Nanhai No. 2

朋友生日想搵間有靚景、食物又特別啲嘅餐廳於是就唸到不如嚟尼度，所以提早一個星期book定窗邊臺。因為得兩個人好想試多啲嘢但又驚食唔晒於是就將個ball交比經理等佢幫我哋發板～🫢👉佳花橙蜜燒黑毛豬肋骨～好入味兼嫩滑、不過每人食完三件已經開始有小小飽嘅感覺～🫢😍👉川芎天麻燉魚皇～湯料足、湯味濃郁～尼個湯啱晒女人～😍🤤😋👉金湯魚籽元貝皇～特色fusion菜式、元貝新鮮且好大隻～口感豐富～👍😍🤤😋👉金榜醬煮大蝦～好西式嘅煮法帶點辣味、大蝦新鮮～配上中式饅頭可以點埋啲醬～👍😍🤔🤤👉茶燻雞（半隻）～煙燻味撲鼻、雞片好脆、肌肉嫩滑～😍😋🤤👉意茄乾肉末炒椰菜化～好獨特、椰菜花爽～😍👉生磨杏仁浆👉綠豆沙經理知道係朋友生日於是係甜品度特別寫上生日祝福語～甜品美味又窩心～😍…Read More

有朋友仔約食飯，所以諗住出街食。因為疫情關係，近來少左同一班朋友一齊衆會，襯住今次機會，一於去個環境好啲，有情調嘅地方。之前有朋友提起過南海一號個環境同食物都好正，大家都住港島區，所以最後我地揀左南海二號。睇返南海一號嘅資料，上到去二號，已經好感受到佢係跟返鄭和下西洋嘅路線去設計餐廳裝修同菜式。今次去南海二號，真係令我大開眼界，除左餐廳設計上用左船嘅甲板設計，有一個夜空走廊真係整得好靚。今次坐左去餐廳另一邊，一邊品嚐美食，一邊睇到晒成個維港景色！講返美食先，其實所有嘅頭盤都好精緻好好味。不過我最鍾意嘅係陳皮話梅萵筍。真係第一次試呢個味道，凍嘅萵筍，又爽又脆，加上少少話梅嘅酸甜同香味，真係好開胃。另一個我都好鍾意嘅頭盤菜式係冰鎮鮑魚。本來都對鮑魚冇咩大期望，通常屋企火鍋鮑魚都硬身。不過一夾，原來鮑魚已經預先切開，一入口，好嫩滑！淋喺上面嘅醬汁帶少少甜、少少辣，好帶到鮑魚嘅鮮味。仲有個川味牛筋凍，啫喱口感一入口即溶。第一啖係少少麻辣嘅香味，之後肉汁嘅香味即刻喺口入面散開; 清香有餘韻。今次其中一個主菜係金榜醬煮大蝦。一上枱已經聞到陣陣椰香同少少咸香！隻蝦真係大概有6吋長，仲有一個炸饅頭。呢個湯真係非常鮮味，啖啖都足料，應該落左好多瑤柱同金華火腿蓉，用嚟點饅頭真係一流！講返隻大蝦，熟得剛剛好，入口爽滑。而且大廚已經開左一半，淨係用刀叉都已經可以食到蝦身嘅肉，感謝廚師嘅細心。雖然偏向重味少少，不過我都舔晒啲醬汁。茴香牛肩胛上枱已經聞到好香嘅香料味。一咬落去，好鬆軟! 有時候會好怕出面街食到一大舊好硬好硬嘅牛。不過今次呢道菜真係好好味！除左鬆軟，完全食到牛嘅肉汁同脂肪味。茴香味剛剛好，唔會蓋住牛肩嘅肉香同脂香！搞到我都忍唔住食多左一兩件。未上呢道招牌茶燻雞，其實已經聞到茶香。個雞皮爽滑甜身帶茶香，我諗鍾意食清淡同濃味嘢嘅朋友都會好鍾意呢道菜，滑滑嘅雞又有濃濃嘅茶香。最後有一個龍蝦湯泡貴妃飯。呢個飯一定要襯熱食，香濃龍蝦味，金黃厚身嘅湯，回味無窮。之後就食到炒米香，軟硬度適中嘅飯粒，米又有蔬菜粒嘅爽脆，真係估唔到湯飯都可以咁有層次感！…Read More

今日特登去試吓南海二號之前去過南海一號，南海二號係銅鑼灣世貿中心12樓全層，❤侍應帶位時經過一條滿天星星走廊🤩非常吸晴 再行到大廳全個維港夜景盡在眼前 香港夜景真係特別吸引💯食物同氣氛同樣出色💫📣值得一提有4間房，每間房都好似去咗試音室🎵尤其是有間價值👉20幾萬音響喇叭好👏  好似去咗倫敦城西聽緊現場music🤣真係好重本😱蔥油白切鵝, 第一次食白切鵝，肉質入味嫰口新鮮鵝肉啖啖肉好味道除咗聽覺, 視覺享受，當然唔少得味覺享受，印象最深係茴香牛肩胛🐮牛肩煮得好淋又惹味🤤味道令人回味必食。另外淮杞燉螺頭湯，用料十足湯好甜金榜醬煮大蝦，這道菜係南海二號王牌菜式之一👍，超級巨大原隻蝦上碟啖啖蝦肉都沾上金榜醬一齊食, 味道有D似喇沙, 非常惹味，送炸饅頭點汁嚟食冇得輸🦐最後當然唔少得女人至愛甜品🍰我地叫咗兩個特式甜品😁脆皮朱古力棒😁入口散發香濃rum酒，令人難忘，非常好食🧡另一個椰子香芒奶凍，口感軟棉棉，買相非常靚，食落口一D都唔甜，仲帶有濃郁芒果味最後要讚侍應好貼心，值得推介可以飽覽維港海景＋靚音響+美食+靚景💯…Read More