Golden Hall Dessert

食完飯阿女話要食甜品，淘大商場附近都有好幾間選擇，睇咗餐牌，最後扑鎚食呢間金滿堂。間鋪唔大，坐得幾逼夾。餐牌上嘅選擇妥多，睇咗一輪，阿女揀咗個芒芒小丸子，阿仔嗌咗個金玉滿堂，而我就比較唔好彩，想要嘅甜品都賣晒，揀到第三次至揀到個「樂天」。啲甜品話都冇咁快就送咗上枱，大家嘅第一個反應都係話呢度嘅甜品好，因為真係唔係太甜。首先要講嘅係碗芒芒小丸子，除咗芒果同雪糕，仲有小丸子同大量嘅水晶珠，阿女就係睇中啲珠仔至揀佢的，加埋芒果汁底，話非常之滿足喎！阿仔嘅金玉滿堂其實係芒芒小丸子嘅升級版，比芒芒小丸子多咗龍眼同蘆薈，基本上佢哋兩個嗌嘅嘢其實都係差唔多。我要嘅「樂天」最後送上。呢個甜品係紫米露底，除咗有芒果之外，仲有啲清心丸同一個自選嘅雪糕（我揀咗奶茶味）。我一向鍾意紫米做嘅甜品，呢度嘅紫米煮得好，夠冧，加埋啲牛奶味道啱啱好，非常合我心水。好在我哋嚟得早，唔使等就可以入座，我哋走嘅時候出邊已經有一條人龍在等位。睇嚟呢間甜品店嘅人氣真係唔錯，有機會會再嚟試佢其他嘅甜品。…Read More

做完運動最啱就係隊番個甜品🤪咁就輕鬆打和super🤗基本上晚晚呢間糖水鋪都好旺亦都證明左佢係正先引到咁多人食🐖🍧白雪奇緣（掉佢落山）$38沙冰好冰凍食到透心涼🌬龍眼椰汁沙冰既龍眼味幾香濃配料既蘆薈、水晶珠同椰果都幾多不過個人黎講超鐘意小丸子如果個比例再多啲就好了🥺🐽金玉滿堂 $43呢個算係鋪頭招牌嘢（金玉嘛配料都好足～同上面果個差唔多不過就多左龍眼肉添😙配上杰撻撻既芒果汁仲有芒果雪糕就係一個黃牌組合😌🐴黑馬王子 $38都係以芒果汁做底既甜品黑珍珠比較實 同小丸子互補咁配料又係幾多下～個面仲鋪左啲奇亞籽就多左另一種口感添🐒🍨港式奶茶味雪糕（跟甜品+$10）個雪糕佢冇撻埋落去係另上你鐘意就咁食又得撈埋食又得 得左！呢個雪糕不得不讚 真係好香濃好有茶香 奶味又濃滑呢個味唔多甜品鋪會有得揀好似我呢啲窮丁咁如果痴fd子食甜品就咁加個雪糕都諗得過啊😍同埋所有甜品都唔會太甜～本身鋪頭就話係低糖甜品🥴有種冇咁邪惡既錯覺🤫😋：8/10🐣🐣🐣🐣🐣金滿堂甜品💸價錢：約$40-$50📍地點：九龍灣牛頭角道77號淘大商場二期地下G201-201A號舖…Read More

九龍灣最愛既糖水舖，次次食糖水都係黎尼間，即使要等位都照等，主張糖水係低糖，而且選擇多今次兩個人叫左三款糖水大小適中，一啖一粒，芒果好甜，個皮好軟滑用新鮮芒果打成汁，西米好爽口差不多次次黎親都叫尼個，啲湯圓好好食，做到流沙既效果，椰汁亦都好香…Read More

食完飯有時真係想食埋個甜品先返屋企見到都好多人排隊，味道都應該唔差掛！影到好似d裝飾甜品咁😂😂😂😂😂單戀傻小子 $30 🍧 士多啤梨既甜品，士多啤梨和菓子煙un有咬口配上乳酪&雪糕球甜甜酸酸，味道適中。失戀小王子 $30 🍨提子和菓子，朱古力雪糕配乳酪粟米脆片，食落微甜帶酸又有d脆口，感覺幾得意！金玉滿堂 $36芒果西米露小丸子+芒果雪糕球唔算係好驚喜既甜品，不過小丸子口感好有咬口，而且芒果西米露都幾甜，都ok唔錯。味道未至於好特別，不過都會再幫襯😁…Read More

無論淘大開在幾多間糖水舖，依間糖水舖一到九點都係人頭湧湧，如果要食就要等位喇，其實佢D糖水比名牌糖水好味多多聲。咖啡媽媽，兩球雪糕$32，三球$40，咖啡迷必試！雪糕應該係自家溝裏面有合桃，咖啡啫喱香濃，個雪糕一試難忘！榴槤女皇真係有D失望，太小榴槤肉，唔太香，加椰子西米露，普通。金玉滿堂有驚喜，佢話係楊枝金露改良版，大粒西米特別，雪糕好好味，夏季配荔枝肉，冬季配椰果。…Read More

今晚無無聊聊咁又去左食糖水啦揀左對佢充滿信心既金滿堂:):)等左唔係好耐,,約5分鐘就有得入去啦!!今次叫左個新野!翡翠榴槤杯入面有1舊榴槤!! 仲有d椰果,,小丸子,,水晶珠等個sauce好濃durian味!!!! 勁like!!!岩哂我呢d愛好榴槤既人!!!金玉滿堂有龍眼,,水晶珠,,芒果,,小丸子,,仲有雪糕仍然係一貫既水準!!!:)芒果好甜唔酸食得好飽!!! 最主要係d糖水都唔係一味死甜同埋好fruity!! 感覺好fresh好健康!!!like it very much!!!!:):)…Read More

是但跟朋友行街,咁岩行到呢間甜品店坐低睇下餐牌先知.....慘了因為太多選擇唔知點簡,心大心細諗住左好耐樣樣都好吸引又好好食咁,最後終於下左決定食金玉滿堂,朋友就食榴槤西米露我地重叫埋麥提莎糯米滋金玉滿堂,我叫左曲奇雪糕,本身都驚d雪糕如果熔左會點,唔知會唔會d味變得好怪但又唔會,因為d雪糕係好完整同埋無熔落去,雪糕都幾好食呀~芒果同龍眼都好香好甜,但我覺得小丸子可能太粉了朋友叫左榴槤西米露,我食左一淡,好香既榴槤味呀中意榴槤既人可以一試呢麥提莎糯米滋,我都幾失望:(,因為唔多好食,下次都係試下芒果糯米滋先overall:野食都幾好,下次會再幫襯…Read More

從LMF那兒提早離場，見時間尚早，還是來個港式娛樂：吃糖水是也。嗜甜的來到金滿堂可真要小心，記著是可要求加甜的。年前也評過這兒，也評過總店好幾次了，今次再寫的原因是想一讚金滿堂的QC做得好，做了這麼多年，味道依然，對，是味道依然較為健康不太甜。因喜歡吃芒果，今次點的是金玉滿堂，還有很久未吃過的麥提莎糯米糍。金玉滿堂，根據金滿堂所示，是楊枝金露的加強版，加強的地方是加了多粒鮮甜龍眼肉吧？芒果汁底依然濃杰，味道清新，配上實是微型纖維果的「西米露」，口感與味道兼備。說真的，我開始懂得欣賞它這樣的配搭了。麥提莎糯米糍是數年前興起的甜品小食，是由旺角的咀妙妙自創的吧？這兒的麥提莎糯米糍做得不錯，糯米皮軟熟，未試過的應麼會讚好吧。起碼今次我也覺得做得不錯就是了。年青侍應也有禮貌的，在這樣大眾的甜品小店來說也難得了。這次需要在店外座位坐下，但坐得還算舒適。…Read More