WOWDON

最近幾日天氣突然間又凍左，即刻想食番啲熱辣辣既野，黎到啟德呢間大熱既韓國過江龍烏冬專門店，除左佢地最招牌既闊條烏冬之外，原來仲有一系列鍋燒烏冬，原鍋熱湯配上自家製煙韌烏冬，絕對係冬天之選﹗1️⃣酥脆吉列豬扒泡菜鍋烏冬（$138）吉列豬扒大大件非常厚切，原鍋上已經見到湯底係幾咁滾燙，湯底就係經典既韓式泡菜鍋，香辣惹味，仲有啲蛋碎係湯到。手打烏冬煙韌彈牙，配埋個香濃湯底冬天食真係一流。2️⃣冰鎮寬條烏冬套餐（$128）（竹輪天婦羅+$5）呢款之前見好多人推薦，仲要每日限量供應，想食到都要睇運氣。一條條闊條烏冬平鋪係冰面上，口感爽滑彈牙，食落有咬口。仲配上左三款沾醬，有鏗魚汁、胡麻醬同埋咖喱醬。想食得清爽啲定係濃郁都有得揀。特別鐘意配胡麻醬，同冷麵真係絕配。另外套餐仲有跟個天婦羅，揀左竹輪天婦羅，第一次食咁大個既竹輪天婦羅，另外佢仲有啲蔬菜天婦羅，有茄子、冬菇、南瓜仲有青椒，種類都多同埋豐富。…Read More

WOWDON 位於啟德sogo 14樓，主要食韓式烏冬，寬條烏冬更加係限定商品。我地當日星期五下晝大概5:15嘅時間去到餐廳，已經見到排晒長龍，原來食寬條烏冬要等5:30 先安排入座。店員會逐一問排隊嘅顧客食唔食寬條烏冬，但係可惜問到我哋嘅時候已經無晒寬條烏冬。不過往好的方向唸，我哋可以早啲入座。………………………………………………酥脆吉列豬扒泡菜鍋烏冬⭐️⭐️⭐️⭐️⭐️吉列豬扒雖然唔係另外上，而係放喺湯麵上面，但係邊位都脆口，肉質鮮嫩多汁，吸左泡菜湯反而更惹味。湯有酸酸辣辣嘅泡菜味，好開胃。而烏冬都好爽滑彈牙，好味。韓式牛肉辣湯烏冬⭐️⭐️⭐️⭐️⭐️配料係韓式牛肉、海帶絲、蔥。湯底同泡菜湯都有少少類似，但係就少咗泡菜嘅酸味，個人比較喜歡依種辣湯，好韓式。麥茶 ⭐️⭐️⭐️⭐️餐廳免費提供麥茶，幾好飲，店員都密密幫我哋加茶。前菜 ⭐️⭐️⭐️⭐️前菜係醃蘿蔔同醃青瓜，份量唔多，但係口感爽脆，味道偏酸。………………………………………………WOWDON 嘅主食都過百蚊一份，雖然價錢唔平，但係佢份量好夠，如果唔係過好肚餓，叫一份烏冬，一份炸餃子/小食 share 食，其實都會夠飽。…Read More