Sukiyaki Mori (Gough Street)

未放暑假，XO爸B即約定家中兩個小寶貝於開學前擦餐勁嘅，地點揀咗表哥愛探險嘅女朋友提議嘅「すき焼 森」（Sukiyaki Mori）。疫情下開業已屬冒險，最難得可保持人氣指數高企，所以特別想見識一吓。如果之前有去過「YakiniKuu」的話，應該會留意到隱蔽於歌賦街盡頭一角嘅小店其實就係燒肉店分割出黎，兩店之親戚關係非常明確。餐廳裝潢簡約，以木為主嘅間隔流露出和風嘅氣息。訂座時講明八人要坐吧位，因深知小朋友睇住師傅烹調美食會感過癮，大人則欣賞食物夠新鮮熱辣辣，各得其所:)。圍牆擺出嘅二至四人散座中，相信卡位最為舒適闊落。打聽到開瓶費大小同價，一律設為$250/樽，合理過合理！嘻嘻，肥肥家族六個大人飲一樽1.8L清酒份量啱啱好，而且最抵玩。午市餐牌只有兩頁，小肥早就安排好全體清一色點選必先預訂嘅「すき焼 セット」六道菜壽喜燒套餐（$580/位），另加牛舌（$100/位）。廚師全權掌管上菜嘅速度，餸菜續道煮好後即用新嘅碗碟上，故每位席上只有一雙木筷子，簡潔得很。前菜：為午餐作序嘅茄子燈籠椒前菜清新開胃，伴配晶瑩透光嘅醬油味啫喱效果連細路仔都話好得意同易入口。蒸し物：小碗中嘅燉蛋特色在於以昆布舖面，軟滑輕盈嘅蛋蛋滲透出芳香與清甜，又潤又暖胃。動手備煮食物前，師傅先展出食材並為其略作簡介。木盤上有節令嘅蔬菜。大碟上紅白雲石紋理分明嘅手切A4和牛源自近江。相中最左方嘅碟仔上則為另加嘅牛舌。師傅手勢純熟地攪拌橙美亮麗嘅蛋黃及燒煮和牛，並告知雙眼發光嘅小朋友們面前嘅日本蘭王蛋別號為「蛋中之王」，視覺效果有埋現場嘩聲音效，成功造出氣氛！すき焼：每道壽喜燒和牛都會配埋菜菜。除咗蛋蛋之外仲跟咗一碗白飯，唔夠可以無限添加，不過大家記緊一定要留肚食單尾碗滑蛋牛肉飯啊！四碟熱辣辣嘅和牛牛肩及西冷有嚼口得黎肉汁豐沛，肉味濃郁，黏上蛋黃醬即倍添香滑，伴配不同時蔬嘅組合均有提升爽脆惹味之效。牛舌（另加$100）：追加嘅牛脷巧薄脆身，同樣美味可口！野菜：以鍋中剩餘嘅壽喜燒秘汁煮製嘅豆腐、冬菇、雜菜、洋蔥等全部都入哂味，軟腍甜潤。當中最得細佬歡心嘅就係煙韌幼身嘅水粉絲。御飯：金黃鮮美嘅蛋蛋喺鍋中滾拌成滑蛋，學緊煮飯嘅小妹妹覺得尤其精彩！飯品連暖胃嘅麵豉湯及醒胃嘅醃漬物一齊上。壓軸上陣嘅滑蛋牛肉飯嘅白飯底粒粒飽滿肥潤，滑蛋混入和牛邊邊同肥膏炒出，入口集芬芳、柔滑、鮮潤、甜美於一身，屬色香味俱全之作！甜品環節XO仔揀咗簡單嘅綠茶雪糕同熱咖啡。隱藏於九如坊內嘅「すき焼 森」面積雖少，但勝在環境簡潔，服務生及廚師們親切有耐性，即使面對住老中青嘅食客要多次重複對話都仍能保持專業嘅態度。預訂嘅壽喜燒午餐高質美味，份量恰到好處，價格合理得很，小店嘅十個吧位難訂都在所難免，絕對值得一試！…Read More

受朋友遫請，來到「すき焼 森」食晚餐，朋友大約提前三個星期左右預約。「すき焼 森」有三家店，均位於中環，今次來到去年才開業的一家，店舖位於歌賦街，從九如坊拐進去的街角盡頭。壽喜燒分成關東及關西兩派，「すき焼 森」主打關西風壽喜燒，先將肉煎烤，加入其他配料，並慢慢調味，加糖和少量壽喜燒醬汁，令和牛有焦糖化的效果。店內設有吧檯位及卡座，每台客人均有一位師傅在席前烹調壽喜燒，介紹每一道菜的食材與產地等資訊。師傅烹調每一道菜的時間拿捏得恰好，不會令我們覺得吃得太急，等待下一道菜的時間又不會太長～～～晚餐有 Omakase，需要提早預訂。另有Sukiyaki Set及Shabushabu Set ($680/位)，可選牛或豚肉。壽喜燒是主打，那我們當然都選Sukiyaki Set啊！先上前菜，日本溫室蕃茄搭配海苔﹑蠶豆及煙燻螢光魷魚。自己本身不吃蕃茄，但今次也勇於嘗試一下，蕃茄好甜，蕃茄味濃，沒有那陣草青味。煙燻螢光魷魚，魷魚入味，有點微甜，煙燻味香，質感軟稔易咬得來又帶點咬口！然後上的蒸物是櫻花蝦茶碗蒸，加入薑蓉點綴，帶櫻花蝦的香氣之餘，味道沒那麼單調。Sukiyaki Set所用的牛為A4近江和牛，是次供應3款部位，有肉眼、西冷和牛肩胛肉。師傅烹調的次序會由淡味至濃味，油脂感由少至多。妹妹選豚肉Sukiyaki Set，是採用鹿兒島黑豚肉，豚肉只有2款部位，只有西冷及肩胛肉。三款牛的部位各有特色，肉味及油香程度不同，定能迎合不同人的口味！牛肉一入口就油香四溢，牛味濃，配搭甜味的壽喜燒醬汁來吃恰到好處，口感又夠柔軟。若然喜歡滑溜口感，可沾上蛋液來吃。另每人有一小口的白飯，用上日本珍珠米，牛肉配飯，很好吃！白飯是可以添的啊～～～鹿兒島黑豚肉的肉香程度亦不輸蝕，充滿肉的甜味！！師傅梅花間竹地烹調肉及野菜，野菜有大蔥﹑豆腐﹑蒟蒻﹑冬菇﹑芋絲等，讓客人不會接連吃肉而感到太膩。惟當中的日本春菊是蒿菜的一種，所以都有陣茼蒿/皇帝菜的那陣味，是我個人不喜歡的味道啊！我們另外追加了牛舌 ($100/份)，薄切牛舌配洋蔥圈，牛舌幾爽口，牛味亦夠濃，焦糖化的洋蔥圈很香甜！御飯是滑蛋牛肉飯，未夠飽的可要求增加飯量，將牛肉碎、蛋、白飯及燒汁一起煮，整碗飯都吸收了鍋內的油脂香。牛肉碎的肉味雖然不及之前的香濃，但蛋味都夠香及嫩滑！連同御飯奉上的有漬物及味增湯，漬物是生菜，普普通通。味增湯香濃而不鹹，沒有什麼配料。甜品是芒果牛乳布甸配黃豆粉蕨餅，牛乳布甸滑溜兼充滿奶香～～～蕨餅夠煙韌！！對於店舖環境﹑店員服務及食物質素都感到滿意，會想再來光顧啊！…Read More