曾三仙米綫 (花園街)

平時一向都係食開啲辣嘅米線，今次來到太子呢間曾三仙米綫食返碗唔辣嘅川渝米線！餐廳有提供多款唔辣嘅選擇～✨蕃茄黑豆花牛肉米線黑豆花嘅特別之處就係餐廳自家製嘅，口感好似一舊海綿，一咬落去就有爆汁嘅效果，帶有一種好獨特嘅煙熏香味！牛肩肉比平時嘅更柔軟嫩滑！仲有海量海帶絲同埋木耳絲襯托住啲米線！蕃茄湯底味道天然，酸甜開胃～✨滋補三仙米線三仙即係有齊哂多款嘅招牌配料，個人最鍾意豬肝同肉絲，口感特別嫩滑！而午餐肉、鵪鶉蛋、竹笙、木耳絲、蕃茄、蟲草花同黃花就令到成個米線嘅口感更加多元化！米線偏幼身，掛汁能力高！藥膳湯底清澈，飲落去當歸嘅味道比較突出，有種好滋補嘅感覺～✨糍粑油條香脆嘅油條包住軟糯嘅糍粑，趁熱食，口感超正～✨重慶現炸小酥肉小酥肉新鮮炸起熱辣辣，酥脆可口，點埋辣粉食得更滋味～✨紅糖豆花豆花與別不同，食落去有啲似有濃厚豆乳味嘅布甸，配搭紅糖甜而不膩！仲有桂花杞子做點綴～✨小吊梨湯帶有雪梨嘅自然甜味，仲飲到粒粒雪耳添～✨生椰拿鐵入口順滑，咖啡同椰奶嘅比例剛剛好～…Read More

平時都係去開旺角搵食比較多，好少喺太子發掘美食，今次同朋友行完花墟，就來到附近嘅曾三仙米綫食午餐啦！原來曾三仙米綫係大陸連鎖店來嘅，全國分店超過1000間，而位於太子呢間就係香港嘅第一間！知道咗原來係咁出名嘅，即刻同朋友食返碗地道嘅川渝米線先～藤椒蝦滑米線加滷鵪鶉蛋💰HK$67湯底辣度係小辣，藤椒湯底係比較清淡嘅一款辣，味道偏麻為主! 蝦滑爽口彈牙，滷鵪鶉蛋滷得很入味～冒烤鴨米線💰HK$62湯底辣度係中辣，除咗辣味之外，仲多咗一份鴨肉嘅獨特香氣！烤鴨份量多，米線偏幼身，口感軟滑Q彈，另外仲有海帶絲同木耳絲增添口感～重慶現炸小酥肉💰HK$25小酥肉香脆得來肉質依然好柔軟，點埋旁邊嘅辣粉更惹味～糍粑油條💰HK$16外層嘅油條好酥脆，中間嘅糍粑口感好軟糯，表面佈滿芝麻碎碎，用來做飯後甜品一流，食完超滿足～百香茉莉茶💰跟餐+HK$9既有百香果嘅香甜味，又有茉莉茶陣陣嘅清香～冰糖山楂凍💰跟餐+HK$9飲落去似係山楂餅嘅味道，底層仲有山楂凍，酸酸甜甜好開胃～…Read More

今日去花墟買完花，經過曾三仙的店舖，被它的裝潢所吸引，引起了我的好奇心。原來曾三仙在內地有過仟間連鎖店，花園街這間是香港的首間分店。店員好親切主動，行到門前介紹及迅速招待我地入店內。雖然外面微微細雨，但店內卻是溫暖明亮，店面很寬敞，用餐環境舒適。點了店員介紹的招牌米線系列，番茄酥肉米線及冒烤鴨米線。餐點份量非常大，料足味美，名不虛傳。米線口感上佳，麵條Q彈，番茄味濃郁鮮甜，湯頭酸甜適中，配上香酥可口的酥肉，別有一番滋味。冒烤鴨米線以濃郁的鴨湯為底，配上香嫩的鴨肉，口感豐富層次分明，可見師傅功夫了得。除米線，也點了一些小食，如炸豆腐泡、重慶現炸小酥肉及虎皮雞腳等小食。炸豆腐泡外酥內嫩，咬下去豆香四溢，飽滿可口。虎皮雞腳，火喉充足，皮爽肉嫩，帶有濃郁的五香味。現炸小酥肉酥脆多汁，配上特製辣椒粉，麻辣香脆，非常惹味。…Read More