本身都鐘意食酸菜魚，但有時啲餐廳一叫就係大大盤，好難再試其他菜式。呢間麵館主打酸菜魚湯底，所以平日晚上就嚟試一試！麵館位置有啲特別，沿大街向上行，見到招牌再行樓梯上。店內環境衛生尚可，係有種大陸餐廳嘅潮濕感覺😂前菜點咗涼拌海蜇同蒜泥白肉本身對生洋蔥有啲抗拒，但拌海蜇嘅汁夠濃味，唔太食到生洋蔥嘅生味！對呢碟前菜好有驚喜🤩至於蒜泥白肉，雖然只有5小舊，但味道出色！加上預先捲好，方便入口！假如中間加一塊小青瓜，相信味道更清新！至於主菜，同朋友一人點咗一碗酸菜魚麵我選擇咗酸菜魚手拉麵，小辣！酸菜魚湯味道出色，不會過咸，酸菜又夠酸！對於平時譚仔三哥食開酸辣湯嘅我，呢個小辣剛剛好！而啲魚雖然唔知係咩魚，但好滑好多！至於手拉麵麵質都算Q彈，對於平時食拉麵鐘意食硬麵嘅我，下次再嚟食嘅話可以叫佢整硬少少！而朋友點咗酸菜魚刀削麵，大辣！可惜嘅係辣椒油味蓋過酸菜魚湯嘅酸，加上刀削麵嘅麵好似煮得太耐，無咗咬口嘅口感。整體而言，$58食到碗好味酸菜魚麵，仲送港式飲品，果然係性價比高！…Read More
