Shouten Steamed Pork Dumpling Shanghainese Restaurant (Panda Place) (Closed)

同朋友，哥哥，細佬，姨姨慶祝母親節。準時7:30黎到，因為早一日電話訂左位，即刻入坐。8個人，叫左六人頌親恩套餐。因為份量小，所以再散點多一份鮮肉小龍包，雪菜肉絲炒年糕，干煸四季豆，例牌酸辣湯。大部分味道都係偏淡，其中個宋嫂魚羹仲係無味果隻.......原本跟餐有份壽桃包，落完單就賣哂要轉高力豆沙，之後又話高力豆沙有問題要轉豆沙鍋餅。成餐飯食完坐喺度等左半個鐘，追左三次先黎。都廢事再影相，拿拿臨食埋就走人…Read More

2018年11月10日同朋友去悅來坊試下間中餐。好快就有位。我地就叫左個前菜邊食邊諗叫咩好～個前菜無乜驚喜。唔好唔差。酸辣湯，又幾好味。因為佢個味道好正宗。又唔會太過稀。小籠包。對佢期望太高。佢無我想像中咁好食。仲有蟹粉，乜蟹味都冇。好普通既炒年糕。不過不失。全日既重點都係呢度。個高力豆沙炸到岩岩好。唔會好有大陣油益味。又夠軟！個豆沙餅就略嫌有啲油。但豆沙味好出！全餐最好食都係個甜品。所以不過不失。比個ok佢。…Read More

抵食套餐👍🏼放工收到電話📲，朋友兩公婆問有無興趣食上海野。原本諗住去荃灣廣場附近食，點知無開，就上網揾下附近邊度有🤔。見尚點d comment唔錯，就移師過黎試下喇😜！入到黎感覺幾舒服，D枱大張得黎，枱與枱之間又唔太迫，坐得幾舒服😌👍🏼！侍應介紹我地食套餐，開頭都以為佢係sale我地食貴野，但睇睇下發覺佢呢個餐都幾抵食，於是我地就揀呢個，有下面呢d野食😜:小籠包: 有四隻，皮唔太厚，肉多汁，好味😋紅油抄手: 我地三個人都覺得無乜味😞酸辣湯🍲: 份量都幾多，每人都差唔多有兩碗。味道唔錯，料都多👍🏼！上海粗炒: 呢個雖然份量細碟d，但因為個餐都多野食，所以我地覺得岩岩好😬！味道唔太鹹又唔太油👍🏼！回鍋肉🐷: 幾香！D菜軟硬適中，炒得岩岩好！😋葱爆牛肉🐮: 牛肉多過葱，但煮得有d韌😅。元貝賽螃蟹🦀: 呢味餸我好驚食落無味，但呢個ok，如果加多隻蛋🥚就💯。高力豆沙🥠: 呢個就唔乾身，皮唔太厚，味道又唔太甜，岩我😝。整體而言，呢個價錢 (套餐連茶介加一，都係$400多d) 都真係幾抵食，又坐得舒服，我收貨lu😌。…Read More

小時候特別喜歡💕吃上海菜🥢，可能當時選擇並不多，很多屋村都有上海菜館，所以特別回味，時移世易，這類富有特色的上海菜館已不多，而今天這間餐廳🍴令我拾回上海菜的味道環境優雅舒適，有大量的卡位，簡潔明亮，由於時間尚早，我們選擇了向街的位置:)六角型的器皿🥣很少見，排在一起很漂亮，餐廳應花了不少心思時間自選套餐，經濟實惠，選擇頗多，客人可因應人數自由組合，非常靈活每次吃上海菜，我必點的一定是酸辣湯，熱騰騰的酸辣湯放在一個黑色砂鍋上面，賣相已經十分吸引，酸和辣的味道參半，食慾大增網狀的炸鍋貼🥟，賣相可以話滿分💯，像一件藝術品，好有心思，餡料肉汁四溢，色香味俱全黃金排骨，美味的鹹蛋黃包裹着香脆的排骨，惹味之餘又有口感，像黃金蝦一樣的造法，而這個黃金排骨，我還是第一次試元貝賽螃蟹🦀️、上海粗炒🥢，都是上海菜館的經典菜式，能夠保留着傳統🌈的味道，元貝能帶出層次感加上滑滑的蛋白，美味極，上海粗炒，絕不油膩，炒得乾身，毫不簡單高力豆沙作為甜品結尾，嗰種滿足感，非筆墨🖋所能形容，埋單都只係三百多元，平均每人只需百多元左右，絕對絕對超值…Read More

今次和亞仔去左荃灣熊貓酒店悦來坊尚點小籠包上海麵館。仔仔話如想吃有水準美食而價錢適中的上海菜就要來這裡了。晚餐有三欵套餐可供選擇，分別為$228，$288及$388。菜館入面既裝修都非常清雅別，座位舒適闊落, 環境乾淨清潔。我們商議後決定order 一份$288的二人套餐。酸辣湯很多人對酸辣湯唔太感興趣，因嫌佢有股"叔叔"地嘅味。但我就貪佢能刺激味蕾， 酸酸辣辣。 今次的湯酸辣適中有很多筍絲和豬紅絲， 味道唔錯;但若然漿粉芡小些更佳。鮮肉小籠包（4件）食上海嘢通常小籠包是必食之選。 服務員把剛剛蒸好的小籠包奉上，熱辣辣很新鮮但不能即時享用因小心會被湯汁灼傷。小籠包採用新鮮豬肉以薄薄的皮包著， 蒸熟後入面勁多肉汁，所以食時要小心要夾在小籠包的頂部以免弄穿薄皮。咬落時肉汁溢出，原汁原味;配埋薑絲和醋一齊吃鮮甜美味。糖醋魚塊魚塊炸得外脆內軟，薄薄的脆粉包住厚身魚塊口感十足;加上甜甜酸酸的醬汁，十分開胃。配上青椒、菠蘿和洋蔥顏色鮮艷，口感豐富。還有新鮮冇益味的合桃食落香脆鬆化，非常醒胃。元貝賽磅蟹材料比一般食店講夠，有爽口的蝦仁、元貝絲能提升鮮味、翠綠的毛豆能增加色彩、至於蛋白就炒得非常嫩滑，無論賣相吸引之餘，口感亦非常豐富。再淋上些醋令整個味道提升不少。嫩雞煨麵個湯好鮮，雞肉嫩滑唔鞋口。煮麵嘅時間控制得宜所以不會太淋。高力豆沙外層蛋白幼嫩細滑發得鬆軟，就好似個大波波。內裹包了微甜嘅豆沙， 外面洒左小小糖霜,食落吾會太甜,令味濃的豆沙特出,算係吾錯。金網生煎鍋貼  $36因亞仔喜愛食鍋貼固額外加多一個招牌金網黃金鍋貼，賣相好吸引。每一件都有脆脆金網包住餚料，非常飽滿;而外皮煎得又夠香口。…Read More

人愈大 愈黎愈中意食中式菜今次收工後要求要食 於是去左呢間上海菜今次一行四人叫左個4人套餐 都幾抵食 份量都唔少架!酸辣湯番左成日工好攰 飲個湯開下個胃先！吖 辣得黎我都仲handle到 酸辣得宜然後都好足料吖 啖啖都有野咬 豆腐香菇肉碎蒜泥白肉 $88由於朋仔友好想食 我地另外加左個白肉 好有驚喜平時會怕肥膩野 但一食就要食最好 唔好就住就住 佢每一塊都切得好厚身 好有咬感仲有青瓜絲係底 中和番花雕醉雞 $72胃口全開 好入味呀啲雞 啲肉仲好滑添～開洋拍青瓜雖然係好普通既前菜 但同樣都係最能表現出間餐廳既基本功！！繼酸辣湯 同埋 醉雞後 呢個真係令我胃口turbo開哂呀 好中意酸味味既野 回鍋肉 食上海菜點少得佢呢啲豬肉同蒜泥白肉好唔同 佢切得好薄啲辣汁仲入味 完全唔會覺得肥膩 仲有啲菇片係到！！食到我停唔到　尚點菜肉炒飯元貝賽螃蟹最中意呢個 又有蝦 又有蛋白 夠哂營養佢唔會好油 我仲用黎撈埋落個炒飯到食 爬幾啖飯就食哂 yumyum鮮肉小籠包我地4個人 一人一個 次次都係避免唔到整爆左個湯: ( 成過咁多間既小籠包 我覺得呢個既皮係岩岩好 唔會厚得黎 入面肉既份量都好足～金華火腿津白我地個個都係菜控 點少得津白呢呢道菜都算係最耐先上到菜 我都終於明白點解因為佢用左上湯煮左好耐 啲菜好入味。。我地4個食菜食到好似未食過菜咁高力豆沙!!第一次接觸 估唔到佢又幾鬆軟喎上面既砂糖令佢更添一份滋味入面既豆沙蓉唔會好甜 大滿足！豆沙鍋餅 $38呢間係我食過最好食既 平時啲炸份會勁多呢到係勁勁鬆軟 又唔油 豆沙蓉料又足喎我真係完全無怨言檸檬蒠米水 $18 & 杞子杭菊蜜 $18平時荃灣會諗起掃街多 宜家多左個選擇了^__^…Read More