今日見得閒就入將軍澳康城個新商場行吓，蝦蟹下見到呢一間個樣好似幾舒適，有好耐冇食過越南菜，於是乎就擔粗粗試吓。❤️我哋兩大一細叫咗兩個lunch set加一碟小食，估唔到佢啲分量都幾大，竟然食唔晒😂重量級火車頭一嚟到第一個感覺：大碗到喊😂，真係重量級！首先講吓個湯底，好清甜嘅蘿蔔味，而且香料味重，感覺清新香口。而最特別嘅係肉眼片，真係入口即溶，好林又有肉味，估唔到咁高質！而和牛丸亦好香同彈牙，又juicy，所以整體黎講成碗面都高質！❤️❤️❤️西貢咖喱牛腩飯牛腩一般，肉質有啲鞋，但個咖喱汁好正！😋😋見到好多香料喺入邊，所以味道香濃，而且有少少薯仔粒，好有心思👍🏻👍🏻香芧串燒豬豬肉肉質鬆軟，呢邊燒到脆脆地，火候啱啱好，加上個沙嗲醬汁，超好食！😍😍餐飲方面，老公試咗個越南滴漏咖啡，係加煉奶，所以比較甜。而另一杯係話梅柑桔，好又話梅味，酸酸美美咁好開胃！☺️…Read More
