55有點失望沒有我預期那麼濃的腰果味桃膠很少 整體味道較淡薑汁黑糖千層糕 | $38薑味足口感軟糯但千層在哪？只是普通薑汁糕價錢是偏貴的 但這裡的收入都是用來打理靜苑的而且食材比較罕見 不是麵根宴 所以都是合理既假日來逛逛庭園吃個齋菜 令身心都健康點…查看更多

好耐無搵舅母食飯喇，唔喺佢唔得閒，就輪到我唔得閒，對上嗰次已經喺好幾年前嘅事，雖然間唔時傾吓電話講兩句，談談近況，但點都要久唔久見個面。故此，加埋幾個家人，就番佢食齋嘅習慣，揀咗晌南蓮園池裡面嘅志蓮素齋 。聽到瀑布水聲就個離餐廳不遠，其實，整個南蓮園池都好好環境，就算夜晚嚟，餐廳外嘅瀑布、水車景，加埋燈光，都好靚，而餐廳入口就繞過瀑布另一邊就喺喇 。餐廳環境佈置得頗為樸素、平實，右邊有一截喺落地玻璃，對着瀑布，可以望住水花四濺地飛躍；另一邊，櫃位後放有唔少古玩（相片從缺），顯出絲絲雅氣。整體而言，就喺有一份祥和感，無任何俗氣嘅裝飾 。本身都打算食早啲，但打去訂枱時，周日晚市需要分時段：6:00pm-7:15pm或7:30pm-9:00pm，但第一輪太早交枱喇，所以，揀第二輪，7:30pm都仍然算早。實際上，佢哋晚市營業時間都只喺6:00pm-9:00pm！菜式方面，包括前菜、4人餐、8人餐、廚師時令推介小炒、湯品、粥粉麵飯、點心、甜品、飲品，3張A4紙清楚列晒出嚟，列明不含肉或蛋成份，樣樣都喺健康嘢。順道一提，從餐牌所見，佢哋所用嘅醬料喺本地老字號九龍醬園嘅出品，食鹽則採用喜瑪拉雅山岩鹽，食糖就會部份甜品選用意大利果糖，而食材更以時令野生珍菌入饌，可見其對健康嘅注重，對用料嘅執著 。 芙蓉銀耳羹 $120 / 窩 我哋一行5人，例牌只夠兩三人，所以叫一窩，大概都喺分到6碗多少少。以上湯混入鮮竹、銀耳、金菇、直菇所做，外觀有啲似素翅，所有食材都切得非常幼細，口感幾好，唔會太餬，亦唔會太稀，但喺薑味偏重，舅母話驅寒好。 蒸菜包 $35 / 3件 西式餐湯就會跟個麵包籃，中式當然唔興依家嘢，所以點個蒸包襯吓。一客3件蒸菜包，即叫即蒸，新鮮熱辣，內餡主要喺菜粒、冬菇同水根，水根喺乜？我都唔知，大抵喺啲靶菜根部。同樣，餡料刴到細碎，好有菇香，而包身十分軟綿，當然，比起去酒樓食籠菜肉包就肯定有啲貴喇。 金菇菜苗餃 $35 / 3件 原意喺想試一籠百合露筍松露餃，一籠金菇菜苗餃，但前者賣晒，所以，叫夠兩籠金菇菜苗餃。餃餡好簡單，就喺金菇、菜蔬，但已睇到師傅手功，餡料依然切得認真無迤做，餃皮既薄且透，咬落煙韌唔易爛，味道調得啱啱好。 松茸珊瑚醬豆腐煲 $98 / 例 鮮松茸配豆腐，食材健康新鮮，而且，啲豆腐真喺好嫩滑，用上珊瑚醬去做，小弟見識淺，都喺第一次聽到珊瑚醬依樣嘢，令整道菜都惹味唔少，個汁底撈飯亦都正。 菠蘿咕嚕麥纖 $88 菠蘿咕嚕菜式唔使多介紹，出面就算齋鋪做都比較味濃，但依道就做得輕怡得多，個咕嚕酸甜醬薄薄咁掛住，唔會有多餘嘅汁醬，又唔嗆喉，而麥纖有別常食嘅麵筋之類，硬身較有咬口，更混有唔少鮮菠蘿、酸蘿蔔、三色椒，唔會只得麥纖咁單調，不愧喺廚師推介菜式。 黃油牛肝菌豆腐 $110 再嚟多一道豆腐配野菌嘅菜式，不過，依款豆腐就先泡油再炆煮。牛肝菌聽得多又食過，黃油菌應該喺第一次食，兩隻菇都好香，豆腐入口同樣嫩滑，醬汁香濃。 醬燒秋葵座頭菇 $105 雖則話食素，但一啲都唔「齋」（寡），因為好幾道菜個汁底都頗惹味，就如依一道咁，以金醬、九層塔、紫菜炒秋葵及座頭菇，前者滑潺潺，後者爽爽脆，兩者都喺有益健康蔬菜。 地衣牛肝菌白玉炒飯 $138 白粥、香飯$18碗，不如點個炒飯，睇餐牌時就心儀依一款炒飯，貪其材料多，有地衣藻、牛肝菌、白本菇、松子、鮮竹，炒出嚟大大碟好對辦，鑊氣十足，飯粒分明，又有松子增加口感。雖然唔收茶芥，更免加一，不過，無論午市 、下午茶、抑或晚市，都設有每人最低消費。而且，落單後，店員都會打張「飛仔」俾你，提提差幾多先到最低消費額，咁客人就唔使擔心白蝕。其實，以佢咁嘅定價，都好易過 。志蓮素齋環境清幽，嚟得依度食素嘅人亦唔會嘈喧巴閉，菜式亦做得有心機，價位比出面一般素菜館相若，所以，揀嚟同家人食飯實屬明智之舉！…查看更多

幸好有訂枱，不然會冇位，更加唔會有窗邊位可以欣賞水車瀑布位。假日午市有兩輪，11:30至1點，1點至2點半。而且好多人都一早等開門。店子好優雅，侍應服務態度都不錯，整體食物都不錯，值得一去。只是有最低消費要求，要每人120元，不用茶芥和服務費，所以一定會食得好飽呢…我本人最喜歡是海苔卷 (85元8件)，雖然每苔只有一片，所以沒有海苔的味道。但炸得真係好脆，但一點也不油膩。百福袋 (98元4件)也很有特色，味道酸甜。點心一般～平均30元一道。炒陳村粉不錯(85元)，挺大碟。石菌炒 飯(96元) 則令我大失所望，無咩味，飯比較硬，主要得薑味，沒有石菌和松子的香味。最後還點了甜品，腰果桃膠露 (48元)， 好滑呢～…查看更多