ChuManKee Sauna Restaurant

今次與朋友們到朱敏記桑拿菜食晚飯🥢，位於土瓜灣馬頭圍道103-105號新華大樓地舖。 餐廳有地下和樓上， 當晚我們在樓上的房間內用膳， 八個人點了潮式螄蚶、 椒鹽回魚翅、 黑椒牛仔骨、手抓羊肉、 孜然鐵板羊肉、 酸菜魚、 金湯勾魂魚頭、 黃金魷魚、 台南炒花甲、藤椒鵝腸、 蒜蓉蒸蚝仔、 招牌必食鹹鵝、 椒鹽豆腐拼椒鹽白飯魚、 豬油渣炒蕃薯苗、 豬油渣炒通菜、 豆豉鯪魚炒油麥菜、 紅蔥頭雞、 凍檸茶、凍檸水、青島和藍妹。   食物質素都幾滿意，各款菜式偏重口味， 但比較失色的就是黑椒牛仔骨， 肉質偏硬，又沒有黑椒味道。 這裏的凍檸茶和凍檸水超大杯， 非常適合用來解渴啊！ 八個人用餐， 埋單$3751， 整體都幾滿意😊。 🏷️溫馨提示～ 整個用餐體驗均屬個人分享意見， 只作參考😊。 …Read More

今日約咗幾個死黨，佢哋諗住就我喺我屋企附近食，我見呢間都開咗一輪，但都未試過，所以介紹約埋成班死黨係呢度聚，位於馬頭圍道【朱敏記大排檔】都係一些特色小炒為主，門口等候位有一條闊闊的行人路，門口都頗為光猛不知是因疫情限制定下雨天所以客人不多，但整體環境都很闊落叫了好幾個介紹的特色小菜「土窰雞」食落口感覺有濃烈雞味，但烹調的時間有點過火帶點韌，上枱時有提供手套給客人作為手撕雞用避風塘豬扒骨，是唯一一個感覺到滿意的小菜，麻辣味豬扒能混和一體「酸菜魚」可算是這裏的招牌菜，上枱感覺分量好足夠，魚肉能夠保持嫩滑，魚的味道就有點給酸汁少少蓋過，感覺有點可惜，但賣相就絕對美麗 呢個「小炒王」就真係不得了，雖然炒得夠曬乾身，乾身到無味道，又細碟又貴用錫紙嚟包住的「豉椒炒蜆」，雖然能保持蜆肉的嫩口及肉汁，但可惜煮得不入味【但值得一提，名謝一些極不沒禮貌的服務員，好耐冇試過咁嘅招呼，雖然不是說要求什麼高級的招待，但服務員和老闆娘實在太沒禮貌，我只可以說不會再光顧這間食肆】…Read More

呢間野我真係忍唔住食完即刻就要寫！我朋友介紹黎嘅！我通常有人肯揀去邊食，我係極度歡迎同冇所謂～咁上ig 望下咩環境啦！嘩！正呀！唔係嘀餸～係個老闆娘睇完佢開張嘀相，我都唔記得睇嘀餸！簡直大發！佢係一間大排檔，入到去見到兩枱麻雀，因為佢冇得訂枱，所以我懷疑係老死或熟客！冇相干丫！我黎食野，好食就得啦！一坐低，後面玩骰盅喎！擰個頭過去，丫？！重用戰鬥碗劈緊酒！嘩！係咪拍緊國產零零柒？老闆娘著住迷你裙，問我地食乜？似曾相識嘅感覺⋯⋯um⋯⋯屯門公園娜娜？我拿拿淋攞起本印刷精美嘅餐牌，仔細參詳，哇塞！入面竟然加入左老闆娘嘅生活照，嘩正！追住睇，真係好多餸，我朋友話一定要嗌胡椒豬雜湯，我地再加酸菜魚，魚腸炒菜心，炒聖子，應該夠啦！我內臟人一見都虎軀一震成副計就上？重好大煲！莫急～佢滾咗之後，老闆娘會幫你剪碎晒佢再幫你落芫荽如果黎呢個必叫！係好食㗎！首先嘀內臟好新鮮！個湯胡椒味超濃，生腸，粉腸，生腸頭，豬肺，好多，又處理得乾淨，又嫩又香！我飲咗兩大碗已經開始飽啦！之後呢個酸菜魚不得了！大到可以金盆洗手！佢捧出嚟，我已經倒抽一口涼氣？好大大大大盆，實食唔哂啦！佢係用兩條大鱸魚，坦白講，魚肉冇骨，亦相當滑，但我食開酸嘀，佢唔夠酸，但我嘀朋友有嘀又話好食，但你如果唔夠5，6個人就實食唔哂！到魚腸炒菜心同炒蟶子，我已經飽到食唔到咁滯！點解人地嘀食評話嘀野細碟，明明係我好似去咗大人國咁！同呢間野都好爆，坐滿㗎！如果你哋有機會去，幫我試個手撕窯雞，我見有幾枱嗌，都好似好正咁㗎！…Read More