THE ALCHEMIST CAFE (The LOHAS)

金沙鹹蛋黃鳳尾蝦近年鹹蛋黃盛行，無論係零食小菜都會加少少鹹蛋黃當做一個新菜式。當然有D係好夾，有D純粹係得個gimmick，而呢個菜式我個人覺得係好成功。蝦球彈牙爽口，而且煎得好香，鹹蛋黃個分量適中，味道又唔會完全蓋過蝦球本身個味。避風塘炒蟹肉意大利粉非常港式風味嘅意粉，用炸蒜､辣椒､蟹肉等配料炒出黎，有少少辣，但真係好有平時避風塘炒蟹嘅風味。意粉亦處理得剛剛好，非常al dante。慢煮BBQ醬美國豬肋骨伴薯條及普羅旺斯燉菜豬肋骨分量十足，比拳頭仲要大。肉質軟嫩，外面佈滿BBQ醬，比較適合重口味嘅人士。焙茶心太軟蛋糕配雪糕好少見焙茶心太軟，食落主要係朱古力味再加淡淡嘅焙茶味道。如果中意哭朱古力嘅應該都幾中意。總括而言，牧羊少年咖啡館食物高質素之餘，仲非常適合打卡，推薦！…Read More

。O小姐。藝術與食物的結合。日常。喺LP甘耐，大大小小嘅餐廳都幫襯過，最近新開咗一間充滿文青氣息嘅餐廳，佢之前個位都係西餐嘅，留意咗佢幾日，夜一夜都好多人，應該都唔會死錯人，所以就決定晚餐嚟呢度開餐啦。本menu好靚喎，好多頁，每一頁都有字有圖，唔係齋嘢食，亦都都有介紹吓唔同嘅project，睇啲嘢食相同埋嘢飲相，好似好吸引，呢啲就係影張靚相嘅嘅重要性啦！我哋叫咗個「與你分享2人套餐」，呢個套餐係包一個前菜、一個主食、一個意粉，配2個甜品、飲品方面仲轉左兩杯特色嘢飲添。講返前菜，我哋叫咗個- 金沙鹹蛋黃鳳尾蝦- 喂丫，冇諗過有咁多蝦，同埋真係有咁多鹹蛋喎！ 好好味！ 大推！入口啲蝦係彈吓嘅，每一隻都充滿鹹蛋味😌再嚟就係 - 日式紫蘇烤雞肉意大利粉平時就咁食紫蘇葉佢個味都好大嘅，估唔到佢泊入去雞肉度個味道有幾夾喎，佢又唔會話搶咗原本個味，但係佢呢夾埋落去意粉度，就將平時大家食開嘅意昇華度另外一個層次，估唔到原來可以咁樣煮法另外叫咗個- 咖啡羊架 伴 露絲瑪利燒汁。烤澳洲西蘭花•日本南瓜食羊嘅朋友表示： 就咁食都已經好好味，但如果唔食羊嘅都可以點露絲瑪莉醬，會係另外一種享受羊架煎香左表面，但內裏依然充滿肉汁，另外表面灑上嘅脆脆令到口感更加豐富，香草嘅配搭亦都令到羊肉嘅風味更加突出，而佢嘅配菜亦都好新鮮同好食，尤其是日本南瓜經過烤焗令到佢本身嘅甜味更突出食咗咁多嘢，咁梗係要飲嘢啦。飲品方面，養生嘅朋友叫杯養生嘅杞子木瓜牛奶（熱），common，一睇個樣都覺得佢好養生，而我自己就叫咗芒果茉莉茶忌廉芝士奶蓋（凍） ，最鍾意就係佢個杯上面厚厚嘅奶蓋🫢飯後甜品方面，除咗佢附送嘅Haagen-Dazs 雪糕杯，我哋仲特登加錢叫咗個特濃半熟芝士撻，以為佢只係普普通通嘅，點知佢嘅口感係超出我預期，個撻好夠熱，而且半熟既芝士入面再入唔同既芝士粒，再配埋上邊嘅生果，又鹹又甜又有口感，中和咗芝士撻好膩嘅感覺，超出預期，一定要加錢試呀！最後埋單五百幾蚊，以食西餐嚟講我覺得都唔算太貴，可以嘅話下次可以坐出面outdoor，有埋個景應該會再開心啲😌…Read More