Shan Dong Little Restaurant (Sai Yeung Choi Street South)

喜歡食餃子既我，經常尋找獨特又美味嘅餃子店。今日去太子經過 - 山東小城，正宗北方手作水餃，墨魚餃更是香港首創，睇見都想入去試吓。除咗太子西洋菜南街分店之外，總店在大角咀埃華街，兩間店同樣抵食又好食。店內設計以木系簡約裝修，環境舒適。自家製餃子每日新鮮製造，現包、現煮嘅傳統手工餃，除咗有上湯餃子、酸辣湯餃、生餃，亦有湯麵、菜飯、燉菜、餡餅、小食及自家製飲品 ; 依度嘅靚湯係用新鮮食材每日熬製，非常清甜絕無味精，用心製作。同埋呢度嘅下午茶餐價錢親民，值得一試。雙拼餃子 配 蟲草花南瓜雞湯            $62揀左獨創嘅墨魚馬蹄餃同紫洋蔥牛肉餃，餃子皮厚薄適中，煙煙韌韌，兩款餡料爆滿；墨魚馬蹄餃用上墨魚汁搓成餃子皮，包著彈牙墨魚同爽口馬蹄；另一款紫洋蔥牛肉餃，牛肉鮮嫩，紫洋蔥爽脆，有點咬口，與牛肉很配，鮮甜美味，肉汁非常豐富，配合清甜滋潤嘅蟲草花南瓜雞湯，美味可口。招牌三寶菜飯                 $60一碟有齊3種肉類，手撕雞+炸豬扒+牛肋肉，口感大滿足！手撕雞肉質嫩滑，厚豬扒炸至酥脆，牛肋肉帶少少筋，醬汁好入味，炆至軟身有些嚼勁，與菜飯拌勻食，令可沾上自家製蒜蓉辣醬更惹味。醉雞卷                $38小食醉雞卷是冷盤，雞肉肉質札實，好鮮嫩，酒味相當濃郁，不嗆喉，好味道。老醋海蜇頭               (+$15)另一款小食係老醋海蜇頭，是涼拌的，海蜇頭好爽口，多款蔬菜翠綠鮮爽，微酸嘅醋味，調得啱啱好，口感清爽，好啱天氣熱食用。凍冬瓜茶  (+$5)   及  凍檸檬茶  (+$5)冬瓜茶自然清甜，裡面有龍眼肉，飲起嚟回甘潤喉，檸檬茶口感冰涼清爽，好解渴。…Read More

呢一日出開太子，睇吓bookmark有邊間想試，見到之前save咗嘅呢間，俾佢又有餃子，又有我鍾意食嘅小食吸引咗🤤餐廳喺始創中心附近，7點幾去到等咗一陣位排緊隊嘅時候，職員已經話餡餅要耐啲時間，如果想叫可以早啲落單，一坐低，即刻叫咗個 #京蔥羊肉餡餅 $34包面好脆！爆餡又juicy，要襯熱食～好快決定到叫咩小食😎叫咗我最愛嘅 #醉雞卷 $45雞幾滑，好入味，超醉😍 仲跟半隻醉蛋👍👍呢個必點！❤️另外仲叫咗 #麻辣豬耳 $40麻辣香之餘，仲有醋香，酸酸地連啲青瓜紅蘿蔔絲都好食，好開胃！清晒成碟😂餃子好多款都想試，又想飲酸辣湯，糾結叫邊樣😂😂😂最後揀咗特別啲嘅 #墨魚荢薺餃 ，本身想叫淨餃10隻，另加酸辣湯，職員聽到我地糾結咗好耐🤣佢話 #山東正宗餃子 係無跟湯，但因為迎合香港口味，可以跟湯或者酸辣湯，建議我哋可以揀 #酸辣湯墨魚荢薺餃 ，就可以一次過滿足晒兩個願望😂餃子脹卜卜，咬咬吓有馬蹄口感，感覺唔錯又特別酸辣湯用料足，酸辣啱啱好👍#自家製山楂茶 $10甜度剛好又解辣，好啱我哋飲❤️另外仲跟咗碟 #自家製麻辣菜甫 麻辣好香！啲餸未嚟已經忍唔住食😂門口仲有一樽樽可以買走😍都係$15/樽，買返去看門口送吓麵都正😂非常用心小店，CP值又高，要支持吓🫶🏻…Read More

店名：山東小城 地址：旺角西洋菜南街198號地鋪1.醉雞卷 $45雞卷嫩滑，花雕味好香👍👍2.黑糖醋豬軟骨擔擔麵 $58擔擔麵好好食，佢最重要嘅湯底，花生醬落得好多，味道濃郁，配埋個黑糖醋豬軟骨，異常配合，我仲差啲飲晒啲湯添3.酸辣湯墨魚荸薺餃麵 $65荸薺大家可能唔知咩嚟，其實佢係馬，墨魚配馬蹄好有驚喜,唔好睇成嚿餃子都係黑色，就覺得唔多掂，佢嘅餡料係墨魚滑，配埋馬蹄食口落口非常爽口彈牙，酸辣湯又唔錯，微辣得嚟有多配料4.京蔥羊肉餡餅 $34即場製作，爆餡多汁，製作需時20分鐘，所以如果想食呢，記住早啲嗌啦，咁就唔使等咁耐！！第一啖，啲肉汁多到咇出嚟，餡餅皮薄又煙煙韌韌，真係好難忍住口，食咗第一啖之後你就想繼續食落去5.龍眼冬瓜茶 $14消暑良物，下火清熱6.蜂蜜百香果蜜 $14百香果微酸，配埋蜂蜜中和番個酸味，好開胃…Read More

舒服小店，山東小城 。小店位於旺角西洋菜南街，係旺角地鐵站出黎行2分鐘左右就到，好方便店外有手寫菜單，除左堂食，仲可以外賣生水餃返屋企剛剛星期日下午兩點到，好彩過咗午飯時間，剛剛唔使等位小店內牆身壁畫好得意坐位簡簡單單，配合小店特色1) 黑糖黑醋排骨擔擔麵($58)，麵質入口彈牙，排骨份量足夠，味道甜甜酸酸10分惹味2) 墨魚荢薺餃(7隻跟靚湯)($45)墨魚餃皮好煙靭，餡料十分足夠，靚湯底係紫菜湯，入口不肥膩，同餃子一齊十分絕配3) 京蔥羊肉餡餅($34) 上枱熱辣辣，超級多汁好juicy，食入口時小心焫親4) 醉雞卷($45)每件配大大粒杞子，入口非常清新，酒味香濃5) 自家製豆漿($10)、自家製山楂茶($10)，少少甜味道啱啱好。整體嚟講，埋單平均每人$100，可以喺食到飽一飽，而且食物有一定水準，超級抵食，值職繼續支持小店。…Read More

最近瘋狂迷上咗食餃子🥟😋真係一發不可收拾⋯路經過太子呢間餃子店又衝左入去試😂~除咗餃子外～醉雞卷同埋牛肉餡餅係超級驚喜嘅好食啊🥹❤️-🥟墨魚荢薺餃拼鮮肉韭菜餃 （共10隻）/ $60餃子餡料粒粒飽滿！隻隻超足料～正宗嘅北方水餃其實係唔會跟湯, 但係香港人食慣餃子拼湯冇咁dry嘛～所以店員都幫忙跟咗碗湯底俾我，很窩心呢💕～吃慣濃口味的me就比較喜歡濃濃的韭菜味餃子！-🐔醉雞卷 / $45平時食醉雞最怕就係碎骨～呢間嘅醉雞卷就完全冇呢個問題啦～大大啖肉咬下去還伴有濃濃的酒香！私心推薦這個必點～-🫓洋蔥牛肉餡餅 / $30這個牛肉餡餅亦都推薦必點！因為新鮮整熱辣辣，所以要提前order～最後都等咗約20分鐘，但值得的!!餡料超級Juice！吃的時候要份外小心會爆汁！真的很好吃👍🏻-🍜黑糖醋骨拼手撕雞冷麵 / $68很足料的冷麵～滿滿麻醬香-🐟麻辣魚皮 / $18魚皮很爽口～挺辣的！-❤️老醋海蜇頭 / $18海蜇頭很有咬口～-🐷生炸豬扒 / $18有3大塊～豬扒控必點，香煎得很好吃！-🥛自家製豆漿 / $5-🤎凍冬瓜茶 / $5…Read More

再次回訪，上次食大角咀分店，今次去太子分店兩間菜單有啲唔同，太子呢間多好多選擇，好多都想試🤤有假日晚市二人套餐，$198抵食最出名係墨魚餃～上次食過，今次再食▶️ 鮮肉西洋菜餃｜墨魚荸薺餃 ($60)10隻餃子，可選雙拼鮮肉西洋菜餃西洋菜多於豬肉🥬食落新鮮青翠，唔重調味，天然又健康墨魚荸薺餃烏卒卒🖤黑白配好靚墨魚皮質感味道似墨魚汁意粉手打墨魚內餡有驚喜😋比豬肉爽彈，加入少許馬蹄，食落爽口整體餃子大粒，餡料飽滿🥟餃子皮偏厚身，但質感煙靭有咬口，唔鬆散👍🏻好食又飽肚本身唔跟湯比較dry，鍾意可以問店員攞碗湯店員俾咗碗豬骨雞湯我，湯底香濃唔msg，加咗好食啲 (餃子亦冇咁快凍)*記得配自家製辣菜脯食，佢啲菜脯超爽脆！辣度啱啱好🌶️有興趣可以以$15買罐返屋企餸飯麵食*▶️ 山東雞扒拼豬扒菜飯 ($60)店員推介嘅新品賣相靚仔，一邊雞扒，一邊炸豬扒雞扒啖啖肉連脆皮，炸豬扒大大塊，旁邊有辣椒蔥油醬可點係略嫌肉質乾身少少🤏🏻菜飯即叫即炒，超多白菜仔🥬因為無落油炒所以粒粒分明冇正宗菜飯咁香，但較健康🍚▶️ 醉雞卷 ($45)有6大卷，至愛花鵰醉雞😍卷得紮實靚仔，功夫唔錯花雕酒味濃烈入味！雞卷全是肉🐔雞皮薄身呈啫喱狀帶彈性半隻溏心蛋蛋黃半熟，同樣釀有花雕酒味好唔錯嘅冷盤小食 (份量卻是主菜size)▶️ 京蔥羊肉餡餅 ($34)餡餅即叫即整，要等20分鐘左右比預期中巨型爆餡😯仲要超多肉汁超juicy!! (好似小籠包爆汁咁)外皮兩面煎得香脆，係一個皮薄餡料多嘅生煎包羊肉味道出，配上京蔥口感豐富等咁耐值得～▶️ 自家製山楂茶 ($10)味道酸酸甜甜，凍飲清涼解渴唔會太過甜，邊食辣野邊飲好爽😌本身冇冰，唔會溝淡味道▶️ 凍檸檬茶 ($14)-餃子真心好食，墨魚荸薺餃係必試✔️兩款小食都唔錯，尤其餡餅，難怪係人氣之選菜飯就正常，勝在足料大份見隔籬枱個砂鍋雲吞雞好吸引，有機會再試環境比大角咀分店好坐，裝修新穎乾淨店員服務超nice🫶🏻特登嚟同我哋介紹餐牌，又好窩心咁話驚我哋坐耐咗會凍，送上暖水咁親切嘅服務，值得表揚一下性價比高！埋單唔使$120/人，已經有兩個主菜、兩份小食、兩杯特飲😌抵食晚市受歡迎，食客多為情侶或後生仔們，亦有唔少外賣訂單行開旺角太子，要嚟試吓！…Read More