Sun Wah Cafe

今日一次過試左長沙灣好出名嘅兩間蛋撻 第二間就係新華 不過費事係街到食搞到捩咁棄 拎到返屋企已經凍凍地 所以用微波爐叮左半分鐘到唔知係咪因為咁 個葡撻嘅蛋漿過熟 太實唔夠滑溜 而且個漿係得甜味 完全唔知食緊咩 我覺得KFC葡撻都好食過佢🤡如果唔話我知係葡撻 我淨係知自己食緊一個甜味嘅撻 唯一可取係酥皮鬆化 富有層次 但冇乜油香味道：0.5/5（完全唔想食第二啖）口感：3/5CP值：2/5（可以食番KFC）我買到個批個撻皮焗燶左 但影響未至於差 反而別有一番風味 講翻個酥皮 都係鬆化酥脆 富有層次 但做到比金園更薄 呢點加分 不過油香就欠奉 蛋漿都夠厚 但唔知係咪都關我叮過事 質地略嫌過實 冇金園咁滑溜；顏色方面冇金園咁金黃 但蛋香就更濃 同樣唔會過甜 味道：4/5口感：4/5CP值：4.5/5（因為平d🤡）…Read More

長沙灣另一間人氣酥皮蛋撻店，由$7漲價至$9，但仍然比勁敵金園茶餐廳便宜$1。她的味道始終如一，沒有太多改變。今天剛好金園新鮮出爐了一批酥皮蛋撻，她也新出爐了一批酥皮蛋撻，正好可以即時試試來作比較。酥皮蛋撻$10酥皮夠厚，有層次但蛋漿看下水去不太水潤酥皮鬆化，入口即化開，但不脆口偏油，卻欠油香。 蛋漿也夠厚度。但蛋漿顏色不太金黃，蛋味也不突出 偏甜，奶味較出。而咬下去才發覺蛋漿較水汪汪，但她的蛋漿是很滑的。 …Read More

間唔中就會好想食茶記，所以個日就去咗長沙灣呢間新華茶餐廳，除咗想試佢個特餐之外，仲好想試佢個馳名酥皮蛋撻🥧🔥😍沙嗲牛肉麵配多士加火腿奄列 $48平時最鍾意就係食特餐，因為又有麵又有蛋又有包，一個餐就叫到成枱都係野食🤣呢度嘅沙嗲牛醃得好入味肉質好淋，但又唔會太鹹，公仔麵煮得啱啱好，仲係好彈牙🍜火腿奄列夾係多士入面食，簡簡單單已經好好食🤤乾炒牛河 $53一上枱我嚇親，因為勁大碟👀唔好睇佢細細間茶餐廳，炒嘅牛河我覺得絕對唔輸大酒樓，鑊氣十足，牛肉片好淋，河粉依然有Q彈爽口嘅口感，一個字：正😋酥皮蛋撻 $9 / 個食完正餐又點少得重頭戲 - 酥皮蛋撻🥧 現場食嘅蛋撻熱辣辣，而且勁大個，完全冇偷工減料，外皮好鬆脆，入面嘅蛋醬好滑😛我本身食蛋撻係曲奇皮派嘅，不過呢度間嘅酥皮蛋撻係好食到我都會再嚟encore😎.如果經過長沙灣，建議各位可以去買個酥皮蛋撻當下午茶，一定有驚喜💗…Read More

每次黎到長沙彎祥發街 就一定會心思思想食個蛋撻先走🥰今次仲要等一下就有新鮮出爐既蛋撻食～～ 緊係等啦新鮮出爐既 同放左一段時間都已經有分別 5分鐘～等～！！短短幾分鐘，就已經排長龍（好彩我地係前啲位置一出爐 即買、即走、即食 WEEE太快樂了 熱辣辣 真係無得輸酥皮咬下去 脆酥酥的～～ 再下去熱騰騰的內餡 好香好滑QQ的滑進口𥚃 跟薄薄脆脆的酥皮混在一起淡淡的牛油🧈香和蛋香、奶香 直往口𥚃擴散 幸福～～嗯～要再去吃了 EMMM～～ 住在長沙彎的朋朋們一定吃過吧～喜歡💕嗎？ （以前在那附近上課時 不時就會去吃 回想起～ 那段日子真幸福 隨時都可以吃😌 大家下次去長沙彎時 一看到剛出爐的 一定要買來吃～…Read More

今日番工太忙食唔到lunch，所以唯有番屋企前去新華買咗個酥皮蛋撻 拎左番屋企個蛋撻有點涼左 所以用微波爐叮翻熱佢嚟食 叮完個味好香 d酥皮叮完都重鬆化😚😚個蛋好有蛋味😂好似好癈話，但食過既就應明我講乜😂其實本身想坐係餐廳飲住茶走嘆個撻🫠但太晏飲夜晚會訓唔著覺🥲🥲所以唯有放棄我既茶走。雖然呢度既蛋撻幾好食，特別出爐個下😂但我就略嫌有d貴😂$9一個蛋撻😂😂😂不過而家一個包都好似要7-8蚊，所以都係算啦😂😂…Read More

呢排鍾意喺香港搵唔同地方嘅好嘢食最緊要CP值高，喺長沙灣地鐵站新華茶餐廳應該係老字號，佢嘅熱奶茶同埋蛋撻一直都好出名，雖然係高卡路里食物，當去旅行一樣咁樣嘅心情去搵食冇計啦！自己本身一向淨係鍾意食曲奇蛋撻，但係呢一隻酥皮蛋撻令我完全改觀👍👍另外嗌咗佢好出名嘅沙嗲牛肉，其他人通常係配常餐或者湯麵，我就要咗個飯底，好似好細碟咁但係餸份糧非常之多😋總括嚟講我覺得呢間茶餐廳係可以再encore嘅👍…Read More

放假到長沙灣探朋友，朋友知我鐘意奶茶/咖啡，就強烈推薦呢間老字號茶記 ☕️ 一去到門口就：哦！原來係呢間 ！😂 呢間茶記聽過好多次，都知啲蛋撻好出名，但長沙灣真係好少會專登去 😅餐廳有兩層，位多唔需要等位但人流好急，爆完又空無耐又爆🈵 其實唔止啲人，我想講坐咗半個鐘都無，啲酥皮蛋撻起碼出咗4底 😳 聽老闆講一日賣大概50底，每底3x個，除咗街坊，好多區外客人都會專登黎幫襯👍🏻每次出爐都好香，經過啲枱都會開始舉手要新鮮蛋撻～～港式茶餐嘅下午茶食蛋撻，緊係要配返杯奶茶 🤤 濃郁香滑，無澀味，凍奶茶就算溶咗冰都唔淡！如果天氣無咁熱我會嗌熱奶茶唔落糖，但今日太熱就要凍飲，同埋想試原味就無特別走甜～不過強烈建議少甜，因為真係有啲甜😵‍💫另外嗌咗個常餐$43, 凍飲+$3, 兩個蛋撻@$8，凍檸$23 (都好正，不過要少甜), 平均唔駛$50 就可以食到舊情懷同港式美食～抵😙 舊餐室真係愈黎愈少，要支持一下老字號 💪🏻…Read More

三點三，諗起新華個酥皮蛋撻，所以就同朋友走左出來了😏因為係閒日晏就，餐廳冇乜人，可以坐地下~來過幾次都係第一次坐地下😂餐廳入面冷氣同風扇都好夠凍，同出面嘅熱辣辣比，天淵之別😛坐低見到有下午茶menu，所以就叫下午茶了~🥚酥皮蛋撻 ($8)呢度個酥皮蛋撻係我心目中第一😍蛋漿軟滑，酥皮鬆化，又唔會好甜，冇得頂😋每次經過附近一定會買來食😏🐮咖哩牛腩撈公仔麵 跟凍奶茶($48 + $3)叫完冇耐就上枱，超快😳🥔薯仔、🐮牛筋都好淋，但🐮牛腩就麻麻，有D韌同唔夠入味😢公仔麵煮得幾好，有咬口，唔會煮到淋晒😙☕️凍奶茶正正常常~🍞法蘭西多士跟熱杏霜 ($32)好耐冇食過西多士，所以見到餐牌有就即刻叫😂西多士正正常常，同出面食嘅冇乜分別~不過🧈牛油都比得幾多😂熱杏霜唔會太濃，都唔會太稀~最後埋單 $99~食物上，除左蛋撻好出色之外，其他一般~服務上，侍應都好殷勤，完全唔估到😂…Read More

難得到訪金園，緊係要試埋同一條街嘅新華茶餐廳，睇下邊間好食啲！📍酥皮蛋撻 $8呢個酥皮望落就無金園嘅咁靚仔，但食落都ok喎。口感比較似超酥脆鬆化嘅曲奇，一咬即化，但就無金園咁有層次感。蛋漿顏色偏淺，偏實少少 無咁流質，口感軟滑，甜度就較金園嘅高。蛋香同油香同樣偏淡，勝在油膩感唔算太高。…Read More

話說完Sem嘅小編前兩日出長沙灣，原本係想去金園食蛋撻，結果成功摸咗個門釘😂(大家出家食嘢記得搵定資料，留意店家幾時休息，唔好學小編咁)，所以最後去咗附近嘅新華食嘢。------------------------------酥皮蛋撻 ($7/1個)小編嗰日好好彩，嗌嗰陣啲蛋撻啱啱新鮮出爐，散發著滿滿嘅牛油香🤤。夥計叔叔同我講話佢哋嘅酥皮有成200層咁多，仲提我要趁熱食。蛋撻嘅皮咬落確實好鬆化，但小編望落層次就冇話好分明，麵粉香伴隨住少牛油味散發喺口入面😍；蛋漿嘅質地更加係小編食過最滿意嘅💯，做到少少流心，凍L凍L嘅效果，而且有蛋香得嚟唔會過甜，好啱小編胃口，食兩個完全冇問題。整體外酥脆內軟滑，口感非常豐富😋。但小編覺得佢哋嘅蛋漿色澤可以再深少少，蛋香再濃翻啲啲，咁就perfect嘞！溫馨提示：堂食蛋撻唔好咬太大啖，否則可能燙腫個口。(唔好問我點解會知)評分：8.7/10------------------------------波蘿油下午茶餐 ($29)呢個包欺騙咗我感情，上網啲人話佢好食，好食毛毛😭。首先佢面層嘅豬油明顯焗過朧，太深色，而且唔脆冇裂痕❌，仲好容易剝落；麵包甜甜地幾香，不過係空氣包，零回彈力，包體亦唔夠熱。成個波蘿油得塊牛油係凍同好食，小編希望嗰日純粹係師傅狀態冇咁好，然而我還是傷心了😟。評分：4.0/10 ------------------------------熱奶茶 (跟餐)呢杯嘢冇得輸，係小編繼利口福之後飲過奶味超濃嘅奶茶，入口順滑，但茶澀味自然會削弱咗，鐘唔鐘意就視乎大家嘅口味😉。評分：8.5/10------------------------------整體評分：7.3/10小編回頭率：7/10小編今次特例show整單項食物嘅評分，主要係因為佢嘅菠蘿油完全係個笑話🤓，但係佢嘅蛋撻同奶茶小編都好推薦，唔希望大家比個整體評分誤導咗，以為佢哋唔好食🙏🏻，同時都希望店家可以改善下。小編嗰日食咗一個蛋撻，然後食個菠蘿油，最後再食個蛋撻，成個歷程完全就係由天堂墮入地獄再折返人間🤧。…Read More

星期日特登揸車嚟長沙灣，原本諗住去食附近新開嗰幾間Cafe，但係全部都冇位，失望之際突然諗起細細個屋企人好鍾意買新鮮出爐嘅新華酥皮蛋撻返去做下午茶，又記得之前沙嗲牛肉麵關注組有提過新華，所以就帶男朋友去試吓！入到去，即刻有想當年嘅感覺，突然發現長大後已經好少去呢啲保留懷舊感覺嘅茶餐廳。一坐低即刻嗌咗個特餐，一碗沙嗲牛肉麵，火腿奄列加牛油餐包，仲有一杯嘢飲。沙嗲牛肉麵個味好啱我，唔會太鹹，只係牛肉真係唔算太多塊，但係男朋友已經話好正！個公仔麵夠爽唔會太硬，係Perfect嘅麵質。火腿奄列個蛋唔會鹹，鍾意可以自己落鹽。餐包正常發揮唔太特別。最Crazy係個酥皮蛋撻，一見到個伙記捧住一底新鮮出爐嘅酥皮蛋撻，零秒手刀咁舉手order٩(˃̶͈̀௰˂̶͈́)و，因為出邊已經有人龍排緊。個店員都話我醒目( ´▽` )ﾉ。咬落去，黐線地好食，超滑嘅蛋，鬆脆嘅酥皮 omg 。最後男朋友講咗句，好彩d Cafe無位，先可以食到咁正嘅茶記😂…Read More

近期大熱的酥皮蛋撻之一，當然要去朝一朝聖，去到門外已經看到很多人在排隊買蛋撻！由於已預計到午餐時間會非常多人，所以特意選了下午茶時段到來，大約等了十分鐘入座。室內環境方面，這裏樓高兩層，燈光充足，裝潢算是用心，非一般老字號茶餐廳環境。不過由於實在太多客人，所以室內室外都較為擠迫，而且客人一個接一個，在其他客人的眼神注視下，並沒有太多時間可以自在享受美食。看過餐牌，點了著名的「沙嗲牛肉麵」特餐($41)，餐飲配「熱奶茶」，當然少不了「酥皮蛋撻」($7)！先到的是餐飲。熱奶茶口感濃郁順滑，茶味重，回廿鮮明，符合水準。接著是「沙嗲牛肉麵」。公仔麵麵條軟硬適中，爽口彈牙，牛肉份量雖然偏少，不過質地軟稔又夠入味，沙嗲醬鹹淡得宜，帶甜而不辣。套餐還包括了「火腿奄列」。鬆軟白麵包內塗著牛油，滿滿牛油鹹香。可惜火腿奄烈卻讓我大失所望，因為蛋煎得過火了，過於乾身，而內裡則很多油，火腿都被油浸着，十分油膩。終於品嚐期待已久的「酥皮蛋撻」。「酥皮蛋撻」外層夠酥夠鬆脆，新鮮出爐散發著滿滿牛油香，內裡的蛋則香而口感軟滑。這裡的蛋撻甜度不算高，特別適合不喜歡太甜的朋友！蛋撻真材實料，吃一個都有飽足感呢！走的時候還額外再買四個送給家人朋友。{新華茶餐廳}的食物質素尚算不錯，而且份量充足，價錢划算。「酥皮蛋撻」，值得一試！…Read More

Hello! 大家好！魚蛋姐又出動飲飲食食～ 去到長沙灣，穿過元州邨去到青山道過馬路左轉，望到OK便制店行多兩步就會見到招牌。門口左邊報販，右邊有出爐麵包。左邊報販後面有公主，入門口必定會確認過眼神。入到新華慣例：左邊收銀(應該是老闆)會問：「幾多位？」隨後指點樓上或樓下。友人早到已經樓上雅座等候，所以自己懶熟咁回應：「有位，上面！」當我用熟悉既腳步奔上樓梯時，被叫停先量體溫。這是我多年來這裡沒有的新例。驅體正在量體溫，靈魂已經在座位安坐。照舊待應哥哥勤快地問我哋食咩。驚覺不變的餐牌換了！待應哥哥回應說是上星期換了！立刻查看我們將會點的揚州炒飯和滑蛋牛肉飯是否健在。揚州炒飯仍在小餐牌，滑蛋牛肉飯要從大餐牌內才找到。才鬆一口氣。揚州炒飯粒粒分明，粒粒皆熱，粒粒皆香。找不到扣分位。滑蛋牛肉飯好味，但飯汁比例不均。咁多年都會食淨半碟飯⋯⋯食完唔夠皮，要食多件酥皮。餐牌如下。除了餐牌換了，座位皮都換過。下次再見嚕。…Read More

呢間經營超過50年嘅茶餐廳 ，設有「樓上雅座」，而且依然乾淨企理。門外放滿新鮮出爐嘅蛋撻同糕點🥐而且提供傳統港式早餐、午餐、特餐，食材冇特別嘅花巧配搭，但依然係香港人所喜愛🍳🥓💗酥皮蛋撻($7)酥皮雖然偏厚，但酥皮嘅層次的確多，而且色澤夠金黃，有酥皮香，食落會化開口感幾豐富🥧中間嘅蛋心蛋香突出，甜得嚟唔膩，滑溜到似半熟布甸🥚如果蛋嘅比例多番少少會平均d。可惜呢盤已經出咗爐一陣，唔夠熱辣辣，整體即刻失咗色。💗葡撻($8)正宗係用較甜嘅西式酥皮，呢到就用咗中式酥皮，雖然酥皮層次分明，但唔夠鬆脆同冇咩牛油香🧈面層雞蛋有微焦，不過焦糖味唔夠出，反而成個蛋心都偏甜，蓋過少少蛋香 ，內餡話就較固體唔夠滑，呢種「唔咸唔淡」嘅做法有d失望，睇嚟都係要去澳門食🤔💗雞批($10)批底焗得非常金黃鬆脆，滿口牛油香帶有甜味，啱啱新鮮出爐熱到辣嘴。一切開白汁就必哂出黎，但冇想象中咁濃味，而且偏漿口。餡料有洋蔥、火腿同雞肉🐥不過份量少得可憐，成個批得一粒雞肉幾粒火腿，完全吝嗇，仲要冇爽口嘅磨菇配襯，質感太糊一pat野咁🥴💗熱奶茶($19)茶色金黃不啞，甘口不澀，有少少掛杯☕️奶味香醇濃郁，同時唔會搶走哂紅茶味，值得讚嘅係隔渣做得好，飲到底唔會有過量茶渣好順滑。悲傷小姐另外叫咗杯「茶走」試下，煉奶嘅質素唔太好，只有甜味冇奶香，而且份量太多，甜到蓋過個茶底🥛…Read More

茶餐廳我很少吃，但是這裡的蛋撻我每次經過也會買。酥皮蛋撻： 蛋漿香濃軟滑、甜度適中，酥皮很香。即使放了一天也很好吃，不會散開👍雞批：白汁洋蔥雞肉是鮮煮，好吃，份量又多。皮也做得好，不容易散開椰撻：椰絲很多，真材實料。其他面包也很不錯👍…Read More