811 Sichuan Cuisine (Nelson Street)

🐟 必食酸菜魚 BB辣 HK$238・味道：湯底夠酸，唔係只靠後加酸菜落高湯帶起酸味，而係一早加酸菜落湯底熬煮，同時食到微辣椒香，如果可以有埋麻香就夠正了！魚片滑溜有魚味，寬粉夠煙韌勁吸湯，娃娃菜同金針菇同樣正常發揮。・口感：魚片切得幾大份但比一般更薄身，但keep住滑溜。份量係2-2.5人份，3人會唔夠飽～🐽 干鍋肥腸 微辣 HK$128・味道：肥腸外皮乾爽微焦，內裡仲保留到肥膏豬油香同濕潤度，加埋炒香嘅紫洋蔥同花椒，好惹味上癮。鍾意佢加咗白芝麻更香口！・口感：雖然鍋底有辣油，但食到底都唔會有油浸嘅油膩感～🥔 酸辣炒土豆絲 微辣 HK$78・味道：好似冇食過熱食嘅土豆絲，可能我唔係成日食川菜XD，不過我同波妹一致認為佢唔夠酸，又唔夠辣，味道少少尷尬。唔係冇味嘅，絕對有味，只係冇食川菜嘅重口味感haha～・口感：土豆絲可以再炒得乾身啲，而家係肉眼可見嘅濕，太juicy了XD🍹 Somersby Crush HK$45・味道：睇圖以為係係汽水加倒插Somersby，點知嚟到就係Somersby，沒有其他了XD・口感：erm就這樣XD・・・・・・・・・・・・・・・・・・・・🤰性價比：高～🤰9衝度：9衝～🤰結論：見到佢啲lunch set幾抵玩，最平$58有個小菜加飯，最貴都係$60就有一人份酸菜魚加飯，仲要星期六日都有，抵食👍🏻！…Read More

本人超鍾意食酸菜魚🐟, 所以特登過嚟試下呢間主打冷鍋酸菜魚嘅餐廳🔺 冷鍋酸菜魚 $218睇相都見到海量魚片，魚湯底鮮甜有驚喜， 酸辣中帶麻辣，超足料，仲有我最鍾意食嘅 薯粉😍🔺 夫妻肺片$65 夫妻肺片有牛榐，牛脷，金錢肚，味道超好夠晒麻辣香口🔺 炸小饅頭 $38超鍾意食小饅頭, 其實饅頭並不小， 係正常size, 金黃外脆內軟😍， 熱辣辣嘅時候再點埋煉奶無敵🔺 酸辣炒土豆絲 $75土豆絲炒得乾爽入味,分量都幾大🔺 麻辣海蜇 $45比起土豆絲個人更加喜歡呢道小菜， 海蜇口感清爽彈牙， 麻辣味道好有層次餐廳記酸菜魚質素比想像中好， 多人嘅話 可以打埋邊爐應該仲正…Read More

旺角選擇超多四川菜🌶雖然覺得辣野好香 但又唔食得好辣😢如果你同我一樣咁呢間餐廳都好岩你！基本上所有野都分左5種辣度 小至走辣到大辣🌶我地就揀左BB辣 唔食得太辣嘅我表示剛剛好.🎈必食冷鍋酸菜魚 ($188)呢到既魚片既份量可以話係非常慷慨😍起碼都十幾廿片 食極都食唔完 好抵食酸菜湯味道不錯 酸味麻味都足夠係湯底會見到花椒 辣椒 芫荽等配料配菜仲有我最愛嘅寬粉 唔怕會唔夠飽😋.🎈酸辣炒土豆絲 ($65)土豆絲亦都係一道我好鍾意嘅川菜🤤除咗調味非常重要之外 土豆絲都好重要！因為粗細不一就會令到受熱唔平均 而呢道菜嘅精髓在於土豆絲要炒得爽脆 時間過長就會淋哂 證明師傳手勢唔錯🤤.🎈麻辣海蜇 ($38)呢個我地叫BB辣就失左少少預算🧐佢本來個汁係超香麻油味 醬汁帶微酸 相對嚟講個底比較清淡 所以建議大家可以叫高一個辣度呢個都不失為一個開胃嘅涼菜.🎈黑糖糍粑 ($30)呢個都係每次去中菜館對我嚟講必點嘅甜品😋一份有五條 以井字擺盤上碟外觀上都可以話唔錯啦 打卡必備😎外層香脆入面煙韌 再加上黃豆粉同黑糖漿超惹味！.🎈芒果沙冰 ($38)食辣野又點少點一杯解渴嘅飲品真係超大一杯 好清新嘅感覺😋係夏天嘅味道啊🌞.🎈總括而言性價比都算ok 一份大大碟除左酸菜魚仲有雞煲火鍋等 仲可以另外叫配料秒變火鍋😋我自己就比較中意叫小菜 可以食多啲唔同味道👍…Read More

呢排天氣係咁落雨, 友人話要以辣去濕, 所以帶左我去呢間川菜店開餐店內面積唔算太大, 但坐得都幾舒服餐紙上有鍋類, 可以配火鍋配料亦有小菜, 前菜, 甜品及飲品供應辣度由無辣至大辣, 任君選擇夫妻肺片 ($58) - 前菜份量, 材料有牛腱, 牛舌及牛肚, 加上花生粒增加咀嚼口感, 味道酸中帶少少微辣, 涼菜之選!必食冷鍋酸菜魚 ($148) - 見到"必食"2個字咁巴閉, 咁就當然要試下啦, 原鍋上份量好對眼, 材料除左魚片外, 仲有酸菜, 金菇菜及少許辣椒及花椒!由於所有食物都叫微辣, 辣度唔會太刺激, 酸菜就咁單食唔會太酸, 而件魚片肉質相當嫩滑, 只有一兩條幼骨, 食起黎啖啖肉, 當堂要叫碗白飯配食!泡椒牛肉 ($78) - 以豆辦醬將萵荀及牛肉快炒, 食起黎萵荀仍然嫩脆, 牛肉滑口無渣, 味道惹味, 濃口味人士之選!酸辣炒土豆絲 ($62) - 估佢酸味來自黑醋, 酸味濃過辣度, 幾醒胃, 土豆絲切得粗幼不一, 增加爽口感, 若可放少D油會仲好味D!大碗花菜 ($72) - 喜歡佢嘅花菜食落夠晒甜美, 炒得腍中仍然保持咬口, 再配埋豬肉片加添香味, 有少許辣椒調起惹味!炸小饅頭 ($28/6個) - 個人情意結, 專登食少左飯黎等佢!  炸得香脆熱辣辣, 點D香甜煉奶真係無得輸, 性價比相當高!黑糖糍粑 ($25) - 川菜獨有甜品, 炸至金黃色外脆內煙韌, 灑上黃豆粉再點D黑糖漿汁, 兩啖已KO一條, 食得方便又好味!  呢間川菜店, 食物水準唔錯, 價錢親民, 下次再黎可以試下打邊爐!…Read More