Kam Kee Cafe (Chi Fu Landmark) (Closed)

早幾日去咗置富花園探朋友仔順路去買冰室食咗個靚靚晚餐～呢間冰室好特別外面係一架船仔裝飾嚟㗎！叫得冰室嘢食就當然幾懷舊下啦⋯⋯咖喱牛腩出色、出色、出色！重要嘅嘢一定要過三次～入口軟淋淋💕鬆化入味！帶有絲絲的椰香味！難怪人人推薦！拌飯一流～而且大大碟⋯⋯抵食抵食金磚風沙炸豆腐包裹着一層脆脆的炸衣～裏面就係香滑的豆腐～如此簡單的炸豆腐卻讓人妻魂牽夢縈！要知道炸豆腐要炸得出色一啲都唔容易～外脆里嫩呢⋯⋯而且調味做得啱啱好！人妻差唔多清晒一碟😝😝😝滑蛋韮黃炒蝦仁家常小菜～最考嘅就係廚師功力～特別係蛋！呢間冰室絕對過關⋯⋯火候一流，蝦蝦彈牙，蛋蛋亦嫩滑😘同小時候食嘅一模一樣！蒜蓉炒菜心😆作為一個靚女絕對唔可以做食肉狂～一定要加番啲菜菜啦⋯⋯呢碟菜心真係抵食喎⋯⋯分量都唔講，條條都翠綠色又新鮮，炒得爽脆唔老，咬落咀咀嘅時候仲係索索聲的～正呀～最緊要係油又唔太多！帶上濃濃蒜蓉香味！話咁快我就食完一碟菠蘿冰和雜果冰當菠蘿冰雜果冰遇上7喜💕就諗返起以前細個～想當年要飲呢杯特飲～唔係嗰時過節！有嘢慶祝、老竇中馬、都唔使旨意有得叫～而且當然仲要係三個小朋友飲一杯！☺️而家喺冰室見返當然要點一杯回味下👅我最開心就係上面有我最鍾意嘅雲呢拿雪糕～可以先食咗上層嘅雪糕～將留返少少同七喜混合💕味道就好似忌廉溝牛奶咁！如果大家有機會嚟到都記住叫一杯回味下當年！…Read More

同閨密山長水遠黎到一間聞名的餐廳，叫金記冰室一入去就見到金漆招牌寫上“金記冰室”，入面乾淨企理，佈置典雅大方，給人一種舒服的感覺😉一入去非常光猛，椅子顏色對比與整個餐廳環境互相配合，一種和諧感覺餐牌，晚餐$55起，另外一本餐牌可以散叫其他……小編任性地將視線由依張移去另一本，叫正價餐。如圖所示❤一杯加冰加朱古力雪糕加可樂就係黑牛🐮，一般去糖水舖先有得飲，係依度一樣可以飲到，太幸福啦～👏👏💃仲有另一款叫白雪公主，小編好想飲但冇晒雲呢拿雪糕，所以下次下次，下次大概可以……咖哩吉列魚柳飯吉列魚柳炸到外脆內軟，依d真係師傅功架，吾係間間都食到。咖哩汁調到剛剛好，用來撈飯就冇得彈! 不過略嫌薯仔只有3塊太少，一端出來賣相不夠吸引，與隔離大大塊吉列魚柳形成好大對比。⭐鮮茄濃汁焗豬扒飯聽講人人都會叫依道料理，我都吾執輸叫埋一份。食完之後真心覺得可以拎黎做招牌，豬扒厚得黎容易嘴嚼，好易入口而且味道一流，入面飯吸收豬扒的精華，啖啖都好香好味道。焗飯仲有一個賣點就係上面鋪滿芝士同蕃茄，令豬扒同飯再加添香濃味道，層次更上一層樓。⭐金磚風沙炸豆腐可以成為招牌的另一道料理，原本睇餐牌上價錢有點卻步，但本身中意食豆腐的小編不願放過依次機會，就決定叫來一試。果然不負期待，依然炸到外脆內軟，外面加上各式各樣的調味料，令外面香味濃郁但依然食到入面滑溜豆腐。小編係一口接一口甘食，雖然知道炸野都特別熱氣，但食完今餐再算。哈哈哈收據，每人$100都吾洗，食到好飽又好滿足………Read More

置富附近餐廳選擇唔多，見到新開張既金記好有興趣，立即要黎試試無冰奶茶 (配餐+$5轉配)去茶餐廳食野，最緊要係杯奶茶。奶茶可以睇得出一間茶餐廳既功架。無冰奶茶唔會比冰減淡左茶味，可以保持香濃。金記既無冰凍奶茶，茶濃、奶滑，飲落舒暢。芝麻黑糖醋骨 $58芝麻黑糖醋骨外層有薄薄糖衣，肉質鬆化，灑上芝麻更加香口。酸酸甜甜既味道大人小朋友都愛金磚風沙炸豆腐 $58豆腐外層炸得金黃香脆、內裡保持嫩滑，灑上金黃炸蒜，即成一道經典美味小菜。從炸皮睇得出餐廳用既唔係萬年油，否則會有油"益"味同埋皮會較為深色。雜菌扒時蔬 $44雜菌菌類起碼有3種，醬汁比較厚身，可以附在白菜仔上，令每條白菜仔都沾滿醬汁，食落較為惹味。…Read More