Dim Sum Here Mix Seafood

餐廳：點心到地點：旺角洗衣街菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。韭黃鮮蝦腸 $30韭黃鮮蝦腸一客兩大條切開六件，每條半透明白色腸粉皮包住兩中一細蝦仁，上枱時先加豉油。腸粉滑溜，入面蝦肉爽脆，食到韭黃味，都唔錯。金沙脆皮銀蘿腸 $30金沙脆皮銀蘿腸兩大條，一開六件容易食。金沙脆皮銀蘿腸其實係厚身滑溜雪白腸粉包住一層橙色酥脆皮，入面係滿滿一條條白蘿蔔絲，好特別。雖然係素菜，不過口感好特別，外滑內脆最入面就清甜爽爽地，食完唔覺油膩。醬皇金錢肚 $28醬皇金錢肚有4塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上青同紅辣椒。下底居然有少少冬瓜，可降低油膩感。豉汁蒸鳳爪 $25豉汁蒸鳳爪一客有4件鳳爪，整得好淋，味道都唔錯。下底加左幾粒花生，伴有一片紅椒同綠椒。晶瑩鮮蝦餃 (2粒) $17呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。原隻蝦燒賣 (2粒) $17燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。燒汁釀虎皮椒 $24燒汁釀虎皮椒一客四件，紅綠椒各二。面頭鯪魚肉好彈牙，鯪魚味鮮，鯪魚肉份量都唔少。食落只係微辣，油份略重。面頭加上幾條菜苗裝飾。所有點心都係即叫即整，熱辣辣上枱，質素高，而價錢並唔貴，無加一。環境算乾淨企理，平時午市超旺，好彩一點九一個人都可以直入。 …Read More

工作關係路過， 突然發現左呢間～ 一個人飲茶係好難叫野食，樣樣都想食，但又食唔落咁多， 拎住張點心紙👀左好耐， 剔左2樣皇冠👑logo 黎食 👑炭燒山楂鴨絲包 😍， 脆脆面+有炭燒味既內餡👑金沙脆皮銀蘿腸😊，皮滑+蘿白香隔離檯夫婦話籠仔蒸飯好正～ 下次搵埋朋友黎試🫰🏻…Read More

疫情下好多酒樓都暫停營業，但無損🐻對一盅兩件嘅熱愛💖無意中發掘到旺角有間專門做點心小菜嘅餐廳仍然營業，仲要價錢超親民，緊係要去試一試啦🤪.餐廳裝潢設計新穎，燈光明亮光猛💡而且座位寬躺，餐枱又夠大，啱晒放滿點心籠後同朋友一齊飲啖茶食個包慢慢嘆🍵.🍴黑金流沙包💰$25新鮮滾熱辣，將包掐開，奶黃如流沙般湧出💥奶皇甜度適中，蒸包又鬆軟，好快就清晒三個啦😂.🍴金沙脆皮銀蘿腸💰$27每次飲茶必叫點心之一❤️嫩滑嘅腸粉皮下包裹著脆卜卜米網&鮮甜蘿蔔絲，口感層次豐富無比，大愛‼️.🍴黑松露菜苗餃💰$28菜苗餃就食得多，但有黑松露&獨特外型第一次見😆蝦肉、菜苗比例適中，以黑松露作點綴之用味道唔算重，配搭新鮮，為傳統菜苗餃帶來點點新意🆕.🍴晶瑩鮮蝦餃、原隻蝦燒賣💰$16、$16（各兩粒）飲茶又點少得蝦餃燒賣💕每籠兩粒啱晒人少少食🤟🏻蝦餃皮薄，餡料彈牙鮮甜🥰燒賣面放上原隻蝦彈牙爽口，內裡豬肉餡肉汁豐富，高質‼️.🍴醬皇金錢肚 💰$25金錢肚爽口彈牙，炆得好入味.茶芥每人$5，仲要冇加一，最後埋單兩人$150都唔使🤩 性價比超高‼️旺角平靚正一盅兩件，三點三下午茶又一好去處💖.——————————————————…Read More

好味指數：😋😋😋😋😋推薦指數：⭐⭐⭐⭐⭐今日同媽媽係旺角行街，下午茶時間嚟點心到食點心。✅黑金流沙包$25流沙包外形已經好吸睛,入面嘅奶黃好香😋😋而且上到嚟仲冒煙,小心熱親🙈✅籠仔鳳爪排骨飯$36好重荷葉香味，飯粒分明，而且份量好多，相當抵食😊✅金沙脆皮銀蘿腸$27腸粉包住類似炸兩嘅蘿蔔絲，口感外脆內軟👍✅三絲鮮蝦春卷$25春卷外皮酥脆，好食！😄✅榴蓮雪媚娘$32外表好似放大版糯米糍🤣入面有cream同榴蓮肉,一咬落去口感軟滑，好重榴蓮香味😆…Read More

今早（16/5/2021）十一點多同朋友到旺角，原想去茶餐廳，路過見這餐廳有點心食，餐廳內光線充足，門口位置貼有多張好似好美味既食品相，約等2-3枱客，便一試。等約十分鐘，被安排一張最入的枱，枱與枱之間好密。點了六點點心晶瑩鮮蝦餃，蝦爽口，皮略厚，放了一會食最後一粒時，皮已硬。原隻蝦燒賣，好味，足料五香咸水角，上枱時剛炸起，正，好脆醬皇金錢肚，味道麻麻，唔夠入味豐料糯米雞，真係好足料，內有一件雞，超大件金沙脆皮銀蘿腸，皮好滑，料好脆，蘿蔔好爽口埋單$164，抵食，唯一唔方便，埋單只收現金及PAYME，無八達通。…Read More

好幾次經過都比點心到MIX大排檔光燦燦嘅裝修吸引，一行三人lunch time未夠一點嚟到排左大約五分鐘就入得！ 本身諗住試佢D鑊氣小炒，點知lunch原來只提供點心同炒粉飯麵，唯有下次晚市再戰。喺門口排緊隊已經對poster入面嘅炭燒山楂鴨絲包虎視眈眈，見到真身超興奮！個皮係用雪山叉燒包嘅皮加竹炭製成，黑蚊蚊好特別！鴨絲用左煙鴨胸所以有陣陣熏香味，之後山楂嘅酸味就滲出來，層次感同驚喜十足！我同事都對呢味名為大肚婆炒飯超感興趣，究竟係咪嚟？原來大肚婆個位就係碟炒飯有好多薑，加叉燒同蝦仁炒埋一碟又唔會好辣，仲好有鑊氣，唔錯唔錯！燒汁釀虎皮椒用左紅椒同青椒釀，賣相一流，可能仲有少少辣椒籽嘅殘留所以都幾辣。仲叫左黑松露菜苗餃、豆椒蒸排骨、金沙脆皮銀蘿腸，全部都熱辣辣好新鮮，整體質素非常好！茶芥$3/位、免加一、每人$65真係超值！附上午市餐牌以供參考～…Read More

下午茶時間，門口等左五分鐘就有位。入到去坐低，坐位唔會好迫，環境都乾淨企理。碗筷都好乾淨，茶係暖水壺入面放茶包個款。點心8分鐘內有得食，全部都熱辣辣叫左幾個點心，大部分都好滿意：1. 蝦餃：$15 2粒，細粒過乒乓波，皮比較厚，🍤好彈牙2. 金沙流沙包：味道唔錯，唔會太甜，新鮮蒸起，賣相精緻，可惜流心唔多3. 金沙脆皮銀蘿腸：腸粉皮一般啦，唔係好滑口，但內裏好味，好脆口4. 沙律明蝦角真心推介！用新鮮油炸起，成粒漲卜卜，好味道5. 籠仔金銀蒜海蝦飯都好食兩個人食每人兩碗，蝦係新鮮海蝦，蝦身舖滿蒜蓉，加油葱花同豉油，超正6. 榴槤雪媚娘：榴槤糯米糍，好大粒有兩粒，用小cupcake 杯裝住，黃色皮配大量cream 同榴槤肉，味精不過不失，有d溜，不過好抵食茶介每位$3，免加一。整體係抵食…Read More