Eagle's Garden

呢間酒店喺旺角開咗之後我都想試吓鷹巢，根據我爸爸敘述呢間酒店同中菜廳以前係喺中環。所以諗住復活節長假期同爸爸去飲中午茶。公眾假期星期日，為咗免等位，所以一早已經預約定。當日去到其實客量唔多。裝潢嘅感覺好似大陸嘅酒樓。點心選擇唔多，而且冇乜太大特別，唯一可以講嘅係錦鹵雲吞，而家喺出面嘅酒樓比較少見。總括嚟講我只可以有兩個點心，覺得唔錯之外，其他都完全敗筆。比較好食嘅有：-第一款金巢香酥帶子芋角，口感表面香酥，芋蓉香綿，味道清香。第二款金牌叉燒皇，叉燒嚟講佢唔係特別好，只不過係成餐飯嚟講佢都算OK，切到成3cm厚，女士見到有啲卻步，始終女仔都係鍾意細細件咁食。但係食落去肉質鬆軟，有一貫叉燒嘅質素。其他當日點咗嘅點心同菜色有：-1. 蜜汁燒脆鱔 - 勁咸，咸到食唔到任何味道，鱔皮都算脆嘅，蜜汁完全唔多覺。2. 韭菜蟹肉酥 - 一般過一般，完全食唔到有韭菜味，莫講話蟹肉，蟹味都唔多覺有。3. 福建炒飯 - 都係一個字《咸》，完全食唔到其他味道。4. 錦鹵雲吞 - 好失望嘅一道餸，首先個炸雲吞，一啲都唔鬆脆，仲好似潮咗咁，咬落去濕濕淋淋一啲都唔脆。仲有塘油喺底浸住啲雲吞，食到成口油。濕料方面，汁嘅色水同味道都一般，裏面嘅海鮮料全部好似浸咗漂白水咁，得過爽字完全冇嚟味道。5. + 6. 蝦餃同燒賣，一般貨色。7. 鮑汁鮮竹卷 - 莫論飽汁味完全欠奉，而且都係實咸，咸到食唔到餡料係咩。8. 方魚炒芥蘭 - 呢個完全唔可以係喺任何酒樓出現到嘅餸菜質素。芥蘭又黃又老，食落口完全係渣，根本吞唔落肚。只有咸味，方魚味當然欠奉。（同當場侍應反映呢個菜嘅質素「食咗2條菜」，佢哋淨係收咗碟菜，最終帳單照收我錢）。9. 酥脆蘿蔔絲腸粉 - 其實美其名，實質係炸兩，食落口感就知道條油炸鬼番炸好耐，係硬脆，蘿蔔絲見到係有啲，不過食落完全唔覺有蘿蔔絲嘅存在。總括嚟講，普通酒樓質素都未達標，如果係屬於酒店食肆嘅話，價錢同服務都唔入流，而且CP值低。所以唔會有第二次。…Read More

最近一位因為要照顧家裡事務而久久未有在聚會中露面的舊同事添丁了，這個禮拜他的小孩滿月相約飯聚兼派紅雞蛋；已很久未有在外用膳的他　強烈要求找一間高素質的食府，我立刻提議到鷹巢飲茶。選擇鷹巢的其中一個原因是因為舊同事當天需要到處送紅雞蛋，而我也有一些禮物和嬰兒用品要送給他，所以他會開車出門；而在訂位時預先要求，鷹巢就能夠在酒店停車場安排泊車位置，非常方便。當天我們在餐廳員工介紹下選擇幾個點心，另外舊同事非常愛好叉燒，剛好鷹巢的"金牌叉燒皇"非常有名，在想要多嘗幾款點心的前提下要了半份，一試發覺不得了！外皮閃著蜜汁的亮澤，咬下去肉味香濃，伴隨陣陣豬油的甘香，肉質軟嫩口感滑順多汁！貪吃的關係最後頂著肚子要了一碗"紅蓮桂圓燉桃膠"，好讓身體在入秋前補一補！…Read More

新春前後飯局特別多，剛剛上星期同舊同學團拜飲茶；今天又到同我的美女同事們食「新春開年飯」有同事提議這間位於油麻地新開的「希爾頓花園酒店」2F 的中菜「鷹巢」～～～因為其家人食完評語不錯聽個名多麼有氣勢，所以刻意中午飯食少一點，留肚品嘗～～～＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋來到「希爾頓花園酒店」，乘升降機按2字樓，一出𨋢就到達「鷹巢」鷹巢環境尚算寬敞，燈光明亮（影相都不用打燈）在Facebook 讚 Hilton Garden Hotel 專頁，可享晚餐九折及送糖水由於上「鷹巢EAGLE'S GARDEN]的網頁可看到菜單(鷹巢網頁：http://gardeninn.hilton.com.cn/zh-hk/hotel/hongkong/gardeninn-hongkong-hkgmsgi/dining2810.html)我們早要預訂了部分菜餚第一味先來個signature 「金牌叉燒皇」例牌有8大件～～～真係大大件雖然咁大件，而且肥肉比例很少，但想不到一點都不「鞋」，肉質鮮嫩彈牙；味道調得非常好，咁厚肉但醃料都可浸入肉中心，每一淡都食到叉燒的味道，必食推介！！「蜜汁燒脆鱔」HK$198的價錢來說，就有點失望。雖然調味不錯，鱔肉鬆軟但沒有咬口，鱔皮燒得很"硬"，機乎咬不開，看來還有進步空間主角「富貴金豬」來了 職員都好識做，都給大家的"相機食先"再幫我們"刨丁解豬"～～～～賣相非常"吸睛"連豬頭同豬腳仔都幫我們解埋，非常細心！！味道方面：釀在豬肚內的"牛肝菌糯米飯"非常好味，糯米飯有臘腸、臘肉、蝦米、瑤柱⋯⋯味道調得很好，但牛肝菌的份量少得機乎找不到，如果牛肝菌的份量多一些就更好了！！乳豬烤是得很香很脆，可惜豬的脂肪同肉的比例接近9:1, 美女們吃完脆卜卜的外皮後，只淨下一大塊脂肪，令人吃不消，那一成的肉集中在豬的四條腿～～～HK$868的富貴豬，豬的來貨竟然如此，這方面扣很多分「花膠菜膽龍皇杏汁白肺湯」這個湯是我的至愛 ，今次還有養顏花膠～～～花膠的分量不吝嗇，每六人份量(分到12碗)，每人都有一至兩塊、大大塊，用的是一般"扎膠"，但本人卻覺得花膠跟杏汁豬肺湯好像有點格格不入，有點"畫蛇添足"的感覺。杏汁湯的味道都不錯，湯料都煲得很"林"，夠火候～～～只是之前在「旺角海鮮菜館」飲過我人生中最好飲的「杏汁豬肺湯」，相比之下，這兒的就比較湯味不夠濃、而且有點油膩😅由於另一位美女不飲豬肺湯，所以我們為她點了「原個椰皇花膠雞湯」看來這個湯比「杏汁白肺湯」出色，塊花膠超級大，朋友都覺得不錯由於之前點的都是肉類菜式，我們另外點了兩個蔬菜中和一下「啫啫蝦醬唐生菜」以HK$128來說，這個菜太普通了，唐生菜雖然都新鮮、味道都OK，但啫啫菜式來說，獲氣不夠，不過不失吧！！「魚湯鮮蟲草花浸時蔬」HK$138的魚湯浸菜，白菜仔雖然新鮮、洗得乾淨，味道跟我自家煮的差不多；但魚湯不濃，喝不出魚味，只屬OK!!因為金豬分量很大，所以我們7位美女，只點了6個菜式都已經很飽了！！我們Like 了 Hilton Garden Hotel 的Facebook 專頁，所以有「甜品」送每人一碗「紅豆沙」我倒覺得「紅豆沙」不錯，不太甜，很香"陳皮"味，而且煲得很"溶"，完全"起沙"，但朋友覺得如果多點"紅豆"的質感就更好Like 了Facebook 專頁還有9折優惠，Total HK$2280, 人多除開7份，每人HK$326＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋總結：「鷹巢」位處油麻地酒店內，地點方便，座位寛敞，環境都幾舒服食物味道都OK，但以這個價錢來說，質素應該要更高，性價比不高職員有禮、Helpful, 雖然不算好醒目，但都有盡力務服我們，不錯…Read More

餐廳環境舒適，樓底好高加上落地大玻璃窗感覺好寬闊，今日係假期，去到餐廳時已經爆滿，服務員安排左我地坐左去另外一邊，係平時婚宴場地，台同台之間有好足夠既空間，俾人感覺十分寬闊，加上落地大玻璃窗，光線充足，而且沒有嘈雜既聲浪，整體環境上令人感到十分舒適，服務員的效率都好高。佢地既金牌叉燒皇好值得推介，肉質軟嫩多汁，肥瘦均衡，色澤鮮明，有種令人一口接一口吃下去的衝動。揚州炒飯顆粒分明，香潤爽口，蛋香十足。…Read More

每天返工都是隨便吃，到了周末都想吃得舒服點。在OpenRice 找飲茶的地方，看到旺角希爾頓花園酒店的鷹巢，周末都有優惠，食評也很好，立即訂座去試。進到大廳，十分開揚，樓底很高，落地玻璃窗，檯與檯的間隔很寬敞，沒有嘈雜的聲浪，也沒有壓迫感。開了一壺普洱，水滾茶香，只有茶味沒有苦澀味。餐牌內除了一般點心，還有廚師推介，就點數樣試試。食物到：牛肉球 - 最常吃的點心，彈牙有肉味，不是一般的牛肉溝粉金牌叉燒皇 - 肥美嫰滑多汁，又不失燒烤的香味，啖啖肉，伴碟的是我最愛蜜味蠔油豆，對上一次吃是在鏞記酒家，估不到這裡也能吃到。金錢脆蟹盒 - 炸得香脆不油膩，包著鮮味蟹肉燒汁野菌爆蝦球 - 味道濃郁，蝦球爽口，野菌吸收了醬汁，非常可口蛋白杏仁茶 - 很少吃到出色的杏仁茶，坊間很多都用粉或香精製作，香味太誇張，這裡的味道就來得自然，甜度適中。吃完還可以繼續慢慢歎茶，沒有催埋單的情況，舒服的過了這個周未的下午。…Read More

年初四，約了契爺來鷹巢一聚再拜個年！跟家人一提起鷹巢，他們便異口同聲說出這店的舊址是在中環Hilton，即現在的長江中心。現在選址旺角，店內感覺透光開揚，枱與枱間有足夠的空間，環境不錯。而且點心很好，值得試試。* 金牌叉燒皇 *金牌果然有保證！燒得香、味道正、肉質焾、肉味夠。大愛！正因為肉質夠焾，就算厚切亦不會覺得韌。* 香菇蒸燒賣 *足料，合我口味。* 酥脆蘿蔔絲腸粉 *有點似春風得意腸，不過更好味！粉皮滑、脆餡鬆脆、蘿蔔餡甜。* 古法馬拉糕 *是兒時吃到的味道和質感。很懷念。* 咕嚕肉 *相比點心，這個有點失色。炸皮似乎厚了點，而且肉的比例過少。味道是不錯的。…Read More