King of Sheng Jian

已經經過好多次，但因每次都唔岩時間，所以無入去食。今日專登出深水埗試下。見到餐牌，好多野都想試，但驚食唔晒，所以叫住佢最出名既生煎飽，我最喜歡的酸辣湯同埋擔擔麵。酸辣湯比出面食開既細碗，但好好味，飲落唔會好杰。所謂貴精不貴多。味道好岩我。擔擔麵一d 都唔辣，好香花生味，辣多少少會更好。生煎飽都好好食。另外仲試埋當日推介既波士頓龍蝦包，其實似小籠包。可能即叫即蒸，所以差唔多食完先到。味道都唔錯。總括黎講每樣食物都好好味。一定會再去食。正正正！…Read More

話咁快就6點多，肚仔餓找間食店醫下肚，身處深水步不愁無野食，路經一間叫正宗生煎王，即刻走入去試下先。店面光猛整潔客人可邊享用美食邊欣賞制作包點過程店內環境整潔，裝修簡潔，坐位舒適，馬上找個位坐下，先點幾個必食之選"生煎包、小籠湯包、酸辣湯"食物很快上枱，熱辣辣嘅生煎包皮薄多汁，外脆內軟，餡肉適中而不膩，飽底香脆可口，食時流出頗多肉汁，簡直絕配。酸辣湯配料很足，口感一流，味道剛好，不過稍為酸了一點及不救辣，整體可以。小籠湯包望落去個賣相唔錯，果然不出所料，皮薄而不易穿，湯包內熱辣辣嘅肉汁很多，味道稍為偏淡，餡肉大小剛好，肉質鮮甜，食得出用料相當新鮮，食左4隻也想再encall多籠在深水步區可以找到那麼正宗嘅小籠湯包店，價錢相宜，食物質素可比美"鼎泰豐"而無不及，下次會再來試其他美食…Read More

一向對生煎飽情有獨鐘，出色的生煎飽皮厚薄適中，飽底煎到香脆可口，飽中的豬肉不多不小，食時流出肉汁，簡直絕配。這間店也滿足了我對生煎飽的要求 下午茶時段，路經堔水埗新開張的"正宗上海生煎皇",當然要試一試。餐廳不算大。裝修也很平實，再看餐牌的選擇也很多，而且價錢也不貴。食物上枱也很快。排骨菜飯的排骨也很入味，咸甜調味得剛好，再配新鮮的菜飯，和酸辣湯，很醒胃。餐廳也很貼身。可以選擇加$13便有兩隻生煎飽。這樣就可滿足貪心的我想試其他菜式之餘又避免只吃生煎飽的單調。脆皮素鵝作為小吃，即叫即炸，份量剛好的一小碟。見整體菜式的味道也很不錯，便加單要多一客韮菜猪肉水餃湯麵。再加豆漿一杯。埋單只係$96.(平，靚，正)…Read More