因為係睇左YouTube個專訪，所以專登黎支持下徐媽媽既！🙈🙈🙈當日就排隊排左15分鐘左右先入到去，入面係坐滿咁濟🤣係勁多人，同埋勁迫囉🙈當日我同個fd 食食下，出面就落雨落到狗屎咁😭所以都專登坐低食耐D，食多幾碟，食慢D咁！講番食物，014 翠綠叉燒腸，食落滑嘟嘟既，食到佢米漿既香，叉燒有味但吾足夠！店員落鼓油吾會輕手！👍🏻 但當時食落好似涼左少少，可能已經攞左出黎一陣，不過都好食既！045 鮮蝦腐皮卷，個蝦食落新鮮既，個腐皮炸得超脆，食落咔咔聲脆到不得了！點喼汁食一流！但佢入面夾左我吾鐘意食既芹菜！😭😭😭 雖然話就話芹菜可以帶出佢個蝦既鮮味，但我依然討厭食芹菜！😭002 山竹牛肉球（推薦❤️❤️），你見到張圖，個牛肉球有偏向少少粉紅色，吾係未熟，而係代表佢個牛肉球非常新鮮！👍🏻點埋喼汁食，感覺到牛肉非常嫩滑鮮美，山竹咬落非常有口感，係好食過一般既酒樓！🙈044 鮮蝦菜苗餃（推薦❤️❤️），個菜苗新鮮（試過食酒樓個菜苗餃，食到個菜係有陣霉味😵），蝦食落食到蝦味、彈牙，個皮嫩而吾癡牙！023 徐記蝦餃皇 （必試❤️❤️❤️）個蝦餃皮薄餡靚，食落嫩滑多汁，每嚿蝦餃都會食到有4嚿蝦肉！🤤但個皮可能薄得濟，要夾得好小心，吾好太大力，如果吾係就好易會整穿個蝦餃喇！022 蟹子燒賣皇（必試❤️❤️❤️），蝦肉食到3、4嚿，你見圖入面個蝦突曬出黎，都知幾足料啦！🙈個蝦同豬肉既比例應該係4：1，食落都係十分多汁，新鮮，而且每啖都係蝦！🤤020 黑椒金錢肚（必試❤️❤️❤️），個金錢肚都有6-7嚿，金錢肚吸曬D黑椒汁，非常之惹味！有咬牙得黎吾癡牙！062 金牌咖喱土魷（必試❤️❤️❤️），有三四塊土魷片、兩條魷魚鬚、兩嚿薯仔，有咖喱味之餘吾會搶左土魷鮮味，煙韌得黎彈牙又爽口！043 香芒糯米卷（必試❤️❤️❤️），原本吾諗住叫，係最後額外加單！點知好食到不得了！🤤🤤🤤個糯米皮軟糯而吾癡牙！入面個芒果食落多汁得黎吾會濕淋淋！椰絲份量又啱啱好！好食過我自己整多多聲！🙈最後讚下徐媽媽佢會主動問顧客有無漏單或者有無需要加單！而且佢地有好多點心係去到店舖，睇番佢地個牆上面個餐牌先有既！🧐希望大家體諒下店員，因為實在太多顧客，難免忙中出錯。🙏🏻同埋都敬請大家包容一下少數族裔既店員，因為佢地都十分比心機落力做野，不過難免都有機會有可能有錯漏！🙏🏻記得係無加一收費既，不過就要收茶錢$5一位啦！🧐…Read More
