今次去咗大埔店買外賣返屋企食，雖然外賣但質素無差太遠！💪🏻 金牌銷魂叉燒皇 ($85半斤）叉燒切得好薄身，一啖一舊，而且叉燒嘅肉質好淋，肉質鬆軟🤤 而且肥瘦均勻，係好食嘅梅頭豬肉！另外叉燒都燒到有燶邊，有焦香味，撈埋叉燒蜜汁一齊食好香口！💪🏻 五柳糖醋魚塊 ($88)餐廳主力燒味，但6月時開始推出咗小菜系列。等外賣個時，侍應講開小菜外賣要等耐啲，因為係即叫即炒，所以都期待小菜係新鮮滾熱辣。五柳糖醋魚塊雖然係外賣，但餐廳都好貼心係分開咗醬汁，亦有疏氣，所以拎到番屋企時炸魚塊都仲保持到脆身！魚塊肉質都實淨，唔會鬆拋拋。而糖醋汁因為係用五柳汁嘅做法，當中加咗青瓜、薑、蕎頭、鹹酸菜及紅蘿蔔絲等去做，所以糖醋汁係偏酸嘅味道，非常開胃😋！味道：8/10性價比：7/10 食住瘦指數：💪🏻💪🏻💪🏻/5 …Read More
